Ʋrɔm 5:17 - A SƐB-SÕW

¹⁷ Nɩ-been yõ ƴãw sɩrɩ n'a, nɩ-been yõ sãwna n'a so a kũu dɩ naalʋ, ɛcɛ a Yeezu Kɩrɩta, ʋ yõ ƴãw a, a bɛlɩ dem na páwr a Naaŋmɩn maalʋ yaga za a, nɩ a maalʋ na ɩ kɛ́ bɛ lɩɛbɩ nɩ-mɩn a, na vʋʋrɛ na ɛ́ dɩrɛ naalʋ zuo lɛ.

Ʋrɔm 5:17 ပူးပေါင်းရင်းမြစ်များ

Yele-za-pɛr-tib 2:17

Ɛcɛ, a tɩɛ ʋl na mɩ́ ɩ fʋ bãw a vla nɩ a faa a wɔmɛ a, fʋ kʋ̃ dɩ a ɩ. Bʋ̃ʋ n'ʋ vɛ̃, a ʋlɩ bibir nɛ fʋ nãà wa dɩrɛ a ʋ wɔm a, a kũu n'a fʋ na kpi.»

Yele-za-pɛr-tib 3:19

A fʋ niwn na mɩ́ ɩ n hanʋ mɛb, ɛ́ fʋ páw a fʋ nʋɔr-dɩb, ɛ́ gù fʋ wa tɩ lɛb kpɛ a tẽsɔw pʋɔ, ʋl pʋɔ na n'a fʋ yi a! Bʋ̃ʋ n'ʋ vɛ̃, fʋ ɩ n úuru, ɛ́ na lɛb lɩɛbɩ a úuru.»

Yele-za-pɛr-tib 3:6

A pɔw tɩ nyɛ̃ nɩ a tɩ-wɔmɛ a vɩɛl a jɩ́rʋ ɩrɛ nʋ̃ɔ̀, ɛ́ a sɛw k'aa nʋmɛ, ɛ́ a dɩb ɩrɛ vʋla yel-yaga bãwfʋ ƴãw. Ʋ tɩ pɔr'ɩ a wɔm kãw dɩ. Al pùorí ʋ kʋ̀ ʋ a ʋ sɩr na tɩ be a ʋ zie a ʋ mɩ̀ dɩ.

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Zã 10:10

Nyãnyuge bɛ waar, a bɛ ɩ zub nɩ kʋb nɩ sãw-bɛrʋ tɛwr ƴãw ɛ. Mãa wa na kɛ́ a nɩsaalbɛ wa tʋ̃ɔ́ páw a nyɔ-vʋʋrʋ, ɛ́ páw ʋ gʋr bɛr.

Ʋrɔm 5:12

Nɩ-been yõ, a Adama, ʋlɛ n'ʋ so a yel-bier wa a tẽ-daa zu, ɛ́ a yel-bier'ʋ wa n a kũu. Ɛ́ à à ŋá n'a a kũu lʋ̃ɔ a nɩsaalbɛ za, bɛ za na maalɩ a yel-bier a ƴãw.

Ʋrɔm 5:15

Ɛcɛ a maalʋ a Naaŋmɩn na tɩrɛ zawla a, nɩ a Adama sãwna a, a bɛ zɛ̃ taa ɩ. Yel-mɩŋa n'a, nɩ-yaga kpi n nɩ-been yõ sãwna zũú. Ɛcɛ a Naaŋmɩn maalʋ, a maalʋ ʋ na tu nɩ-been yõ, a Yeezu Kɩrɩta, kʋ̀rɛ nɩ-yaga zawla a, ʋ ɩ n kpɛ̃ɛ tɩ zuo.

Ʋrɔm 5:20

A Naaŋmɩn wulu wa na k'aa sãwna tʋ̃ɔ́ bʋwlɩ pàw a ziir za, ɛcɛ a be a yel-bier na tɩ bʋwlɩ a, a Naaŋmɩn maalʋ mɩ̀ tɩ ʋr'a tɩ zuo.

Ʋrɔm 6:14

Bʋ̃ʋ n'ʋ vɛ̃, a yel-bier kʋ̃ cãà dɩrɛ naalʋ a nyɩ zu ɛ, a Naaŋmɩn wulu na bɛ cãà so nyɩ, ɛ́ Naaŋmɩn maalʋ so nyɩ a ƴãw.

Ʋrɔm 6:23

Bʋ̃ʋ n'ʋ vɛ̃, a yel-bier sã-ya n'ɩ a kũu, ɛcɛ a maalʋ a Naaŋmɩn na tɩrɛ zawla a, ʋlɛ n'ɩ a nyɔ-vʋʋrʋ na be kʋralɛ fʋ na mɩ́ tɛr lãwnɩ a Yeezu Kɩrɩta tɩ Sore a.

Ʋrɔm 8:39

a saa-zu fãw nɩ a pile fãw, bʋ̃-íra kãw za, bom za kʋ̃ tʋ̃ɔ́ bʋ́r tɩɩm nɩ a Naaŋmɩn a ʋ nɔ̃wfʋ pʋɔ ɩ, a nɔ̃wfʋ ŋa ʋ na wul ʋ sãá a tɩ Sore Yeezu Kɩrɩta zie a.

