Ʋrɔm 5:13 - A SƐB-SÕW

¹³ A Naaŋmɩn na bɛ tɩ kʋ̀ a ʋ Wulu a Moyiir sɛr a, a yel-bier tɩ de nɩ niwn be a tẽ-daa zu. Ɛcɛ a Wulu na bɛ tɩ be be sɛr a, nɩr bɛ mɩ́ tɩ dɩ yel-bier san ɛ.

Ʋrɔm 5:13 ပူးပေါင်းရင်းမြစ်များ

Yele-za-pɛr-tib 13:13

A Sodɔm tẽw dem bɛ tɩ ɩrɛ vla towtow ɛ, ɛ́ tɩ maalɛ yel-bi-bɛrɛ sãwnɛ nɩ a Sore pʋɔ.

Yele-za-pɛr-tib 18:20

Lɛ n'a a Sore tɩ yel a Abraham: «A Sodɔm nɩ a Gomɔɔr sãwna bɛ na yere a kpɛ n faa yaga, ɛ́ a bɛ yel-bebe bɛrmɛ yaga za.

Yele-za-pɛr-tib 19:32

Wa tɩ ƴãw a tɩ sãà ʋ nyũ divɛ̃ kuoli, ɛ́ tɩ gã nɩ ʋ tʋ̃ɔ́ ɩ ʋ tɛr bʋʋrɛ.»

Yele-za-pɛr-tib 19:36

A Lɔtɩ pɔwyaar ayi tɩ tɛr'ɩ a bɛ sãà pʋɔ.

Yele-za-pɛr-tib 19:4

Bɛ bɛ tɩ gã sɛr ɛ, ɛ́ a Sodɔm tẽw dem wa ŋmãa jil a yir. Bɛ za tɩ be n be, a pɔ́lɛ́ tɩ lãwnɩ a dɛb-nyamɛ, nɩr bɛ tɩ cɛ ɩ.

Yele-za-pɛr-tib 38:10

A Onan ɩb ŋa bɛ tɩ pɛlɩ a Sore pʋɔ ɩ, ʋ ɩ ʋ mɩ̀ kpi.

Yele-za-pɛr-tib 38:7

A Ɛɛr tɩ ɩ na a bɛ pɛlɩ a Sore pʋɔ ɩ, ʋ ɩ ʋ kpi.

Yele-za-pɛr-tib 6:11

Ɛcɛ a Naaŋmɩn zie a, a nɩsaalbɛ tɩ sãw nɩ bɛ za: po-to-fãw-ɩb tɩ n'a a ziir za.

Yele-za-pɛr-tib 8:21

A Sore tɩ wõ n a nyũu na nyu vla a, ɛ́ tɩɛr ʋ pʋɔ: «Ɩ̃ bɛ be za na lɛb ŋmɛ ƴãw a tẽsɔw a nɩsaal ƴãw ɛ. Sɩza n'a, a nɩsaal pɔ̀lʋ daarɩ́ za n'a a ʋ socir mɩ́ tu a faa pùor, ɛcɛ ɩ̃ bɛ be za na lɛb dɔwrɩ bʋ̃-vʋʋra za mɛ̃ à à ŋá ɩ̃ na ɩ a ɩ.

Ʋrɔm 3:20

A lɛ n'a so nɩr za kʋ̃ tʋ̃ɔ́ lɛb ɩ nɩ-mɩŋa a Naaŋmɩn niŋé, a Wulu ʋ na na ƴãw fãw sàwr a ƴãw ɛ, bʋ̃ʋ n'ʋ vɛ̃, a yel-bier tɛwr'ʋ a Naaŋmɩn wulu mɩ́ ɩ bɛ bãw.

Ʋrɔm 4:15

Bʋ̃ʋ n'ʋ vɛ̃, a Wulu-bɛ-sàwfʋ n'ʋ mɩ́ so a Naaŋmɩn suur nyɛ́b, ɛcɛ be wulu na bɛ wul a, wulu zawrʋ mɩ̀ bɛ ka be ɩ.

1 Korɛ̃tɩ 15:56

A kũu pĩi-zɛl n'ɩ a yel-bier ɛ́ a yel-bier fãw n'ɩ a Moyiir wulu.

1 Zã 3:14

Tɩɩm a, tɩ bãw na kɛ́ tɩ yi n a kũu pʋɔ kpɛ nyɔ-vʋʋrʋ pʋɔ, tɩ na nɔnɛ a tɩ yɛbr a ƴãw. Sob nɛ na bɛ tɛr a nɔ̃wfʋ a cãà na be a kũu pʋɔ.

1 Zã 3:4

Nɩr za na maalɛ yel-bier a mɩ́ zawr'ɩ Naaŋmɩn nʋɔr, bʋ̃ʋ n'ʋ vɛ̃, a yel-bier ɩ n Naaŋmɩn nʋɔr zawrʋ.