Ʋrɔm 7:4 - A SƐB-SÕW

⁴ Ɩ̃ yɛbr i, lɛ n'a a mɩ̀ ŋmɛ̃ a nyɩ zie. A Naaŋmɩn wulu niŋé a, nyɩ ɩ na mɛ̃ nɩ-kũuni a, nyɩ na lãw nɩ a Kɩrɩta a ʋ ƴã-gan pʋɔ a. A na ɩ à ŋá a, nɩ-yũo so nyɩ a ƴɛrɛŋa, a sob nɛ na lɛb yi a kũuni pʋɔ kɛ́ tɩ tʋ̃ɔ́ ɩrɛ ɩ-vɩɛlɩ na nʋmɛ a Naaŋmɩn zie a.

Ʋrɔm 7:4 ပူးပေါင်းရင်းမြစ်များ

Ɩzayi 54:5

Bʋ̃ʋ n'ʋ vɛ̃, a sob nɛ na ír fʋ a n'ʋ na ɩ a fʋ sɩr, a sob nɛ a yúor na dɩ k'aa Sore, a kpɛnʋ-za-sob a. A sob nɛ na yarɛ dier fʋ a, a Ɩsɩrayɛl Naaŋmɩn na ɩ sõw a n'ʋ, a sob nɛ bɛ na bʋɔlɛ a “tẽ-daa Sore” a.

Ɩzayi 62:5

Mɛ̃ a lɛ pɔlbile na mɩ́ kul pɔwsɩrale a, lɛ n'a a sob nɛ na lɛb mɩɛr fʋ a na ɩ a fʋ sɩr. Mɛ̃ a lɛ pɔw-sãan na mɩ́ ƴãw a ʋ sɩr nʋ̃ɔ̀ a, lɛ n'a fʋ na ƴãw a fʋ Naaŋmɩn nʋ̃ɔ̀.

Matie 26:26

Bɛ na tɩ dɩrɛ a, a Yeezu tɩ de nɩ dipɛ̃, maalɩ, ɛ́ ŋma põ kʋ̀ a ʋ po-tuurbɛ ɛ́ yel: «Nyɩ de 'wɔb, à ŋà ɩ n a ɩ̃ ƴã-gan.»

Markɩ 4:20

A nɩbɛ bɛ mɩnɛ pãa mɩ̀ ɩ n a bʋ̃-bie al na bʋ̀r a tẽsɔw-vla pʋɔ a. Bɛ mɩ́ wõ n a Naaŋmɩn ƴɛ̀rʋ ɛ́ sàw de, ɛ́ wɔ̃ wɔmɛ: bɛ ŋa lɩzɛr nɩ pie, bɛ ŋa lɩz'a ata, bɛ ŋa kʋba (100).»

Zã 15:8

À ŋá n'a a ɩ̃ Sãà yúor mɩ́ yi, nyɩ na mɩ́ wa wɔnɛ wɔmɛ yaga, ɛ́ wul à à ŋá kɛ́ nyɩ ɩ n a ɩ̃ po-tuurbɛ a.

Zã 3:29

Ʋlɩ sob na so a pɔw-sãan a, ʋlɛ n'ɩ a dɛb-sãan. Ɛ́ a dɛb-sãan bá a, ʋ mɩ́ àr'a kɔw ʋ, bɛrɛ wone a ʋ ƴɛ̀rʋ, ɛ́ a dɛb-sãan kɔkɔr ɩrɛ ʋ nʋ̃ɔ̀ yaga. A ɩ̃ nʋ̃ɔ̀ n'ɩ à ŋà, ʋ vɩɛl'a bɛ cɛ ɩ.

Zã 6:51

Mãa n'ɩ a dipɛ̃ na vʋʋrɛ a, na yi a salom zu siw wa a. Nɩr wa 'wɔbr a dipɛ̃ ŋa a, ʋ na vʋʋrɛ nɩ kʋralɛ, ɛ́ a dipɛ̃ ɩ̃ na na tɩr a, ʋlɛ n'ɩ a ɩ̃ ƴã-gã-nɛn a tẽ-daa nyɔ-vʋʋrʋ páwfʋ ƴãw.»

Ʋrɔm 6:11

A nyɩɩm mɩ̀ a, nyɩ bãw kɛ́ nyɩ kpi na bɛ cãà pʋɔ a yel-bier pʋɔ ɩ, ɛ́ vʋʋrɛ a Naaŋmɩn ƴãw lãwnɩ a Yeezu Kɩrɩta.

