Ʋrɔm 2:8 - A SƐB-SÕW

⁸ Ɛcɛ, a bɛlɩ dem na ɩ a nɩsaal-gaarɩ, bɛ sàwr a yel-mɩŋa ɛ́ tuur a ɩ-faar a, Naaŋmɩn suur, su-tʋlʋ, na ìr'ɩ a bɛ zu.

Ʋrɔm 2:8 ပူးပေါင်းရင်းမြစ်များ

2 Bibie za yel-manɩ 6:23

a fʋ̃ʋ a, Sore e, be a salom zu ɛ́ bɛr wõ, ɛ́ tu. Dɩ n a fʋ tõ-tõ-biir a ƴɛ̀rʋ: yel a sãwna sob k'ʋʋ sãw na, ɛ́ ɩ a ʋ sãwna lɛb lo a ʋ zu, ɛ́ yel a yel-mɩŋa sob k'ʋʋ bɛ tɛr sãwna ɩ, ɛ́ a nɩbɛ za ɩrɛ a ʋ zie mɛ̃ nɩr na bɛ tɛr sãwna a.

A Zɔb sɛbɛ 24:13

A nɩ-faar nɩ a cãà bɛ tuore ɩ, bɛ bɛ bãw a ʋ sɛ́ɛ ɩ, bɛ bɛ tuur a ɩ.

Sɛb-sõw yielu 90:11

Ãa n'ʋ bãw a lɛ a fʋ suur na sɛw a? Ʋ ɩ n kpɛ̃ɛ sɛw a lɛ tɩ na ƴãwnɛ fʋ a.

Zʋkpaɩ 11:23

A vla tɛwr'a a nɩ-mɩn mɩ́ gùre, a nɩ-faar bɛ gùre bom a bɛ ɩ a suur tɛwr ɛ.

Zʋkpaɩ 13:10

A pɔ̀lʋ waar'ɩ nɩ zɛb-taa. Ɛcɛ yã-bãwfʋ mɩ́ be n a bɛlɩ dem na sàwr a wulu a zie.

Ɩzayi 50:10

Ãa n'ʋ zɔrɛ a Sore a nyɩ pʋɔ? A fɛr'a k'aa sob bɛrɛ wone a Sore tõ-tõ-bie. Ãa n'ʋ cere a lige pʋɔ ɛ́ bɛ nyɛrɛ cãà kãw za? Ʋ ƴãw a ʋ tɩɛrʋ a Sore ƴãw, ʋ de ʋ k'ʋ ɩ a ʋ tɩ̀ɛrɛ.

Zeremi 34:18

A Zuda nɩ a Zerizalɛm tẽw nɩ-bɛrɛ, a tõ-tõ-bi-bɛrɛ, a bàwr-maalbɛ nɩ a tẽw nɩbɛ za na so bɛ tʋɔra a, tɩ maal'ɩ mɛ̃ nɩ wõ-taa. Bɛ tɩ vár'ɩ a bàwr nadele ziir ayi, ɛ́ tɩ tɔl a dʋ̃w na vár a ziir ayi a cara pʋɔ. Ɛcɛ a nɩbɛ bɛ ŋa bɛ tu a wõ-taa ŋa ɩ, bɛ bɛ tu a lɛ bɛ na yel a ɩ. A lɛ pʋɔ a, ɩ̃ na ɩ bɛ na mɛ̃ a nadele bɛ na vár a ziir ayi a.

Ezekɩɛl 22:31

Lɛ n'a ɩ̃ tɩ ɩ a ɩ̃ su-tʋlʋ kpãkpã ìr a bɛ ƴãw. Ɩ̃ ɩ na bɛ bɔr a suur ŋa vũu pʋɔ, ɩ̃ ɩ na bɛ ya a bɛ ɩ-faar san. A mãa Sore Naaŋmɩn n'ʋ yel.»

Nahum 1:6

Ãa n'ʋ na cãà àr a ʋ su-yãyaar daar? Ãa n'ʋ na cɩ̃ɛ a ʋ su-tʋlʋ-kpãkpã daar? A ʋ suur ɩ na mɛ̃ vũu na nyɔw dɩrɛ a, a pìe tɛɛ za pure na yaarɛ a ʋ niŋé.

