Ʋrɔm 7:5 - A SƐB-SÕW

⁵ A lɛn daar tɩ na tɩ cãà tɛr a tɩ nɩsaalɛ ɩb tɛwr'a, a Naaŋmɩn wulu mɩ́ tɩ ɩ na a pʋ-tɩɛr-faar tone a tome a tɩ nɩɩlʋ za pʋɔ, mɩ́ tɩ ƴãw tɩ tɛr ɩ-ɩrɩ na wɩɛr'ɩ tɩ kũu pʋɔ a.

Ʋrɔm 7:5 ပူးပေါင်းရင်းမြစ်များ

Matie 15:19

A nɩsaal socir pʋɔ sɩrɩ n'a a tɩɛr-faar, nɩbɛ kʋb, pɔw-gaa, nɩ-fa-ɩb, nyãnyuwlu, dãsɩ-ziri nɩ zʋmɛ mɩ́ yire.

Zã 3:6

A nɩsaal bʋ̃-dɔwra mɩ́ ɩ n nɩsaal, ɛ́ a Vʋʋrʋ Sõw bʋ̃-dɔwra ɩ vʋʋrʋ.

Ʋrɔm 1:26

Alɛ so a Naaŋmɩn bɛr bɛ kʋ̀ a bɛ socie vʋla na ɩrɛ vĩ a, a so bɛ. A bɛ pɔwbɛ de nɩ a dɛb nɩ pɔw lãw-taa na tu sɔ́r a tɛw nɩ a lãw-taa na bɛ tu sɔ́r a.

Ʋrɔm 3:20

A lɛ n'a so nɩr za kʋ̃ tʋ̃ɔ́ lɛb ɩ nɩ-mɩŋa a Naaŋmɩn niŋé, a Wulu ʋ na na ƴãw fãw sàwr a ƴãw ɛ, bʋ̃ʋ n'ʋ vɛ̃, a yel-bier tɛwr'ʋ a Naaŋmɩn wulu mɩ́ ɩ bɛ bãw.

Ʋrɔm 4:15

Bʋ̃ʋ n'ʋ vɛ̃, a Wulu-bɛ-sàwfʋ n'ʋ mɩ́ so a Naaŋmɩn suur nyɛ́b, ɛcɛ be wulu na bɛ wul a, wulu zawrʋ mɩ̀ bɛ ka be ɩ.

Ʋrɔm 5:20

A Naaŋmɩn wulu wa na k'aa sãwna tʋ̃ɔ́ bʋwlɩ pàw a ziir za, ɛcɛ a be a yel-bier na tɩ bʋwlɩ a, a Naaŋmɩn maalʋ mɩ̀ tɩ ʋr'a tɩ zuo.

Ʋrɔm 6:13

Nyɩ ta cãà dier a nyɩ ƴã-gã-ɓɛrmɛ a lɩɛbɩ yel-bier tõ-tõ-bome, nyɩ ɩrɛ nɩ a lɛ na bɛ tu sɔ́r a ɩ. Nyɩ nɩ̃ɛ vɛ̃ kɛ́ de nyɩ mɩŋa kʋ̀ a Naaŋmɩn, mɛ̃ nɩbɛ na tɩ kpi ɛ́ lɛb wa vʋʋrɛ a, ɛ́ nyɩ tone a ʋ tome, ɩ mɛ̃ tõ-tõ-bome a yel-vla maalʋ ƴãw a.

Ʋrɔm 6:19

Nɩsaalʋ n'a ɩ̃ ƴɛ̀rɛ, a nyɩ bãbàalʋ zũú. Mɛ̃ a lɛ nyɩ na tɩ de nyɩ mɩŋa za tu n a faalʋ nɩ a Wulu zawrʋ pùor, ɩ mɛ̃ gbãgbaar a, ɛ́ a ɩ nyɩ ɩ nɩ-gaarɩ a Naaŋmɩn zie a, a ƴɛrɛŋa a, nyɩ mɩ̀ de nyɩ mɩŋa za tu n a mɩnʋ ɩ mɛ̃ gbãgbaar a, kɛ́ nyɩ tʋ̃ɔ́ vʋʋrɛ nyɔ-vʋʋrʋ na ɩ sõw a.

Ʋrɔm 6:21

A ɩ-ɩrɩ á ŋá na ɩrɛ nyɩ vĩ a dɩ̃a a, bʋnʋ tɔnɛ n'a nyɩ tɩ nyɛ̃ a pʋɔ, a lɛn daar nyɩ na tɩ tɛr a ɩ-ɩrɩ á ŋá a? Kũu n'a a waar'ɩ.