Ʋrɔm 6:14

Bʋ̃ʋ n'ʋ vɛ̃, a yel-bier kʋ̃ cãà dɩrɛ naalʋ a nyɩ zu ɛ, a Naaŋmɩn wulu na bɛ cãà so nyɩ, ɛ́ Naaŋmɩn maalʋ so nyɩ a ƴãw.

Ʋrɔm 6:2

Lɛ bɛ n'a towtow ɛ! Tɩ kpi na, bɛ cãà pʋɔ yel-bier pʋɔ ɩ: ŋmɩŋmɩn n'a tɩ na tʋ̃ɔ́ cãà be a yel-bier pʋɔ?

Ʋrɔm 6:22

Ɛcɛ ƴɛrɛŋa a, bɛ faa nyɩ nɩ a yel-bier nuru pʋɔ, nyɩ lɩɛbɩ Naaŋmɩn gbãgbaar tɛr ɩ-ɩrɩ na tɩrɛ sonu a, ɛ́ a baarʋ daar a waar'ɩ nyɔ-vʋʋrʋ na be kʋralɛ a.

Ʋrɔm 7:3

A na ɩ à ŋá a, a ʋ sɩr wa cãà vʋʋrɛ, ʋʋ be dɛb yũo zie a, bɛ na bʋɔlɛ ʋ nɩ pɔw-gaa-yel-bier-maalɛ. Ɛcɛ a ʋ sɩr wa kpi a, ʋ so nɩ ʋ tʋɔra a Naaŋmɩn wulu niŋé, na tʋ̃ɔ́ ɩ dɛb yũo pɔw ɛ́ bɛ maalɩ pɔw-gaa-yel-bier ɛ.

Ʋrɔm 7:6

Ɛcɛ ƴɛrɛŋa a, bɛ ír tɩ na bɛr a Wulu fɛrʋ pʋɔ, bʋ̃ʋ n'ʋ vɛ̃, a ʋlɩ bom nɛ na tɩ so tɩ ɩ gbãgbaar a, tɩ ɩ na mɛ̃ tɩ kpi na bɛ cãà pʋɔ ʋ pʋɔ a. A na ɩ à ŋá a, tɩ na tʋ̃ɔ́ na tone a Naaŋmɩn tu n pɔ̀l-paala a Vʋʋrʋ na wule a, ɛ́ ta cãà tuur'ɩ a pɔ̀l-kʋra a Wulu na sɛb a na wule a ɩ.

Ʋrɔm 8:2

Bʋ̃ʋ n'ʋ vɛ̃, a Vʋʋrʋ Sõw wulu na tɩrɛ a nyɔ-vʋʋrʋ a Yeezu Kɩrɩta ƴãw a, ʋ ír fʋ na bɛr a yel-bier nɩ a kũu wulu pʋɔ, fʋ so fʋ tʋɔra.

1 Korɛ̃tɩ 10:16

A yãanɩ koli-nyúura tɩ na mɩ́ puore nɩ a yãanɩ a, a Kɩrɩta zɩ̃ɩ pʋɔ bɛ n'a tɩ mɩ́ pʋɔ ɩ? A dipɛ̃ tɩ na mɩ́ ŋmarɛ pone a, a Kɩrɩta ƴã-gan pʋɔ bɛ n'a tɩ mɩ́ pʋɔ ɩ?

2 Korɛ̃tɩ 11:2

Nyuur na yi Naaŋmɩn zie a ɩrɛ mɛ̃ nɩ a nyɩ ƴãw. Dɛb-been yõ tẽtẽ n'ʋ ɩ̃ ƴãw nɩ nyɩ a yúor, k'ɩ̃ɩ tʋ̃ɔ́ de nyɩ kʋ̀ a Kɩrɩta mɛ̃ pɔwsɩrale na bɛ tɛr dɛwr a.

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»

Galasi 5:18

A Vʋʋrʋ Sõw wa n'ʋ wule nyɩ a, a Moyiir wulu bɛ cãà fɛrɛ nyɩ ɛ.

Efɛɛzɩ 2:15

Ʋ sãw nɩ a Moyiir wulu nɩ a ʋ nɛ-ƴãwnɩ lãwnɩ a tub bɛr. À ŋá n'a ʋ ɩ, bɔbr k'ʋʋ ɓã a bʋʋrɛ bɛ ŋa ayi taa, ɛ́ ɩ bɛ lɩɛbɩ nɩ-paala been lãwnɩ ʋ.

