Ʋrɔm 3:4 - A SƐB-SÕW

⁴ Lɛ bɛ n'a towtow ɛ! A fɛr'a kɛ́ Naaŋmɩn mɩ́ sãá ɩ yel-mɩŋa sob, nɩsaal za saa ɩ zir-ŋmarɛ a, mɛ̃ à ŋá a Sɛb-sõw na yel a Naaŋmɩn ƴãw a: «A fɛr'a kɛ́ bɛ mɩ́ nyɛ̃ b fʋ tɛr yel-mɩŋa a fʋ ƴɛ̀rʋ pʋɔ, fʋ mɩ́ tʋ̃ɔ́ ƴɛ̀r yi, bɛlɛ wa maalɛ nɩ fʋ ƴɛ̀rʋ a.»

Ʋrɔm 3:4 ပူးပေါင်းရင်းမြစ်များ

A Zɔb sɛbɛ 36:3

Ɩ̃ na wul nyɩ nɩ lɛ a ɩ̃ bãwfʋ na ɩ kpɛ̃ɛ a, nɩ a lɛ a ɩ̃ Íre na tɛr yel-mɩŋa a.

A Zɔb sɛbɛ 40:8

Fʋ bɔbr'a kɛ́ fʋ yel k'ɩ̃ɩ bɛ ɩ nɩ-mɩŋa ɩ? Fʋ bɔbr'a k'ɩ̃ɩ ɩ sãwna sob fʋ tʋ̃ɔ́ tɛr yel-mɩŋa a?

Sɛb-sõw yielu 100:5

Bʋ̃ʋ n'ʋ vɛ̃, a Sore ɩ n nɩ-vla, a ʋ nɔ̃wfʋ be n kʋralɛ, ɛ́ a ʋ na ŋmɛ̃ ʋ ŋmɛ̃a a be be yome yome za.

Sɛb-sõw yielu 116:11

Ɩ̃ bɛ tɩ cãà bãw ŋmɩŋmɩn za n'a ɩ, ɛ́ tɩ yere: «A nɩsaalbɛ za ɩ n zir-ŋmarbɛ!»

Sɛb-sõw yielu 119:160

Zuo a za, a fʋ ƴɛ̀rʋ ɩ n yel-mɩŋa, ɛ́ a ƴɛ̀rʋ fʋ na dɩ a tu a mɩnʋ a, be n be kʋralɛ.

Sɛb-sõw yielu 138:2

Ɩ̃ lo na gbĩ dume gũu tɩ tɔ tẽw tori a fʋ yir-sõw, ɩ̃ puore fʋ nɩ yãanɩ a fʋ nɔ̃wfʋ nɩ a fʋ na ŋmɛ̃ fʋ ŋmɛ̃a a ƴãw. Bʋ̃ʋ n'ʋ vɛ̃, fʋ maal'ɩ a lɛ fʋ na yel a, tɩ zuo nɩ a lɛ tɩ na gùre a fʋ zie a bɛr.

Sɛb-sõw yielu 51:4

Pɛ́w a ɩ̃ sãwna dɛwr za bɛr, so a ɩ̃ yel-bier dɛwr bɛr mɛ̃.

Sɛb-sõw yielu 62:9

Nɩbɛ ɛ, nyɩ mɩ́ ɓãá ƴãw bɛr nyɩ tʋɔra kʋ̀ ʋ kʋralɛ, nyɩ mɩ́ ƴɛ̀r a nyɩ pʋɔ ƴɛ̀rʋ kʋ̀ ʋ. A Naaŋmɩn n'ɩ a tɩ sɔwlʋ zie! Tɛw-àrʋ

Mise 7:20

Fʋ na wul'ɩ a fʋ nɔ̃wfʋ na bɛ lɛbr pùor a, a Abraham nɩ a Zakɔb bʋʋrɛ, mɛ̃ a lɛ fʋ na tɩ pɔ a koro za a tɩ sãàkʋm-kore zie a.

