Ʋrɔm 7:24 - A SƐB-SÕW

²⁴ 'Woi, zu-bio sob i! Ãa n'ʋ na faa mɛ̃ bɛr a ƴã-gan ŋa ƴãw, a ƴã-gan ŋa na wɩɛr'ɩ mɛ̃ a kũu pʋɔ a?

Ʋrɔm 7:24 ပူးပေါင်းရင်းမြစ်များ

1 Na-mɩnɛ 8:38

a Ɩsɩrayɛl nɩbɛ, a fʋ nɩ-bʋʋrɛ, bɛlɛ wa nyɛ̃ kɛ́ bɛl mɩŋa zie n'a a bɛ kpɩɛrʋ yi, ɛ́ puore fʋ, lɔbr nuru zɛlɛ fʋ a, bɛlɛ wa lɩɛbɩ niwn cɔw a Ŋmɩn-yir-kpɛ̃ɛ ŋa, ɛ́ zɛw a nuru puore nɩ fʋ a,

Sɛb-sõw yielu 102:20

A Sore be n a ʋ zi-sõw pʋɔ a saa-zu, ɛ́ gũu k'ʋʋ jɩ́r kaa, ʋ be n a salom zu, ɛ́ jɩ́r a tẽw kaa,

Sɛb-sõw yielu 119:131

Ɩ̃ dier'ɩ a fʋ ƴɛ̀rʋ mɛ̃ kʋ̃ɔ n'a ɩ̃ nyúur a, ɩ̃ na nɔnɛ a fʋ nɛ-ƴãwnɩ vũuvũu a ƴãw.

Sɛb-sõw yielu 119:143

Kpɩɛrʋ nɩ pʋl-vʋ̃ɔ nyɔw mɛ̃ na, ɛcɛ a fʋ nɛ-ƴãwnɩ ɩrɛ mɛ̃ nɩ nʋ̃ɔ̀.

Sɛb-sõw yielu 119:176

Ɩ̃ viire na gʋɔr mɛ̃ pɛrʋ na bɔr a: bɔ nyɔw mɛ̃, mãa fʋ tõ-tõ-bie, bʋ̃ʋ n'ʋ vɛ̃, ɩ̃ bɛ yiiri a fʋ nɛ-ƴãwnɩ bɛr ɛ.

Sɛb-sõw yielu 119:20

Kʋralɛ n'a ɩ̃ mɩ́ kpiir lore bɔbr'ɩ a lɛ fʋ na dɩ a ƴɛ̀rʋ a.

Sɛb-sõw yielu 38:2

Sore e, fʋ nyɛ̃ nɩ mɛ̃ nɩ suur, ɛcɛ ta ƴãw mɛ̃ dɔwrʋ ɛ, ta kpãa mɛ̃ nɩ su-yãyaar ɛ.

Sɛb-sõw yielu 6:6

Bʋ̃ʋ n'ʋ vɛ̃, nɩr bɛ lɛb tɩɛrɛ fʋ yele a kũu pʋɔ ɩ, nɩr bɛ danɛ fʋ a kpɩmɛ tẽw pʋɔ ɩ.

Sɛb-sõw yielu 71:11

Bɛ yere na: «Naaŋmɩn zawr'ʋ na bɛr, nyɩ diw nyɔw ʋ, nɩr bɛ ka be na faa ʋ ɛ.»

Sɛb-sõw yielu 72:12

Ʋ na faa nɩ a nã́w sob na kone bʋɔlɛ a, nɩ a bãbàal na bɛ tɛr kpa-tɩɛrɛ a.

Sɛb-sõw yielu 88:5

Bɛ sɔ́r mɛ̃ na ƴãw a nɩbɛ na kpi baar'a pʋɔ, ɩ̃ bɛ cãà ŋmɛ̃ nɩr ɛ.

Ezekɩɛl 9:4

Ʋ tɩ yel ʋ na: «Cen a Zerizalɛm sɛ́ɛ zu. Fʋ na tɩ nyɛ̃ nɩ a bɛl a na wone bɛ kone, a ɩb na bɛ maal'ɩ wob a nɩbɛ na ɩrɛ a tẽ-kpɛ̃ɛ ŋa pʋɔ a ƴãw. Fʋ na tɩ ƴãw bɛ nɩ bãwfʋ a gbẽé.»

Mise 7:19

Fʋ na lɛb'a maal zɔ tɩ nɩbaalʋ, fʋ kʋ̃ cɛlɛ a tɩ sãwna zie ɩ, fʋ na lɔb'ɩ a tɩ yel-bebe za ƴãw a kʋ̃ɔ-kpɛ̃ɛ pɛrɩ́.

