Ʋrɔm 6:17 - A SƐB-SÕW

¹⁷ Ɛcɛ Naaŋmɩn so puoru: nyɩ tɩ dãw na ɩ a yel-bier gbãgbaar, ƴɛrɛŋa a, a wulu bɛ na wul nyɩ a sɛw kɛ́ nɩbɛ za tuur a, nyɩ sàw na de ʋ nɩ nyɩ pʋɔ za.

Ʋrɔm 6:17 ပူးပေါင်းရင်းမြစ်များ

Ɛsɩdɩrasɩ 7:27

Lɛ n'a a Ɛsɩdɩrasɩ tɩ yel: «A Sore, a tɩ sãàkʋm-kore Naaŋmɩn, ʋ tɛr'ɩ puoru. Ʋlɛ n'ʋ kʋ̀ a Zerizalɛm Ŋmɩn-yir-kpɛ̃ɛ ƴãwfʋ tɩɛrʋ a nãà.

Sɛb-sõw yielu 18:44

Fʋ faa mɛ̃ nɩ a nɩbɛ na ìr zɛbr'ɩ mɛ̃ a nuru pʋɔ, fʋ ɩ na k'ɩ̃ de a nɩ-bʋʋr-yoru niwn, nɩbɛ ɩ̃ na bɛ bãw a tone nɩ a ɩ̃ tome,

Nɩ-toni 11:18

Bɛ na tɩ wõ a ƴɛ̀r-bie á ŋá a, bɛ tɩ lɛb'a nyɔw bɛ tʋɔra ɛ́ danɛ a Naaŋmɩn yere nɩ: «A na ɩ à ŋá a, a Naaŋmɩn mɩ̀ sɩrɩ na kʋ̀ a nɩ-bʋʋr-yoru a fãw kɛ́ bɛ mɩ̀ lɩɛbɩ a bɛ ɩb páw a nyɔ-vʋʋrʋ.»

Nɩ-toni 28:15

A yɛbr na tɩ be a Ʋrɔm a na wa wõ a tɩ yele a, bɛ tuori tɩ nɩ a Apiyisi Dàa pʋɔ, nɩ a be bɛ na bʋɔlɛ: Sãanbɛ-yie-ata a. A Pol na wa nyɛ̃ bɛ a, ʋ puor'ɩ a Naaŋmɩn yãanɩ. Ʋ tɩ lɛb'a nyɛ̃ ʋ tʋɔra.

Ʋrɔm 1:5

A ʋl ƴãw n'a ɩ̃ páw a maalʋ lɩɛbɩ nɩ-tona, k'ɩ̃ɩ tɛr a nɩ-bʋʋr-yoru nɩbɛ za wa n bɛ wa sàw de ʋ, ɛ́ sàwr a ʋ nʋɔr, a ʋ yúor zɛwfʋ ƴãw.

Ʋrɔm 1:8

A Yeezu Kɩrɩta ƴãw n'a ɩ̃ de niwn puore a ɩ̃ Naaŋmɩn yãanɩ a nyɩ za ƴãw, bɛ na ƴɛ̀rɛ a nyɩ sàw-deb ƴɛ̀rʋ a tẽ-daa za zu a ƴãw.

Ʋrɔm 15:18

Bʋ̃ʋ n'ʋ vɛ̃, mãa wa sʋ̃ɔmɩ sàw ƴɛ̀rɛ bom kãw ƴɛ̀rʋ a, a ɩ n a ʋlɩ bom nɛ a Kɩrɩta na tu a ɩ̃ zie maalɩ, k'ʋʋ ɩ a nɩ-bʋʋr-yoru sàwr a Naaŋmɩn nʋɔr a. Ƴɛ̀rʋ nɩ ɩ-ɩrɩ n'a ʋ maal'ɩ a yel ʋl,

Ʋrɔm 16:26

ɛcɛ ƴɛrɛŋa a, a naaŋmɩn-ƴɛ̀r-manbɛ sɛbr ɩ na k'ʋ yi cãàmɩ́. Mɛ̃ a lɛ a Naaŋmɩn na be kʋralɛ a na ƴãw a nʋɔr a, bɛ ɩ na a nɩ-bʋʋrɛ za bãw a pʋ-tɩɛrʋ ŋa, kɛ́ bɛ tʋ̃ɔ́ sàw de a Naaŋmɩn ɛ́ sàwr a ʋ nʋɔr.

Ʋrɔm 2:8

Ɛcɛ, a bɛlɩ dem na ɩ a nɩsaal-gaarɩ, bɛ sàwr a yel-mɩŋa ɛ́ tuur a ɩ-faar a, Naaŋmɩn suur, su-tʋlʋ, na ìr'ɩ a bɛ zu.

1 Korɛ̃tɩ 1:4

Ɩ̃ puore nɩ a ɩ̃ Naaŋmɩn yãanɩ kʋralɛ a nyɩ ƴãw, a maalʋ ʋ na kʋ̀ nyɩ a Kɩrɩta Yeezu pʋɔ a ƴãw.