Ʋrɔm 6:23

Bʋ̃ʋ n'ʋ vɛ̃, a yel-bier sã-ya n'ɩ a kũu, ɛcɛ a maalʋ a Naaŋmɩn na tɩrɛ zawla a, ʋlɛ n'ɩ a nyɔ-vʋʋrʋ na be kʋralɛ fʋ na mɩ́ tɛr lãwnɩ a Yeezu Kɩrɩta tɩ Sore a.

Ʋrɔm 7:23

Ɛcɛ ɩ̃ nyɛ̃ nɩ wulu kãw a ɩ̃ pʋɔ ʋ mʋɔr'ɩ a Wulu ʋl a ɩ̃ yã na sàw de a. Ʋ ɩ na k'ɩ̃ ɩ a yel-bier wulu na be a ɩ̃ pʋɔ a gbãgbaa.

1 Korɛ̃tɩ 15:56

A kũu pĩi-zɛl n'ɩ a yel-bier ɛ́ a yel-bier fãw n'ɩ a Moyiir wulu.

2 Korɛ̃tɩ 10:3

Tɩ na saa ɩ nɩsaalbɛ a, tɩ bɛ zɛbr a zɛbr mɛ̃ a lɛ tɛwr nɩsaalbɛ na mɩ́ zɛbr a ɩ.

Galasi 3:10

Ɛcɛ a bɛlɩ dem na ɩrɛ ƴãwn a Naaŋmɩn wulu sàwfʋ ƴãw tɛwr'a, ŋmɛ-ƴãw tuur bɛ na. Mɛ̃ a Sɛb-sõw taa yel à ŋá: «Sob nɛ za na bɛ tuur a al za na sɛb a Wulu sɛbɛ pʋɔ kʋralɛ a, ŋmɛ-ƴãw a páw ʋ!»

Galasi 5:24

A bɛlɩ dem a Kɩrɩta na so a, bɛ kpa n a nɩsaalʋ a da-gara zu lãwnɩ a ʋ vʋla bʋʋrɛ na mɩ́ be a ʋ zie a, nɩ a ʋ yel-bɔbrɩ.

Efɛɛzɩ 2:11

Nyɩ lɛb tɩɛrɩ a lɛ nyɩ na tɩ ŋmɛ̃ a koro za a. Nyɩ tɩ tɛr'ɩ a nɩ-bʋʋr-yoru bãwfʋ a nyɩ ƴã-gan pʋɔ. A bɛlɩ dem na tɩ yel kɛ́ bɛ ŋma n a bɛ yɛɛ a tɩ bʋɔlɛ nyɩ nɩ nɩbɛ bɛ na bɛ ŋma a yɛɛ a, bɛl na tɛr a ŋmãafʋ ŋa bãwfʋ a bɛ ƴã-gan pʋɔ a zũú.

Efɛɛzɩ 2:3

A tɩɩm za mɩ̀ tɩ pʋɔ nɩ a nɩbɛ bɛ ŋa pʋɔ, tɩɩm na tɩ tu a nɩsaal ƴã-gan yel-bɔbrɩ na bɛ vɩɛl a pùor tɛwr a: tɩ tɩ maalɛ nɩ a nɩsaal ƴã-gan pʋ-tɩɛrʋ ɛ́ tuur a ʋ yã-faa. À ŋá n'a a tɩ nɩsaal ŋmɛ̃a tɩ ɩ tɩ sɛw nɩ a Naaŋmɩn suur mɛ̃ a ŋmaarɛ bɛ ŋa a.

Kɔlɔsɩ 3:5

A na ɩ à ŋá a, nyɩ kʋ bom nɛ za na ɩ tẽw zu yele a, a nyɩ pʋ̃ɔmɩ: a pɩ̃ɔ-yele, a faalʋ, a ƴã-gan nʋ̃ɔ̀-faar, a yel-faar vʋla, nɩ a mimir na ɩ tɩbɛ ƴãwfʋ a.

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.

Zakɩ 1:15

Al pùorí, pʋ-tɩɛrʋ bʋ̃-bɔbra za na bɛ vɩɛl a mɩ́ tɛr'ɩ pʋɔ dɔw a yel-bier, ɛ́ a yel-bier wa kɛrɩ tɩ ta a ʋ tab zie a, ʋ mɩ́ dɔw nɩ a kũu.

Zakɩ 4:1

A taw-taa nɩ a zɛbr na mɩ́ be a nyɩ cara pʋɔ a, nyɩnɛ n'a a mɩ́ yi? A nʋ̃ɔ̀ faar vʋla na mɩ́ mʋɔr a nyɩ ƴã-gamɛ pʋɔ a, be bɛ n'a a mɩ́ yi ɛ?

1 Zã 3:4

Nɩr za na maalɛ yel-bier a mɩ́ zawr'ɩ Naaŋmɩn nʋɔr, bʋ̃ʋ n'ʋ vɛ̃, a yel-bier ɩ n Naaŋmɩn nʋɔr zawrʋ.