Ʋrɔm 7:15 - A SƐB-SÕW

¹⁵ Ɩ̃ sɩrɩ bɛ bãw a lɛ ɩ̃ na ɩrɛ a pɛr ɛ: ɩ̃ bɛ ɩrɛ a lɛ ɩ̃ na bɔbr k'ɩ̃ɩ nãá ɩrɛ a ɩ, ɛ́ nɩ̃ɛ ɩrɛ a ʋlɩ bom nɛ ɩ̃ na bɛ nɔnɛ a.

Ʋrɔm 7:15 ပူးပေါင်းရင်းမြစ်များ

1 Na-mɩnɛ 8:46

«A Ɩsɩrayɛl nɩbɛ wa zawrɩ a fʋ nʋɔr a, nɩsaal na bɛ be be bɛ zawrɛ nʋɔr a ƴãw a, fʋ̃ʋ wa nyɛ̃ nɩ bɛ suur, ƴãw bɛ a bɛ dɔ̃ dem nuru pʋɔ, bɛ tɛr bɛ a gbãgbaalʋ pʋɔ cen nɩ a bɛ ten a, ten na zãá bɩɩ pɩɛlɩ a,

Sɛb-sõw yielu 1:6

A Sore bãw nɩ a nɩ-mɩn sɔ́r, ɛcɛ a nɩ-faar sɔ́r wɩɛr'ɩ bɛ nɩ kũu zie.

Sɛb-sõw yielu 101:3

Ɩ̃ bɛ sàwr jɩ́rɛ bom na ɩ faa a ɩ. Ɩ̃ bɛ nɔnɛ a bɛlɩ dem na mɩ́ bɛr a sɔ́r a ɩ-ɩrɩ ɛ, ɩ̃ bɛ pʋɔ be ɩ.

Sɛb-sõw yielu 119:104

A ɩ̃ yã yi n a fʋ tub a na fɛr kɛ́ bɛ tuur a pʋɔ, lɛ so ɩ̃ bɛ nɔ̃w bom za na ɩ ziri a ɩ.

Sɛb-sõw yielu 119:113

Ɩ̃ bɛ nɔnɛ a nɩbɛ a tɩɛrʋ na mɩ́ põ a ɩ, a fʋ wulu n'ʋ ɩ̃ nɔnɛ.

Sɛb-sõw yielu 119:128

A fʋ tub a na fɛr kɛ́ bɛ tuur a, ɩ̃ nyɛ̃ nɩ a za a ɩ yel-mɩŋa, yel za na ɩ ziri a, ɩ̃ bɛ nɔnɛ ʋ towtow ɛ.

Sɛb-sõw yielu 119:163

Ɩ̃ bɛ nɔnɛ a ziri ɛ, ɩ̃ hɩ̃ɛn ʋ na, ɛcɛ ɩ̃ nɔnɛ nɩ a fʋ wulu.

Sɛb-sõw yielu 119:32

A fʋ nɛ-ƴãwnɩ sɔ́r zu n'a ɩ̃ zɔrɛ, fʋ na ɩ a ɩ̃ yã ʋ yuo a ƴãw.

Sɛb-sõw yielu 119:40

Ɩ̃ nɔnɛ nɩ a fʋ tub a na fɛr kɛ́ bɛ mɩ́ tuur a, ɩ k'ɩ̃ vʋʋrɛ a fʋ mɩnʋ zũú.

Sɛb-sõw yielu 19:12

A fʋ tõ-tõ-bie mɩ́ de a na a caalɛ ʋ, a pùor-tub tɛr'ɩ tɔnɛ yaga a ʋ zie.

Sɛb-sõw yielu 36:4

Ziri nɩ bɛlʋ nʋɔr tɛwr'ʋ ʋ ƴãw, ʋ bɛ cãà tɛr a yel-vla maalʋ yã ɩ.

Sɛb-sõw yielu 65:3

fʋ̃ʋ na mɩ́ sàw de a puoru a. A nɩsaalbɛ za waar'ɩ a fʋ zie,

Sɛb-sõw yielu 97:10

Nyɩɩm na nɔnɛ a Sore a, nyɩ hɩ̃ɛn a faalʋ, ʋ mɩ́ gù n a nɩbɛ na sàw de ʋ a nyɔ-vʋʋrʋ, ʋ mɩ́ faa bɛ nɩ a nɩ-faar nuru pʋɔ.

Zʋkpaɩ 13:5

Nɩ-mɩŋa bɛ nɔnɛ a ziri ɛ, ɛcɛ a nɩ-faa mɩ́ ƴãwnɛ nɩ vĩ a ʋ taabɛ ɛ́ tʋʋr bɛ.