Ʋrɔm 1:18

A Naaŋmɩn suur sɩrɩ na ìre a salom zu sãá, a nɩsaalbɛ naaŋmɩn-bɛ-ƴãwfʋ ɩb za ƴãw, nɩ a bɛ ɩb za na bɛ tu sɔ́r a ƴãw, bɛl na mɩ́ piwr a yel-mɩŋa tɛrɛ nɩ ɩ-ɩrɩ na bɛ tu yel-mɩŋa a.

Ʋrɔm 10:16

Ɛcɛ a nɩbɛ za bɛ nɛbɛ sàw de a Yel-nʋ̃ɔ̀ ɩ. Bʋ̃ʋ n'ʋ vɛ̃, Ɩzayi yere nɩ à ŋá: «Sore e, ãa n'ʋ sàw de a yel tɩ na hieri a?»

Ʋrɔm 15:18

Bʋ̃ʋ n'ʋ vɛ̃, mãa wa sʋ̃ɔmɩ sàw ƴɛ̀rɛ bom kãw ƴɛ̀rʋ a, a ɩ n a ʋlɩ bom nɛ a Kɩrɩta na tu a ɩ̃ zie maalɩ, k'ʋʋ ɩ a nɩ-bʋʋr-yoru sàwr a Naaŋmɩn nʋɔr a. Ƴɛ̀rʋ nɩ ɩ-ɩrɩ n'a ʋ maal'ɩ a yel ʋl,

Ʋrɔm 6:17

Ɛcɛ Naaŋmɩn so puoru: nyɩ tɩ dãw na ɩ a yel-bier gbãgbaar, ƴɛrɛŋa a, a wulu bɛ na wul nyɩ a sɛw kɛ́ nɩbɛ za tuur a, nyɩ sàw na de ʋ nɩ nyɩ pʋɔ za.

Ʋrɔm 9:22

Naaŋmɩn tɩ bɔbr'a k'ʋʋ wul a ʋ suur, ɛ́ ɩ kɛ̀ bɛ bãw a ʋ kpɛnʋ. A bɛlɩ dem a na tɩ sɛw k'ʋʋ nyɛ̃ nɩ suur a, ɛ́ bɛ tɩ ta a dɔwrʋ kerkerlɛ a, ʋ nyɔw nɩ ʋ tʋɔra yaga a bɛ ƴãw.

1 Korɛ̃tɩ 11:16

Ɛ́ nɩr wa cãà bɔbr k'ʋʋ ŋmɩɛr nɔkpɛn a yel ŋa ƴãw a, ʋ̃ʋ bãw k'aa tɩɩm nɩ a Naaŋmɩn Lãw-yie bɛ lɛb tɛr tub a mɩnɛ kãw a puoru yele ƴãw ɛ.

2 Korɛ̃tɩ 12:20

Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ nyɩ, nyɩ bɛ ŋmɛ̃ a lɛ ɩ̃ na bɔbr a ɩ, ɛ́ nyɩ mɩ̀ nyɛ̃ m ɩ̃ bɛ ŋmɛ̃ a lɛ nyɩ na bɔbr a ɩ. Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ taw-taa nɩ nyuur, suur nɩ cier-taa, tʋ-taa nɩ zu-yel-taa, nyʋʋr nɩ damnʋ a.

Galasi 5:20

tɩbɛ maalʋ, sʋɔlʋ, dɔ̃, zɛb-taa, nyuur, suur, cier-taa, bɛ-wõ-taa, bʋ́r-taa,

Filib 1:17

Ɛ́ a bɛl a, cier-taa yã n'a bɛ hiere nɩ a Kɩrɩta. A bɛ tɩɛrʋ bɛ vɩɛl ɛ, bɛ tɩɛr kɛ́ lɛ n'a bɛ na ɩ a ɩ̃ gaso pʋɔ pàwfʋ lɛb bãw wone mɛ̃.

Filib 2:3

Nyɩ ta ɩrɛ bom nɩ cier-taa yã bɔbr'ɩ yúor ɛ. Ɛcɛ, nyɩ ɩrɛ nɩ tʋɔra-siwru, ɛ́ mɩ́ sàw kɛ́ a nyɩ taabɛ zuo nyɩ na.

