Ʋrɔm 5:10 - A SƐB-SÕW

¹⁰ Tɩ tɩ ɩ n a Naaŋmɩn dɔ̃ dem, ʋʋ ɩ tɩɩm nɩ ʋl lɛb kpɛ taa a ʋ Bie kũu zũú. Ƴɛrɛŋa tɩɩm nɩ ʋl na lɛb kpɛ taa baarɩ a, bʋnʋ bɛ ka be ɩ, ʋ na faa tɩ nɩ zaalɛ a ʋ Bie nyɔ-vʋʋrʋ ƴãw.

Ʋrɔm 5:10 ပူးပေါင်းရင်းမြစ်များ

2 Bibie za yel-manɩ 29:24

A bàwr-maalbɛ tɩ ŋma n a kɔkɛɛ a Ɩsɩrayɛl za yel-bier ír-bɛrʋ ƴãw, ɛ́ de a zɩ̃ɩ cir ƴãw a bàwr-maal-kuur zu.

Ezekɩɛl 45:20

A cuw bibie ayopõi sob a, nyɩ na lɛb'a ɩ a lɛ tɔr za a sob nɛ na bɛ sʋ̃ɔmɩ sãw bɩɩ sãw ɛ́ bɛ bãw nɩ a a ƴãw. À à ŋá n'a nyɩ na ɩ a Ŋmɩn-yir-kpɛ̃ɛ ʋ vɩɛl.

Zã 14:19

Blã blã, ɛ́ a tẽ-daa kʋ̃ lɛb nyɛ̃ m ɛ. Ɛcɛ a nyɩɩm, nyɩ na nyɛ̃ m'a, ɩ̃ vʋʋrɛ, ɛ́ nyɩ mɩ̀ na vʋʋrɛ na.

Zã 5:26

Mɛ̃ a lɛ a Sãà na tɛr a nyɔ-vʋʋrʋ a ʋ pʋɔ a, lɛ n'a ʋ mɩ̀ kʋ̀ a Bie ʋ mɩ̀ tɛr a nyɔ-vʋʋrʋ a ʋ pʋɔ.

Zã 6:40

A ɩ̃ Sãà pʋ-tɩɛrʋ sɩrɩ n'ɩ ŋa: kɛ́ sob ŋa za na nyɛrɛ a Bie ɛ́ sàwr dier ʋ a, ʋ tɛr a nyɔ-vʋʋrʋ na be kʋralɛ a, ɛ́ a mãa a, ɩ̃ na ɩ na ʋ lɛb yi a kũu pʋɔ a bibi-pɛ-baara wa vɩɛ a.»

Zã 6:57

Mɛ̃ a lɛ a Sãà na vʋʋrɛ a na tõ m ɛ́ so k'ɩ̃ vʋʋrɛ a, lɛ mɩ̀ n'a, sob nɛ nãà wa 'wɔbr mɛ̃ a, mãa n'ʋ mɩ̀ na so k'ʋ vʋʋrɛ.

Ʋrɔm 11:28

A bɛ Yel-nʋ̃ɔ̀ bɛ-sàw-deb ƴãw wa n'a a, bɛ ɩ n Naaŋmɩn dɔ̃ dem a nyɩɩm vla ƴãw, ɛcɛ alɛ wa ɩ a kaa-íru a Naaŋmɩn na kaa ír bɛ a ƴãw n'a a, ʋ cãà na nɔnɛ bɛ, a bɛ sãàkʋm-kore zũú.

Ʋrɔm 5:11

Ɛ́ a za cãà bɛ n'a ɩ, a Naaŋmɩn ƴãw n'a nʋ̃ɔ̀ ɩrɛ tɩ a tɩ Sore Yeezu Kɩrɩta zũú, ʋl na n'ʋ so tɩɩm nɩ a Naaŋmɩn lɛb kpɛ taa ƴɛrɛŋa a.

Ʋrɔm 5:6

Tɩ na bɛ tɩ tɛr fãw na ɩ bom za a, lɛ n'a a Naaŋmɩn daar na wa ta a, a Kɩrɩta kpi yel-bebe dem ƴãw.

Ʋrɔm 8:32

Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?

