Ʋrɔm 6:23 - A SƐB-SÕW

²³ Bʋ̃ʋ n'ʋ vɛ̃, a yel-bier sã-ya n'ɩ a kũu, ɛcɛ a maalʋ a Naaŋmɩn na tɩrɛ zawla a, ʋlɛ n'ɩ a nyɔ-vʋʋrʋ na be kʋralɛ fʋ na mɩ́ tɛr lãwnɩ a Yeezu Kɩrɩta tɩ Sore a.

Ʋrɔm 6:23 ပူးပေါင်းရင်းမြစ်များ

Yele-za-pɛr-tib 2:17

Ɛcɛ, a tɩɛ ʋl na mɩ́ ɩ fʋ bãw a vla nɩ a faa a wɔmɛ a, fʋ kʋ̃ dɩ a ɩ. Bʋ̃ʋ n'ʋ vɛ̃, a ʋlɩ bibir nɛ fʋ nãà wa dɩrɛ a ʋ wɔm a, a kũu n'a fʋ na kpi.»

Yele-za-pɛr-tib 3:19

A fʋ niwn na mɩ́ ɩ n hanʋ mɛb, ɛ́ fʋ páw a fʋ nʋɔr-dɩb, ɛ́ gù fʋ wa tɩ lɛb kpɛ a tẽsɔw pʋɔ, ʋl pʋɔ na n'a fʋ yi a! Bʋ̃ʋ n'ʋ vɛ̃, fʋ ɩ n úuru, ɛ́ na lɛb lɩɛbɩ a úuru.»

Zʋkpaɩ 11:19

A mɩnʋ wɩɛr'ɩ nɩ a nyɔ-vʋʋrʋ pʋɔ, ɛcɛ a sob nɛ na diwr tuur a faa a wɩɛr'ɩ a kũu zie.

Ɩzayi 3:11

Ɛcɛ a nɩ-faa ƴãw a, nyɛ̃ baw-bio a! Bʋ̃ʋ n'ʋ vɛ̃, bɛ na ɩ ʋ na tu n a ʋ ɩ-ɩrɩ.

Ɩzayi 3:9

A bɛ niŋe ŋmɛ̃a dɩ n a dãsɩɛ nyɔw bɛ. Mɛ̃ a Sodɔm tẽw dem a, bɛ bɛ sɔwlɛ a yel-bebe ɩ, bɛ ƴɛ̀rɛ nɩ a ƴɛ̀rʋ a nɩbɛ za niŋé. Nyɛ̃ baw-bio a, bɛ cɔbrɛ nɩ a bɛl mɩŋa kpɩɛrʋ!

Ezekɩɛl 18:20

A sãwna sob'ʋ mɩ́ sɛw k'ʋʋ kpi. Bɛ kʋ̃ mɩ́ dɔwrɩ a bibiir a bɛ dɔwrbɛ yel-bebe zũú ɛ, a dɔwrbɛ kʋ̃ mɩ́ nyɛ̃ dɔwrʋ a bɛ bibiir sãwna zũú ɛ. Sob nɛ na ɩrɛ vla a na páw nɩ sã-ya a ʋ ɩb na tu mɩnʋ a zũú, sob nɛ na kpɛ faa a na nyɛ̃ nɩ dɔwrʋ a ʋ ɩb na bɛ vɩɛl a zũú.»

Ezekɩɛl 18:4

Bʋ̃ʋ n'ʋ vɛ̃, mãa so a nyɩ been been za nyɔ-vʋʋrʋ, a dɔwrbɛ dem lãwnɩ a bibiir dem. Sob nɛ na maalɩ yel-bier a, ʋlɛ n'ʋ na kpi.

Matie 25:46

A bɩɛrɩ bɛ ŋa na cen nɩ a dɔwrʋ na bɛ tɛr baarʋ a pʋɔ, ɛ́ a nɩ-mɩn cen a nyɔ-vʋʋrʋ na be kʋralɛ a pʋɔ.»

Zã 10:28

Ɩ̃ kʋ̀rɛ nɩ a ɩ̃ píir a nyɔ-vʋʋrʋ na be kʋralɛ a: a kʋ̃ kpi towtow ɛ, ɛ́ nɩr kʋ̃ tʋ̃ɔ́ faa a a ɩ̃ nũú ɛ.

