Ʋrɔm 6:12 - A SƐB-SÕW

¹² A na ɩ à ŋá a, a yel-bier bɛ tɛr sɔ́r k'ʋʋ cãà dɩrɛ naalʋ a nyɩ ƴã-gan na ɩ bʋ̃-kpiira a zu, ƴãw kɛ̀ nyɩ tuur a ƴã-gan ŋa yel-bɔbrɩ ɛ.

Ʋrɔm 6:12 ပူးပေါင်းရင်းမြစ်များ

Yele-za-pɛr-tib 4:7

A fʋ ɩb wa vɩɛl a, fʋ na dʋɔ nɩ zu. Ɛcɛ a fʋ ɩb bɛ wa vɩɛl a, a yel-bier ũú nɩ a fʋ dɩ̃dɔr ƴãw gù. Ʋ bɔbr'a k'ʋʋ so b, ɛcɛ fʋ̃ʋ n'ʋ na ƴãw fãw tʋ̃ɔ́ ʋ.»

Sɛb-sõw yielu 119:133

A lɛ fʋ na yel a, a ɩ ɩ̃ ɓãá ƴãw cere, ta sàw yel-faa kãw za wa tʋ̃ɔ́ mɛ̃ ɩ.

Sɛb-sõw yielu 19:13

Ãa n'ʋ bɛ tule? Dɩ a ɩ̃ sãwna na sɔwlɩ a suur kʋ̀ m!

Levitɩ mɩnɛ 13:40

«Nɩr zukɔbɛ wa kpa lo, ʋʋ ɩ zu-kpalɛ a, ʋ cãà na vɩɛl.

Sɔr-nɛ́ɛ 33:55

Ɛcɛ nyɩmɛ bɛ wa diw a tẽw dem a nyɩ niŋé a, a bɛl nyɩ nãà wa cãà bɛr a na ɩrɛ na a kpɩɛr nyɩ mɛ̃ gʋʋr na cɔ̀rɛ nyɩ a mimie a, bɩɩ gʋʋr na cɔ̀rɛ nyɩ a lõboge a. Bɛ na fɛrɛ nyɩ nɩ a tẽw nyɩ na na kpɩɛr a pʋɔ.

Ʋrɔm 13:14

Nyɩ su a Sore Yeezu Kɩrɩta, ɛ́ ta sàw a ƴã-gan nʋ̃ɔ̀-faar vʋla a so nyɩ ɛ.

Ʋrɔm 2:8

Ɛcɛ, a bɛlɩ dem na ɩ a nɩsaal-gaarɩ, bɛ sàwr a yel-mɩŋa ɛ́ tuur a ɩ-faar a, Naaŋmɩn suur, su-tʋlʋ, na ìr'ɩ a bɛ zu.

Ʋrɔm 5:21

A na ɩ à ŋá a, mɛ̃ a lɛ a yel-bier na tɩ wul a kũu fãw ʋ na tɛr a, lɛ mɩ̀ n'a a Naaŋmɩn maalʋ wule faafʋ fãw, k'ʋʋ tʋ̃ɔ́ tɛr tɩ cen nɩ a nyɔ-vʋʋrʋ na be kʋralɛ a pʋɔ, a Yeezu Kɩrɩta tɩ Sore ƴãw.

Ʋrɔm 6:14

Bʋ̃ʋ n'ʋ vɛ̃, a yel-bier kʋ̃ cãà dɩrɛ naalʋ a nyɩ zu ɛ, a Naaŋmɩn wulu na bɛ cãà so nyɩ, ɛ́ Naaŋmɩn maalʋ so nyɩ a ƴãw.

