Ʋrɔm 3:22 - A SƐB-SÕW

²² Naaŋmɩn mɩ́ ɩ na a nɩsaalbɛ ɩ nɩ-mɩn a ʋ niŋé, a Yeezu Kɩrɩta bɛ na mɩ́ sàw de a zũú. A bɛlɩ dem za na sàw de a Kɩrɩta a ƴãw n'a ʋ mɩ́ ɩ a lɛ, bʋ̃ʋ n'ʋ vɛ̃, ʋ bɛ owre ɩ:

Ʋrɔm 3:22 ပူးပေါင်းရင်းမြစ်များ

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Zeremi 23:6

A ʋ daar a, a Zuda na nyɛ̃ nɩ a faafʋ, a Ɩsɩrayɛl na vʋʋrɛ nɩ zoom bɛ bãw damnʋ ɛ. Nyɛ̃ a yúor bɛ na na bʋɔlɛ ʋ a: “A Sore n'ɩ a tɩ mɩnʋ.”

Luka 15:22

Ɛcɛ a sãà tɩ yel'ɩ a ʋ tõ-tõ-biir: “Nyɩ kpɛ fɔ̃w tɩ de a kpar-bal-bie wa su ʋ, nyɩ ƴãw ʋ nũ-tʋʋr a nobirí, ɛ́ ƴãw ʋ nafawr a gbɛ̃ɛ́.

Nɩ-toni 11:12

A Vʋʋrʋ Sõw tɩ yel mɛ̃ na k'ɩ̃ɩ ta bʋ́nɛ ɩ, ɛ́ páw bɛ cen. A yɛbr ayʋɔb bɛ ŋa tɩ bɩɛlɩ mɛ̃ na cen nɩ a Sezaare, tɩ za tɩ kpɛ a Kɔrnɛɩ yir.

Nɩ-toni 15:9

A Naaŋmɩn bɛ owri owru kãw za tɩɩm nɩ a bɛl ɛ, a bɛ naaŋmɩn-sàw-deb zũú n'a ʋ pɛ́w a bɛ socie a vɩɛl.

Nɩ-toni 3:16

A Yeezu sàw-deb zũú n'a, a ʋ yúor'ʋ ɩ a nɩr ŋa nyɩ na jɩ́rɛ ɛ́ bãw a, ʋ lɛb kpɛmɛ. A Yeezu sàw-deb'a ɩ k'ʋ lɛb kpɛ̃w ʋ za a nyɩ za niŋé.»

Ʋrɔm 1:17

A Yel-nʋ̃ɔ̀ mɩ́ sɩrɩ na wule a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a: a sàw-deb yõ zũú n'a, a tib daar tɩ ta n a baarʋ daar, mɛ̃ a lɛ a Sɛb-sõw na yel a: «Sob nɛ na ɩ nɩ-mɩŋa a sàw-deb zũú a na vʋʋrɛ na.»

Ʋrɔm 10:12

A na ɩ à ŋá a, owru bɛ ka a Naaŋmɩn zie a Zifʋ mɩnɛ nɩ a bɛl na bɛ ɩ Zifʋ mɩnɛ a ƴãw ɛ: bɛ za lãw nɩ a Sore been, na mɩ́ kʋ̀ a ʋ na-bome a bɛlɩ dem za na bʋɔlɛ ʋ a.

Ʋrɔm 10:4

Bʋ̃ʋ n'ʋ vɛ̃, a Kɩrɩta maal'ɩ a ʋlɩ bom nɛ a Moyiir wulu na tɩ bɔbr k'ʋʋ ɩ a, kɛ́ sob nɛ za na sàw de a tʋ̃ɔ́ lɩɛbɩ nɩ-mɩŋa a Naaŋmɩn niŋé.

Ʋrɔm 2:1

A na ɩ à ŋá a, fʋ̃ʋ saa ɩ nɩ-ŋmɩŋmɩn a, fʋ kʋ̃ tʋ̃ɔ́ yel kɛ́ fʋ bɛ bãw kɛ́ lɛ ɩ, fʋ̃ʋ na bãwnɛ a fʋ tɔ yele a. Fʋ na bãwnɛ a fʋ tɔ yele a, a fʋ mɩŋa sãwna n'a fʋ wule, fʋ̃ʋ mɩ̀ na mɩ́ ɩrɛ a lɛ tɔr za a.

Ʋrɔm 3:30

bʋ̃ʋ n'ʋ vɛ̃, Naaŋmɩn-been yõ n'ʋ be. A sàw-deb'a ʋ na ɩ n a Zifʋ mɩnɛ ɩ nɩ-mɩn a ʋ niŋé, a sàw-deb cãà n'a ʋ na ɩ n a bɛlɩ dem na bɛ ɩ Zifʋ mɩnɛ a, bɛ ɩ nɩ-mɩn a ʋ niŋé.

Ʋrɔm 4:16

A na ɩ à ŋá a, a ʋlɩ bom nɛ a Naaŋmɩn na yel k'ʋʋ na tɩr a a, a sàw-deb zũú n'a, k'ʋʋ tʋ̃ɔ́ ɩ maalʋ ʋ na tɩrɛ zawla a, ɛ́ a mɩ̀ ɩ a Abraham bʋʋrɛ za ƴãw a, a bɛlɩ dem na sàwr a Wulu a, nɩ a bɛlɩ dem na sàw de, mɛ̃ a lɛ a Abraham na tɩ sàw de a, ʋl na ɩ a tɩ za sãà a.

