Ʋrɔm 3:21 - A SƐB-SÕW

²¹ Ɛcɛ ƴɛrɛŋa a, a Naaŋmɩn wul tɩ nɩ a lɛ ʋ na mɩ́ ɩ tɩ ɩ nɩ-mɩn a ʋ niŋé, ɛ́ a bɛ yi a Wulu zie a. A Naaŋmɩn wulu nɩ a naaŋmɩn-ƴɛ̀r-manbɛ sɛbr tɩ dãw na dɩ a yel ŋa dãsɩɛ à ŋá:

Ʋrɔm 3:21 ပူးပေါင်းရင်းမြစ်များ

Yele-za-pɛr-tib 15:6

A Abram tɩ sàw na de a Sore, lɛ so a Sore tɩ sàw kʋ̀ ʋ k'ʋʋ ɩ n nɩ-mɩŋa.

Ɩzayi 46:13

A ɩ̃ mɩnʋ a, ɩ̃ ɩ na ʋ tawr pɩɛlɛ, ʋ bɛ cãà zãá ɩ. A faafʋ pɩɛl'a, mãa mɩŋa n'ʋ waar'ɩ ʋ a Sɩyɔ̃. Ɩ̃ na kʋ̀ n a Ɩsɩrayɛl a ɩ̃ vɩɛlʋ.

Ɩzayi 51:8

Bʋ̃ʋ n'ʋ vɛ̃, a zãzule na dɩ bɛ na mɛ̃ mɔwr na mɔw kparʋ a, ɛ́ a gùme dɩ bɛ mɛ̃ píir kɔblʋ pɛn a. Ɛcɛ a mɩnʋ ɩ̃ na waar'ɩ a kʋ̃ tɛr baarʋ ɛ, ɛ́ a ɩ̃ faafʋ be be yome yome za.»

Ɩzayi 54:17

Zɛbr bom kãw za bɛ na maalɩ a fʋ ƴãw a, kʋ̃ tʋ̃ɔ́ ɩ b faa ɩ. Nɩr za nãà wa yere a fʋ sãwna a ƴɛ̀rʋ-dɩb zie a, fʋ na tʋ̃ɔ́ na ƴɛ̀r wul k'ʋʋ sãw na. A bom ɩ̃ na bin gùre nɩ a ɩ̃ tõ-tõ-biir a n'ɩ à ŋà, à ŋá n'a ɩ̃ wule a bɛ mɩnʋ, a Sore n'ʋ yere.»

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Zeremi 33:16

A lɛn daar a, a Zuda naalʋ-tẽw na nyɛ̃ nɩ faafʋ, ɛ́ a nɩbɛ na kpɩɛr a Zerizalɛm tẽw pʋɔ a, na vʋʋrɛ na ɛ́ bom bɛ damnɛ bɛ ɩ. Nyɛ̃ a lɛ bɛ na na bʋɔlɛ ʋ a: “A Sore n'ɩ a tɩ mɩnʋ.”»

Luka 24:44

Al pùorí ʋ yel bɛ: «Ƴɛ̀rʋ á ŋá n'a ɩ̃ tɩ ƴɛ̀r kʋ̀ nyɩ, a lɛn daar ɩ̃ na tɩ cãà be a nyɩ zie a: a yele al za bɛ na sɛb càar'ɩ mɛ̃ a Moyiir wulu sɛbɛ pʋɔ a, a naaŋmɩn-ƴɛ̀r-manbɛ sɛbr pʋɔ, nɩ a Sɛb-sõw yielu sɛbɛ pʋɔ a, a fɛr'a kɛ́ a tu.»

Zã 1:45

Ʋ tɩ tuor'ɩ Natanayɛl yel ʋ: «A nɩr ʋl yele a Moyiir na manɛ a Naaŋmɩn wulu sɛbɛ pʋɔ a, ɛ́ a naaŋmɩn-ƴɛ̀r-manbɛ mɩ̀ ƴɛ̀r a ʋ ƴɛ̀rʋ a, tɩ nyɛ̃ ʋ na, a Zuzɛb bidɛb Yeezu na yi Nazarɛtɩ tẽw a n'ʋ.»

