Ʋrɔm 2:11 - A SƐB-SÕW

¹¹ Naaŋmɩn sɩrɩ bɛ mɩ́ kpɛ ŋa ɛ́ bɛr ŋa ɩ.

Ʋrɔm 2:11 ပူးပေါင်းရင်းမြစ်များ

2 Bibie za yel-manɩ 19:7

A na ɩ à ŋá a, nyɩ zɔrɛ a Sore yaga yaga, ɛ́ gùre vla a lɛ nyɩ na ɩrɛ a, bʋ̃ʋ n'ʋ vɛ̃, a Sore tɩ Naaŋmɩn bɛ sàwr yel na bɛ tu sɔ́r a ɩ, ʋ bɛ owre ɩ, ʋ bɛ sàwr bɛ kʋ̀rɛ ʋ bome ŋmɩɛr'ɩ ʋ nʋɔr ɛ.»

A Zɔb sɛbɛ 34:19

Ʋl yõ n'ʋ bɛ mɩ́ kpɛ a nɩ-bɛrɛ ɩ, ɛ́ bɛ mɩ́ ƴãw a tɛra sob zuo a nã́w sob ɛ, bʋ̃ʋ n'ʋ vɛ̃, bɛ za ɩ n a ʋ nuru bʋ̃-maalɩ.

Matie 22:16

Al pùorí, bɛ tɩ tõ n a bɛ po-tuurbɛ nɩ Erɔdɩ nɩbɛ kɛ́ bɛ tɩ yel ʋ: «Wul-wul-kara a, tɩ bãw na kɛ́ fʋ yere nɩ yel-mɩŋa, ɛ́ wule a nɩbɛ a Naaŋmɩn sɛ́ɛ nɩ yel-mɩŋa, fʋ bɛ zɔrɛ nɩr za ɩ, ɛ́ bɛ owre ɩ.

Luka 20:21

Bɛ tɩ sowr'ɩ sowru ŋa a Yeezu: «Wul-wul-kara a, tɩ bãwnɩ a na, a fʋ ƴɛ̀rʋ nɩ a fʋ wulu tu n sɔ́r, fʋ bɛ jɩ́rɛ nɩr niwn kpɩɛr a sob ɛ, fʋ wule nɩ a nɩbɛ a Naaŋmɩn sɔ́r nɩ yel-mɩŋa.

Nɩ-toni 10:34

Lɛ n'a a Pɩɛr pãa tɩ de a ƴɛ̀rʋ yel: «Ɩ̃ pãa nyɛ̃ nɩ yel-mɩŋa kɛ́ Naaŋmɩn bɛ owre a nɩbɛ a ʋ ɩb pʋɔ ɩ:

Ʋrɔm 9:14

Tɩ na yel'a kɛ́ bo? A Naaŋmɩn taa ɩrɛ bɛ wa tuur yel-mɩnʋ ʋ? Lɛ bɛ n'a towtow ɛ!

Galasi 2:6

Ɛcɛ a nɩ-bɛrɛ ƴãw a, — bɛlɩ nɩbɛ nɛ bʋʋrɛ bɛ na tɩ ɩ a lɛn daar a, ɩ̃ bɛ cɛlɛ a ɩ, bʋ̃ʋ n'ʋ vɛ̃, Naaŋmɩn bɛ jɩ́rɛ nɩr niwn ɛ — a nɩ-bɛrɛ bɛ ŋa bɛ tɩ ƴãw mɛ̃ fɛrʋ kãw dɔwlɩ ɛ.

Efɛɛzɩ 6:9

Ɛ́ nyɩɩm na so a gbãgbaar a, nyɩ mɩ̀ ɩrɛ a lɛ a bɛ zie. Nyɩ bɛr a bɛ tanʋ. Nyɩ bãwnɩ a na, nyɩɩm nɩ a bɛl za Sore be n a saa-zu, ɛ́ ʋl bɛ tɛr owru kãw za a nɩsaalbɛ ƴãw ɛ.

Wulu-ayi-sob 10:17

Bʋ̃ʋ n'ʋ vɛ̃, a Sore nyɩ Naaŋmɩn n'ɩ a ŋmɩmɛ za Naaŋmɩn, a sorbɛ za Sore, a Naaŋmɩn na ɩ kpɛ̃ɛ a, na kpɛmɛ ɛ́ bɛ tɛr dɩ̃ɛnʋ a. Ʋ bɛ owre ɩ, ɛ́ bɛ sàwr bɛ ŋmɩɛr ʋ nʋɔr ɛ.

Wulu-ayi-sob 16:19

Nyɩ taa dɩrɛ ƴɛ̀r-ziri ɛ, nyɩ taa owre a nɩbɛ a ƴɛ̀rʋ-dɩb pʋɔ ɩ. Nyɩ taa sàwr bɛ ŋmɩɛr nyɩ nʋɔr ɛ, bʋ̃ʋ n'ʋ vɛ̃, a nʋɔr-ŋmɛb liwr'ɩ a nɩbɛ na nyɛrɛ a tɩɛrʋ, ɛ́ mɩ́ ɩ a nɩ-mɩn ƴɛ̀rʋ-dɩb bɛ tu sɔ́r ɛ.

Kɔlɔsɩ 3:25

Nɩr za na maalɛ faa a na páw nɩ a faa sã-ya, owru bɛ ka be ɩ.

1 Pɩɛr 1:17

Nyɩmɛ wa bʋɔlɛ a Naaŋmɩn kɛ́ Sãà a, ʋl na bɛ owre a ƴɛ̀rʋ-maalʋ pʋɔ, ʋ na mɩ́ maal'ɩ ŋa za tu n a ʋ ɩ-ɩrɩ a, nyɩɩm zɔrɛ ʋ ɛ́ ƴãwnɛ ʋ a nyɩ nɩ-tɔlɩ tẽw ŋa zu.