Ʋrɔm 3:19 - A SƐB-SÕW

¹⁹ Tɩ bãw na k'aa alɩ bome nɛ za a Naaŋmɩn wulu na yere a, ʋ yere na kʋ̀rɛ a Zifʋ mɩnɛ a Wulu ŋa na fɛrɛ a, kɛ́ nɩr za ta tʋ̃ɔ́ háa nʋɔr manɩ a ʋ yel-mɩŋa ɩ, ɛ́ bɛ nyɛ̃ a tẽ-daa za na tɛr sãwna a Naaŋmɩn niŋé a.

Ʋrɔm 3:19 ပူးပေါင်းရင်းမြစ်များ

A Zɔb sɛbɛ 5:16

À ŋá n'a tɩɛrʋ mɩ́ lɛb be be a bãbàal ƴãw, ɛ́ a ɩ-fa-maalbɛ pàw a bɛ nɛ́ɛ.

Sɛb-sõw yielu 107:42

A nɩ-vɩɛlɩ mɩ́ nyɛ̃ nɩ à à ŋá nʋ̃ɔ̀ ɩrɛ bɛ, ɛ́ a nɩ-faar pàw a bɛ nɛ́ɛ.

Sɛb-sõw yielu 63:11

A zɛbr-sɔ-kpɛ̃ɛ, ʋ baarɩ bɛ, bɛ lɩɛbɩ gbõgbo-cili dɩb!

Ezekɩɛl 16:63

Lɛ n'a fʋ na cãà bãwnɩ a koro, vĩ na paalɩ fʋ na fʋ bɛ cãà tɛr nʋɔr ɛ, fʋ na bɛ cãà tɛr yúor a zũú. Ɛcɛ mãa a, ɩ̃ na dɩ n a sãwna al za fʋ na maalɩ a suur kʋ̀ b. A mãa Sore Naaŋmɩn n'ʋ yel.»

Zã 15:25

Ɛcɛ à á ŋá za ɩ na kɛ́ a ƴɛ̀r-bir ŋa na sɛb a bɛ Naaŋmɩn wulu sɛbɛ pʋɔ a tʋ̃ɔ́ tu: “Zawlalɛ n'a bɛ tɩ hɩ̃ɛn mɛ̃.”

Zã 8:9

Bɛ na tɩ wõ a ʋ sɔwfʋ ŋa a, bɛ tĩ nɩ a nɩ-kore pʋɔ ɛ́ fore tawr yire pùor. A Yeezu wa tɩ cɛ nɩ ʋ yõ, nɩ a pɔw na àr a ʋ niŋé a.

Ʋrɔm 1:20

Bʋ̃ʋ n'ʋ vɛ̃, a tẽ-daa íru daar za a, a Naaŋmɩn mɩŋa vɩɛlʋ na sɔwlɩ a, a pɛr lɛ k'aa ʋ kpɛnʋ na be kʋralɛ a, nɩ a ʋ naaŋmɩnʋ, a sãá nɩ a ʋ tome pʋɔ a nɩsaal yã na tʋ̃ɔ́ bãw. A na ɩ lɛ a, bɛ kʋ̃ tʋ̃ɔ́ yel kɛ́ bɛ bɛ bãw kɛ́ lɛ n'a ɩ.

Ʋrɔm 3:2

A tɔnɛ bɛ dɩ vuo ɩ, a za lɛ pʋɔ. A dãw-niwn sob a, Zifʋ mɩnɛ nɛbɛ a Naaŋmɩn ƴɛ̀r a ʋ ƴɛ̀rʋ kʋ̀ kɛ́ bɛ maal tɛr.

Ʋrɔm 3:23

bɛ za nɛbɛ maalɩ a yel-bier, bɛ za nɛbɛ bɛ páw a Naaŋmɩn yúor-vɩɛlʋ-danʋ ɛ.

Ʋrɔm 3:4

Lɛ bɛ n'a towtow ɛ! A fɛr'a kɛ́ Naaŋmɩn mɩ́ sãá ɩ yel-mɩŋa sob, nɩsaal za saa ɩ zir-ŋmarɛ a, mɛ̃ à ŋá a Sɛb-sõw na yel a Naaŋmɩn ƴãw a: «A fɛr'a kɛ́ bɛ mɩ́ nyɛ̃ b fʋ tɛr yel-mɩŋa a fʋ ƴɛ̀rʋ pʋɔ, fʋ mɩ́ tʋ̃ɔ́ ƴɛ̀r yi, bɛlɛ wa maalɛ nɩ fʋ ƴɛ̀rʋ a.»

Ʋrɔm 3:9

Ɛ́ bʋnʋ? A tɩɩm Zifʋ mɩnɛ, tɩ zuo nɩ a nɩbɛ bɩɩ? Lɛ bɛ n'a ɩ! Ɩ̃ dãw na manɩ wul k'aa nɩbɛ za, a Zifʋ mɩnɛ nɩ a bɛl na bɛ ɩ Zifʋ a, k'aa yel-bier dɩ n naalʋ a bɛ za zu,

1 Korɛ̃tɩ 1:29

kɛ́ nɩsaal za taa wa zɛwr ʋ tʋɔra Naaŋmɩn niŋé ɩ.

Galasi 3:10

Ɛcɛ a bɛlɩ dem na ɩrɛ ƴãwn a Naaŋmɩn wulu sàwfʋ ƴãw tɛwr'a, ŋmɛ-ƴãw tuur bɛ na. Mɛ̃ a Sɛb-sõw taa yel à ŋá: «Sob nɛ za na bɛ tuur a al za na sɛb a Wulu sɛbɛ pʋɔ kʋralɛ a, ŋmɛ-ƴãw a páw ʋ!»

Galasi 4:21

Nyɩɩm na bɔbr k'aa Wulu so nyɩ a, nyɩ bɛ wone a lɛ a Wulu ŋa na yere a ɩ?

Galasi 4:5

k'ʋʋ tʋ̃ɔ́ ya de a bɛlɩ dem na be a Naaŋmɩn wulu fɛrʋ pʋɔ a, ɩ tɩ lɩɛbɩ Naaŋmɩn bibiir.

Galasi 5:18

A Vʋʋrʋ Sõw wa n'ʋ wule nyɩ a, a Moyiir wulu bɛ cãà fɛrɛ nyɩ ɛ.

1 Samɩɛl 2:9

A bɛlɩ dem na ƴãwnɛ ʋ a, ʋ mɩ́ gù n a bɛ nyɔ-vʋʋrʋ, ɛ́ a ɩ-fa-maalbɛ kpiir a lige pʋɔ. Bʋ̃ʋ n'ʋ vɛ̃, fãw bɛ n'a mɩ́ so a nɩsaal zɛb tʋ̃ɔ́ ɩ.