Zã 17:2

Lɛ n'a ʋ na kʋ̀ a nyɔ-vʋʋrʋ na be kʋralɛ a a bɛlɩ dem za fʋ na de kʋ̀ ʋ a, a fãw fʋ na kʋ̀ ʋ bʋ̃-vʋʋra za zu a ƴãw.

Zã 3:36

Sob nɛ na sàw de a Bie a páw nɩ a nyɔ-vʋʋrʋ na be kʋralɛ a. Ɛcɛ sob nɛ bɛ wa sàw de a Bie a, ʋ kʋ̃ páw a nyɔ-vʋʋrʋ ŋa ɩ, ɛ́ a Naaŋmɩn suur be n a ʋ sob ƴãw.»

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Zã 4:36

A bʋ̃-diere tĩ na páwr a ʋ sã-ya, ʋ dier'ɩ a ʋ bome ɓanɛ taa a nyɔ-vʋʋrʋ na be kʋralɛ a ƴãw. Lɛ so, a bʋ̀r-bʋ̀rɛ nɩ a bʋ̃-diere lãw na cɩlɛ.

Zã 5:24

Yel-mɩŋa sɩza sɩza n'a ɩ̃ yere kʋ̀rɛ nyɩ: sob nɛ na bɛrɛ wone a ɩ̃ ƴɛ̀rʋ ɛ́ sàw de a ʋlɩ sob na tõ m a, ʋ páw nɩ a nyɔ-vʋʋrʋ na be kʋralɛ a. Bɛ bɛ maalɛ nɩ ʋ ƴɛ̀rʋ ɛ, ʋ yi n a kũu pʋɔ kpɛ a nyɔ-vʋʋrʋ pʋɔ.

Zã 6:27

Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»

Zã 6:40

A ɩ̃ Sãà pʋ-tɩɛrʋ sɩrɩ n'ɩ ŋa: kɛ́ sob ŋa za na nyɛrɛ a Bie ɛ́ sàwr dier ʋ a, ʋ tɛr a nyɔ-vʋʋrʋ na be kʋralɛ a, ɛ́ a mãa a, ɩ̃ na ɩ na ʋ lɛb yi a kũu pʋɔ a bibi-pɛ-baara wa vɩɛ a.»

Zã 6:68

Sɩmʋ̃ Pɩɛr tɩ sɔw ʋ na yel: «Sore e, ãa zie n'a tɩ na cen? Fʋ tɛr'ɩ a nyɔ-vʋʋrʋ na be kʋralɛ a ƴɛ̀r-bie.

Ʋrɔm 1:32

Bɛ na saa bãw a lɛ a Naaŋmɩn na ƴɛ̀r bin, kɛ́ bɛlɩ dem na maalɛ a yel-faar á ŋá taabɛ a, sɛwnɩ nɩ kũu a, bɛ maalɛ na, ɛ́ cãà mɩ́ lɛb kpɛ a bɛlɩ dem na ɩrɛ à à ŋá a.

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

Ʋrɔm 5:12

Nɩ-been yõ, a Adama, ʋlɛ n'ʋ so a yel-bier wa a tẽ-daa zu, ɛ́ a yel-bier'ʋ wa n a kũu. Ɛ́ à à ŋá n'a a kũu lʋ̃ɔ a nɩsaalbɛ za, bɛ za na maalɩ a yel-bier a ƴãw.

Ʋrɔm 5:17

Nɩ-been yõ ƴãw sɩrɩ n'a, nɩ-been yõ sãwna n'a so a kũu dɩ naalʋ, ɛcɛ a Yeezu Kɩrɩta, ʋ yõ ƴãw a, a bɛlɩ dem na páwr a Naaŋmɩn maalʋ yaga za a, nɩ a maalʋ na ɩ kɛ́ bɛ lɩɛbɩ nɩ-mɩn a, na vʋʋrɛ na ɛ́ dɩrɛ naalʋ zuo lɛ.

Ʋrɔm 5:21

A na ɩ à ŋá a, mɛ̃ a lɛ a yel-bier na tɩ wul a kũu fãw ʋ na tɛr a, lɛ mɩ̀ n'a a Naaŋmɩn maalʋ wule faafʋ fãw, k'ʋʋ tʋ̃ɔ́ tɛr tɩ cen nɩ a nyɔ-vʋʋrʋ na be kʋralɛ a pʋɔ, a Yeezu Kɩrɩta tɩ Sore ƴãw.