2 Tesalonikɩ 1:8

Ʋ na wa n vũu-zɛlɛ pʋɔ, k'ʋʋ wa dɔwrɩ a bɛlɩ dem na bɛ bãw a Naaŋmɩn, ɛ́ bɛ tuur a tɩ Sore Yeezu Yel-nʋ̃ɔ̀ a.

Títɩ̀ 3:9

Ɛcɛ a bɔ-zawlɛ nɩ a dɔw-tu-taa manʋ a, a zɛb-taa nɩ a taw-taa al za na càarɩ a Naaŋmɩn wulu a, dɛrɛ a: a bɛ tɛr yel-ɩra ɩ, ɛ́ mɩ̀ bɛ lɛb tɛr pɛr ɛ.

Ebre 10:27

A ƴɛ̀rʋ-maalʋ tɛwr'a cɛ tɩ na pi pee gùre nɩ, nɩ a vũu-tʋlʋ kpãkpã na na dɩ a zu-kpɛn dem a.

Ebre 11:8

A sàw-deb zũú, a Naaŋmɩn na tɩ bʋɔlɩ a Abraham a, ʋ sàw na ɛ́ yi cen tẽw a Naaŋmɩn na na kʋ̀ ʋ k'ʋ so ʋ a. Ʋ tɩ yi na cere, ɛ́ bɛ bãw be ʋ na cere a ɩ.

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

Zakɩ 3:14

Ɛcɛ nyu-faa nɩ zuo-taa tɩɛrʋ wa n'a be a nyɩ socie pʋɔ a, nyɩɩm ta zɛwr nyɩ tʋɔra ɛ́ ŋmarɛ ziri piwr'ɩ a yel-mɩŋa ɩ.

Zakɩ 3:16

A be a nyuur nɩ a zuo-taa tɩɛrʋ na be a, a damnʋ nɩ a ɩ-faar bʋʋrɛ za mɩ̀ be n be.

1 Pɩɛr 3:1

Lɛ mɩ̀ n'a, a nyɩɩm pɔwbɛ, nyɩ sàwr a nyɩ sɩrbɛ nʋɔr, kɛ̀ bɛ mɩnɛ saa wa zawrɩ a Naaŋmɩn ƴɛ̀rʋ sàw deb a, bɛ̃ɛ sàw de ɛ́ nɩr bɛ ƴɛ̀r ƴɛ̀rʋ ɛ, a bɛ pɔwbɛ na ɩrɛ vla a ƴãw.

1 Pɩɛr 4:17

Sɩza n'a, a ƴɛ̀rʋ-maalʋ na tine a daar ta na. Ɛ́ a Naaŋmɩn nɩ-bʋʋrɛ nɛbɛ bɛ de niwn maal'ɩ a ƴɛ̀rʋ. Ɛcɛ alɛ wa tine a tɩ zie a, ŋmɩŋmɩn n'a a baarʋ daar a na ŋmɛ̃ a bɛlɩ dem na zawrɩ na sàw de a Naaŋmɩn Yel-nʋ̃ɔ̀ a zie?

Yel-wula 14:10

ʋ mɩ̀ na nyũ n a Naaŋmɩn suur divɛ̃, divɛ̃ bɛ na bɛ pili ɛ́ cir ƴãw a ʋ suur koli-nyúura pʋɔ a, ɛ́ a nɩbɛ bɛ ŋa taabɛ na wone nɩ tuo a vũu nɩ a cirbi pʋɔ, a malkɩ son nɩ a Pele niŋé.

Yel-wula 16:19

A tẽ-kpɛ̃ɛ tɩ ŋmɛr'ɩ ziir ata, ɛ́ a ten za tẽ-bɛrɛ lo. Naaŋmɩn tɩ lɛb'a tɩɛrɩ bãwnɩ a Babɩlɔn tẽ-kpɛ̃ɛ yele, kʋ̀ ʋ a ʋ divɛ̃ nɩ a kole ʋ nyũ, a ʋ su-tʋlʋ divɛ̃.