Ʋrɔm 2:27 - A SƐB-SÕW

²⁷ Ɛ́ a nɩr ʋl na bɛ ŋmãa a ƴã-gan ŋmãafʋ a, ɛ́ mɩ́ tu a Naaŋmɩn wulu tɩ ɓɩɩlɩ a, ʋ na wul'ɩ a fʋ sãwna, fʋ̃ʋ na bãw a Naaŋmɩn wulu na sɛb, ɛ́ ŋmãa a yʋ̀ɔr, ɛ́ zawrɛ a Wulu a.

Ʋrɔm 2:27 ပူးပေါင်းရင်းမြစ်များ

Matie 3:15

Ɛcɛ, a Yeezu tɩ sɔw ʋ na: «Bɛr a tu à à ŋá sɛr. À ŋá n'a a fɛr kɛ́ tɩ tu a lɛ a Naaŋmɩn na bɔbr a.» A Zã tɩ sàw na.

Nɩ-toni 13:22

A Naaŋmɩn na wa zawrɩ a Sawul bɛr a, ʋ ír'ɩ Daviir kʋ̀ bɛ ʋ ɩ a bɛ nãà, ʋʋ dɩ a ʋ dãsɩɛ yel: “Ɩ̃ nyɛ̃ nɩ a Zese bidɛb Daviir, a ɩ̃ yã nɩr'ʋ, ʋ na maal'ɩ a ɩ̃ pʋ-tɩɛrʋ za.”

Ʋrɔm 13:10

Nɔ̃wfʋ bɛ maalɛ faa kãw za tɔ zie ɩ. Lɛ so, fʋ̃ʋ wa nɔnɛ a fʋ tɔ a, fʋ sàw nɩ a Naaŋmɩn wulu ʋ za.

Ʋrɔm 2:15

Bɛ mɩ́ wul'a k'aa lɛ a Wulu na bɔbr kɛ́ nɩr za ɩrɛ a, sɛb'ɩ a bɛ pʋ̃ɔmɩ. A bɛ pʋɔ mɩ̀ mɩ́ dɩ n a yel ŋa dãsɩɛ, lãwnɩ a bɛ tɩɛrʋ na mɩ́ yel a mɩnɛ kãw kɛ́ bɛ sãw na a, ɛ́ a mɩnɛ kãw ʋ yel kɛ́ bɛ bɛ sãw a.

Ʋrɔm 2:20

a bɛlɩ dem na bɛ bãw bom za a wul-wule, a bɛlɩ dem na bɛ bãw bom sɛr a wul-wule, fʋ na bãw k'aa Naaŋmɩn wulu ɩ n a bãwfʋ nɩ a yel-mɩŋa ŋmɛ̃a tɔr za a ƴãw.

Ʋrɔm 2:25

Fʋ̃ʋ wa dier a Naaŋmɩn wulu a, a yʋɔr-ŋmãafʋ tɛr'ɩ yel-ɩra a fʋ zie. Ɛcɛ fʋ̃ʋ wa zawrɛ a Naaŋmɩn wulu a, fʋ̃ʋ nɩ a fʋ yʋɔr-ŋmãafʋ za a, fʋ ɩ na mɛ̃ nɩr na bɛ ŋmãa yʋ̀ɔr a.

Ʋrɔm 2:26

A nɩr na bɛ ŋmãa yʋ̀ɔr a, ʋlɛ wa sàwr a nɛ́ɛ a Naaŋmɩn wulu na ƴãw a, Naaŋmɩn kʋ̃ sàw kʋ̀ ʋ k'aa yʋ̀ɔr-bɛ-ŋmãafʋ ɩ n ŋmãafʋ bɩɩ?

Ʋrɔm 2:29

Ɛcɛ a Zifʋ tɔr za n'ɩ a sob nɛ na ɩ ʋ nɩ ʋ pʋɔ a, ɛ́ a yʋ̀ɔr ŋmãafʋ ɩ socir pʋɔ ŋmãafʋ a, yʋ̀ɔr ŋmãafʋ na yi Naaŋmɩn Vʋʋrʋ zie ɛ́ bɛ yi Wulu na sɛb a pʋɔ a. A Zifʋ tɔr za ŋa bɛ nyɛrɛ a ʋ danʋ nɩsaalbɛ zie ɩ, Naaŋmɩn zie n'a ʋ nyɛrɛ a ʋ danʋ.

Ʋrɔm 3:30

bʋ̃ʋ n'ʋ vɛ̃, Naaŋmɩn-been yõ n'ʋ be. A sàw-deb'a ʋ na ɩ n a Zifʋ mɩnɛ ɩ nɩ-mɩn a ʋ niŋé, a sàw-deb cãà n'a ʋ na ɩ n a bɛlɩ dem na bɛ ɩ Zifʋ mɩnɛ a, bɛ ɩ nɩ-mɩn a ʋ niŋé.

Ʋrɔm 8:4

A Naaŋmɩn ɩ n à à ŋá k'aa mɩnʋ a Wulu na bɔbr kɛ́ tɩ tɛr a, tʋ̃ɔ́ paalɩ tɩ, tɩɩm na bɛ tuur a tɩ nɩsaalʋ ɛ́ tuur a Vʋʋrʋ Sõw a.

1 Korɛ̃tɩ 7:19

A yʋɔr-ŋmãafʋ bɛ ɩ bom ɛ, a yʋ̀ɔr-bɛ-ŋmãafʋ mɩ̀ bɛ ɩ bom ɛ. Naaŋmɩn nɛ-ƴãwnɩ sàwfʋ n'a ɩ bom.

2 Korɛ̃tɩ 3:6

Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

Galasi 5:14

Bʋ̃ʋ n'ʋ vɛ̃, a Naaŋmɩn wulu za zu n'ɩ: «Fʋ na nɔnɛ nɩ a fʋ tɔ sob mɛ̃ a fʋ mɩŋa a.»

Efɛɛzɩ 2:11

Nyɩ lɛb tɩɛrɩ a lɛ nyɩ na tɩ ŋmɛ̃ a koro za a. Nyɩ tɩ tɛr'ɩ a nɩ-bʋʋr-yoru bãwfʋ a nyɩ ƴã-gan pʋɔ. A bɛlɩ dem na tɩ yel kɛ́ bɛ ŋma n a bɛ yɛɛ a tɩ bʋɔlɛ nyɩ nɩ nɩbɛ bɛ na bɛ ŋma a yɛɛ a, bɛl na tɛr a ŋmãafʋ ŋa bãwfʋ a bɛ ƴã-gan pʋɔ a zũú.

2 Timote 3:15

A fʋ bibile daarɩ́ za n'a fʋ bãw a Sɛb-son. A tɛr'ɩ fãw na kʋ̀ b a yã-bãwfʋ na na ɩ fʋ páw a faafʋ a Kɩrɩta Yeezu sàw-deb pʋɔ a.

Ebre 11:3

A sàw-deb zũú n'a tɩ bãw k'aa ʋ ƴɛ̀rʋ n'a Naaŋmɩn cɔbrɩ nɩ a zie. A ɩ a lɛ a bom fʋ na mɩ́ nyɛ̃ a yi bom fʋ na bɛ mɩ́ nyɛ̃ a pʋɔ.