Matie 11:19

A Nɩsaal Bie wa dɩrɛ ɛ́ nyúur, ɛ̀ bɛ yel kɛ́: “Bʋ̃-dɩ-nɔ̃wnɛ nɩ dã-kuole n'ʋ! Zuru-yar-dierbɛ nɩ yel-bier-maalbɛ bá-pɛr'ʋ!” Ɛcɛ a Naaŋmɩn yã-bãwfʋ wul'ɩ a ʋ yel-mɩnʋ a sãá a ʋ ɩ-ɩrɩ pʋɔ.»

Luka 20:16

Ʋ na wa na wa kʋ a po-kaarbɛ bɛ ŋa ɛ́ de a púo kʋ̀ nɩ-yoru.» A zu-sɛbla na wa wõ a ƴɛ̀r-bie á ŋá a, bɛ yel'a: «Al bɛ ɩrɛ ɩ!»

Zã 3:33

Nɩr na sàw de a ʋ dãsɩɛ a, wul'a kɛ́ Naaŋmɩn ɩ n yel-mɩŋa sob.

Ʋrɔm 11:1

A na ɩ à ŋá a, sowru n'a ɩ̃ sowre: a Naaŋmɩn ya jɛ n a ʋ nɩ-bʋʋrɛ Ɩsɩrayɛl bɛr a baarɩ bɩɩ? Lɛ bɛ n'a towtow ɛ! Bʋ̃ʋ n'ʋ vɛ̃, a mãa tɔr za ɩ n Ɩsɩrayɛl nɩr, Abraham bʋʋrɛ, Bɛ̃zamɛ dɔwlʋ nɩr.

Ʋrɔm 11:11

A na ɩ à ŋá a, sowru n'a ɩ̃ sowre: lo ɛ́ ta lɛb ìr ƴãw n'a a Zifʋ mɩnɛ ŋmɛ a gbɛ́r bɩɩ? Lɛ bɛ n'a towtow ɛ! Ɛcɛ a bɛ sãwna ɩ na a nɩ-bʋʋr-yoru nyɛ̃ a faafʋ, kɛ́ nyuur tʋ̃ɔ́ ɩrɛ a Zifʋ mɩnɛ.

Ʋrɔm 3:31

A pãa ɩ lɛ, a sàw-deb zũú, tɩ yel k'aa Wulu bɛ cãà tɛr pɛr towtow ʋ? Lɛ bɛ n'a ɩ, tɩ nɩ̃ɛ na ɩ a Wulu pɛr sɩza ʋ sãá.

Ʋrɔm 6:15

Ɛ́ bʋnʋ? Tɩ na maalɛ nɩ a yel-bier, a Naaŋmɩn wulu na bɛ cãà so tɩ ɛ́ Naaŋmɩn maalʋ so tɩ a bɩɩ? Lɛ bɛ n'a towtow ɛ!

Ʋrɔm 6:2

Lɛ bɛ n'a towtow ɛ! Tɩ kpi na, bɛ cãà pʋɔ yel-bier pʋɔ ɩ: ŋmɩŋmɩn n'a tɩ na tʋ̃ɔ́ cãà be a yel-bier pʋɔ?

Ʋrɔm 7:13

A pãa ɩ lɛ bʋ̃-vla wa lɩɛbɩ kũu bom mãa zie ʋ? Lɛ bɛ n'a towtow ɛ! A yel-bier zie n'a a yi. À ŋá n'a ʋ ɩ, a ʋ ŋmɛ̃a tɔr za sãá: ʋ de nɩ bom na ɩ bʋ̃-vla a kʋ n mɛ̃. Ɛcɛ à à ŋá n'a, a nɔ-ƴãwna zũú, a yel-bier pãa lɛb bãw kpɛ faa tɩ zuo.

Ʋrɔm 7:7

Tɩ na yel'a kɛ́ bo? K'aa Naaŋmɩn wulu ɩ n yel-bier bɩɩ? Lɛ bɛ n'a towtow ɛ! Ɛcɛ a Wulu n'ʋ ɩ ɩ̃ bãw bʋ̃ʋ n'ɩ a yel-bier. Bʋ̃ʋ n'ʋ so, a Wulu bɛ tɩ yel a ƴɛ̀r-bie á ŋá: «Ta nyɛ̃ a fʋ tɔ bom bɔbr ɛ», ɩ̃ kʋ̃ʋ bãw bʋ̃ʋ n'ɩ nyɛ̃ a fʋ tɔ bom bɔbr ɛ.