Nɩ-toni 10:43

A naaŋmɩn-ƴɛ̀r-manbɛ za dɩ n a dãsɩɛ ŋa a ʋ ƴãw: nɩr za, na sàw de a ʋ yele a, na páw nɩ a yel-bebe suur a ʋ yúor ƴãw.»

Nɩ-toni 15:11

Ɩ̃ lɛb maal yel: tɩ tɩɛrɛ na k'aa Sore Yeezu maalʋ zũú n'a tɩ páw a faafʋ mɛ̃ a lɛ tɔr za bɛ na páw a.»

Nɩ-toni 26:22

Ɩ̃ bãwnɩ a na, Naaŋmɩn gù mɛ̃ nɩ a lɛn daar za wa tɩ tɔ a dɩ̃a, alɛ so ɩ̃ cãà dɩrɛ a dãsɩɛ a bibiir nɩ a nɩ-bɛrɛ zie. A naaŋmɩn-ƴɛ̀r-manbɛ nɩ a Moyiir tɩ dãw na hieri yel a yele na waar na ta a, ɩ̃ bɛ yere bom za dɔwlɛ a bɛ ƴɛ̀rʋ zu ɛ.

Nɩ-toni 28:23

Bɛ tɩ wõ n taa ƴãw bibir. A bibir na wa vɩɛ a, bɛ wa n yaga dɔwlɩ wa páw a Pol a ʋ yir nɛ pʋɔ. A ʋ manʋ pʋɔ a, a Pol tɩ dɩrɛ nɩ a Naaŋmɩn Naalʋ dãsɩɛ, ɛ́ a biɓaara tɩ ta n a zaanʋɔra a, ʋ mɩ́ tɩ de nɩ a Moyiir wulu sɛbɛ nɩ a naaŋmɩn-ƴɛ̀r-manbɛ sɛbr manɛ nɩ a Yeezu yele, ɛ́ ƴãw fãw bɔbr k'ʋʋ ƴɛ̀r tʋ̃ɔ́ bɛ.

Ʋrɔm 1:17

A Yel-nʋ̃ɔ̀ mɩ́ sɩrɩ na wule a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a: a sàw-deb yõ zũú n'a, a tib daar tɩ ta n a baarʋ daar, mɛ̃ a lɛ a Sɛb-sõw na yel a: «Sob nɛ na ɩ nɩ-mɩŋa a sàw-deb zũú a na vʋʋrɛ na.»

Ʋrɔm 1:2

A Yel-nʋ̃ɔ̀ ŋa a, a Naaŋmɩn tɩ dãw na yel a ʋ ƴɛ̀r-manbɛ zie, a Sɛb-son pʋɔ k'ʋʋ na yel'a.

Ʋrɔm 16:26

ɛcɛ ƴɛrɛŋa a, a naaŋmɩn-ƴɛ̀r-manbɛ sɛbr ɩ na k'ʋ yi cãàmɩ́. Mɛ̃ a lɛ a Naaŋmɩn na be kʋralɛ a na ƴãw a nʋɔr a, bɛ ɩ na a nɩ-bʋʋrɛ za bãw a pʋ-tɩɛrʋ ŋa, kɛ́ bɛ tʋ̃ɔ́ sàw de a Naaŋmɩn ɛ́ sàwr a ʋ nʋɔr.

Ʋrɔm 3:28

Bʋ̃ʋ n'ʋ vɛ̃, tɩ tɩɛrɛ na k'aa Naaŋmɩn mɩ́ ɩ na a nɩsaal ɩ nɩ-mɩŋa a ʋ niŋé ʋ na sàw de a zũú, ɛ́ a bɛ ɩ a Wulu ʋ na sàwr a ƴãw n'a ɩ.

Ʋrɔm 5:19

Mɛ̃ a lɛ nɩ-yaga yaga na lɩɛbɩ yel-bebe dem nɩ-been yõ na zawrɩ a nʋɔr a ƴãw a, lɛ mɩ̀ n'a nɩ-yaga yaga na lɩɛbɩ nɩ-mɩn nɩ-been yõ na sàw a nʋɔr a ƴãw.