Ʋrɔm 6:16

Nyɩ bɛ bãwnɩ a kɛ́ nyɩmɛ wa de nyɩ tʋɔra kʋ̀ nɩr, kɛ́ nyɩ ɩ gbãgbaar sàwr a ʋ nʋɔr a, nyɩ lɩɛb'ɩ a sob nɛ nʋɔr nyɩ na sàwr a gbãgbaar ɛ? A yel-bier wa n'ʋ a, nyɩ bɛ bãwnɩ a k'ʋʋ wɩɛr'ɩ nyɩ nɩ kũu pʋɔ ɩ? A nʋɔr-sàwfʋ wa n'ʋ a, k'ʋʋ wɩɛr'ɩ nyɩ nɩ a mɩnʋ pʋɔ ɩ?

Ʋrɔm 8:11

A sob nɛ na ɩ a Yeezu ʋ lɛb yi a kũuni pʋɔ a, a ʋ Vʋʋrʋ wa kpɩɛr a nyɩ pʋɔ a, a sob nɛ na ɩ a Kɩrɩta ʋ lɛb yi a kũuni pʋɔ a, mɩ̀ na kʋ̀ n nyɔ-vʋʋrʋ a nyɩ ƴã-gamɛ na ɩ bʋ̃-kpiiri a, a ʋ Vʋʋrʋ na kpɩɛr a nyɩ pʋɔ a ƴãw.

Ʋrɔm 8:13

Bʋ̃ʋ n'ʋ vɛ̃, a nyɩ nyɔ-vʋʋrʋ wa tu a nɩsaalʋ a, nyɩ na kpi na. Ɛcɛ a Vʋʋrʋ Sõw ƴãw, nyɩmɛ wa kʋ a nɩsaalʋ ɩ-ɩrɩ a, nyɩ na vʋʋrɛ na.

2 Korɛ̃tɩ 4:11

Tɩ na saa cãà vʋʋrɛ a, ɛcɛ a kũu jɩɛrɛ tɩ nɩ kʋralɛ a Yeezu yúor ƴãw, k'aa ʋ nyɔ-vʋʋrʋ mɩ̀ tʋ̃ɔ́ sãá a tɩ ƴã-gan na ɩ bʋ̃-kpiira a pʋɔ.

2 Korɛ̃tɩ 5:4

Sɩza n'a, a tɩɩm na be a pɛn-sɛw ŋa pʋɔ a, tɩ kone na mɛ̃ nɩbɛ na tuo tuor ìre nɩ guur a. Tɩ bɛ bɔbr kɛ́ tɩ yaa a tẽw zu ka kpɛb zie bɛr ɛ, tɩ bɔbr'a kɛ́ tɩ su a tẽ-vla pʋɔ dem dɔwlɩ, k'aa nyɔ-vʋʋrʋ vɔl a ʋlɩ bom nɛ na ɩ bʋ̃-kpiira.

Galasi 5:16

A na ɩ à ŋá a, yel ŋa n'ʋ ɩ̃ bɔbr k'ɩ̃ɩ yel kʋ̀ nyɩ: nyɩ bɛr a nyɩ nyɔ-vʋʋrʋ kʋ̀ a Vʋʋrʋ Sõw ɛ́ nyɩ kʋ̃ ɩrɛ a lɛ a nyɩ nɩsaalʋ na bɔbr a ɩ.

Galasi 5:24

A bɛlɩ dem a Kɩrɩta na so a, bɛ kpa n a nɩsaalʋ a da-gara zu lãwnɩ a ʋ vʋla bʋʋrɛ na mɩ́ be a ʋ zie a, nɩ a ʋ yel-bɔbrɩ.

Efɛɛzɩ 2:3

A tɩɩm za mɩ̀ tɩ pʋɔ nɩ a nɩbɛ bɛ ŋa pʋɔ, tɩɩm na tɩ tu a nɩsaal ƴã-gan yel-bɔbrɩ na bɛ vɩɛl a pùor tɛwr a: tɩ tɩ maalɛ nɩ a nɩsaal ƴã-gan pʋ-tɩɛrʋ ɛ́ tuur a ʋ yã-faa. À ŋá n'a a tɩ nɩsaal ŋmɛ̃a tɩ ɩ tɩ sɛw nɩ a Naaŋmɩn suur mɛ̃ a ŋmaarɛ bɛ ŋa a.

