Ʋrɔm 3:24 - A SƐB-SÕW

²⁴ Ɛcɛ, a ʋ nɔ̃wfʋ zũú a, Naaŋmɩn ɩ na bɛ ɩ nɩ-mɩn a ʋ niŋé zawlalɛ, a faafʋ bɛ na páw a Yeezu Kɩrɩta ƴãw a zũú.

Ʋrɔm 3:24 ပူးပေါင်းရင်းမြစ်များ

Sɛb-sõw yielu 130:7

Ɩsɩrayɛl nɩbɛ ɛ, nyɩ ƴãw a nyɩ tɩɛrʋ a Sore ƴãw, bʋ̃ʋ n'ʋ vɛ̃, ʋ ɩ n nɩ-vla, ʋl zie n'a a faafʋ be yaga za.

Ɩzayi 53:11

A Sore yere na: «A tuo a ɩ̃ tõ-tõ-bie na wõ a zũú, ʋ na nyɛ̃ nɩ a cãà, nʋ̃ɔ̀ na paalɩ ʋ na. A ɩ̃ tõ-tõ-bie na ɩ a nɩ-mɩŋa tɔr za a na ɩ na nɩ-yaga yaga lɩɛbɩ nɩ-mɩn, ʋ na de a bɛ yel-bebe tuo a ƴãw.

Matie 20:28

À ŋá n'a, a Nɩsaal Bie bɛ wa kɛ́ bɛ wa tone kʋ̀rɛ ʋ ɛ, ʋ wa na k'ʋʋ wa tone kʋ̀rɛ a nɩbɛ, ɛ́ de a ʋ nyɔ-vʋʋrʋ tɩr ya de nɩ nɩ-yaga yaga.»

Nɩ-toni 15:11

Ɩ̃ lɛb maal yel: tɩ tɩɛrɛ na k'aa Sore Yeezu maalʋ zũú n'a tɩ páw a faafʋ mɛ̃ a lɛ tɔr za bɛ na páw a.»

Ʋrɔm 4:16

A na ɩ à ŋá a, a ʋlɩ bom nɛ a Naaŋmɩn na yel k'ʋʋ na tɩr a a, a sàw-deb zũú n'a, k'ʋʋ tʋ̃ɔ́ ɩ maalʋ ʋ na tɩrɛ zawla a, ɛ́ a mɩ̀ ɩ a Abraham bʋʋrɛ za ƴãw a, a bɛlɩ dem na sàwr a Wulu a, nɩ a bɛlɩ dem na sàw de, mɛ̃ a lɛ a Abraham na tɩ sàw de a, ʋl na ɩ a tɩ za sãà a.

Ʋrɔm 4:4

Nɩr na tone a, bɛ bɛ mɩ́ nyɛ̃ a ʋ sã-ya ʋ ɩ bʋ̃-mɔlɛ bɛ kʋ̀ ʋ ɛ, ʋ mɩ́ ɩ n bom a na fɛr kɛ́ bɛ kʋ̀ ʋ a.

Ʋrɔm 5:9

Ɛ́ a ʋ zɩ̃ɩ na ɩ tɩ lɩɛbɩ nɩ-mɩn a Naaŋmɩn zie ƴɛrɛŋa a, bʋnʋ bɛ ka be ɩ, ʋ na faa tɩ na zuo lɛ a Naaŋmɩn suur nãà wa ìr a ƴãw.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

1 Korɛ̃tɩ 6:11

À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.

Kɔlɔsɩ 1:14

Ʋl zũú n'a a Naaŋmɩn faa tɩ ɛ́ dɩ a tɩ yel-bebe suur kʋ̀ tɩ.

1 Timote 2:6

ʋlɛ n'ʋ de ʋ tʋɔra tɩr k'ʋʋ ya de a nɩsaalbɛ za. A daar na wa ta a, ʋ dɩ n a dãsɩɛ ŋa

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.

Yel-wula 7:14

Ɩ̃ tɩ sɔw ʋ na: «Ɩ̃ Zu-sob i, fʋ̃ʋ n'ʋ bãw.» Lɛ n'a ʋ tɩ yel mɛ̃: «Bɛlɛ n'ɩ a bɛl na yi a kpɩɛrʋ kpɛ̃ɛ pʋɔ wa a. Bɛ pɛ́w nɩ a bɛ kpar-wowr ɛ́ ɩ a pɛlɩ a Pele zɩ̃ɩ pʋɔ.