Ʋrɔm 4:11 - A SƐB-SÕW

¹¹ A pùorí n'a ʋ tɩ páw a yʋɔr-ŋmãafʋ ʋ ɩ bãwfʋ na wule k'aa Naaŋmɩn tɩ sàw na kʋ̀ ʋ k'ʋʋ ɩ n nɩ-mɩŋa a sàw-deb zũú, ʋ na saa bɛ tɩ ŋmãa a yʋ̀ɔr sɛr a. À ŋá n'a a Abraham lɩɛbɩ a bɛlɩ dem za na sàw de, ɛ́ bɛ ŋma a yɛɛ a sãà, k'aa Naaŋmɩn tʋ̃ɔ́ sàw kʋ̀ bɛ kɛ́ bɛ mɩ́ ɩ n nɩ-mɩn.

Ʋrɔm 4:11 ပူးပေါင်းရင်းမြစ်များ

Yele-za-pɛr-tib 17:24

A Abraham tɩ tɛr'ɩ yome kʋba for bir a lɛn daar ʋ na ŋmãa a yʋ̀ɔr a,

Sɛb-sõw yielu 47:9

A Naaŋmɩn dɩrɛ nɩ naalʋ a nɩ-bʋʋr-yoru zu, ʋ zɩ̃ n a ʋ naalʋ-dà-kɔw-sõw zu.

Eziptɩ tẽw yib 12:13

Ɛcɛ a zɩ̃ɩ na be a yie nyɩ na kpɩɛr a zu a na ɩ n bãwfʋ gù nyɩ. Ɩ̃ na mɩ́ nyɛ̃ a na ɛ́ tɔl gãw nyɩ bɛr. À ŋá n'a, mãa wa dɔwrɛ a Eziptɩ a lɛn daar a, a bʋ̃-faa na kʋrɛ a kʋ̃ páw nyɩ ɛ.»

Eziptɩ tẽw yib 31:13

«A nɛ-ƴãwnɩ n'ɩ à á ŋá fʋ na na tɩ yel kʋ̀ a Ɩsɩrayɛl nɩbɛ a: Nyɩ na maal'a tɛr a pɩ̃ɛnʋ-bibie, bʋ̃ʋ n'ʋ vɛ̃, a pɩ̃ɛnʋ-bibir na ɩ n bãwfʋ kʋralɛ mãa nɩ a nyɩɩm cara pʋɔ. Ʋ na sɩ̃wnɛ nɩ a nyɩ tɩ́ɛrʋ kɛ́ mãa n'ɩ a Sore na mɩ́ ɩ kɛ̀ nyɩ ɩ son a.

Eziptɩ tẽw yib 31:17

A pɩ̃ɛnʋ-bibir na ɩ n bãwfʋ kʋralɛ mãa nɩ a Ɩsɩrayɛl nɩbɛ cara pʋɔ, bʋ̃ʋ n'ʋ vɛ̃, bibie ayʋɔb'a ɩ̃ ír a salom nɩ a tẽw, ɛ́ a bibie ayopõi sob ɩ̃ zɩ̃ vʋʋrɩ.»

Ezekɩɛl 20:12

Ɩ̃ mɩ̀ tɩ kʋ̀ bɛ nɩ a pɩ̃ɛnʋ-bibir. Bãwfʋ tɩ n'ʋ a mãa nɩ a bɛl cará, k'ɩ̃ɩ lɛb sɩ̃w a bɛ tɩɛrʋ k'aa mãa Sore, ɩ̃ ka n nũu ƴãw bɛ a ɩ̃ tome ƴãw.

Ezekɩɛl 20:20

Nyɩ ɩ a pɩ̃ɛnʋ-bibir ɩ bibi-sõw a ɩ̃ ƴãw, tʋ̃ɔ́ wul a wõ-taa na lãw a nyɩɩm nɩ a mãa taa, ɛ́ mɩ́ lɛb sɩ̃w a nyɩ tɩɛrʋ kɛ́ mãa n'ɩ a Sore nyɩ Naaŋmɩn a.”

Matie 16:16

Sɩmʋ̃ Pɩɛr tɩ sɔw na: «Fʋ̃ʋ n'ɩ a Nɩ-kabra, a Naaŋmɩn na vʋʋrɛ a Bie.»

