Ʋrɔm 7:18 - A SƐB-SÕW

¹⁸ Bʋ̃ʋ n'ʋ so, ɩ̃ bãwnɩ a na a vla na bɛ be a ɩ̃ zie a, a pɛr lɛ k'aa bãbàal ŋa ɩ̃ na ɩ a. Yel-mɩŋa n'a, a vla maalʋ tɩɛrʋ be n a ɩ̃ zie, ɛcɛ a maalʋ fãw bɛ ka be ɩ.

Ʋrɔm 7:18 ပူးပေါင်းရင်းမြစ်များ

Yele-za-pɛr-tib 6:5

A Sore tɩ nyɛ̃ na k'aa nɩsaalbɛ faalʋ bɛrmɛ nɩ a tẽw zu, kɛ́ bibir za a, tɩɛr-faar tɛwr tɩɛrʋ n'a mɩ́ be a bɛ socie pʋɔ.

Yele-za-pɛr-tib 8:21

A Sore tɩ wõ n a nyũu na nyu vla a, ɛ́ tɩɛr ʋ pʋɔ: «Ɩ̃ bɛ be za na lɛb ŋmɛ ƴãw a tẽsɔw a nɩsaal ƴãw ɛ. Sɩza n'a, a nɩsaal pɔ̀lʋ daarɩ́ za n'a a ʋ socir mɩ́ tu a faa pùor, ɛcɛ ɩ̃ bɛ be za na lɛb dɔwrɩ bʋ̃-vʋʋra za mɛ̃ à à ŋá ɩ̃ na ɩ a ɩ.

A Zɔb sɛbɛ 14:4

Ãa n'ʋ na ɩ bʋ̃-vla yi bʋ̃-dɛwr pʋɔ? Nɩr bɛ ka be ɩ.

A Zɔb sɛbɛ 25:4

Ŋmɩŋmɩn n'a nɩsaal na ɩ mɩŋa sob Naaŋmɩn niŋé? Ŋmɩŋmɩn n'a a pɔw bʋ̃-dɔwra na yel k'ʋʋ vɩɛl'ɩ za?

Sɛb-sõw yielu 119:173

A fʋ nũu, ʋ gù a ɩ̃ sõwfʋ, a fʋ tub ɩ̃ na kaa ír a ƴãw.

Sɛb-sõw yielu 119:176

Ɩ̃ viire na gʋɔr mɛ̃ pɛrʋ na bɔr a: bɔ nyɔw mɛ̃, mãa fʋ tõ-tõ-bie, bʋ̃ʋ n'ʋ vɛ̃, ɩ̃ bɛ yiiri a fʋ nɛ-ƴãwnɩ bɛr ɛ.

Sɛb-sõw yielu 119:32

A fʋ nɛ-ƴãwnɩ sɔ́r zu n'a ɩ̃ zɔrɛ, fʋ na ɩ a ɩ̃ yã ʋ yuo a ƴãw.

Sɛb-sõw yielu 119:40

Ɩ̃ nɔnɛ nɩ a fʋ tub a na fɛr kɛ́ bɛ mɩ́ tuur a, ɩ k'ɩ̃ vʋʋrɛ a fʋ mɩnʋ zũú.

Sɛb-sõw yielu 119:5

A ɩ̃ sɛ́ɛ nãá ɩ sɛ-vɩɛlɩ gã, ɩ̃ tʋ̃ɔ́ tuur a fʋ pʋ-tɩɛrʋ.

Sɛb-sõw yielu 51:5

Ɩ̃ bɛ sàw a fʋ nʋɔr ɛ, ɩ̃ bãwnɩ a na, a ɩ̃ yel-bier'ɩ ŋan a ɩ̃ niŋé kʋralɛ.

Ɩzayi 64:6

Nɩr bɛ cãà bʋɔlɛ a fʋ yúor ɛ, nɩr bɛ cãà ganɛ ìre sowre a fʋ yele ɩ. Bʋ̃ʋ n'ʋ vɛ̃, fʋ bɛ cãà bɔbr a tɩ nyɛ́b ɛ, ɛ́ bɛr tɩ kʋ̀ a tɩ ɩ-faar a so tɩ.

Matie 15:19

A nɩsaal socir pʋɔ sɩrɩ n'a a tɩɛr-faar, nɩbɛ kʋb, pɔw-gaa, nɩ-fa-ɩb, nyãnyuwlu, dãsɩ-ziri nɩ zʋmɛ mɩ́ yire.

