Ʋrɔm 7:14 - A SƐB-SÕW

¹⁴ Tɩ bãw na k'aa Naaŋmɩn wulu bɛ yi nɩsaal zie ɩ. Ɛcɛ mãa ɩ n nɩsaal bɛ na kʋɔrɩ kʋ̀ a yel-bier ɩ̃ ɩ a ʋ gbãgbaa a.

Ʋrɔm 7:14 ပူးပေါင်းရင်းမြစ်များ

Yele-za-pɛr-tib 37:27

Tɩ nɩ̃ɛ kʋ̀ɔr'ʋ kʋ̀ a Ɩsɩmayɛl bʋʋrɛ bɛ ŋa, ɛ́ taa íre a ʋ nyɔ-vʋʋrʋ ɛ. Tɩ yɛb'ʋ, zɩ̃ɩ-been n'ɩ tɩ.» A ʋ yɛbr tɩ sàw nɩ a lɛ.

Yele-za-pɛr-tib 37:36

A Madian tẽw dem tɩ kʋ̀ɔr'ɩ a Zuzɛb kʋ̀ Potifaar, a Eziptɩ tẽw. A Potifaar tɩ ɩ n a Faarawɔ̃ dɛ-vár nɩ a sojarɩ na gùre ʋ a nɩ-kpɛ̃ɛ.

Yele-za-pɛr-tib 40:15

Fãw n'a bɛ yi n mɛ̃ a ebre mɩnɛ tẽw wa n, ɛ́ a ka a, ɩ̃ bɛ ɩ bom na sɛw nɩ kɛ́ bɛ ƴãw mɛ̃ a gaso pʋɔ a ɩ.»

1 Na-mɩnɛ 21:20

A Eli tɩ cen na, a Akab tɩ yel ʋ: «Ãw, fʋ bɛ lɛb nyɛ̃ m ɩ, fʋ̃ʋ ɩ̃ dɔ̃ sob i!» A Eli sɔw: «Ʋ̃ʋ, ɩ̃ lɛb'a nyɛ̃ b! Fʋ na tu a fʋ pʋ-tɩɛrʋ pùor, ɩ a ʋlɩ bom na bɛ pɛlɩ a Sore pʋɔ a ƴãw.

1 Na-mɩnɛ 21:25

Bɛ bɛ dãw nyɛ̃ nɩr ʋ tu a ʋ pʋ-tɩɛrʋ maalʋ pùor, ɩ a lɛ na bɛ nʋmɛ a Sore zie mɛ̃ a Akab a ɩ. Bʋ̃ʋ n'ʋ vɛ̃, a ʋ pɔw Zezabɛl tɩ darɛ ʋ na ƴãwn.

2 Na-mɩnɛ 17:17

Bɛ nyɩw nɩ a bɛ bidɛbr nɩ a bɛ pɔwyaar maal'ɩ bàwr. Bɛ tu n tɩtɩblʋ nɩ a nɩ-daar-yele-bãwfʋ ɩ-ɩrɩ pùor. Bɛ tu n ɩ-ɩrɩ na bɛ vɩɛl a Sore zie a pùor, sãw a ʋ suur.

A Zɔb sɛbɛ 42:6

Lɛ so, ɩ̃ lɩɛb'ɩ a ɩ̃ ƴɛ̀rʋ ɩ̃ na tɩ ƴɛ̀r a bɛr, ɩ̃ sàw nɩ a ɩ̃ sãwna, ɛ́ siwre ɩ̃ tʋɔra zɩ̃ a tanɛ pʋɔ nɩ a tãpɛlʋ pʋɔ.

Sɛb-sõw yielu 119:25

Mãa n'ɩ ŋan ɓiile a tanɛ pʋɔ, ɩ k'ɩ̃ lɛb vʋʋrɛ mɛ̃ a lɛ fʋ na yel a.

Sɛb-sõw yielu 51:6

Fʋ̃ʋ yõ, fʋ̃ʋ yõ tẽtẽ n'ʋ ɩ̃ sãw, ʋlɩ bom nɛ na bɛ vɩɛl a fʋ zie a, ʋlɛ n'ʋ ɩ̃ maalɩ. Lɛ so, fʋ̃ʋ wa ƴɛ̀rɛ a, fʋ mɩ́ tɛr'ɩ yel-mɩŋa, fʋ bɛ tɛrɛ sãwna bɛ yere a fʋ ƴɛ̀rʋ-dɩb pʋɔ ɩ.

Eziptɩ tẽw yib 22:3

«Bɛlɛ wa nyɛ̃ dʋ̃-zura a nyãnyuge nuru pʋɔ, náab, bõw, pɛrʋ bɩɩ bʋɔ, ʋ cãà ɩ dʋ̃-mimir a, a nyãnyuge na ya n dʋn ayi.»