Matie 8:11

Ɩ̃ yere na kʋ̀rɛ nyɩ, nɩ-yaga na yi n saa-pɛrɩ́ nɩ mʋ̃tɔ̃w-kpɛb-lowr wa lãw nɩ a Abraham nɩ a Ɩzaakɩ nɩ a Zakɔb a tẽ-vla Naalʋ cuw dɩb pʋɔ,

Luka 19:9

Lɛ n'a a Yeezu tɩ yel a ʋ ƴãw: «A dɩ̃a a, a faafʋ wa n a yir ŋa ƴãw, a sob ŋa mɩ̀ na ɩ Abraham bie a ƴãw.

Zã 3:33

Nɩr na sàw de a ʋ dãsɩɛ a, wul'a kɛ́ Naaŋmɩn ɩ n yel-mɩŋa sob.

Zã 3:36

Sob nɛ na sàw de a Bie a páw nɩ a nyɔ-vʋʋrʋ na be kʋralɛ a. Ɛcɛ sob nɛ bɛ wa sàw de a Bie a, ʋ kʋ̃ páw a nyɔ-vʋʋrʋ ŋa ɩ, ɛ́ a Naaŋmɩn suur be n a ʋ sob ƴãw.»

Zã 6:35

A Yeezu yel bɛ: «Mãa n'ɩ a nyɔ-vʋʋrʋ dipɛ̃. Ʋlɩ sob na waar a ɩ̃ zie a, kɔ̃ kʋ̃ kpɛ ʋ towtow ɛ, ɛ́ ʋlɩ sob na sàw de m a, kʋ̃ɔ-nyúur kʋ̃ kpɛ ʋ towtow ɛ.

Zã 6:40

A ɩ̃ Sãà pʋ-tɩɛrʋ sɩrɩ n'ɩ ŋa: kɛ́ sob ŋa za na nyɛrɛ a Bie ɛ́ sàwr dier ʋ a, ʋ tɛr a nyɔ-vʋʋrʋ na be kʋralɛ a, ɛ́ a mãa a, ɩ̃ na ɩ na ʋ lɛb yi a kũu pʋɔ a bibi-pɛ-baara wa vɩɛ a.»

Zã 6:47

Yel-mɩŋa sɩza sɩza n'a ɩ̃ yere kʋ̀rɛ nyɩ: ʋlɩ sob na sàw de a, ʋ tɛr'ɩ a nyɔ-vʋʋrʋ na be kʋralɛ a.

Zã 8:33

Bɛ tɩ sɔw ʋ na yel: «Abraham bʋʋrɛ n'ɩ tɩ, ɛ́ bɛ dãw ɩ nɩr za gbãgbaar ɛ: ŋmɩŋmɩn n'a fʋ yere kɛ́ tɩ na ɩ n nɩbɛ na so bɛ tʋɔra a?»

Ʋrɔm 10:11

Bʋ̃ʋ n'ʋ vɛ̃, a Sɛb-sõw yere nɩ à ŋá: «Sob nɛ za na sàw de ʋ a, ʋ kʋ̃ nyɛ̃ vĩ ɛ.»

Ʋrɔm 10:4

Bʋ̃ʋ n'ʋ vɛ̃, a Kɩrɩta maal'ɩ a ʋlɩ bom nɛ a Moyiir wulu na tɩ bɔbr k'ʋʋ ɩ a, kɛ́ sob nɛ za na sàw de a tʋ̃ɔ́ lɩɛbɩ nɩ-mɩŋa a Naaŋmɩn niŋé.

Ʋrɔm 10:6

Ɛcɛ à ŋá n'a a ƴɛ̀rʋ na ƴɛ̀r càar'ɩ a mɩnʋ na na tʋ̃ɔ́ yi a sàw-deb pʋɔ a ƴɛ̀r: «Taa tɩɛrɛ fʋ pʋɔ yere: Ãa n'ʋ na do a salom zu?» (A pɛr lɛ k'ʋʋ tɩ ɩ a Kɩrɩta ʋ siw).

