Ʋrɔm 2:4 - A SƐB-SÕW

⁴ Bɩɩ fʋ bɛ ŋmɛlɛ kaar a Naaŋmɩn ɩ-vɩɛlɩ na bɛ dɩ vuo a, nɩ a ʋ su-bɛ-pawra nɩ a ʋ su-nyɔwra ʋ na tɛr a fʋ zie a ɩ? Fʋ bɛ bãwnɩ a k'aa Naaŋmɩn ɩ-vɩɛlɩ á ŋá fɛrɛ fʋ na kɛ́ fʋ lɩɛbɩ a fʋ ɩb ɛ?

Ʋrɔm 2:4 ပူးပေါင်းရင်းမြစ်များ

Sɛb-sõw yielu 10:11

Ʋ mɩ́ tɩɛr'ɩ ʋ pʋɔ: «Naaŋmɩn yiir'a, ʋ pàw nɩ a ʋ niwn, ʋ bɛ mɩ́ nyɛ̃ bom towtow ɛ.»

Sɛb-sõw yielu 104:24

Sore e, a fʋ tome yãwmɛ na bɛ tɛr tɛwr ɛ: fʋ tõ n a za nɩ yã-bãwfʋ! A tẽsɔw paal'a nɩ a fʋ bʋ̃-íri.

Sɛb-sõw yielu 31:19

A zir-ŋmarbɛ bɛ ŋa, na mɩ́ ƴɛ̀rɛ nyɔka-ƴɛ̀rʋ nɩ pɔ̀l-ƴɛ̀rʋ a, na mɩ́ ɩrɛ a nɩ-mɩŋa laar a, pàw bɛ a nɛ́ɛ.

Sɛb-sõw yielu 78:38

Ɛcɛ ʋl na ɩ su-ɓaarʋ sob a, ʋ mɩ́ tɩ dɩ n a bɛ sãwna suur kʋ̀ bɛ, ɛ́ bɛ ɩ bɛ kpi ɛ. Kʋralɛ, ʋ mɩ́ tɩ vɔl'ɩ suur, ʋ bɛ mɩ́ tɩ sàw bɛr a ʋ suur ʋ ìr ɛ,

Sɛb-sõw yielu 86:15

Ɛcɛ fʋ̃ʋ a, Sore e, fʋ ɩ n Naaŋmɩn na ɩ su-ɓaarʋ sob ɛ́ zɔrɛ nɩbaalʋ a, a fʋ suur bɛ pawr ɛ, ɛ́ fʋ ɩ nɔ̃wfʋ nɩ pùor-bɛ-lɛbrʋ tɛwr.

Sɛb-sõw yielu 86:5

Fʋ̃ʋ a, Sore e, fʋ ɩ n nɩ-vla, ɛ́ dɩrɛ suur, a fʋ nɔ̃wfʋ bɛ dɩ vuo a bɛlɩ dem na bʋɔlɛ fʋ a ƴãw ɛ.

Eziptɩ tẽw yib 34:6

Al pùorí, ʋ tɩ tɔl'ɩ a Moyiir niŋé, ɛ́ yel kpɛ̃w za: «Mãa n'ɩ a Sore! Ɩ̃ ɩ n Naaŋmɩn na ɩ pʋ-pɩɛlʋ sob, ɛ́ zɔrɛ nɩbaalʋ a, a suur na bɛ pawr, ɛ́ a nɔ̃wfʋ bɛ dɩ vuo, ɛ́ ŋmɛ̃ ʋ ŋmɛ̃a a.

Ekilezɩasɩ 8:11

Nɩr na maalɩ faa a bɛ mɩ́ nyɛ̃ dɔwrʋ a pɛr nɛ pʋɔ ɩ. Alɛ n'a so a nɩsaal socir paalɩ a tɩɛr-faar tɛwr.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Zeremi 7:10

ɛ́ a pùorí nyɩ wa a ɩ̃ niŋé, a yir ŋa ɩ̃ na so a pʋɔ, wa yere: “Tɩ nyɛ̃ nɩ faafʋ!” Ɛ́ cãà cow ɩrɛ a ɩ-faar á ŋá za?

Ezekɩɛl 11:19

Ɩ̃ na kʋ̀ nyɩ nɩ soci-paala, ɩ̃ na ƴãw nyɩ nɩ tɩɛr-paala. Ɩ̃ na ír'ɩ a kʋsɩɛr socir bɛr a nyɩ ƴã-ganɩ́ ɛ́ ƴãw nyɩ ƴã-gã-nɛn socir.

