Ʋrɔm 2:5 - A SƐB-SÕW

⁵ A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a,

Ʋrɔm 2:5 ပူးပေါင်းရင်းမြစ်များ

2 Bibie za yel-manɩ 30:8

Nyɩ mɩ̀ ta gaarɩ mɛ̃ a nyɩ sãà mɩnɛ a ɩ: nyɩ bɛr a Sore so nyɩ, nyɩ lɛb wa ʋ zi-sõw pʋɔ ʋ na ɩ ʋ ɩ sõw a nʋɔr kʋ a, ɛ́ nyɩ tone a Sore nyɩ Naaŋmɩn. Lɛ n'a a ʋ su-tʋlʋ a nyɩ ƴãw na ɓãá.

2 Bibie za yel-manɩ 36:13

Ʋ mɔ̃ mɩ̀ wa ìr'a gaarɩ a Nabikodonozɔɔr zu, ʋl na tɩ ƴãw ʋ kõ nʋɔr a Sore yúor ƴãw a. Ʋ tɩ kpãa nɩ tobr zawrɩ a Sore, a Ɩsɩrayɛl Naaŋmɩn zie lɛb waa kʋra kʋra.

A Zɔb sɛbɛ 21:30

A kpɩɛrʋ daar a, a ɩ-fa-maalɛ mɩ́ cɩ̃ɛ na, a Naaŋmɩn suur wa ìr a ʋlɩ bibir a, ʋ mɩ́ jɩɩr'ʋ na bɛr.

Sɛb-sõw yielu 110:5

A Sore be n a fʋ dʋrʋ lowr. Ʋ mɩ́ taal'ɩ na-mɩnɛ kʋ a ʋ suur bibir.

Sɛb-sõw yielu 95:8

«Nyɩ ta kpãa tobr mɛ̃ a lɛ a nyɩ sãàkʋm-kore na tɩ ɩ a Meriba a ɩ, mɛ̃ a lɛ bɛ na tɩ ɩ a Masa, a wɛja-kpalɛ pʋɔ a ɩ.

Eziptɩ tẽw yib 14:17

Mãa ƴãw a, ɩ̃ na ɩ na a Eziptɩ tẽw nɩbɛ kpãa tobr, ɛ́ tu a nyɩ pùor kpɛ a kʋ̃ɔ-kpɛ̃ɛ pʋɔ. Lɛ n'a ɩ̃ na tʋ̃ɔ́ a Faarawɔ̃ nɩ a ʋ zɛbr-nɩbɛ za, a ʋ zɛbr-torkori, a ʋ wi-zɔmnbɛ, lɛ n'a ɩ̃ na tʋ̃ɔ́ bɛ pẽlẽpẽlẽ, wul a ɩ̃ yúor-vɩɛlʋ-danʋ.

Eziptɩ tẽw yib 32:34

Ƴɛrɛŋa a, cen tɩ tɛr a nɩbɛ cen nɩ a zie ʋl ɩ̃ na yel kʋ̀ b a. A ɩ̃ malkɩ na de b'ɩ niwn. Mãa ƴãw a, mãa wa wa a bɛ nyɛ́b a ʋlɩ bibir nɛ a, ɩ̃ na dɔwrɩ bɛ nɩ a bɛ yel-bier ƴãw.»

Eziptɩ tẽw yib 8:15

Lɛ n'a a tɩtɩlbɛ tɩ yel a Faarawɔ̃: «Naaŋmɩn fãw ton n'ɩ a yel ŋa!» Ɛcɛ, mɛ̃ a lɛ a Sore na tɩ yel a, a Faarawɔ̃ tɩ kpãa nɩ tobr bɛ bɛr wõ a Moyiir nɩ a Aarɔ̃ ɛ.

Zʋkpaɩ 1:18

Ɛcɛ, a nɩbɛ bɛ ŋa a, bɛ lɛb'a ŋmɛlɩ ƴãwnɛ bɛra a bɛl mɩŋa. A bɛ bʋ-taa na lɛb'a lo a bɛ zu.

Zʋkpaɩ 11:4

A ƴɛ̀rʋ-dɩb bibir a, a naalʋ kʋ̃ tɛr yel-ɩra ɩ, ɛcɛ a mɩnʋ tɛwr'a na faa a kũu pʋɔ.

Zʋkpaɩ 28:14

Zu-nʋ̃ɔ̀ sob'ɩ a nɩr nɛ na zɔrɛ a faa maalʋ dɛ̃bɩ̃ɛ kʋralɛ a, ɛcɛ zu-kpɛ̃w sob na bãw nɩ kpɩɛrʋ.

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Ekilezɩasɩ 12:14

Bʋ̃ʋ n'ʋ vɛ̃, Naaŋmɩn na sowr'ɩ a tɩ ɩ-ɩrɩ za pɛr, a na vɩɛl bɩɩ kpɛ faa, alɛ saa sɔwlɩ a.