Ʋrɔm 3:22

Naaŋmɩn mɩ́ ɩ na a nɩsaalbɛ ɩ nɩ-mɩn a ʋ niŋé, a Yeezu Kɩrɩta bɛ na mɩ́ sàw de a zũú. A bɛlɩ dem za na sàw de a Kɩrɩta a ƴãw n'a ʋ mɩ́ ɩ a lɛ, bʋ̃ʋ n'ʋ vɛ̃, ʋ bɛ owre ɩ:

Ʋrɔm 3:30

bʋ̃ʋ n'ʋ vɛ̃, Naaŋmɩn-been yõ n'ʋ be. A sàw-deb'a ʋ na ɩ n a Zifʋ mɩnɛ ɩ nɩ-mɩn a ʋ niŋé, a sàw-deb cãà n'a ʋ na ɩ n a bɛlɩ dem na bɛ ɩ Zifʋ mɩnɛ a, bɛ ɩ nɩ-mɩn a ʋ niŋé.

Ʋrɔm 4:10

Ɛcɛ debor daar'a a Naaŋmɩn tɩ sàw kʋ̀ ʋ a lɛ? A Abraham na tɩ ŋmãa a yʋ̀ɔr baar'a n'a bɩɩ, ʋ na bɛ tɩ ŋmãa a yʋ̀ɔr sɛr a n'a? Ʋ na tɩ ŋmãa baar'a bɛ n'a ɩ, ʋ na bɛ tɩ ŋmãa sɛr a n'a.

Ʋrɔm 9:30

Tɩ na yel'a kɛ́ bo? À ŋá n'a tɩ na yel: nɩ-bʋʋr-yoru nɩbɛ na bɛ tɩ bɔbr a mɩnʋ a páw nɩ a mɩnʋ a Naaŋmɩn zie, a mɩnʋ ʋl na yi a sàw-deb zie a n'ʋ ɩ̃ yere.

Ʋrɔm 9:33

a kʋsɩɛr ʋl a Sɛb-sõw na yere à ŋá a: «Mãa n'ɩ ŋan ƴãwnɛ gbɛ-ŋmɛ-kʋsɩɛr a Sɩyɔ̃ tẽw pʋɔ, pìir kʋsɩɛr na ɩrɛ bɛ lore a. Ɛcɛ sob nɛ na sàw de ʋ a, ʋ kʋ̃ nyɛ̃ vĩ ɛ.»

Ʋrɔm 9:6

Ɛcɛ, a bɛ wul k'aa lɛ a Naaŋmɩn na yel a bɛ cãà pʋɔ ɩ. Bʋ̃ʋ n'ʋ vɛ̃, a Ɩsɩrayɛl bʋʋrɛ za bɛ nɛbɛ ɩ a Ɩsɩrayɛl nɩbɛ yel-mɩŋa ɩ.

2 Korɛ̃tɩ 1:22

ʋl na ŋmãa a ʋ bãwfʋ ƴãw tɩ, ɛ́ ƴãw a Vʋʋrʋ Sõw a tɩ socie pʋɔ, ʋ ɩ a maalʋ tɩ nãà páw a bãwfʋ a.

Galasi 3:22

Ɛcɛ a Sɛb-sõw yel a k'aa yel-bier fãw so nɩ a tẽ-daa za, k'aa maalʋ a Naaŋmɩn na yel k'ʋʋ na tɩr'a a, tʋ̃ɔ́ ta a bɛlɩ dem na sàw de a, bɛ na sàw de a Yeezu Kɩrɩta a zũú.

Galasi 3:29

Ɛ́ a Kɩrɩta wa so nyɩ a, nyɩ ɩ n a Abraham bʋ̃-dɔwrɩ, ɛ́ nyɩ na páw nɩ a gbã-dɩ-bom a Naaŋmɩn na yel k'ʋʋ na tɩr'a a.

Galasi 3:7

A na ɩ à ŋá a, nyɩ bãw vla: a bɛlɩ dem na sàw de a Naaŋmɩn a, bɛlɛ nɛbɛ sɩrɩ ɩ a Abraham bibiir.

Galasi 5:5

Ɛcɛ a tɩɩm a, tɩ ƴãw nɩ a tɩ tɩɛrʋ a Naaŋmɩn ƴãw, ʋl na na ɩ tɩ ɩ nɩ-mɩn a ʋ niŋé a. A yel ŋa n'ʋ tɩ gùre nɩ a Vʋʋrʋ Sõw fãw, ʋl na tone a tɩ naaŋmɩn-sàw-deb pʋɔ a.