Zʋkpaɩ 8:13

A Sore zɔba n'ɩ a faa hɩ̃ɛnʋ. Ɩ̃ bɛ nɔnɛ a pɔ̀lʋ, a nyɔka-ɩb, a ɩ-faar nɩ a ziri ɛ.

Ekilezɩasɩ 7:20

A tẽw zu a, nɩ-mɩŋa bɛ be be na tʋ̃ɔ́ maalɛ vla ɛ́ faa bɛ jɛr ɛ.

Amɔsɩ 5:15

Nyɩ hɩ̃ɛn a faa, nyɩ nɔnɛ a vla, nyɩ ɩ a yel-na-tu-sɔr-a lɛb be a ƴɛ̀rʋ-dɩb zie, a mɩnɛ kãw, a Sore, a Naaŋmɩn kpɛnʋ-za-sob, nãà zɔ n a Zuzɛb bʋʋrɛ bɛl na cɛ a nɩbaalʋ.

Nahum 1:7

A Sore ɩ n nɩ-vla, ʋ ɩ n taw-lanʋ zie a kpɩɛrʋ daar. Ʋ mɩ́ kaa nɩ a bɛlɩ dem na zɔrɛ kpɩɛr a ʋ naayir a zie,

Luka 11:48

À ŋá n'a nyɩ mɩ́ wul kɛ́ nyɩ sàw na de a nyɩ sãàkʋm-kore ɩ-ɩrɩ. Bɛl kʋ n a naaŋmɩn-ƴɛ̀r-manbɛ, ɛ́ nyɩɩm pãa maalɛ a naaŋmɩn-ƴɛ̀r-manbɛ yarʋ.

Zã 15:15

Ɩ̃ bɛ cãà bʋɔlɛ nyɩ tõ-tõ-biir ɛ, a tõ-tõ-bie na bɛ bãw ʋlɩ bom nɛ a ʋ nɩ-kpɛ̃ɛ na ɩrɛ a ƴãw. Ɩ̃ bʋɔlɛ nyɩ nɩ bárɩ, ɩ̃ na ɩ nyɩ bãw a yele al za a ɩ̃ Sãà na wul mɛ̃ a.

Ʋrɔm 12:9

Nyɩ nɔnɛ taa sɩza. Nyɩ hɩ̃ɛn a yel-faa ɛ́ tu a yel-vla pùor.

Ʋrɔm 14:22

A lɛ fʋ na sàw de k'aa ɩ n yel-mɩŋa a fʋ zie a, tɛr a lɛ a Naaŋmɩn niŋé. Zu-nʋ̃ɔ̀ sob'ɩ a sob nɛ na bɛ nyɛ̃ k'ʋʋ tɛr'ɩ sãwna a ʋ kaa-íru pʋɔ a!

Ʋrɔm 7:16

Mãa wa ɩrɛ a ʋlɩ bom nɛ ɩ̃ na bɛ bɔbr a, ɩ̃ sàw na k'aa Naaŋmɩn wulu vɩɛl'a.

Galasi 5:17

Bʋ̃ʋ n'ʋ vɛ̃, a tɩ nɩsaalʋ yel-bɔbrɩ nɩ a Vʋʋrʋ Sõw dem bɛ lãw taa ɩ, ɛ́ a Vʋʋrʋ Sõw yel-bɔbrɩ nɩ a tɩ nɩsaalʋ dem mɩ̀ bɛ lãw taa ɩ, mɔb'a be a za ayi cara pʋɔ. Alɛ n'a so nyɩ bɛ tʋɔr ɩrɛ a lɛ nyɩ na bɔbr a ɩ.

2 Timote 2:19

Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»

Ebre 1:9

Fʋ nɔnɛ nɩ a mɩnʋ ɛ́ hɩ̃ɛn a faalʋ, alɛ so a Naaŋmɩn, a fʋ Naaŋmɩn, cir a cɩlʋ kãá ƴãw a fʋ zũú kaa ír'ɩ fʋ a ʋ ƴãw, ɛ́ bɛr a fʋ taabɛ.»

Zakɩ 3:2

Tɩ za tule nɩ yaga za. Nɩr bɛ wa tule towtow a ʋ ƴɛ̀rʋ pʋɔ a, ʋ ɩ n nɩ-vla baarɩ, ʋ na tʋ̃ɔ́ na nyɔw ʋ mɩŋa.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:23

Nyɩ mɩ́ faa bɛ a vũu pʋɔ, ɛ́ a bɛ mɩnɛ a, nyɩ tɛr a bɛ nɩbaal-zɔba lãwnɩ dɛ̃bɩ̃ɛ. Nyɩ hɩ̃ɛn a bɛ ɩ-faar tɩ lãwnɩ a bɛ bʋ̃-suuri dɛwr a bɛ nɩsaal ɩ-dɛgɛ na mɩ́ wa n a.