Ɩzayi 48:4

Ɩ̃ bãw nyɩ na nyɩ ɩ nɩ-bʋʋr-gaarɩ. Nyɩ bɛ wone ƴɛ̀rʋ ɛ, ɛ́ a nyɩ zuru kpɛmɛ.

Zeremi 40:3

A Sore ɩ na a kpɩɛrʋ ta, ʋ tu n a lɛ za ʋ na tɩ yel a. Bʋ̃ʋ n'ʋ vɛ̃, nyɩ sãw nɩ a Sore, nyɩ bɛ bɛr wõ a ʋ ƴɛ̀rʋ ɛ, alɛ n'a so à á ŋá za ta nyɩ.

Ezekɩɛl 11:19

Ɩ̃ na kʋ̀ nyɩ nɩ soci-paala, ɩ̃ na ƴãw nyɩ nɩ tɩɛr-paala. Ɩ̃ na ír'ɩ a kʋsɩɛr socir bɛr a nyɩ ƴã-ganɩ́ ɛ́ ƴãw nyɩ ƴã-gã-nɛn socir.

Ezekɩɛl 3:7

Ɛcɛ a Ɩsɩrayɛl nɩbɛ bɛl a, bɛ kʋ̃ bɔbr kɛ́ bɛ bɛr wo b ɛ, bʋ̃ʋ n'ʋ vɛ̃, bɛ bɛ bɔbr a ɩ̃ bɛr-wob ɛ. Sɩza n'a, bɛ ko n zuru ɛ́ kpawlɩ socie.

A naaŋmɩn-ƴèr-manɛ Oze sɛbɛ 13:12

A Efarayim sãwna gã nɩ zi-been, a ʋ yel-bier maal'a gã cɛlɛ.

Amɔsɩ 3:10

A Sore yere na: «A Samaari tẽw dem bɛ bãw bʋ̃ʋ n'ɩ a yel na tori a ɩ. Bɛ gbone nɩ a bɛ yir-vɩɛlɩ pʋɔ a bome nɛ a bɛ po-to-fãw-ɩb nɩ a bɛ nyãnyuwlu na ɩrɛ bɛ páwr a.»

Ʋrɔm 1:18

A Naaŋmɩn suur sɩrɩ na ìre a salom zu sãá, a nɩsaalbɛ naaŋmɩn-bɛ-ƴãwfʋ ɩb za ƴãw, nɩ a bɛ ɩb za na bɛ tu sɔ́r a ƴãw, bɛl na mɩ́ piwr a yel-mɩŋa tɛrɛ nɩ ɩ-ɩrɩ na bɛ tu yel-mɩŋa a.

Ʋrɔm 11:25

Yɛbr i, ɩ̃ bɔbr'a k'ɩ̃ɩ ɩ nyɩ bãw a Naaŋmɩn yel-sɔwla ŋa, kɛ̀ nyɩ taa wa de nyɩ tʋɔra bʋɔlɛ yã-bãwnbɛ ɩ: a Ɩsɩrayɛl nɩbɛ ŋmãa na kpawl'a, ɛ́ gù a nɩ-bʋʋr-yoru za tɩ nyɛ̃ a faafʋ.

Ʋrɔm 9:22

Naaŋmɩn tɩ bɔbr'a k'ʋʋ wul a ʋ suur, ɛ́ ɩ kɛ̀ bɛ bãw a ʋ kpɛnʋ. A bɛlɩ dem a na tɩ sɛw k'ʋʋ nyɛ̃ nɩ suur a, ɛ́ bɛ tɩ ta a dɔwrʋ kerkerlɛ a, ʋ nyɔw nɩ ʋ tʋɔra yaga a bɛ ƴãw.

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

Wulu-ayi-sob 2:30

Ɛcɛ a Hɛsɩbon nãà, Sihon, bɛ sàw tɩ tɔl a ʋ zie ɩ. Bʋ̃ʋ n'ʋ vɛ̃, a Sore nyɩ Naaŋmɩn tɩ ɩ na a ʋ tɩɛrʋ nɩ a ʋ socir kpawlɩ mɛ̃ kʋsɩɛr a, k'ʋʋ tʋ̃ɔ́ ƴãw ʋ a nyɩ nuru pʋɔ a ʋlɩ bibir nɛ.

Wulu-ayi-sob 32:34

Nyɛ̃ a ʋlɩ bom nɛ a mãa Sore na sɔwlɩ cɔbrɩ a, a ʋlɩ bom nɛ ɩ̃ na bin gùre nɩ bɛ a.