1 Korɛ̃tɩ 15:49

Mɛ̃ a lɛ tɩ na ŋmɛ̃ taa nɩ a tẽsɔw nɩr a, lɛ n'a tɩ mɩ̀ nãà ŋmɛ̃ taa nɩ a nɩr ʋl na yi a salom zu a.

1 Korɛ̃tɩ 4:8

Mɛ̃ nyɩ taa tɩw baarɩ! Mɛ̃ nyɩ taa kpɛ naalʋ baarɩ! Nyɩ lɩɛb'ɩ na-mɩnɛ baarɩ ɛ́ bɛr tɩ! Mɛ̃ à ŋá a ʋ? Bʋ̃ʋ pãa ɩ nyɩ bɛ sɩrɩ ɩ a na-mɩnɛ a? Tɩ mɩ̀ nãa lãw nɩ nyɩ na dɩrɛ a naalʋ.

Filib 3:9

A ʋl ɩ̃ na lãw nɩ a ƴãw n'a a Naaŋmɩn na nyɛ̃ m ɩ̃ ɩ nɩ-mɩŋa. A mɩnʋ ŋa bɛ yi mãa zie ɩ, ʋ bɛ yi Naaŋmɩn wulu sàwfʋ pʋɔ ɩ, ʋ yi n a Kɩrɩta ɩ̃ na sàw de a zie. Mɩnʋ na yi Naaŋmɩn zie a n'ʋ, ɛ́ a ʋ pɛr sʋ̃ɔ́ a naaŋmɩn-sàwfʋ pʋɔ.

1 Timote 1:14

Sɩza, a tɩ Sore maalʋ siw nɩ a ɩ̃ zu yaga za, lãwnɩ a naaŋmɩn-sàw-deb nɩ a nɔ̃wfʋ na be a Kɩrɩta Yeezu pʋɔ a.

2 Timote 2:12

Tɩmɛ wa dɩ kanyir a, tɩ mɩ̀ na lãw nɩ ʋ na dɩ naalʋ. Tɩmɛ wa zawr'ʋ bɛr a, ʋ mɩ̀ na zawrɩ tɩ na bɛr.

Zakɩ 2:5

Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

Yel-wula 1:6

Ʋ ɩ na tɩ ɩ na-mɩnɛ nɩ-bʋʋrɛ, bàwr-maalbɛ a Naaŋmɩn ʋ Sãà ƴãw. Ʋlɛ so yúor-vɩɛlʋ-danʋ nɩ kpɛnʋ a yome yome za. Amɛn.

Yel-wula 20:4

Ɩ̃ɩ tɩ nyɛ̃ nɩ naalʋ-dà-kɔwr: bɛ tɩ kʋ̀ n a ƴɛ̀rʋ-maalʋ fãw a bɛlɩ dem na tɩ zɩ̃ a dà-kɔwr á ŋá zu a. A bɛlɩ dem bɛ na tɩ kʋ, a yel-mɩŋa dãsɩɛ a Yeezu na dɩ a ƴãw nɩ a Naaŋmɩn ƴɛ̀rʋ ƴãw a, ɩ̃ mɩ̀ tɩ nyɛ̃ nɩ a bɛ sɩ́ɩr. Bɛ bɛ tɩ gbĩ dume puori a wɛ-dʋ̃w ɛ, nɩ a ʋ dasule mɩ̀ ɛ, ɛ́ bɛ tɩ tɛr a ʋ bãwfʋ a bɛ gbẽé nɩ a bɛ nũú ɛ. Bɛ tɩ lɛb'a vʋʋrɛ ɛ́ dɩ naalʋ lãwnɩ a Kɩrɩta yome túr (1 000).

Yel-wula 20:6

Bɛlɩ dem na pʋɔ a kũu-pʋɔ-lɛb-yibu dãw-niwn sob ŋa pʋɔ a, bɛ ɩ n zu-nʋ̃ɔ̀ dem ɛ́ ɩ Naaŋmɩn nɩ-sori. A kũu-gb'a ayi sob bɛ ɩrɛ bɛ bom za ɩ: bɛ na ɩ n a Naaŋmɩn nɩ a Kɩrɩta bàwr-maalbɛ, ɛ́ bɛ na lãw nɩ nɩ a Kɩrɩta dɩ naalʋ yome túr (1 000).

Yel-wula 22:5

Tɩ̃ɩsɔw kʋ̃ lɛb cãà be ɩ, bɛ kʋ̃ cãà tɛr fɩ̃tɩlɛ cãà nɩ mʋ̃tɔ̃w cãà yel-ɩra ɩ, a Sore Naaŋmɩn na na caalɛ bɛ nɩ a ʋ cãà a ƴãw, ɛ́ bɛ na dɩrɛ nɩ naalʋ yome yome za.

Yel-wula 3:21

Sob nɛ na na zɛb tʋ̃ɔ́ a, ɩ̃ na ɩ na ʋ lãw nɩ mɛ̃ zɩ̃ a ɩ̃ naalʋ-dà-kɔw zu, mɛ̃ a lɛ a mãa mɩ̀ na zɛb tʋ̃ɔ́ ɛ́ cen tɩ lãw nɩ a ɩ̃ Sãà zɩ̃ a ʋ naalʋ-dà-kɔw zu a.