Luka 11:13

A lɛ pʋɔ, nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ a Vʋʋrʋ Sõw a bɛlɩ dem na zɛlɛ ʋ a?»

Zã 3:6

A nɩsaal bʋ̃-dɔwra mɩ́ ɩ n nɩsaal, ɛ́ a Vʋʋrʋ Sõw bʋ̃-dɔwra ɩ vʋʋrʋ.

Ʋrɔm 13:14

Nyɩ su a Sore Yeezu Kɩrɩta, ɛ́ ta sàw a ƴã-gan nʋ̃ɔ̀-faar vʋla a so nyɩ ɛ.

Ʋrɔm 7:15

Ɩ̃ sɩrɩ bɛ bãw a lɛ ɩ̃ na ɩrɛ a pɛr ɛ: ɩ̃ bɛ ɩrɛ a lɛ ɩ̃ na bɔbr k'ɩ̃ɩ nãá ɩrɛ a ɩ, ɛ́ nɩ̃ɛ ɩrɛ a ʋlɩ bom nɛ ɩ̃ na bɛ nɔnɛ a.

Ʋrɔm 7:19

Bʋ̃ʋ n'ʋ vɛ̃, ɩ̃ bɛ mɩ́ maalɩ a vla ɩ̃ na bɔbr a ɩ, ɛ́ nɩ̃ɛ mɩ́ maalɩ a faa ɩ̃ na bɛ bɔbr a.

Ʋrɔm 7:25

Naaŋmɩn so puoru, a Yeezu Kɩrɩta tɩ Sore ƴãw! A na ɩ à ŋá a, ɩ̃ ɩ n a Naaŋmɩn wulu gbãgbaa a ɩ̃ yã pʋɔ, ɛcɛ a ɩ̃ bãbàalʋ pʋɔ ɩ̃ ɩ a yel-bier wulu gbãgbaa.

Ʋrɔm 7:5

A lɛn daar tɩ na tɩ cãà tɛr a tɩ nɩsaalɛ ɩb tɛwr'a, a Naaŋmɩn wulu mɩ́ tɩ ɩ na a pʋ-tɩɛr-faar tone a tome a tɩ nɩɩlʋ za pʋɔ, mɩ́ tɩ ƴãw tɩ tɛr ɩ-ɩrɩ na wɩɛr'ɩ tɩ kũu pʋɔ a.

Galasi 5:17

Bʋ̃ʋ n'ʋ vɛ̃, a tɩ nɩsaalʋ yel-bɔbrɩ nɩ a Vʋʋrʋ Sõw dem bɛ lãw taa ɩ, ɛ́ a Vʋʋrʋ Sõw yel-bɔbrɩ nɩ a tɩ nɩsaalʋ dem mɩ̀ bɛ lãw taa ɩ, mɔb'a be a za ayi cara pʋɔ. Alɛ n'a so nyɩ bɛ tʋɔr ɩrɛ a lɛ nyɩ na bɔbr a ɩ.

Galasi 5:24

A bɛlɩ dem a Kɩrɩta na so a, bɛ kpa n a nɩsaalʋ a da-gara zu lãwnɩ a ʋ vʋla bʋʋrɛ na mɩ́ be a ʋ zie a, nɩ a ʋ yel-bɔbrɩ.

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

Filib 3:12

Ɩ̃ bɛ ta a tab zie sɛr ɛ, ɛ́ mɩ̀ bɛ lɛb vɩɛl baarɩ sɛr ɛ, ɛcɛ, ɩ̃ cãà na ƴãw fãw zɔrɛ k'ɩ̃ɩ tɩ páw a ɩ̃ zɔba bom nyɔw, bʋ̃ʋ n'ʋ vɛ̃, a Yeezu Kɩrɩta tɔr za n'ʋ nyɔw a mãa mɩŋa.

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.

1 Pɩɛr 4:2

k'aa tẽw zu ka nyɔ-vʋʋrʋ na cãà cɛ ʋ a, ʋ tʋ̃ɔ́ vʋʋrɛ mɛ̃ a lɛ a Naaŋmɩn na bɔbr a, ʋ ta vʋʋrɛ tu n a nɩsaal tɛra vʋla ɩ.