Ʋrɔm 6:3 - A SƐB-SÕW

³ Bɩɩ nyɩ bɛ bãw k'aa tɩɩm za na de a suob kɛ́ tɩ lãw nɩ a Yeezu Kɩrɩta a, tɩ de nɩ a suob lãw nɩ ʋ kpi ʋ?

Ʋrɔm 6:3 ပူးပေါင်းရင်းမြစ်များ

Matie 28:19

A na ɩ lɛ a, nyɩ cen tɩ ɩ a nɩ-bʋʋrɛ za bɛ lɩɛbɩ a ɩ̃ po-tuurbɛ, nyɩ kʋ̀rɛ bɛ a suob a Sãà nɩ a Bie nɩ a Vʋʋrʋ Sõw yúor ƴãw,

Nɩ-toni 19:5

Bɛ tɩ bɛr'a wõ a Pol ƴɛ̀rʋ ɛ́ de a suob a Sore Yeezu yúor ƴãw.

Nɩ-toni 2:38

A Pɩɛr tɩ yel bɛ na: «Nyɩ lɩɛbɩ a nyɩ ɩb, ɛ́ ŋa za mɩ́ de a suob a Yeezu Kɩrɩta yúor ƴãw, a nyɩ yel-bebe suur páwfʋ ƴãw, ɛ́ nyɩ na páw nɩ a Naaŋmɩn maalʋ na ɩ a Vʋʋrʋ Sõw a.

Nɩ-toni 8:16

ʋ na bɛ tɩ siw a bɛ been kãw za zu sɛr a ƴãw: a suob tɛwr'ʋ bɛ tɩ de a Sore Yeezu yúor ƴãw.

Ʋrɔm 6:16

Nyɩ bɛ bãwnɩ a kɛ́ nyɩmɛ wa de nyɩ tʋɔra kʋ̀ nɩr, kɛ́ nyɩ ɩ gbãgbaar sàwr a ʋ nʋɔr a, nyɩ lɩɛb'ɩ a sob nɛ nʋɔr nyɩ na sàwr a gbãgbaar ɛ? A yel-bier wa n'ʋ a, nyɩ bɛ bãwnɩ a k'ʋʋ wɩɛr'ɩ nyɩ nɩ kũu pʋɔ ɩ? A nʋɔr-sàwfʋ wa n'ʋ a, k'ʋʋ wɩɛr'ɩ nyɩ nɩ a mɩnʋ pʋɔ ɩ?

Ʋrɔm 6:8

Ɛ́ tɩ na lãw nɩ a Kɩrɩta kpi a, tɩ bãwnɩ a na kɛ́ tɩ mɩ̀ na lãw nɩ ʋ na vʋʋrɛ.

Ʋrɔm 7:1

Nyɩ bɛ bãwnɩ a ʋ, yɛbr i? Nɩbɛ na bãw a Naaŋmɩn wulu a zie n'a ɩ̃ ƴɛ̀rɛ: a nɩsaal cãafʋ daar yõ n'a a Naaŋmɩn wulu fɛrʋ be a ʋ zu.

1 Korɛ̃tɩ 10:2

Bɛ za nɛbɛ tɩ lãw nɩ a Moyiir de a suob a zũzuwr pʋɔ nɩ a Kʋ̃ɔ-kpɛ̃ɛ-zɩɛ pʋɔ.

1 Korɛ̃tɩ 12:13

Bʋ̃ʋ n'ʋ vɛ̃, Vʋʋrʋ been pʋɔ n'a tɩ za de a suob kɛ́ tɩ tʋ̃ɔ́ ɩ ƴã-gã-been, tɩmɛ saa ɩ Zifʋ bɩɩ bɛ ɩ a Zifʋ a, gbãgbaar bɩɩ nɩbɛ na so bɛ tʋɔra a. Ɛ́ a tɩ za a, a Vʋʋrʋ Sõw been yõ n'ʋ ɓãá a tɩ kʋ̃ɔ-nyúur.

1 Korɛ̃tɩ 15:29

Alɛ bɛ wa ɩ à ŋá a, a bɛlɩ dem na mɩ́ ƴãw bɛ kʋ̀ bɛ a suob a kũuni ƴãw a, bʋ̃ʋ n'ʋ bɛ pãa mɩ̀ tɩɛrɛ kɛ́ bɛ na páw na a? Alɛ wa ɩ sɩza n'a k'aa kũuni bɛ lɛbr yire a, bʋ̃ʋ so bɛ mɩ́ ƴãw bɛ kʋ̀ bɛ a suob a kũuni ƴãw?