Galasi 6:16

A Naaŋmɩn ƴã-ɓaarʋ nɩ a ʋ nɩ-bàal-zɔba, a be a bɛlɩ dem za na tuur a wulu pɔl ŋa a zie, ɛ́ mɩ̀ be a ʋ nɩ-bʋʋrɛ za zie.

Efɛɛzɩ 1:13

A Kɩrɩta nyɩ na lãw nɩ a ƴãw n'a nyɩ wõ a yel-mɩŋa ƴɛ̀rʋ, a Yel-nʋ̃ɔ̀ na faarɛ nyɩ a. A ʋl nyɩ na lãw nɩ a ƴãw mɩ̀ cãà n'a nyɩ sàw de, ɛ́ bɛ ŋmãa a Vʋʋrʋ a Naaŋmɩn na tɩr a bãwfʋ ƴãw nyɩ, a Vʋʋrʋ Sõw na ɩ

Efɛɛzɩ 4:30

Nyɩ ta ɩ a Vʋʋrʋ Sõw tɛr pʋ-sãwna ɩ, ʋlɛ n'ɩ a bãwfʋ a Naaŋmɩn na ƴãw nyɩ, gùre nɩ a faafʋ bibir nãà wa vɩɛ a.

Wulu-ayi-sob 30:6

A Sore nyɩ Naaŋmɩn na ír'ɩ nyɩɩm nɩ a nyɩ bʋʋrɛ socie dɛwr bɛr, kɛ́ nyɩ tʋ̃ɔ́ nɔnɛ ʋ nɩ a nyɩ pʋɔ za, nɩ a nyɩ sɩ́ɛ za. Lɛ n'a nyɩ na tʋ̃ɔ́ vʋʋrɛ.

Filib 3:9

A ʋl ɩ̃ na lãw nɩ a ƴãw n'a a Naaŋmɩn na nyɛ̃ m ɩ̃ ɩ nɩ-mɩŋa. A mɩnʋ ŋa bɛ yi mãa zie ɩ, ʋ bɛ yi Naaŋmɩn wulu sàwfʋ pʋɔ ɩ, ʋ yi n a Kɩrɩta ɩ̃ na sàw de a zie. Mɩnʋ na yi Naaŋmɩn zie a n'ʋ, ɛ́ a ʋ pɛr sʋ̃ɔ́ a naaŋmɩn-sàwfʋ pʋɔ.

Ebre 11:7

A sàw-deb zũú n'a Nowe tɩ bɛr wõ a lɛ Naaŋmɩn na tɩ yel kʋ̀ ʋ, yele bɛ na bɛ tɩ nyɛ̃ sɛr a ƴãw. Ʋ bɛ tɩ de dɩ̃ɛnʋ ƴãw a lɛ a Naaŋmɩn na tɩ yel a ƴãw ɛ, ɛ́ tɩ maalɩ gbor-kpɛ̃ɛ ʋlɛ nɩ a ʋ yir dem faafʋ ƴãw. À ŋá n'a ʋ tɩ wul a tẽ-daa sãwna, ɛ́ a Naaŋmɩn nyɛ̃ ʋ ɩ nɩ-mɩŋa, a ʋ sàw-deb zũú.

2 Pɩɛr 1:1

A mãa Sɩmʋ̃ Pɩɛr na ɩ a Yeezu Kɩrɩta tõ-tone nɩ a ʋ nɩ-tona a, mãa n'ʋ sɛbr a bɛlɩ dem na páw a naaŋmɩn-sàwfʋ ʋ vɩɛl man a tɩ dem a. A tɩ Naaŋmɩn nɩ a tɩ Faarɛ Yeezu Kɩrɩta mɩnʋ zũú n'a bɛ páw a naaŋmɩn-sàwfʋ ŋa.

Yel-wula 9:4

Bɛ tɩ yel a na k'aa taa wa ɩrɛ mʋ̃ɔ kãw za, nɩ váar kãw za, nɩ tɩɛ kãw za bom ɛ, ɛcɛ, a ɩrɛ a kpɩɛr a nɩsaalbɛ bɛl na bɛ tɛr a Naaŋmɩn bãwfʋ a bɛ gbẽé a.