Zʋkpaɩ 30:2

Sɩza, mãa n'ʋ gem zuo a nɩbɛ za, ɩ̃ bɛ tɛr nɩsaal yã mɩ̀ ɛ.

Zʋkpaɩ 30:5

A Naaŋmɩn ƴɛ̀rʋ bɛ tɛr bʋnʋ ɛ. A Naaŋmɩn ɩ na mɛ̃ zɛbr-kur-pãgala a a bɛlɩ dem na mɩ́ sɔwlɛ a ʋ zie a ƴãw.

Ɩzayi 50:1

À ŋá n'a a Sore yere: «A zawr-bɛrʋ sɛbɛ wa ɩ̃ na maalɩ zawr'ɩ a nyɩ mã Zerizalɛm bɛr a? Bɩɩ, a bɛlɩ dem samɛ ɩ̃ na tɛr a, a bɛ buor sob zie n'a ɩ̃ nyɔw nyɩ kʋɔrɩ? Bɛlɛ wa kʋɔrɩ nyɩ a, a nyɩ sãwna ƴãw n'a. Bɛlɛ wa zawrɩ a nyɩ mã bɛr a, a nyɩ yel-bebe ƴãw n'a.

Ɩzayi 52:3

Nyɛ̃ a ʋlɩ bom nɛ a Sore na yere kʋ̀rɛ a ʋ nɩbɛ a: «Bɛ kʋɔrɩ nyɩ nɩ mɔlɛ nyɩ ɩ gbãgbaar, bɛ na ya na de nyɩ ɛ́ bɛ ír libir ɛ.»

Ɩzayi 6:5

Lɛ n'a ɩ̃ tɩ yel: «Baw-bio páw mɛ̃ na! Ɩ̃ kpi na! Bʋ̃ʋ n'ʋ vɛ̃, nɩr a nʋɔr na tɛr dɛwr a nɛ m, ɩ̃ɩ kpɩɛr nɩ-bʋʋrɛ a nɛ́ɛ na tɛr dɛwr a sɔgɔ, ɛ́ a ɩ̃ mimie nyɛ̃ a Nãà, a Sore, a kpɛnʋ-za-sob!»

Levitɩ mɩnɛ 13:12

Ɛcɛ wɔmɛ wa yi pàw a ƴã-gan za a, a zu tɩ tɔ a gbɛ́ɛ, mɛ̃ a lɛ a bàwr-maalɛ na na tʋ̃ɔ́ nyɛ̃ a,

Levitɩ mɩnɛ 13:16

A zie ʋl a ƴã-gã-nɛn-zɩɛ na sãá a wa lɛb pɛlɩ a, a nɩr nɛ na lɛb'a cen a bàwr-maalɛ zie.

Levitɩ mɩnɛ 19:18

Nyɩ taa yáarɛ yel-faa san ɛ, ɛ́ taa tɛrɛ nɩ a nyɩ tẽ-bi-taabɛ pʋ-bier ɛ. Ɛcɛ ŋa za n'ʋ a fɛr k'ʋʋ nɔnɛ a ʋ tɔ sob mɛ̃ a ʋl mɩŋa a. Mãa n'ɩ a Sore.»

Amɔsɩ 2:6

À ŋá n'a a Sore yere: «A Ɩsɩrayɛl nɩbɛ na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ kʋɔr'ɩ a nɩ-mɩŋa, libir ƴãw, ɛ́ kʋɔrɩ a nã́w sob nafawr-ɓɛwlɩkɛl ƴãw.

Matie 16:23

Ɛcɛ a Yeezu tɩ lɩɛb'a yel a Pɩɛr: «Cen taw zaa a ɩ̃ zie, Sɩtaana a! Fʋ piwr mɛ̃ nɩ sɔ́r. A fʋ tɩɛrʋ bɛ ɩ Naaŋmɩn dem ɛ, nɩsaalbɛ dem'a.»

Matie 18:25

A tõ-tõ-bie nɛ na bɛ tɩ tɛr a na ya a, a ʋ nɩ-kpɛ̃ɛ tɩ ƴãw na kɛ́ bɛ nyɔw ʋ kʋɔrɩ, ʋlɛ nɩ a ʋ pɔw nɩ a ʋ bibiir, nɩ a ʋ bʋ̃-tɛrɩ za, wa ya a ʋ san.