Matie 5:4

Zu-nʋ̃ɔ̀ dem'ɩ a bɛlɩ dem na kone a, bɛ na nyɛ̃ nɩ a Naaŋmɩn mɔwlʋ.

Matie 5:6

Zu-nʋ̃ɔ̀ dem'ɩ a bɛlɩ dem yel-mɩŋa kɔ̃ nɩ kʋ̃ɔ-nyúur na kpɩɛr a, bɛ na tɩw na.

Luka 4:18

«A Sore Vʋʋrʋ siw mɛ̃ na, ʋ kaa na ír mɛ̃ ka nũu ƴãw mɛ̃ k'ɩ̃ɩ tɩ yel a Yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ hieri a faafʋ kʋ̀ a gaso pʋɔ dem, ɛ́ yel a zɔn kɛ́ bɛ na lɛb'a nyɛrɛ, k'ɩ̃ɩ tɩ faa a bɛlɩ dem bɛ na dɔwrɛ a,

Ʋrɔm 6:6

Tɩ bãwnɩ a yel ŋa vla: a nɩsaal ʋl tɩ na tɩ ɩ a koro za a, bɛ kpa ʋ nɩ a da-gara zu lãwnɩ a Kɩrɩta, k'aa yel-bier nɩr ʋl tɩ na ɩ a, ta cãà ɩ, ɛ́ tɩ mɩ̀ ta cãà ɩ a yel-bier gbãgbaar ɛ.

Ʋrɔm 8:13

Bʋ̃ʋ n'ʋ vɛ̃, a nyɩ nyɔ-vʋʋrʋ wa tu a nɩsaalʋ a, nyɩ na kpi na. Ɛcɛ a Vʋʋrʋ Sõw ƴãw, nyɩmɛ wa kʋ a nɩsaalʋ ɩ-ɩrɩ a, nyɩ na vʋʋrɛ na.

Ʋrɔm 8:2

Bʋ̃ʋ n'ʋ vɛ̃, a Vʋʋrʋ Sõw wulu na tɩrɛ a nyɔ-vʋʋrʋ a Yeezu Kɩrɩta ƴãw a, ʋ ír fʋ na bɛr a yel-bier nɩ a kũu wulu pʋɔ, fʋ so fʋ tʋɔra.

Ʋrɔm 8:23

Ɛcɛ al tɛwr bɛ n'a ɩ: a tɩɩm tɛɛ za na páw a Naaŋmɩn maal-dãw na ɩ a Vʋʋrʋ Sõw a, tɩ mɩ̀ waalɛ na kone gùre nɩ k'aa Naaŋmɩn wa de tɩ, tɩ lɩɛbɩ a ʋ bibiir, ʋʋ faa tɩ tɩ ɓɩɩlɩ.

Ʋrɔm 8:26

Lɛ mɩ̀ n'a, a Vʋʋrʋ Sõw mɩ́ wa na wa sõw a tɩ bãbàalʋ. Bʋ̃ʋ n'ʋ vɛ̃, tɩ bɛ bãw a puoru vla k'a sɛw ɛ, a Vʋʋrʋ Sõw mɩŋa n'ʋ mɩ́ puore kʋ̀rɛ tɩ nɩ zɛlʋ puoru na bɛ tɛr manʋ a.

Kɔlɔsɩ 2:11

Nyɩ na lãw nɩ ʋ a, bɛ ŋmãa nyɩ nɩ a yʋ̀ɔr ŋmãafʋ kãw bʋʋrɛ nɩsaal nũu na bɛ pʋɔ a, ɛ́ a ŋmãafʋ ŋa ɩ nyɩ bɛ cãà ɩ yel-bier nɩbɛ a. À ŋá n'a a ŋmãafʋ na yi a Kɩrɩta zie a ŋmɛ̃.

2 Timote 4:18

A Sore na cãà na lɛb faa mɛ̃ yel-faa za pʋɔ. Ʋ na faa mɛ̃ na ɛ́ ƴãw ɩ̃ kpɛ a ʋ tẽ-vla Naalʋ pʋɔ. Ʋlɛ so yúor-vɩɛlʋ-danʋ a yome yome za. Amɛn.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Ebre 2:15

ɛ́ faa a bɛlɩ dem na mɩ́ tɩ ɩ gbãgbaar a bɛ nyɔ-vʋʋrʋ daar za, a kũu dɛ̃bɩ̃ɛ zũú a.

Yel-wula 21:4

Ʋ na fɩɛl'ɩ mʋta-kʋ̃ɔ za bɛr a bɛ mimié. Kũu kʋ̃ lɛb cãà be ɩ, kuor nɩ cɛlsɩ nɩ kpɩɛrʋ kʋ̃ lɛb cãà be ɩ. Bʋ̃ʋ n'ʋ vɛ̃, a koro za zie tɔl'a.»