Ezekɩɛl 16:63

Lɛ n'a fʋ na cãà bãwnɩ a koro, vĩ na paalɩ fʋ na fʋ bɛ cãà tɛr nʋɔr ɛ, fʋ na bɛ cãà tɛr yúor a zũú. Ɛcɛ mãa a, ɩ̃ na dɩ n a sãwna al za fʋ na maalɩ a suur kʋ̀ b. A mãa Sore Naaŋmɩn n'ʋ yel.»

A naaŋmɩn-ƴèr-manɛ Oze sɛbɛ 3:5

Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.

Zonasɩ 4:2

Ʋ tɩ puor'ɩ a Sore à ŋá: «Áa Sore e! À à ŋá tɔr za bɛ n'a ɩ̃ tɩ yere ɩ̃ na tɩ cãà be a ɩ̃ tẽw pʋɔ a ɩ? Alɛ n'a ɩ̃ tɩ yi fɔ̃w zɔrɛ cere a Tarsisɩ. Ɩ̃ tɩ bãwnɩ a na fʋ na ɩ Naaŋmɩn-su-ɓaarʋ sob nɩ nɩbaal-zɔrɛ a, Naaŋmɩn a suur na bɛ páwr, ɛ́ fʋ ɩ nɔ̃wfʋ tɛwr, ɛ́ mɩ́ lɛb bɛr a dɔwrʋ fʋ na tɩɛrɩ a.

Sɔr-nɛ́ɛ 14:18

“Mãa n'ɩ a Sore na nyɔwr a ɩ̃ suur, ɛ́ a nɔ̃wfʋ bɛ dɩ vuo a. Ɩ̃ mɩ́ nyɔw nɩ ɩ̃ tʋɔra a yel-bebe nɩ a nɛ́ɛ-zawrʋ ƴãw. Ɛcɛ ɩ̃ bɛ yere k'aa sãwna sob bɛ tɛr sãwna ɩ. Nɩr na maalɩ yel-bebe a, ɩ̃ mɩ́ dɔwr'ɩ a ʋ bʋʋrɛ a ʋ yel-bebe ƴãw tɩ ta bɛ na dɔw tu taa ta gb'a ata bɩɩ gb'a anaar a.”

Ʋrɔm 10:12

A na ɩ à ŋá a, owru bɛ ka a Naaŋmɩn zie a Zifʋ mɩnɛ nɩ a bɛl na bɛ ɩ Zifʋ mɩnɛ a ƴãw ɛ: bɛ za lãw nɩ a Sore been, na mɩ́ kʋ̀ a ʋ na-bome a bɛlɩ dem za na bʋɔlɛ ʋ a.

Ʋrɔm 11:22

A na ɩ à ŋá a, jɩ́r nyɛ̃ a lɛ a Naaŋmɩn vɩɛlʋ na ɩ a, nɩ a Naaŋmɩn na bɛ tɛr dɩ̃ɛnʋ a: ʋ bɛ tɛr dɩ̃ɛnʋ a bɛlɩ dem na lo a zie ɩ, ɛ́ tɛr a ʋ vɩɛlʋ ɩb a fʋ zie. Ɛcɛ a fɛr'a fʋ cãà ɩrɛ ƴãwn a vɩɛlʋ ŋa ƴãw, alɛ bɛ ɩ lɛ, bɛ mɩ́ na cɛ b'a ŋmãa bɛr mɛ̃ wule a.

Ʋrɔm 11:33

Nyɛ̃ a Naaŋmɩn naalʋ na bɛ vʋʋr a! Nyɛ̃ a ʋ yã-bãwfʋ nɩ a ʋ yele bãwfʋ na zulme a! Nyɛ̃ a ʋ ƴɛ̀rʋ-dɩb na bɛ tɛr bãwfʋ, ɛ́ a ʋ sɛ́ɛ bɛ tɛr bɩ́ɛrʋ a!

Ʋrɔm 3:25

A Naaŋmɩn maal'ɩ ʋ nɩ bàwr, k'aa Kɩrɩta zɩ̃ɩ ƴãw, ʋ páw a yel-bebe suur kʋ̀ a bɛlɩ dem na sàw de ʋ a. À ŋá n'a a Naaŋmɩn wul k'ʋʋ ɩ n nɩ-mɩŋa kʋralɛ: ʋ tɩ ɩ ʋ nɩ a koro za, a lɛn daar ʋ na tɩ nyɔw ʋ tʋɔra bɛ dɔwrɩ a nɩsaalbɛ a bɛ yel-bebe ƴãw a. Ʋ ɩ ʋ nɩ a dɩ̃a zie ŋa pʋɔ, ʋ na ɩ nɩ-mɩŋa, ɛ́ mɩ̀ ɩ a bɛlɩ dem za na sàw de a Yeezu a bɛ ɩ nɩ-mɩn a.