1 Korɛ̃tɩ 3:16

Nyɩ bɛ bãw kɛ́ nyɩ ɩ n a Naaŋmɩn yir, nɩ k'aa Naaŋmɩn Vʋʋrʋ kpɩɛr'ɩ a nyɩ pʋɔ ɩ?

1 Korɛ̃tɩ 5:6

A bom nɛ ƴãw nyɩ na zɛwr nyɩ tʋɔra a bɛ vɩɛl ɛ. Nyɩ bɛ bãw kɛ́ dãbɩl blãlɛ n'a mɩ́ ɩ a zɔ̃ za ìr ɛ?

1 Korɛ̃tɩ 6:19

Bɩɩ nyɩ taa bɛ bãw kɛ́ a nyɩ ƴã-gan ɩ n a Vʋʋrʋ Sõw yir u? A Vʋʋrʋ Sõw ŋa na be a nyɩ pʋɔ ɛ́ yi Naaŋmɩn zie wa a. Nyɩ bɛ bãwnɩ a nyɩ na bɛ so nyɩ tʋɔra a bɩɩ?

1 Korɛ̃tɩ 6:9

Nyɩ nɔ̃w bɛ bãw k'aa bɛlɩ dem na nɛbr a bɛ taabɛ a, kʋ̃ kpɛ a Naaŋmɩn Naalʋ pʋɔ ɩ? Nyɩ ta bɛ̀lɛ nyɩ tʋɔra a ɩ! A pɩ̃ɔ-yel-maalbɛ, nɩ a bɛl na maalɛ a tɩbɛ a, a pɔw-gaa yel-bier-maalbɛ, nɩ a dɛb-bɛrɛ na gánɛ nɩ a dɛbli a,

1 Korɛ̃tɩ 9:13

Nyɩ bɛ bãw k'aa bɛlɩ dem na tone a Ŋmɩn-yir-kpɛ̃ɛ pʋɔ a, a Ŋmɩn-yir-kpɛ̃ɛ n'ʋ guole bɛ ɩ? Ɛ́ a bɛlɩ dem na tone a bàwr-maal-kuur zu tome a, bɛ pʋɔ nɩ a bàwr-maal-kuur zu de-kʋ̀b bome pʋɔ ɩ?

1 Korɛ̃tɩ 9:24

Nyɩ bɛ bãw k'aa bɛlɩ dem na mɩ́ dãwnɛ taa a dɩ̃ɛnʋ zie a, bɛ za nɛbɛ mɩ́ zɔrɛ, ɛcɛ been yõ n'ʋ mɩ́ wa páw a zɔ-tʋ̃ɔ́fʋ bom ɛ? A na ɩ à ŋá a, nyɩ zɔrɛ zɔba na na ɩ nyɩ páw a zɔ-tʋ̃ɔ́fʋ sã-ya a.

2 Korɛ̃tɩ 13:5

A nyɩɩm tɛɛ za, nyɩ ɩ nyɩ tʋɔra kaa, nyɩ jɛl nyɩ mɩŋa nyɛ̃, nyɩmɛ wa be a naaŋmɩn-sàw-deb pʋɔ a. Nyɩ nyɛ̃ na bãw kɛ́ a Yeezu Kɩrɩta be n a nyɩ sɔgɔ, lɛ bɛ n'a ɩ? Bɩɩ nyɩ jɛl'ɩ a nyɩ tʋɔra kaa nyɛ̃ nyɩ sãw?

Galasi 3:27

Nyɩ za na sɩrɩ lãw nɩ a Kɩrɩta a suob deb pʋɔ a, nyɩ su n a Kɩrɩta.

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.

1 Pɩɛr 3:21

A kʋ̃ɔ á ŋá tɩ ɩ n a suob na faarɛ nyɩ a ƴɛrɛŋa a bãwfʋ: ɛcɛ ƴã-gan dɛwr-so-bɛrʋ bɛ n'ɩ a suob ɛ, a suob ɩ n socir vɩɛlʋ bɛ mɩ́ zɛlɩ a Naaŋmɩn zie. A suob faarɛ nyɩ nɩ a Yeezu Kɩrɩta kũu-pʋɔ-lɛb-yibu zũú,