Ʋrɔm 6:16

Nyɩ bɛ bãwnɩ a kɛ́ nyɩmɛ wa de nyɩ tʋɔra kʋ̀ nɩr, kɛ́ nyɩ ɩ gbãgbaar sàwr a ʋ nʋɔr a, nyɩ lɩɛb'ɩ a sob nɛ nʋɔr nyɩ na sàwr a gbãgbaar ɛ? A yel-bier wa n'ʋ a, nyɩ bɛ bãwnɩ a k'ʋʋ wɩɛr'ɩ nyɩ nɩ kũu pʋɔ ɩ? A nʋɔr-sàwfʋ wa n'ʋ a, k'ʋʋ wɩɛr'ɩ nyɩ nɩ a mɩnʋ pʋɔ ɩ?

Ʋrɔm 6:21

A ɩ-ɩrɩ á ŋá na ɩrɛ nyɩ vĩ a dɩ̃a a, bʋnʋ tɔnɛ n'a nyɩ tɩ nyɛ̃ a pʋɔ, a lɛn daar nyɩ na tɩ tɛr a ɩ-ɩrɩ á ŋá a? Kũu n'a a waar'ɩ.

Ʋrɔm 8:13

Bʋ̃ʋ n'ʋ vɛ̃, a nyɩ nyɔ-vʋʋrʋ wa tu a nɩsaalʋ a, nyɩ na kpi na. Ɛcɛ a Vʋʋrʋ Sõw ƴãw, nyɩmɛ wa kʋ a nɩsaalʋ ɩ-ɩrɩ a, nyɩ na vʋʋrɛ na.

Ʋrɔm 8:38

Bʋnʋ bɛ ka be ɩ, ɩ̃ bãwnɩ a na k'aa kũu nɩ a nyɔ-vʋʋrʋ, a malkɩ mɩnɛ nɩ a saa-zu kpɛnʋ bʋʋrɛ za, a ƴɛrɛŋa nɩ a nɩdaar, a kpɛnʋ bʋʋrɛ za,

Ʋrɔm 8:39

a saa-zu fãw nɩ a pile fãw, bʋ̃-íra kãw za, bom za kʋ̃ tʋ̃ɔ́ bʋ́r tɩɩm nɩ a Naaŋmɩn a ʋ nɔ̃wfʋ pʋɔ ɩ, a nɔ̃wfʋ ŋa ʋ na wul ʋ sãá a tɩ Sore Yeezu Kɩrɩta zie a.

Ʋrɔm 8:6

A nɩsaalʋ yel-bɔbrɩ pùor-tub a, kũu n'a, ɛcɛ a Vʋʋrʋ Sõw yel-bɔbrɩ pùor-tub a, nyɔ-vʋʋrʋ nɩ ƴã-ɓaarʋ n'a.

Galasi 3:10

Ɛcɛ a bɛlɩ dem na ɩrɛ ƴãwn a Naaŋmɩn wulu sàwfʋ ƴãw tɛwr'a, ŋmɛ-ƴãw tuur bɛ na. Mɛ̃ a Sɛb-sõw taa yel à ŋá: «Sob nɛ za na bɛ tuur a al za na sɛb a Wulu sɛbɛ pʋɔ kʋralɛ a, ŋmɛ-ƴãw a páw ʋ!»

Títɩ̀ 1:2

kɛ́ bɛ tɩɛrɛ a nyɔ-vʋʋrʋ na be kʋralɛ a. A Naaŋmɩn na bɛ ŋmarɛ ziri a tɩ ƴãw nɩ nʋɔr k'ʋʋ na kʋ̀ bɛ nɩ a nyɔ-vʋʋrʋ ŋa, ɛ́ a dɩta-pɛ-yome za wa bãw be.

Zakɩ 1:15

Al pùorí, pʋ-tɩɛrʋ bʋ̃-bɔbra za na bɛ vɩɛl a mɩ́ tɛr'ɩ pʋɔ dɔw a yel-bier, ɛ́ a yel-bier wa kɛrɩ tɩ ta a ʋ tab zie a, ʋ mɩ́ dɔw nɩ a kũu.

1 Zã 2:25

Ɛ́ a ʋlɩ bom nɛ a Kɩrɩta na yel k'ʋʋ na kʋ̀ tɩ na a n'ɩ a nyɔ-vʋʋrʋ na be kʋralɛ a.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»