Ʋrɔm 8:1

A na ɩ à ŋá a, a ƴɛrɛŋa a, a bɛlɩ dem na lãw nɩ a Yeezu Kɩrɩta a, sãwna dɔwrʋ kãw za bɛ cãà be a bɛ ƴãw ɛ.

Ʋrɔm 9:30

Tɩ na yel'a kɛ́ bo? À ŋá n'a tɩ na yel: nɩ-bʋʋr-yoru nɩbɛ na bɛ tɩ bɔbr a mɩnʋ a páw nɩ a mɩnʋ a Naaŋmɩn zie, a mɩnʋ ʋl na yi a sàw-deb zie a n'ʋ ɩ̃ yere.

1 Korɛ̃tɩ 12:13

Bʋ̃ʋ n'ʋ vɛ̃, Vʋʋrʋ been pʋɔ n'a tɩ za de a suob kɛ́ tɩ tʋ̃ɔ́ ɩ ƴã-gã-been, tɩmɛ saa ɩ Zifʋ bɩɩ bɛ ɩ a Zifʋ a, gbãgbaar bɩɩ nɩbɛ na so bɛ tʋɔra a. Ɛ́ a tɩ za a, a Vʋʋrʋ Sõw been yõ n'ʋ ɓãá a tɩ kʋ̃ɔ-nyúur.

1 Korɛ̃tɩ 4:7

Ãa n'ʋ ɩ fʋ zuo a fʋ taabɛ? Bʋ̃ʋ n'a fʋ tɛr ɛ́ a bɛ ɩ kʋ̀b'a bɛ kʋ̀ b? Ɛ́ alɛ wa ɩ kʋ̀b a bɛ kʋ̀ b a, bʋnʋ ƴãw n'a fʋ na zɛwr'ɩ fʋ tʋɔra mɛ̃ kʋ̀b bɛ n'a bɛ kʋ̀ b a?

Galasi 2:16

Ɛcɛ, tɩ bãwnɩ a na a nɩsaal na bɛ mɩ́ ɩ nɩ-mɩŋa a Naaŋmɩn niŋé a Moyiir wulu sàwfʋ ɩ-ɩrɩ zũú a, a Yeezu Kɩrɩta sàw-deb tɛwr zũú mɩ́ n'a. A tɩɩm a, tɩ sàw na de a Yeezu Kɩrɩta kɛ́ tɩ tʋ̃ɔ́ páw a mɩnʋ a Kɩrɩta sàw-deb zũú, ɛ́ a ta ɩ Wulu sàwfʋ ɩ-ɩrɩ ƴãw n'a ɩ. Bʋ̃ʋ n'ʋ vɛ̃, nɩr za bɛ be na ɩ nɩ-mɩŋa a Wulu sàwfʋ ɩ-ɩrɩ zũú ɛ.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Galasi 3:22

Ɛcɛ a Sɛb-sõw yel a k'aa yel-bier fãw so nɩ a tẽ-daa za, k'aa maalʋ a Naaŋmɩn na yel k'ʋʋ na tɩr'a a, tʋ̃ɔ́ ta a bɛlɩ dem na sàw de a, bɛ na sàw de a Yeezu Kɩrɩta a zũú.

Galasi 3:28

Nyɩ za lãw nɩ nɩ a Kɩrɩta ɩ nɩ-been. A na ɩ lɛ a, Zifʋ nɩ nɩ-bʋʋr-yoru yele bɛ cãà be ɩ, gbãgbaa nɩ nɩr na so ʋ tʋɔra a yele bɛ cãà be ɩ, dɛb nɩ pɔw yele bɛ cãà be ɩ.

Efɛɛzɩ 3:12

A Kɩrɩta tɩ na sàw de ɛ́ lãw nɩ a ƴãw n'a tɩ mɩ́ sʋ̃ɔmɩ sàw bɛr dɛ̃bɩ̃ɛ ɛ́ àr a Naaŋmɩn niŋé.

Filib 3:9

A ʋl ɩ̃ na lãw nɩ a ƴãw n'a a Naaŋmɩn na nyɛ̃ m ɩ̃ ɩ nɩ-mɩŋa. A mɩnʋ ŋa bɛ yi mãa zie ɩ, ʋ bɛ yi Naaŋmɩn wulu sàwfʋ pʋɔ ɩ, ʋ yi n a Kɩrɩta ɩ̃ na sàw de a zie. Mɩnʋ na yi Naaŋmɩn zie a n'ʋ, ɛ́ a ʋ pɛr sʋ̃ɔ́ a naaŋmɩn-sàwfʋ pʋɔ.

Kɔlɔsɩ 3:11

A lɛ pʋɔ a, Zifʋ nɩ nɩr na bɛ ɩ Zifʋ a bɛ cãà be ɩ, nɩr na ŋmãa yʋ̀ɔr nɩ nɩr na bɛ ŋmãa a bɛ cãà be ɩ, nʋʋra nɩ nasa-zɔ̃w daar nɩr bɛ ka be ɩ, gbãgbaa nɩ nɩr na so ʋ tʋɔra a bɛ cãà be ɩ. Kɩrɩta yõ n'ʋ be be ɩ bom za a bɛ za pʋɔ.

Zakɩ 2:23

À ŋá n'a a lɛ a Sɛb-sõw na yel a tu: «A Abraham tɩ sàw na de a Naaŋmɩn, a Naaŋmɩn nyɛ̃ ʋ k'ʋ ɩ nɩ-mɩŋa a al ƴãw», ɛ́ bʋɔl'ʋ ʋ bá.