Ʋrɔm 6:1

A na ɩ à ŋá a, tɩ na yel'a kɛ́ bo? Kɛ́ tɩ cãà be a yel-bier pʋɔ a Naaŋmɩn maalʋ tʋ̃ɔ́ ʋr bɩɩ?

Ʋrɔm 6:15

Ɛ́ bʋnʋ? Tɩ na maalɛ nɩ a yel-bier, a Naaŋmɩn wulu na bɛ cãà so tɩ ɛ́ Naaŋmɩn maalʋ so tɩ a bɩɩ? Lɛ bɛ n'a towtow ɛ!

2 Korɛ̃tɩ 8:2

Kpɩɛrʋ ta n a be kɩrɩta-nɩbɛ yaga za, ɛcɛ bɛ tɩ cãà cɩlɛ yaga za ɛ́ tɩr a bɛ bʋ̃-tɛrɩ yaga yaga zawlalɛ, bɛ na saa bɛ tɩ tɛr a a.

Efɛɛzɩ 1:18

Ʋ sàw caalɩ a nyɩ socie nɩ a ʋ cãà, nyɩ tʋ̃ɔ́ bãw a tɩɛrʋ ʋl a ʋ bʋɔlʋ na ɩ kɛ́ nyɩ tɛr a, nɩ a ʋ gbã-dɩ-bom na vɩɛl bɛ tɛr tɔ, ʋ na cɔbrɩ cɛlɛ nɩ a ʋ nɩ-sori a.

Efɛɛzɩ 1:7

A Kɩrɩta zɩ̃ɩ n'a cir yaarɩ faa tɩ, ɛ̀ tɩ páw a tɩ sãwna suur. À ŋá n'a a Naaŋmɩn wul k'aa ʋ maalʋ bɛ tɛr manʋ ɛ.

Efɛɛzɩ 2:4

Ɛcɛ a Naaŋmɩn na dɩrɛ su-ɓaarʋ naalʋ, ɛ́ nɔ̃w tɩ nɩ nɔ̃wfʋ na bɛ dɩ vuo a,

Efɛɛzɩ 2:7

A Naaŋmɩn vɩɛlʋ ɩb ʋ na ɩ a tɩ ƴãw a sãá a Yeezu Kɩrɩta zie a zũú n'a ʋ tɩ bɔbr k'aa yome na tuur taa a pʋɔ, ʋ wul a ʋ maalʋ na bɛrmɛ bɛ tɛr vuo a.

Efɛɛzɩ 3:16

Ʋl na kpɛ yúor-vɩɛlʋ-danʋ naalʋ a, ɩ̃ zɛlɛ na k'ʋʋ ɩ a Vʋʋrʋ kʋ̀ nyɩ a fãw, k'aa nyɩ pʋ̃ɔmɩ nɩr tɛr fãw.

Efɛɛzɩ 3:8

A mãa na ɩ a pʋrɩ woro a kɩrɩta-nɩbɛ za pʋɔ a, mãa n'ʋ a Naaŋmɩn kʋ̀ a maalʋ ŋa, k'ɩ̃ɩ hieri yel a Kɩrɩta Naalʋ na bɛ vʋʋr a Yel-nʋ̃ɔ̀ kʋ̀ a nɩ-bʋʋr-yoru,

Filib 4:19

A ɩ̃ Naaŋmɩn na sõw nyɩ nɩ vla za nɩ a ʋ maalʋ na yi a Yeezu Kɩrɩta zie a, nyɩ páw a nyɩ bʋ̃-bɔbrɩ za kpɛ̃lɛ̃kpɛ̃lɛ̃.

Kɔlɔsɩ 1:27

Naaŋmɩn sàw na ɩ bɛ bãw a tɩbɛ dem sɔgɔ a naalʋ nɩ a yúor-vɩɛlʋ-danʋ na bɛ tɛr tɔ a yel ŋa na waar'ɩ a: a Kɩrɩta be n a nyɩ sɔgɔ, ʋl na só nyɩ tɩɛrɛ a yúor-vɩɛlʋ-danʋ a.