1 Korɛ̃tɩ 14:6

Yɛbr i, alɛ ɩ mɛ̃ ɩ̃ wa n a nyɩ nyɛ́b a ƴɛrɛŋa, wa ta ƴɛ̀rɛ ƴɛ̀rʋ nɩr na bɛ wone a, bʋ̃ʋ yel-ɩra n'ʋ ɩ̃ na tɛr a nyɩ zie? A ɩ̃ ƴɛ̀rʋ bɛ wa manɩ yel-sɔwla kãw kʋ̀ nyɩ a, ʋlɛ bɛ wa wa n bãwfʋ kãw a, bɛ ƴɛ̀r naaŋmɩn-ƴɛ̀r-manɛ ƴɛ̀rʋ kʋ̀ nyɩ bɩɩ kʋ̀ nyɩ wulu kãw a, bʋ̃ʋ yel-ɩra n'ʋ ɩ̃ na tɛr a nyɩ zie?

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

Efɛɛzɩ 1:16

ɩ̃ puore a Naaŋmɩn yãanɩ kʋralɛ, ɩ̃ na mɩ́ wa tɛr a nyɩ tɩɛrʋ a ɩ̃ puoru pʋɔ a.

1 Tesalonikɩ 3:9

Ŋmɩŋmɩn n'a tɩ na tʋ̃ɔ́ puori a Naaŋmɩn yãanɩ a nyɩ ƴãw k'a sɛw, a nʋ̃ɔ̀ al za nyɩ na ɩrɛ tɩ nyɛrɛ a ʋ niŋé a ƴãw?

2 Tesalonikɩ 1:3

Yɛbr i, a fɛr'a kɛ́ tɩ mɩ́ puore a Naaŋmɩn yãanɩ kʋralɛ a nyɩ ƴãw. Ɛ́ a mɩ̀ sɛw na kɛ́ tɩ ɩrɛ a lɛ, bʋ̃ʋ n'ʋ vɛ̃, a nyɩ naaŋmɩn-sàw-deb kɛrɛ na dɔwlɛ bɛ dɩ vuo ɩ, ɛ́ a nɔ̃wfʋ nyɩ na nɔnɛ taa a kɛrɛ dɔwlɛ a nyɩ za been been zie.

2 Timote 1:13

Tuur a yel-mɩŋa ƴɛ̀r-bie al ɩ̃ na ƴɛ̀r kʋ̀ b a Kɩrɩta Yeezu sàw-deb nɩ a ʋ nɔ̃wfʋ pʋɔ a.

Filemɔ̃ 1:4

Kʋralɛ mãa wa puore a, ɩ̃ mɩ́ tɩɛrɛ nɩ a fʋ yele, ɛ́ puore a ɩ̃ Naaŋmɩn yãanɩ.

Ebre 11:8

A sàw-deb zũú, a Naaŋmɩn na tɩ bʋɔlɩ a Abraham a, ʋ sàw na ɛ́ yi cen tẽw a Naaŋmɩn na na kʋ̀ ʋ k'ʋ so ʋ a. Ʋ tɩ yi na cere, ɛ́ bɛ bãw be ʋ na cere a ɩ.

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

1 Pɩɛr 3:1

Lɛ mɩ̀ n'a, a nyɩɩm pɔwbɛ, nyɩ sàwr a nyɩ sɩrbɛ nʋɔr, kɛ̀ bɛ mɩnɛ saa wa zawrɩ a Naaŋmɩn ƴɛ̀rʋ sàw deb a, bɛ̃ɛ sàw de ɛ́ nɩr bɛ ƴɛ̀r ƴɛ̀rʋ ɛ, a bɛ pɔwbɛ na ɩrɛ vla a ƴãw.

1 Pɩɛr 4:17

Sɩza n'a, a ƴɛ̀rʋ-maalʋ na tine a daar ta na. Ɛ́ a Naaŋmɩn nɩ-bʋʋrɛ nɛbɛ bɛ de niwn maal'ɩ a ƴɛ̀rʋ. Ɛcɛ alɛ wa tine a tɩ zie a, ŋmɩŋmɩn n'a a baarʋ daar a na ŋmɛ̃ a bɛlɩ dem na zawrɩ na sàw de a Naaŋmɩn Yel-nʋ̃ɔ̀ a zie?

2 Zã 1:4

Nʋ̃ɔ̀ tɩ kpɛ m'ɩ yaga za, ɩ̃ na tɩ nyɛ̃ a fʋ bibiir bɛ mɩnɛ bɛ cere a yel-mɩŋa pʋɔ, mɛ̃ a lɛ a Naaŋmɩn Sãà na ƴãw a nʋɔr kʋ̀ tɩ a.

3 Zã 1:3

Nʋ̃ɔ̀ kpɛ m'ɩ yaga za, bʋ̃ʋ n'ʋ vɛ̃, yɛbr ta n a ka dɩ a yel-mɩŋa na sãá a fʋ nyɔ-vʋʋrʋ pʋɔ a dãsɩɛ: a fʋ̃ʋ a, fʋ vʋʋrɛ nɩ a yel-mɩŋa cãà pʋɔ.