Ʋrɔm 3:27 - A SƐB-SÕW

²⁷ Nyɩn lowr'a tɩ na lɛb cãà ɩrɛ pɔ̀lʋ? A yi na zaa! Bʋnʋ zũú? A Wulu ɩ-ɩrɩ zũú bɩɩ? Towtow! Ɛcɛ a Kɩrɩta sàw-deb zũú n'a.

Ʋrɔm 3:27 ပူးပေါင်းရင်းမြစ်များ

Sofoni 3:11

«A ʋlɩ bibir nɛ a, ɩ̃ nɩbɛ ɛ, a nyɩ ɩ-faar za nyɩ na ɩ a vĩ kʋ̃ cãà ɩrɛ nyɩ ɛ, a yel-bebe nyɩ na maalɩ sãw mɛ̃ a. Bʋ̃ʋ n'ʋ vɛ̃, a bɛlɩ dem za a pɔ̀lʋ na kʋrɛ a, ɩ̃ na ír bɛ nɩ a nyɩ pʋɔ a lɛn daar, ɛ́ nyɩ kʋ̃ cãà ɩrɛ nyɔka-ɩb a ɩ̃ tã-sõw zu ɛ.

Markɩ 16:16

Ʋlɩ sob nɛ wa sàw de a, ɛ́ de a suob a, ʋ na nyɛ̃ nɩ a faafʋ, ʋlɩ sob nɛ bɛ wa sàw de a, ʋ na nyɛ̃ nɩ dɔwrʋ.

Zã 3:36

Sob nɛ na sàw de a Bie a páw nɩ a nyɔ-vʋʋrʋ na be kʋralɛ a. Ɛcɛ sob nɛ bɛ wa sàw de a Bie a, ʋ kʋ̃ páw a nyɔ-vʋʋrʋ ŋa ɩ, ɛ́ a Naaŋmɩn suur be n a ʋ sob ƴãw.»

Ʋrɔm 10:5

À ŋá n'a a Moyiir sɛb càar'ɩ a mɩnʋ na na tʋ̃ɔ́ yi a Wulu pʋɔ a: «Sob nɛ na sàw a Wulu nɛ-ƴãwnɩ a, a na ɩ na k'ʋ vʋʋrɛ.»

Ʋrɔm 11:6

Ʋlɛ wa kaa ír bɛ a ʋ maalʋ zũú a, a bɛ ɩ-ɩrɩ zũú bɛ n'a ɩ, alɛ bɛ ɩ lɛ a, a maalʋ bɛ cãà ɩ maalʋ ɛ.

Ʋrɔm 2:17

Ɛcɛ fʋ̃ʋ a, fʋ̃ʋ na dɩ kɛ́ Zifʋ a, fʋ ɩrɛ na ƴãwn a Naaŋmɩn wulu ƴãw ɛ́ nyʋʋr a fʋ Naaŋmɩn ƴãw.

Ʋrɔm 2:23

Fʋ̃ʋ na ɩrɛ pɔ̀lʋ nɩ a Naaŋmɩn wulu a, bʋ̃ʋ n'ʋ so fʋ zawrɛ a Wulu, sãwnɛ nɩ a Naaŋmɩn yúor?

Ʋrɔm 3:19

Tɩ bãw na k'aa alɩ bome nɛ za a Naaŋmɩn wulu na yere a, ʋ yere na kʋ̀rɛ a Zifʋ mɩnɛ a Wulu ŋa na fɛrɛ a, kɛ́ nɩr za ta tʋ̃ɔ́ háa nʋɔr manɩ a ʋ yel-mɩŋa ɩ, ɛ́ bɛ nyɛ̃ a tẽ-daa za na tɛr sãwna a Naaŋmɩn niŋé a.

Ʋrɔm 4:2

Bɛlɛ wa yel k'aa Abraham ɩ n nɩ-mɩŋa a ʋ ɩ-ɩrɩ zũú a, ʋ na tʋ̃ɔ́ na pɔrɛ a al ƴãw, ɛcɛ Naaŋmɩn niŋé bɛ n'a ʋ na pɔrɛ ɩ.

Ʋrɔm 7:21

A na ɩ à ŋá a, yel ŋa n'ʋ ɩ̃ nyɛ̃: mãa na mɩ́ bɔbr a vla maalʋ a, faa tɛwr'a ɩ̃ mɩ́ tʋ̃ɔ́ maalɩ.

Ʋrɔm 7:23

Ɛcɛ ɩ̃ nyɛ̃ nɩ wulu kãw a ɩ̃ pʋɔ ʋ mʋɔr'ɩ a Wulu ʋl a ɩ̃ yã na sàw de a. Ʋ ɩ na k'ɩ̃ ɩ a yel-bier wulu na be a ɩ̃ pʋɔ a gbãgbaa.