2 Tesalonikɩ 1:5

Naaŋmɩn ƴɛ̀rʋ maalʋ na tu yel-mɩŋa a bãwfʋ n'ɩ à ŋà, bʋ̃ʋ n'ʋ vɛ̃, a kanyir nyɩ na mɩ́ dɩ a, na ɩ na nyɩ sɛw taa nɩ a Naaŋmɩn Naalʋ, a Naalʋ ŋa ƴãw nyɩ na wone a tuo a.

Ebre 3:13

A na ɩ lɛ a, a «Dɩ̃a bibir» ŋa yúor na cãà pore a, nyɩ kpaalɛ taa bibir za, k'aa yel-bier taa wa bɛlɩ a nyɩ been kãw za ʋ kpãa tobr ɛ.

Ebre 3:15

Bɛ yel'ɩ à ŋá: «A dɩ̃a bibir nyɩmɛ wa wõ a Naaŋmɩn kɔkɔr a, nyɩ ta kpãa tobr mɛ̃ a lɛn daar nyɩ na tɩ zɛbr'ɩ ʋ a ɩ.»

Ebre 4:7

A lɛ n'a so a Naaŋmɩn lɛb ƴãwnɛ bibir na dɩ kɛ́ «Dɩ̃a bibir» a. Ʋ wa ƴãw na Daviir ƴɛ̀r a ƴɛ̀rʋ pùorí pùorí za, a Sɛbɛ zie ʋl tɩ na dãw yel kɛ́: «A dɩ̃a bibir, nyɩmɛ wa wõ a Naaŋmɩn kɔkɔr a, nyɩ ta kpãa tobr ɛ.»

Zakɩ 5:3

A nyɩ salm-zɩɛ nɩ a nyɩ libie lo n bazɩ̃ɩ, bazɩ̃ɩ na na wul a nyɩ sãwna a. A na dɩ n a nyɩ ƴã-gã-nɛn mɛ̃ vũu a. Nyɩ bɔ n na-bome gbõ taa a zie baarʋ daar.

Zozue 11:20

Bʋ̃ʋ n'ʋ vɛ̃, a Sore tɩ ɩ na a tẽw nɩbɛ za kpãa tobr zɛbr'ɩ a Ɩsɩrayɛl nɩbɛ, k'aa Ɩsɩrayɛl nɩbɛ ta zɔ bɛ nɩbaalʋ ɛ, ɛ́ kʋ bɛ pàw pɛr, mɛ̃ a lɛ a Sore tɔr za na tɩ yel kʋ̀ a Moyiir a.

2 Pɩɛr 2:9

A wul'a k'aa Sore na tʋ̃ɔ́ na faa a bɛlɩ dem na ƴãwnɛ ʋ a bɛr a tuo pʋɔ, ɛ́ tɛr a nɩ-faar gùre nɩ a ƴɛ̀rʋ-maalʋ bibir, k'ʋʋ ƴãw bɛ dɔwrʋ.

2 Pɩɛr 3:7

Ɛ́ a dɩ̃a tẽw nɩ a dɩ̃a salom á ŋá a, a Naaŋmɩn ƴɛ̀r-been ŋa cãà na tɛr a cɛlɛ nɩ a vũu a na na dɩ a, ʋ tɛr a na gùre nɩ a ƴɛ̀rʋ-maalʋ bibir nɩ a yel-bier-maalbɛ loba bibir.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:6

A malkɩ mɩnɛ na bɛ tɩ sàw tɛr a fãw ʋl tɛwr a Sore na kʋ̀ bɛ a, ɛ́ tɩ zawrɩ a bɛ kpɛb zie bɛr a, a Naaŋmɩn nyɔw bɛ na ƴãw bamɛ kʋralɛ lɔb ƴãw lige pʋɔ, gùre nɩ a ƴɛ̀rʋ-maalʋ bibi-kpɛ̃ɛ nãà wa vɩɛ a.

Yel-wula 2:21

Ɩ̃ bɛr'ɩ vuo kʋ̀ ʋ k'ʋʋ lɩɛbɩ a ʋ ɩb, ɛcɛ, ʋ bɛ bɔbr k'ʋʋ lɩɛbɩ a ʋ ɩb, bɛr a ʋ pɩ̃ɔ-yele ɩ.

Yel-wula 6:17

Bʋ̃ʋ n'ʋ vɛ̃, a bɛ suur bibi-kpɛ̃ɛ vɩɛ na, ɛ́ ãa n'ʋ na tʋ̃ɔ́ cãà be?»

1 Samɩɛl 6:6

Nyɩ ta dɩ tuo kpãa tobr mɛ̃ a Faarawɔ̃ nɩ a Eziptɩ tẽw dem a ɩ. Nyɩ bãw nɩ a lɛ a Naaŋmɩn ŋa na ɩ bɛ, ɛ́ gù bɛ tɩ bɛr a Ɩsɩrayɛl nɩbɛ a.