Ʋrɔm 8:34

Ãa n'ʋ na maal'ɩ bɛ ƴɛ̀rʋ? Nɩr bɛ ka be ɩ. Bʋ̃ʋ n'ʋ vɛ̃, a Yeezu Kɩrɩta kpi na, mɔ̃ mɩ̀, ʋ lɛb'a yi a kũu pʋɔ, ʋ be n a Naaŋmɩn dʋrʋ lowr zɛlɛ ʋ a tɩ ƴãw.

Ʋrɔm 8:7

Bʋ̃ʋ n'ʋ vɛ̃, bɛlɩ dem na tuur a nɩsaalʋ yel-bɔbrɩ pùor a, bɛ ɩ n Naaŋmɩn dɔ̃ dem, bɛ bɛ sàwr dier a Naaŋmɩn wulu ɛ, bɛ mɩ̀ kʋ̃ tʋ̃ɔ́ mɩ̀ ɛ.

2 Korɛ̃tɩ 5:20

A na ɩ à ŋá a, a Kɩrɩta n'ʋ tõ n tɩ a tõ-nʋɔr ŋa a nyɩ zie, ɛ́ a ɩ mɛ̃ a Naaŋmɩn mɩŋa n'ʋ yere kʋ̀rɛ nyɩ nɩ a tɩ nʋɔr a: tɩ zɛlɛ nyɩ nɩ yãayãa, a Kɩrɩta yúor ƴãw, nyɩ sàw kɛ̀ nyɩɩm nɩ a Naaŋmɩn lɛb kpɛ taa.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Efɛɛzɩ 2:16

Ʋ tɩ bɔbr'a kɛ́ bɛlɛ nɩ a Naaŋmɩn lɛb kpɛ taa, a ʋ da-gara zu kũu ƴãw, ɛ́ k'aa bʋʋrɛ bɛ za ayi tʋ̃ɔ́ lãw taa ɩ ƴãw-been. A ʋl mɩŋa pʋɔ n'a ʋ kʋ a dɔ̀nʋ.

Efɛɛzɩ 2:3

A tɩɩm za mɩ̀ tɩ pʋɔ nɩ a nɩbɛ bɛ ŋa pʋɔ, tɩɩm na tɩ tu a nɩsaal ƴã-gan yel-bɔbrɩ na bɛ vɩɛl a pùor tɛwr a: tɩ tɩ maalɛ nɩ a nɩsaal ƴã-gan pʋ-tɩɛrʋ ɛ́ tuur a ʋ yã-faa. À ŋá n'a a tɩ nɩsaal ŋmɛ̃a tɩ ɩ tɩ sɛw nɩ a Naaŋmɩn suur mɛ̃ a ŋmaarɛ bɛ ŋa a.

Ebre 2:17

Lɛ so a tɩ fɛr k'ʋʋ ŋmɛ̃ taa nɩ a ʋ yɛbr a yele za pʋɔ, ɩ bàwr-maal-kara na tɛr su-ɓaarʋ ɛ́ bɛ lɛbr pùor a Naaŋmɩn tome tob pʋɔ a, tʋ̃ɔ́ mɩ́ ír a nɩbɛ yel-bebe bɛr.

Ebre 7:25

A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.

1 Zã 2:1

Ɩ̃ bibiir i, ɩ̃ sɛbr nyɩ nɩ à á ŋá kɛ́ nyɩ taa maalɛ yel-bier ɛ. Ɛcɛ nɩr wa ɩ mɛ̃ ʋ maal'ɩ yel-bier a, tɩ tɛr'ɩ nɩr a Naaŋmɩn Sãà zie ʋ mɩ́ ƴɛ̀r faa tɩ, ʋlɛ n'ɩ a Yeezu Kɩrɩta na ɩ nɩ-mɩŋa a.

1 Zã 4:10

À ŋá n'a a nɔ̃wfʋ ŋmɛ̃: tɩmɛ bɛ nɛbɛ nɔ̃w a Naaŋmɩn ɛ, ʋlɛ n'ʋ nɔ̃w tɩ, ɛ́ tõ a ʋ Bie k'ʋʋ wa de ʋ tʋɔra maal'ɩ bàwr a tɩ yel-bebe suur-dɩ-kʋ̀b ƴãw.

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.