Ʋrɔm 7:25

Naaŋmɩn so puoru, a Yeezu Kɩrɩta tɩ Sore ƴãw! A na ɩ à ŋá a, ɩ̃ ɩ n a Naaŋmɩn wulu gbãgbaa a ɩ̃ yã pʋɔ, ɛcɛ a ɩ̃ bãbàalʋ pʋɔ ɩ̃ ɩ a yel-bier wulu gbãgbaa.

Ʋrɔm 8:2

Bʋ̃ʋ n'ʋ vɛ̃, a Vʋʋrʋ Sõw wulu na tɩrɛ a nyɔ-vʋʋrʋ a Yeezu Kɩrɩta ƴãw a, ʋ ír fʋ na bɛr a yel-bier nɩ a kũu wulu pʋɔ, fʋ so fʋ tʋɔra.

Ʋrɔm 9:11

Ɛcɛ Naaŋmɩn mɩ́ kaa na ír a nɩbɛ tu n a lɛ ʋ na cɔbrɩ a yele bin a: a ʋ kaa-íru mɩ́ tu n a bʋɔlʋ ʋ na bʋɔlɛ bɛ a, ʋ bɛ mɩ́ tu a bɛ ɩ-ɩrɩ ɛ. A Naaŋmɩn na bɔbr k'ʋʋ wul k'aa lɛ ʋ na cɔbrɩ a yele bin a, a gã nɩ kʋralɛ a, ʋ tɩ yel'ɩ a Erebeka, a lɛn daar a ʋ yɩbr na bɛ tɩ dɔw sɛr, ɛ́ mɩ̀ bɛ tɩ maalɩ vla bɩɩ faa sɛr a: «A kpɛ̃ɛ na ɩ n a bile tõ-tone.»

Ʋrɔm 9:31

Ɛcɛ a Ɩsɩrayɛl nɩbɛ na tɩ bɔbr kɛ́ bɛ ɩ nɩ-mɩn a Naaŋmɩn zie, Wulu sàwfʋ zũú a, bɛ bɛ páw a ʋlɩ bom nɛ a Wulu na bɔbr a ɩ.

Ʋrɔm 9:32

Bʋ̃ʋ n'ʋ so? Bɛ bɛ tɩ bɔbr kɛ́ bɛ pɛlɩ a Naaŋmɩn pʋɔ a sàw-deb zũú ɛ, ɛ́ tɩɛrɛ kɛ́ bɛ pɛlɩ a ʋ pʋɔ a bɛ ɩ-ɩrɩ zũú. Bɛ ŋmɛ n gbɛ́r a gbɛ-ŋmɛ-kʋsɩɛr ƴãw,

1 Korɛ̃tɩ 4:7

Ãa n'ʋ ɩ fʋ zuo a fʋ taabɛ? Bʋ̃ʋ n'a fʋ tɛr ɛ́ a bɛ ɩ kʋ̀b'a bɛ kʋ̀ b? Ɛ́ alɛ wa ɩ kʋ̀b a bɛ kʋ̀ b a, bʋnʋ ƴãw n'a fʋ na zɛwr'ɩ fʋ tʋɔra mɛ̃ kʋ̀b bɛ n'a bɛ kʋ̀ b a?

Galasi 2:16

Ɛcɛ, tɩ bãwnɩ a na a nɩsaal na bɛ mɩ́ ɩ nɩ-mɩŋa a Naaŋmɩn niŋé a Moyiir wulu sàwfʋ ɩ-ɩrɩ zũú a, a Yeezu Kɩrɩta sàw-deb tɛwr zũú mɩ́ n'a. A tɩɩm a, tɩ sàw na de a Yeezu Kɩrɩta kɛ́ tɩ tʋ̃ɔ́ páw a mɩnʋ a Kɩrɩta sàw-deb zũú, ɛ́ a ta ɩ Wulu sàwfʋ ɩ-ɩrɩ ƴãw n'a ɩ. Bʋ̃ʋ n'ʋ vɛ̃, nɩr za bɛ be na ɩ nɩ-mɩŋa a Wulu sàwfʋ ɩ-ɩrɩ zũú ɛ.

Galasi 3:22

Ɛcɛ a Sɛb-sõw yel a k'aa yel-bier fãw so nɩ a tẽ-daa za, k'aa maalʋ a Naaŋmɩn na yel k'ʋʋ na tɩr'a a, tʋ̃ɔ́ ta a bɛlɩ dem na sàw de a, bɛ na sàw de a Yeezu Kɩrɩta a zũú.