Filib 1:11

A yel-mɩnʋ yel-vɩɛlɩ a Yeezu Kɩrɩta na maalɩ a nyɩ zie a na ɩ na nyɩ kpɛ naalʋ, a Naaŋmɩn yúor zɛwfʋ nɩ a ʋ danʋ ƴãw.

Filib 4:17

A bɛ kaar mɛ̃ ɩ̃ bɔbr'a kɛ́ nyɩ kʋ̀rɛ mɛ̃ bome ɩ. Bom nɛ ɩ̃ na bɔbr'a n'ɩ kɛ́ bɛ sɔ́r a ɩ-vɩɛlɩ wɔmɛ á ŋá ƴãw a nyɩ tɛra pʋɔ.

Kɔlɔsɩ 1:10

À ŋá n'a nyɩ na maalɛ a Naaŋmɩn yã-nɔn za, ɛ́ vʋʋrɛ nyɔ-vʋʋrʋ na sɛw taa nɩ ʋ a. Nyɩ na maalɛ nɩ ɩ-vɩɛlɩ bʋʋrɛ bʋʋrɛ za, ɛ́ lɛb bãwnɛ a Naaŋmɩn dɔwlɛ.

Kɔlɔsɩ 1:22

ƴɛrɛŋa a, a kũu a ʋ Bie nɩsaal ƴã-gan na kpi a zũú n'a a Naaŋmɩn ɩ nyɩɩm nɩ ʋl lɛb kpɛ taa, k'ʋʋ tʋ̃ɔ́ ɩ nyɩ àr a ʋ niŋé ɩ nɩ-son na bɛ tɛr dɛwr kãw za, ɛ́ bɛ tɛr sãwna nɩr yere a.

Kɔlɔsɩ 1:6

A Yel-nʋ̃ɔ̀ manɛ na yaarɛ ɛ́ wɔnɛ wɔmɛ a tẽ-daa za zu, mɛ̃ a lɛ ʋ na tɩ ɩ a nyɩ sɔgɔ a ʋlɩ bibir nɛ za nyɩ na wõ bɛ ƴɛ̀r a Naaŋmɩn maalʋ ƴɛ̀rʋ, ɛ́ nyɩ nyɛ̃ lɛ ʋ na sɩrɩ ŋmɛ̃ a.

Kɔlɔsɩ 2:14

A san-sɛbɛ ʋl na tɩ fɛrɛ tɩ a lɛ a nɛ-ƴãwnɩ na tɩ dĩ tɩ a, a Naaŋmɩn sãw nɩ a ʋlɩ san-sɛbɛ bɛr: ʋ ɩ na ʋ bɔr, ʋ kpa ʋ nɩ a da-gara zu.

Kɔlɔsɩ 2:20

A na ɩ lɛ nyɩ lãw nɩ a Kɩrɩta kpi yi zaa a tẽ-daa bʋ̃-balɛ pʋɔ a, bʋ̃ʋ ƴãw n'a nyɩ fɛrɛ nyɩ tʋɔra tuur a nɛ́ɛ á ŋá taabɛ, mɛ̃ a tẽ-daa n'ʋ cãà so a nyɩ nyɔ-vʋʋrʋ a:

Ebre 10:10

A Naaŋmɩn pʋ-tɩɛrʋ ŋa na maalɩ a ƴãw n'a tɩ páw a sonu, a Yeezu Kɩrɩta na de a ʋ ƴã-gan maal'ɩ bàwr gb'a been daadaa a zũú.

1 Pɩɛr 2:24

ʋl na tuo a tɩ yel-bebe a ʋ ƴã-gan pʋɔ a da-gara zu, kɛ́ tɩ kpi ta cãà pʋɔ yel-bier pʋɔ, ɛ́ vʋʋrɛ vʋʋrʋ na tu yel-mɩnʋ a, a ʋl natɩɛ na sanɩ nyɩ a.

Yel-wula 19:7

Nyɩ ɩ tɩ cɩlɛ, ɛ́ nʋ̃ɔ̀ ɩrɛ tɩ, nyɩ ɩ tɩ zɛwr a ʋ yúor! Bʋ̃ʋ n'ʋ vɛ̃, a Pele kul-taa maalʋ ta na, a ʋ pɔw cɔbr'ɩ ʋ tʋɔra.

Yel-wula 21:9

A malkɩ mɩnɛ ayopõi na tɩ tɛr a koli-nyúuri ayopõi na paalɩ a baarʋ daar bʋ̃-faar ayopõi a, a bɛ ƴen sob tɩ wa na wa yel mɛ̃: «Wa, ɩ̃ wa wul fʋ a pɔw-sãan, a Pele pɔw.»