Matie 5:22

Ɛcɛ mãa yere na kʋ̀rɛ nyɩ: sob nɛ za na nyɛ̃ nɩ a ʋ yɛb suur a, na cen nɩ ƴɛ̀rʋ-maalʋ zie tɩ yel a pɛr. Nɩr wa yel a ʋ yɛb: “Dãbol ŋa!”, ʋ sob na cen nɩ a ƴɛ̀rʋ-dɩb-lãw-kpɛ̃ɛ niŋé. Ɛ́ nɩr wa yel ʋ: “Yãyaar sob ŋa!”, ʋ na sɛwnɩ nɩ a tẽ-faa vũu pʋɔ kpɛb.

Matie 5:28

Ɛcɛ mãa yere na kʋ̀rɛ nyɩ: nɩr wa jɩ́rɛ ʋ tɔ pɔw vɔl-jɩ́rʋ a, ʋ gã nɩ ʋ na baarɩ a ʋ tɩɛrʋ pʋɔ.

Luka 5:8

A Sɩmʋ̃ Pɩɛr na tɩ nyɛ̃ a lɛ a, ʋ lo na gbĩ dume a Yeezu pile ɛ́ yel ʋ: «Sore e, taw zaa a ɩ̃ zie, ɩ̃ ɩ n yel-bier sob.»

Luka 7:6

A Yeezu nɩ a bɛl za tɩ lãw na lo a sɔ́r cere, ʋʋ bɛ tɩ cãà zãá nɩ a yir ɛ, ɛ́ a sojarɩ kʋba nɩ-kpɛ̃ɛ tõ a ʋ bárɩ bɛ mɩnɛ bɛ wa yel a Yeezu: «Sore e, ta dɩ tuo bàlɛ fʋ tʋɔra ɩ, ɩ̃ bɛ sɛwnɩ kɛ́ fʋ kpɛ a ɩ̃ yir pʋɔ ɩ.

Ʋrɔm 3:9

Ɛ́ bʋnʋ? A tɩɩm Zifʋ mɩnɛ, tɩ zuo nɩ a nɩbɛ bɩɩ? Lɛ bɛ n'a ɩ! Ɩ̃ dãw na manɩ wul k'aa nɩbɛ za, a Zifʋ mɩnɛ nɩ a bɛl na bɛ ɩ Zifʋ a, k'aa yel-bier dɩ n naalʋ a bɛ za zu,

Ʋrɔm 6:6

Tɩ bãwnɩ a yel ŋa vla: a nɩsaal ʋl tɩ na tɩ ɩ a koro za a, bɛ kpa ʋ nɩ a da-gara zu lãwnɩ a Kɩrɩta, k'aa yel-bier nɩr ʋl tɩ na ɩ a, ta cãà ɩ, ɛ́ tɩ mɩ̀ ta cãà ɩ a yel-bier gbãgbaar ɛ.

Ʋrɔm 7:18

Bʋ̃ʋ n'ʋ so, ɩ̃ bãwnɩ a na a vla na bɛ be a ɩ̃ zie a, a pɛr lɛ k'aa bãbàal ŋa ɩ̃ na ɩ a. Yel-mɩŋa n'a, a vla maalʋ tɩɛrʋ be n a ɩ̃ zie, ɛcɛ a maalʋ fãw bɛ ka be ɩ.

Galasi 4:3

Lɛ n'a a mɩ̀ ŋmɛ̃ a tɩ zie. A lɛn daar tɩ na tɩ cãà ɩ mɛ̃ bibiir a, tɩ tɩ ɩ n a tẽ-daa bʋ̃-balɛ gbãgbaar.

Efɛɛzɩ 3:8

A mãa na ɩ a pʋrɩ woro a kɩrɩta-nɩbɛ za pʋɔ a, mãa n'ʋ a Naaŋmɩn kʋ̀ a maalʋ ŋa, k'ɩ̃ɩ hieri yel a Kɩrɩta Naalʋ na bɛ vʋʋr a Yel-nʋ̃ɔ̀ kʋ̀ a nɩ-bʋʋr-yoru,

Wulu-ayi-sob 6:5

Fʋ na nɔnɛ nɩ a Sore fʋ Naaŋmɩn nɩ a fʋ pʋɔ za, nɩ a fʋ sɩ́ɛ za, nɩ a fʋ fãw za.

Ebre 4:12

Bʋ̃ʋ n'ʋ vɛ̃, a Naaŋmɩn ƴɛ̀rʋ ɩ n bʋ̃-vʋʋra na tone a, ɛ́ dɩrɛ gãw zɛbr-sɔ-kpɛ̃ɛ za na dɩrɛ a loge a za ayi a. Ʋ mɩ́ cɔr'a kpɛ tɩ põ a sɩ́ɛ nɩ a tɩɛrʋ, a kɔbɛ tuor-taa ziir nɩ a kɔbɛ buge. Ʋ mɩ́ jɛl'ɩ a nɩsaal socir bʋ̃-bɔbrɩ nɩ a nɩsaal socir tɩɛrʋ.