Ʋrɔm 3:31 - A SƐB-SÕW

³¹ A pãa ɩ lɛ, a sàw-deb zũú, tɩ yel k'aa Wulu bɛ cãà tɛr pɛr towtow ʋ? Lɛ bɛ n'a ɩ, tɩ nɩ̃ɛ na ɩ a Wulu pɛr sɩza ʋ sãá.

Ʋrɔm 3:31 ပူးပေါင်းရင်းမြစ်များ

Sɛb-sõw yielu 119:126

Ɩ ɩb kãw, Sore e, a daar ta na: bɛ zawr'ɩ a fʋ wulu.

Sɛb-sõw yielu 40:8

Lɛ n'a ɩ̃ tɩ yel: «Mãa n'ɩ ŋan waar. Bɛ sɛb'ɩ a Wulu sɛbɛ pʋɔ a ʋlɩ bom nɛ a na fɛr k'ɩ̃ɩ ɩ a.»

Ɩzayi 42:21

A Sore mɩnʋ zũú, ʋ nɔ̃w na ɩ a ʋ wulu ʋ ɩ kpɛ̃ɛ ɛ́ vɩɛl vɩɛl.

Matie 15:6

ʋ bɛ mɩ́ lɛb cãà tɛr a ʋ sãà ƴãwfʋ san ɛ. À ŋá n'a nyɩ mɩ́ ŋmɛ a Naaŋmɩn ƴɛ̀rʋ lɔb, a nyɩ nɩ-kore ciiru zũú.

Matie 3:15

Ɛcɛ, a Yeezu tɩ sɔw ʋ na: «Bɛr a tu à à ŋá sɛr. À ŋá n'a a fɛr kɛ́ tɩ tu a lɛ a Naaŋmɩn na bɔbr a.» A Zã tɩ sàw na.

Matie 5:17

«Nyɩ taa tɩɛrɛ k'ɩ̃ɩ wa na k'ɩ̃ɩ wa ír a Moyiir wulu nɩ a naaŋmɩn-ƴɛ̀r-manbɛ wulu bɛr ɛ. Ɩ̃ bɛ wa k'ɩ̃ɩ wa ír a bɛr ɛ, ɩ̃ nɩ̃ɛ na wa k'ɩ̃ɩ wa ɩ a za tu tɩ ɓɩɩlɩ.

Matie 5:20

Ɩ̃ sɩrɩ na yere kʋ̀rɛ nyɩ: a nyɩ yel-mɩnʋ bɛ wa zuo a Naaŋmɩn wulu sɛ-sɛbrbɛ dem nɩ a Faarizɩ̃ɛ mɩnɛ dem a, nyɩ kʋ̃ kpɛ a tẽ-vla Naalʋ pʋɔ ɩ.»

Luka 20:16

Ʋ na wa na wa kʋ a po-kaarbɛ bɛ ŋa ɛ́ de a púo kʋ̀ nɩ-yoru.» A zu-sɛbla na wa wõ a ƴɛ̀r-bie á ŋá a, bɛ yel'a: «Al bɛ ɩrɛ ɩ!»

Ʋrɔm 10:4

Bʋ̃ʋ n'ʋ vɛ̃, a Kɩrɩta maal'ɩ a ʋlɩ bom nɛ a Moyiir wulu na tɩ bɔbr k'ʋʋ ɩ a, kɛ́ sob nɛ za na sàw de a tʋ̃ɔ́ lɩɛbɩ nɩ-mɩŋa a Naaŋmɩn niŋé.

Ʋrɔm 2:20

a bɛlɩ dem na bɛ bãw bom za a wul-wule, a bɛlɩ dem na bɛ bãw bom sɛr a wul-wule, fʋ na bãw k'aa Naaŋmɩn wulu ɩ n a bãwfʋ nɩ a yel-mɩŋa ŋmɛ̃a tɔr za a ƴãw.