Kɔlɔsɩ 2:2

Ɩ̃ bɔbr'a k'ɩ̃ɩ ɩ à ŋá bɛ kpɛ socir yaga za, bɛ lãw taa nɔnɛ taa tʋ̃ɔ́ páw a yã za naalʋ kpɛ, tʋ̃ɔ́ bãw a Naaŋmɩn yel-sɔwla na ɩ a Kɩrɩta a.

1 Timote 1:16

Ɛcɛ Naaŋmɩn zɔ n a ɩ̃ nɩbaalʋ, k'aa Kɩrɩta Yeezu tʋ̃ɔ́ de niwn tĩ a ɩ̃ zie, mãa na kpɛ faa zuo a nɩbɛ za a, wul a ʋ su-bɛ-pawra ɩb za a sãá ɩ bãwfʋ a bɛlɩ dem za nãà wa sàw de a Naaŋmɩn, kɛ́ bɛ tʋ̃ɔ́ páw a nyɔ-vʋʋrʋ na be kʋralɛ a.

1 Timote 6:17

Yel kʋ̀ a tẽw ŋa zu tɛra dem kɛ́ bɛ ta zɛwr bɛ tʋɔra ɩ, kɛ́ bɛ ta ƴãw a bɛ tɩɛrʋ a na-bome á ŋá na na tɔl a ƴãw ɛ, kɛ́ bɛ ƴãw a bɛ tɩɛrʋ a Naaŋmɩn ƴãw, ʋl na kʋ̀rɛ tɩ bʋ̃-vɩɛlɩ za bɛ dɩ vuo kɛ́ tɩ wone nɩ nʋ̃ɔ̀ a.

1 Pɩɛr 3:20

a pɛr lɛ kɛ́ a bɛlɩ dem na tɩ dãw zawrɩ a Naaŋmɩn ƴɛ̀rʋ sàwfʋ a lɛn daar ʋ na tɩ nyɔw a ʋ suur, a bibie al a Nowe na tɩ maalɛ a gbor-kpɛ̃ɛ a. Nɩbɛ blãlelɛ tɛwr nɛbɛ, bɛ za tɩ ɩ n nɩbɛ ani, bɛlɛ nɛbɛ tɩ kpɛ a gbor-kpɛ̃ɛ pʋɔ a kʋ̃ɔ fáa bɛ.

2 Pɩɛr 1:11

Ɛ́ lɛ n'a nyɩ na kpɛ a tɩ Sore nɩ a tɩ Faarɛ Yeezu Kɩrɩta naalʋ na be kʋralɛ a pʋɔ, mɔlɛ mɔlɛ lɛ.

2 Pɩɛr 3:15

Nyɩ bãwnɩ a, a Sore wa nyɔw ʋ tʋɔra kɔwrɩ a, a nyɩ faafʋ n'a, mɛ̃ a lɛ a tɩ yɛb nɩ a tɩ bá Pol na sɛb kʋ̀ nyɩ nɩ a yã-bãwfʋ a Naaŋmɩn na kʋ̀ ʋ a.

2 Pɩɛr 3:3

Nyɩ páw bãwnɩ a, a bibi-pɛ-baarɩ pʋɔ a, nɩbɛ na ɩrɛ bɛ taabɛ laar a na yi na, vʋʋrɛ mɛ̃ a lɛ bɛl mɩŋa na bɔbr a,

2 Pɩɛr 3:9

A Sore bɛ cɛlɛ a ʋ nʋɔr ʋ na ƴãw a tub ɛ, mɛ̃ bɛ mɩnɛ kãw na yel k'ʋʋ cɛlɛ na a ɩ. Ɛcɛ, a nyɩɩm ƴãw n'a ʋ nyɔw ʋ tʋɔra bɛ páwr ɛ, ɛ́ bɔbr kɛ́ nɩr kãw za taa wa bɔrɛ ɩ, ɛ́ a nɩbɛ za lɩɛbɩ a bɛ ɩb.

Yel-wula 2:21

Ɩ̃ bɛr'ɩ vuo kʋ̀ ʋ k'ʋʋ lɩɛbɩ a ʋ ɩb, ɛcɛ, ʋ bɛ bɔbr k'ʋʋ lɩɛbɩ a ʋ ɩb, bɛr a ʋ pɩ̃ɔ-yele ɩ.

Yel-wula 3:20

Mãa n'ɩ ŋan àr a dɩ̃dɔr nʋɔr kpàwrɛ a pan. Nɩr wa wõ a ɩ̃ kɔkɔr ɛ́ yuo mɛ̃ a pan a, ɩ̃ na kpɛ n a ʋ zie tɩ lãw nɩ ʋ dɩ, ʋʋ lãw nɩ mɛ̃ dɩ.