Ʋrɔm 7:1 - A SƐB-SÕW

¹ Nyɩ bɛ bãwnɩ a ʋ, yɛbr i? Nɩbɛ na bãw a Naaŋmɩn wulu a zie n'a ɩ̃ ƴɛ̀rɛ: a nɩsaal cãafʋ daar yõ n'a a Naaŋmɩn wulu fɛrʋ be a ʋ zu.

Ʋrɔm 7:1 ပူးပေါင်းရင်းမြစ်များ

Ɛsɩdɩrasɩ 7:25

Ɛ́ a fʋ̃ʋ Ɛsɩdɩrasɩ a, ƴãw ƴɛ̀r-dɩrbɛ nɩ nɩ-bɛrɛ tu n a Naaŋmɩn wulu yã-bãwfʋ na be a sɛbɛ fʋ na tɛr cere nɩ a pʋɔ a. Bɛ mɩ́ dɩ a ƴɛ̀rʋ kʋ̀ a bɛlɩ dem za na bãw a Naaŋmɩn nɛ́ɛ a Efaratɩ gãwn nɩbɛ pʋɔ a. Nyɩ mɩ̀ na wul a nɩ a bɛlɩ dem na bɛ bãw a a.

Zʋkpaɩ 6:23

Bʋ̃ʋ n'ʋ vɛ̃, a nɔ-ƴãwna ɩ na mɛ̃ fɩ̃tɩlɛ a, ɛ́ a wulu ɩ mɛ̃ cãà a. A kpãàfʋ nɩ a yelu n'a mɩ́ ɩ kɛ̀ tɩ àr a nyɔ-vʋʋrʋ sɔ́r zu.

Ʋrɔm 1:13

Yɛbr i, ɩ̃ bɔbr'a kɛ́ nyɩ bãwnɩ a, kʋralɛ n'a ɩ̃ tɩɛrɛ a nyɩ zie waa, k'ɩ̃ɩ wa páw a ɩ̃ tome tɔnɛ a nyɩ zie, mɛ̃ a lɛ ɩ̃ na páw a a nɩ-bʋʋr-yoru bɛ mɩnɛ zie a. Ɛcɛ ɩ̃ cãà bɛ nyɛ̃ vuo wa tɔ dɩ̃a ɩ.

Ʋrɔm 10:1

Yɛbr i, a ʋlɩ bom nɛ ɩ̃ na bɔbr'ɩ ɩ̃ pʋɔ za, ɛ́ zɛlɛ a Naaŋmɩn zie a Zifʋ mɩnɛ ƴãw a, ʋlɛ n'ɩ kɛ́ bɛ nyɛ̃ a faafʋ.

Ʋrɔm 10:4

Bʋ̃ʋ n'ʋ vɛ̃, a Kɩrɩta maal'ɩ a ʋlɩ bom nɛ a Moyiir wulu na tɩ bɔbr k'ʋʋ ɩ a, kɛ́ sob nɛ za na sàw de a tʋ̃ɔ́ lɩɛbɩ nɩ-mɩŋa a Naaŋmɩn niŋé.

Ʋrɔm 6:14

Bʋ̃ʋ n'ʋ vɛ̃, a yel-bier kʋ̃ cãà dɩrɛ naalʋ a nyɩ zu ɛ, a Naaŋmɩn wulu na bɛ cãà so nyɩ, ɛ́ Naaŋmɩn maalʋ so nyɩ a ƴãw.

Ʋrɔm 6:3

Bɩɩ nyɩ bɛ bãw k'aa tɩɩm za na de a suob kɛ́ tɩ lãw nɩ a Yeezu Kɩrɩta a, tɩ de nɩ a suob lãw nɩ ʋ kpi ʋ?

Ʋrɔm 7:6

Ɛcɛ ƴɛrɛŋa a, bɛ ír tɩ na bɛr a Wulu fɛrʋ pʋɔ, bʋ̃ʋ n'ʋ vɛ̃, a ʋlɩ bom nɛ na tɩ so tɩ ɩ gbãgbaar a, tɩ ɩ na mɛ̃ tɩ kpi na bɛ cãà pʋɔ ʋ pʋɔ a. A na ɩ à ŋá a, tɩ na tʋ̃ɔ́ na tone a Naaŋmɩn tu n pɔ̀l-paala a Vʋʋrʋ na wule a, ɛ́ ta cãà tuur'ɩ a pɔ̀l-kʋra a Wulu na sɛb a na wule a ɩ.

Ʋrɔm 9:3

Yel-mɩŋa, a ɩ na mɛ̃ ɩ̃ nãá ɩ nɩr bɛ na ŋmɛ ƴãw a, ɛ́ mãa nɩ a Kɩrɩta bʋ́r taa ɩ̃ lɩɛrɩ a ɩ̃ yɛbr a, a bɛl na ɩ a ɩ̃ bʋʋrɛ a.

1 Korɛ̃tɩ 9:8

Yele na càarɩ a nɩsaal nyɔ-vʋʋrʋ tɛwr a n'a ɩ̃ yere e? A Wulu tɔr za mɩ̀ bɛ yere a lɛn tɔr za ɩ?

Galasi 4:21

Nyɩɩm na bɔbr k'aa Wulu so nyɩ a, nyɩ bɛ wone a lɛ a Wulu ŋa na yere a ɩ?