Ʋrɔm 3:4

Lɛ bɛ n'a towtow ɛ! A fɛr'a kɛ́ Naaŋmɩn mɩ́ sãá ɩ yel-mɩŋa sob, nɩsaal za saa ɩ zir-ŋmarɛ a, mɛ̃ à ŋá a Sɛb-sõw na yel a Naaŋmɩn ƴãw a: «A fɛr'a kɛ́ bɛ mɩ́ nyɛ̃ b fʋ tɛr yel-mɩŋa a fʋ ƴɛ̀rʋ pʋɔ, fʋ mɩ́ tʋ̃ɔ́ ƴɛ̀r yi, bɛlɛ wa maalɛ nɩ fʋ ƴɛ̀rʋ a.»

Ʋrɔm 3:6

Lɛ bɛ n'a towtow ɛ! Alɛ bɛ ɩ lɛ, ŋmɩŋmɩn n'a a Naaŋmɩn na tʋ̃ɔ́ maal'ɩ a tẽ-daa a ƴɛ̀rʋ?

Ʋrɔm 4:14

A bɛlɩ dem na sàwr a Wulu a tɛwr wa nɛbɛ páwr a bome a Naaŋmɩn na yel k'ʋʋ na tɩr a a, a sàw-deb bɛ cãà tɛr pɛr ɛ, ɛ́ a lɛ a Naaŋmɩn na yel a bɛ cãà pʋɔ ɩ.

Ʋrɔm 7:22

A ɩ̃ pʋ̃ɔmɩ nɩr nɔnɛ nɩ a Naaŋmɩn wulu yaga za.

Ʋrɔm 7:25

Naaŋmɩn so puoru, a Yeezu Kɩrɩta tɩ Sore ƴãw! A na ɩ à ŋá a, ɩ̃ ɩ n a Naaŋmɩn wulu gbãgbaa a ɩ̃ yã pʋɔ, ɛcɛ a ɩ̃ bãbàalʋ pʋɔ ɩ̃ ɩ a yel-bier wulu gbãgbaa.

Ʋrɔm 8:4

A Naaŋmɩn ɩ n à à ŋá k'aa mɩnʋ a Wulu na bɔbr kɛ́ tɩ tɛr a, tʋ̃ɔ́ paalɩ tɩ, tɩɩm na bɛ tuur a tɩ nɩsaalʋ ɛ́ tuur a Vʋʋrʋ Sõw a.

1 Korɛ̃tɩ 9:21

A bɛlɩ dem na bɛ bãw a Moyiir wulu a zie a, ɩ̃ mɩ́ ɩrɛ na mɛ̃ a bɛl a, k'ɩ̃ɩ páw a bɛlɩ dem na bɛ bãw a Moyiir wulu a. Ɛcɛ ɩ̃ bɛ ɩ nɩr na bɛ bãw a Naaŋmɩn wulu a ɩ, Kɩrɩta na n'ʋ ɩ a ɩ̃ wulu a ƴãw.

Galasi 2:19

Bʋ̃ʋ n'ʋ vɛ̃, alɛ wa ɩ a Naaŋmɩn wulu ƴãw a, ɩ̃ kpi na, ɛ́ a ɩ̃ kũu yi a Naaŋmɩn wulu zie, k'ɩ̃ɩ tʋ̃ɔ́ vʋʋrɛ a Naaŋmɩn ƴãw. Bɛ kpa m'ɩ a da-gara zu lãwnɩ a Kɩrɩta.

Galasi 2:21

Ɩ̃ bɛ zawrɛ a Naaŋmɩn maalʋ bɛrɛ ɩ, bʋ̃ʋ n'ʋ vɛ̃, alɛ wa ɩ a Wulu sàwfʋ zũú n'a a nɩsaal mɩ́ páw a mɩnʋ a Naaŋmɩn niŋé a, a Kɩrɩta kpi n zawlalɛ.