Efɛɛzɩ 4:22

A koro za ɩ-ɩrɩ n'a a fɛr kɛ́ nyɩ bɛr, ɛ́ ír a nɩsaal kʋra bɛr, a ʋ bɛ̀lʋ tɩɛrʋ ɩ na ʋ wɩɛr a loba.

Wulu-ayi-sob 7:2

A Sore nyɩ Naaŋmɩn na ƴãw bɛ nɩ a nyɩ nuru pʋɔ, nyɩ na zɛb'a tʋ̃ɔ́ bɛ, ɛ́ a ʋl zũú nyɩ kʋ bɛ pàw pɛr. Nyɩ taa maalɛ nɩ bɛ wõ-taa kãw za ɩ, ɛ́ taa zɔrɛ bɛ nɩbaalʋ ɛ.

1 Tesalonikɩ 4:5

ɛ́ ta sàw a tɩɛr-faar so ʋ mɛ̃ a nɩ-bʋʋr-yoru na bɛ bãw a Naaŋmɩn a ɩ.

2 Timote 2:22

Dɛrɛ a fʋ pɔ̀lʋ daar bʋ̃-nɔnɩ, ɛ́ lãw nɩ a bɛlɩ dem na bʋɔlɛ a Sore nɩ soci-pla parpar a tu a mɩnʋ, a naaŋmɩn-sàw-deb, a nɔ̃wfʋ nɩ a ƴã-ɓaarʋ pùor.

Títɩ̀ 2:12

Ʋ wule tɩ na kɛ́ tɩ zawrɩ a ɩ-faar nɩ a tẽw ŋa zu yel-bɔbrɩ bɛr, tʋ̃ɔ́ bãw yã, ɛ́ ɩ nɩ-mɩn na tɛr Naaŋmɩn ƴãwfʋ a, vʋʋrɛ nɩ a dɩ̃a zie ŋa pʋɔ,

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.

1 Pɩɛr 1:14

Mɛ̃ bibiir na sàwr nʋɔr a, nyɩ ta tu a dãwdãw tɛra vʋla pùor ɛ, a lɛn daar nyɩ na tɩ cãà ɩ zɔn a ɩ.

1 Pɩɛr 2:11

Ɩ̃ nɩ-nɔnɩ za na ɩ mɛ̃ nɩ-tɔlɩ nɩ nɩ-sãanbɛ a, ɩ̃ zɛlɛ nyɩ na, nyɩ ciir a ƴã-gan nʋ̃ɔ̀-faar vʋla na mɩ́ zɛbr'ɩ nyɩ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:16

A nɩbɛ bɛ ŋa mɩ́ zɛbr'ɩ kʋralɛ, ɛ́ a bɛ suur bɛ nʋmɛ bɛ a bɛ nyɔ-vʋʋrʋ ƴãw ɛ. Bɛ mɩ́ tɩɛrɛ nɩ a bɛ bʋ̃-bɔbrɩ tɛwr. Pɔ̀l-ƴɛ̀rʋ n'a bɛ mɩ́ ƴɛ̀rɛ, ɛ́ bɛlɛ wa mʋʋrɛ nɩr a, bɛl mɩŋa tɔnɛ ƴãw n'a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:18

Bɛ tɩ yere nɩ à ŋá kʋ́rɛ nyɩ: «A yele za baarʋ daar a, nɩbɛ na ɩrɛ nyɩ na laar ɛ́ tuur a bɛ ɩ-faar vʋla.»

Ƴɛ̀r-dɩrbɛ 2:3

Lɛ n'a ɩ̃ tɩ yel: “Ɩ̃ bɛ diwr a tẽw nɩbɛ bɛrɛ a nyɩ niŋé ɩ: bɛ na ƴãw nyɩ nɩ bɛra, ɛ́ nyɩ na puore nɩ a bɛ ŋmɩmɛ lo a bɛ bɛra pʋɔ.”»