Ʋrɔm 5:21

A na ɩ à ŋá a, mɛ̃ a lɛ a yel-bier na tɩ wul a kũu fãw ʋ na tɛr a, lɛ mɩ̀ n'a a Naaŋmɩn maalʋ wule faafʋ fãw, k'ʋʋ tʋ̃ɔ́ tɛr tɩ cen nɩ a nyɔ-vʋʋrʋ na be kʋralɛ a pʋɔ, a Yeezu Kɩrɩta tɩ Sore ƴãw.

Ʋrɔm 9:30

Tɩ na yel'a kɛ́ bo? À ŋá n'a tɩ na yel: nɩ-bʋʋr-yoru nɩbɛ na bɛ tɩ bɔbr a mɩnʋ a páw nɩ a mɩnʋ a Naaŋmɩn zie, a mɩnʋ ʋl na yi a sàw-deb zie a n'ʋ ɩ̃ yere.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

2 Korɛ̃tɩ 3:9

A tõ-nʋɔr na waar'ɩ kũu a nɩsaalbɛ zie a tɩ tɛr'ɩ yúor-vɩɛlʋ-danʋ. Ŋmɩŋmɩn za n'a a tõ-nʋɔr na so a nɩsaalbɛ mɩ́ ɩ nɩ-mɩn a Naaŋmɩn niŋé a, kʋ̃ tɛr yúor-vɩɛlʋ-danʋ zuo lɛ?

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Galasi 3:8

A Sɛb-sõw na tɩ bãw kɛ́ Naaŋmɩn na ɩ n a nɩ-bʋʋr-yoru bɛ ɩ nɩ-mɩn a bɛ naaŋmɩn-sàw-deb zũú a, ʋ tɩ de nɩ niwn yel a yel-vla ŋa kʋ̀ a Abraham: «A nɩ-bʋʋrɛ za na páw nɩ maalʋ a fʋ zũú.»

Galasi 5:5

Ɛcɛ a tɩɩm a, tɩ ƴãw nɩ a tɩ tɩɛrʋ a Naaŋmɩn ƴãw, ʋl na na ɩ tɩ ɩ nɩ-mɩn a ʋ niŋé a. A yel ŋa n'ʋ tɩ gùre nɩ a Vʋʋrʋ Sõw fãw, ʋl na tone a tɩ naaŋmɩn-sàw-deb pʋɔ a.

Filib 3:9

A ʋl ɩ̃ na lãw nɩ a ƴãw n'a a Naaŋmɩn na nyɛ̃ m ɩ̃ ɩ nɩ-mɩŋa. A mɩnʋ ŋa bɛ yi mãa zie ɩ, ʋ bɛ yi Naaŋmɩn wulu sàwfʋ pʋɔ ɩ, ʋ yi n a Kɩrɩta ɩ̃ na sàw de a zie. Mɩnʋ na yi Naaŋmɩn zie a n'ʋ, ɛ́ a ʋ pɛr sʋ̃ɔ́ a naaŋmɩn-sàwfʋ pʋɔ.

1 Pɩɛr 1:10

A faafʋ ŋa yele n'a a naaŋmɩn-ƴɛ̀r-manbɛ tɩ dãw jɛl bɔ, ɛ́ ƴɛ̀r naaŋmɩn-ƴɛ̀r-manbɛ ƴɛ̀rʋ yel a maalʋ a Naaŋmɩn na tɩ bãwnɩ nyɩ a.

2 Pɩɛr 1:1

A mãa Sɩmʋ̃ Pɩɛr na ɩ a Yeezu Kɩrɩta tõ-tone nɩ a ʋ nɩ-tona a, mãa n'ʋ sɛbr a bɛlɩ dem na páw a naaŋmɩn-sàwfʋ ʋ vɩɛl man a tɩ dem a. A tɩ Naaŋmɩn nɩ a tɩ Faarɛ Yeezu Kɩrɩta mɩnʋ zũú n'a bɛ páw a naaŋmɩn-sàwfʋ ŋa.