Ʋrɔm 9:14

Tɩ na yel'a kɛ́ bo? A Naaŋmɩn taa ɩrɛ bɛ wa tuur yel-mɩnʋ ʋ? Lɛ bɛ n'a towtow ɛ!

1 Korɛ̃tɩ 6:15

Nyɩ bɛ bãw kɛ́ a nyɩ ƴã-gamɛ ɩ n a Kɩrɩta ƴã-gan ɓɛrmɛ bɩɩ? Ɩ̃ na sàw na de a Kɩrɩta ƴã-gan ɓɛrmɛ ƴãw a lɩɛbɩ pɔw-yɛm ƴã-gan ɓɛrmɛ bɩɩ? Ʋ̃ʋ'hʋ̃! Towtow!

2 Korɛ̃tɩ 1:18

A Naaŋmɩn dɩ n a ɩ̃ dãsɩɛ k'aa tɩ ƴɛ̀rʋ a nyɩ zie bɛ tɩ ɩ «ʋ̃ʋ» nɩ «ʋ̃ʋ'hʋ̃» ɛ.

Galasi 2:17

Ɛcɛ tɩɩm na bɔbr kɛ́ tɩ ɩ nɩ-mɩn a Kɩrɩta ƴãw a, tɩmɛ wa sãá ɩ yel-bebe dem mɩ̀ a, a wul'a k'aa Kɩrɩta tone nɩ yel-bier tome bɩɩ? Lɛ bɛ n'a towtow ɛ!

Galasi 2:21

Ɩ̃ bɛ zawrɛ a Naaŋmɩn maalʋ bɛrɛ ɩ, bʋ̃ʋ n'ʋ vɛ̃, alɛ wa ɩ a Wulu sàwfʋ zũú n'a a nɩsaal mɩ́ páw a mɩnʋ a Naaŋmɩn niŋé a, a Kɩrɩta kpi n zawlalɛ.

Galasi 6:14

Mãa ƴãw a, a tɩ Sore Yeezu Kɩrɩta da-gara yõ ƴãw n'a ɩ̃ bɔbr k'ɩ̃ɩ zɛwr ɩ̃ tʋɔra. A da-gara n'ʋ so a tẽ-daa kpi a ɩ̃ zie, ɩ̃ɩ mɩ̀ kpi a tẽ-daa zie.

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

Títɩ̀ 1:2

kɛ́ bɛ tɩɛrɛ a nyɔ-vʋʋrʋ na be kʋralɛ a. A Naaŋmɩn na bɛ ŋmarɛ ziri a tɩ ƴãw nɩ nʋɔr k'ʋʋ na kʋ̀ bɛ nɩ a nyɔ-vʋʋrʋ ŋa, ɛ́ a dɩta-pɛ-yome za wa bãw be.

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

1 Zã 5:10

Sob nɛ na sàw de a Naaŋmɩn Bie a mɩ̀ tɛr'ɩ a dãsɩɛ ŋa a ʋ pʋ̃ɔmɩ. Ɛcɛ sob nɛ na bɛ mɩ́ sàw de a Naaŋmɩn a mɩ́ de ʋ na bʋɔlɛ zir-ŋmarɛ, ʋ na bɛ sàw de a Naaŋmɩn dãsɩɛ ʋ na dɩ a ʋ Bie ƴãw a.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.

Yel-wula 3:7

«Sɛb yel a Fɩladɛlfɩ tẽw Lãw-yir malkɩ: À ŋá n'a a Nɩ-sõw, a Sob nɛ na tɛr yel-mɩŋa a, yere, ʋl na tɛr a nãà Daviir pĩi a, ʋl na mɩ́ yuo ɛ́ nɩr kʋ̃ tʋ̃ɔ́ pàw a, ʋl na mɩ́ pàw ɛ́ nɩr kʋ̃ tʋ̃ɔ́ yuo a: