Ʋrɔm 15:19 - A SƐB-SÕW

¹⁹ nɩ yele na ɩ bãwfʋ sãá a fãw, nɩ yel bãw-guuri nɩ a Naaŋmɩn Vʋʋrʋ Sõw fãw. À ŋá n'a ɩ̃ tĩ a Zerizalɛm ɛ́ yel a Kɩrɩta Yel-nʋ̃ɔ̀ vla za gʋɔr'ɩ tɩ ta n Ɩlɩɩrɩ.

Ʋrɔm 15:19 ပူးပေါင်းရင်းမြစ်များ

Matie 12:28

Ɛcɛ alɛ wa ɩ a Naaŋmɩn Vʋʋrʋ fãw n'a ɩ̃ diwr'ɩ a kɔ̃tɔmɛ a, a wul'a k'aa Naaŋmɩn Naalʋ ta n a nyɩ zie baarɩ.

Zã 4:48

A Yeezu tɩ yel ʋ na: «A ɩ lɛ nyɩmɛ dɛ bɛ nyɛ̃ yele-na-ɩ-bãwfʋ-sãá nɩ yel-bãw-guuri a, nyɩ kʋ̃ sàw de ɩ?»

Nɩ-toni 1:8

Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.»

Nɩ-toni 13:14

A bɛl a, bɛ tɩ yi n a Pɛrze ɛ́ cen tɩ ta Ãtɩɔsɩ na be a Pisidi a. A pɩ̃ɛnʋ-bibir na wa vɩɛ a, bɛ kpɛ n a puoru-dĩó zɩ̃.

Nɩ-toni 13:51

A Pol nɩ a Banabasɩ tɩ tɛb'ɩ a bɛ gbɛ́ɛ uuru ƴãw bɛ ɛ́ cen Ɩkonɩɔm.

Nɩ-toni 14:10

A Pol tɩ zɛw nɩ kɔkɔr yel ʋ: «Ìr àr dẽdẽ!» Ʋ tɩ vaa na ìr cere.

Nɩ-toni 14:20

Ɛcɛ a po-tuurbɛ na tɩ wa gbõ taa ŋmãa viiri koli ʋ a, ʋ tɩ lɛb'a ìr kpɛ a tẽw pʋɔ. A bio daarɩ́, ʋ tɩ tɔl'a cen Dɛrbe, ʋlɛ nɩ a Banabasɩ.

Nɩ-toni 14:25

Bɛ na wa manɩ a Naaŋmɩn ƴɛ̀rʋ kʋ̀ a Pɛrze tẽw dem baar'a, bɛ siw nɩ Atalɩa.

Nɩ-toni 14:6

A Pol nɩ a Banabasɩ na wa bãwnɩ a, bɛ zɔ na cen Likaoni lowr, Lɩsɩtɩr nɩ Dɛrbe ten nɩ a tẽ-kõkowe pʋɔ.

Nɩ-toni 15:12

Lɛ n'a a kpaa-ta-kpɛ̃ɛ dem za tɩ ŋmãa vʋʋrʋ, ɛ́ bɛ bɛr wõ a Pol nɩ a Banabasɩ manɩ a nɔ-ɓãa-yele nɩ a yel-bãw-guuri al za a Naaŋmɩn na tɩ ƴãw bɛ maalɩ a nɩ-bʋʋr-yoru zie a.

Nɩ-toni 16:18

Bibi-yaga n'a ʋ tɩ ɩ à à ŋá. A wa tɩ zuo nɩ a Pol ʋ lɩɛb yel a kɔ̃tɔn: «A Yeezu Kɩrɩta yúor ƴãw, ɩ̃ ƴãwnɛ nɩ nʋɔr kʋ̀rɛ fʋ: yi zaa a powle ŋa pʋɔ!» A kɔ̃tɔn tɩ yi n a pɛr nɛ pʋɔ.

Nɩ-toni 17:10

A zie na wa sɔb a, a yɛbr tɩ ƴãw nɩ a Pol nɩ a Sɩlasɩ lo Beere sɔ́r daadaalɛ. Bɛ na tɩ ta a Beere a, bɛ cen nɩ a Zifʋ mɩnɛ puoru-dĩó.

Nɩ-toni 17:15

A bɛl na tɩ bɩɛlɛ a Pol a, tɩ tɛr ʋ na tɩ ta n Atɛn ɛ́ lɛb wa, ɛ́ a Pol tõ bɛ kɛ́ bɛ tɩ yel a Sɩlasɩ nɩ a Timote, kɛ́ bɛ wa fɔ̃w wa páw ʋ a Atɛn.

Nɩ-toni 18:1

Al pùorí, a Pol tɩ yi n a Atɛn cen Korɛ̃tɩ.

Nɩ-toni 18:19

Bɛ na tɩ ta Efɛɛzɩ a, a Pol bɛr'ɩ a Akɩlasɩ mɩnɛ ɛ́ tɔl kpɛ a Zifʋ mɩnɛ puoru-dĩó tɩ ƴɛ̀r'ɩ a Zifʋ mɩnɛ.

Nɩ-toni 19:1

A lɛn daar a Apɔlɔsɩ na tɩ be a Korɛ̃tɩ a n'a a Pol tɩ tu Azi Mɩnɛɛr tan pʋɔ sɔ́r wa ta a Efɛɛzɩ. Ʋ tɩ nyɛ̃ nɩ po-tuurbɛ bɛ mɩnɛ a Efɛɛzɩ,

Nɩ-toni 20:20

Bom nɛ za a na sɛw kɛ́ nyɩ bãw a, ɩ̃ bɛ sɔwl'ʋ a nyɩ zie ɩ. Ɩ̃ nɩ̃ɛ na kanɩ nɩ nyɩ, ɩ̃ wul nyɩ nɩ a nɩbɛ pʋɔ bɩɩ a nyɩ tɛwr zie.

Nɩ-toni 20:6

A tɩɩm a, a dipɛ̃ na bɛ ƴãw dãbɩl a cuw bibie na wa tɔl baar'a, tɩ tɩ yi n a Filib cen tɩ kpɛ a gbor cere kɛ́ tɩ tɩ páw bɛ. Bibie anũu pùorí n'a tɩ wa tɩ páw bɛ a Tʋrʋwasɩ, tɛw maalɩ kɔsɩɛr-ɓil.

Ʋrɔm 15:13

A Naaŋmɩn na n'ʋ tɩ mɩ́ tɩɛrɛ a, ʋ ɩ kɛ̀ nʋ̃ɔ̀ nɩ ƴã-ɓaarʋ paalɩ nyɩ a nyɩ sàw-deb pʋɔ, k'aa nyɩ tɩɛrʋ nyɩ na ƴãw a Naaŋmɩn ƴãw a, ɩ kpɛ̃ɛ yaga za a Vʋʋrʋ Sõw fãw zũú.

Ʋrɔm 15:16

k'ɩ̃ɩ ɩ a Yeezu Kɩrɩta tõ-tõ-bie a nɩ-bʋʋr-yoru ƴãw. Tõ-sõw n'ʋ ɩ̃ tone hiere a Naaŋmɩn Yel-nʋ̃ɔ̀, k'aa nɩ-bʋʋr-yoru lɩɛbɩ bàwr-maal-bom na nʋmɛ a Naaŋmɩn zie a, bàwr-maal-bom Vʋʋrʋ Sõw na ɩ k'ʋ ɩ sõw a.

Ʋrɔm 15:24

ɩ̃ɩ bɔbr'a kɛ́ mãa wa cere a Ɛsɩpanyɩ a, mãa tu a be. Bʋ̃ʋ n'ʋ vɛ̃, ɩ̃ tɩɛrɛ na kɛ́ mãa wa tɔlɛ a, mãa nyɛ̃ nyɩ, ɛ́ nyɩ sõw mɛ̃ ɩ̃ cen a tẽw ŋa. Ɛcɛ, ɩ̃ na de nɩ niwn be a nyɩ zie blãlɛ wõ nʋ̃ɔ̀ baarɩ.

1 Korɛ̃tɩ 2:4

A ɩ̃ ƴɛ̀rʋ nɩ a ɩ̃ Yel-nʋ̃ɔ̀ hieru bɛ tɩ tu nɩsaal yã-bãwfʋ ƴɛ̀r-bie k'ɩ̃ɩ ƴɛ̀r tʋ̃ɔ́ nɩ nyɩ ɛ, a tɩ ɩ n wulu a Vʋʋrʋ Sõw na mɩ́ tɩ wul a sãá a,

2 Korɛ̃tɩ 12:12

A yele al na wul k'ɩ̃ɩ ɩ n nɩ-tona a, a maal'ɩ a nyɩ sɔgɔ nɩ tʋɔra nyɔwfʋ na vɩɛl bɛ cɛ a: yele na ɩ bãwfʋ sãá a, yel-bãw-guuri nɩ nɔ-ɓãa-yele.

Galasi 3:5

A Naaŋmɩn na kʋ̀rɛ nyɩ a ʋ Vʋʋrʋ ɛ́ maalɛ a nɔ-ɓãa-yele a nyɩ sɔgɔ a, a Wulu sàwfʋ zũú n'a bɩɩ nyɩ na bɛr wõ ɛ́ sàw de a Yel-nʋ̃ɔ̀ a n'a so?

Kɔlɔsɩ 1:25

Ɩ̃ lɩɛb'ɩ a Lãw-yir tõ-tõ-bie, a tõ-nʋɔr a Naaŋmɩn na kʋ̀ m a nyɩ ƴãw a zũú. Ɛ́ a tõ-nʋɔr ŋa n'ɩ k'ɩ̃ɩ hieri a Naaŋmɩn ƴɛ̀rʋ ʋ za kʋ̀ nyɩ,

1 Tesalonikɩ 1:5

Bʋ̃ʋ n'ʋ vɛ̃, a Yel-nʋ̃ɔ̀ tɩ na wa manɩ kʋ̀ nyɩ a bɛ tɩ ɩ ƴɛ̀rʋ tɛwr tɩ ƴɛ̀r ɛ, a tɩ lãw nɩ nɩ kpɛnʋ nɩ sõwfʋ na yi a Vʋʋrʋ Sõw zie a, bʋnʋ mɩ̀ bɛ tɩ ka be ɩ. Ɛ́ nyɩ bãw nɩ a lɛ tɩ na ɩ a nyɩ sɔgɔ a nyɩ vla ƴãw a.

2 Timote 4:17

A Sore ʋl sõw mɛ̃ na. Ʋ kʋ̀ m'ɩ fãw yaga k'ɩ̃ɩ tʋ̃ɔ́ hieri yel a Yel-nʋ̃ɔ̀, ɛ́ ɩ a nɩ-bʋʋr-yoru za wõ ʋ. Ʋ faa mɛ̃ nɩ a gbẽw nʋɔrɩ́.

Ebre 2:4

A Naaŋmɩn mɩ̀ tu n a bɛ dãsɩɛ pùor maalɩ yele na ɩ bãwfʋ sãá a, nɩ yel-bãw-guuri nɩ nɔ-ɓãa-yel-bʋʋrɛ za, ɛ́ mɩ̀ cãà lɛb tu a pùor nɩ a Vʋʋrʋ Sõw maalʋ ʋ na põ mɛ̃ a lɛ ʋ na bɔbr a.

1 Pɩɛr 1:12

A Naaŋmɩn tɩ wul bɛ na kɛ́ a yel ŋa bɛ na tɩ yere a, a bɛ ɩ bɛl mɩŋa ƴãw ɛ, a nyɩɩm ƴãw n'a. Ɛ́ a ƴɛrɛŋa a, a Vʋʋrʋ Sõw bɛ na tõ ʋ yi a tẽ-vla pʋɔ wa a, ʋ ɩ na a Yel-nʋ̃ɔ̀ hierbɛ manɩ a yel ŋa kʋ̀ nyɩ, a yel ŋa a malkɩ mɩnɛ na vuole bɔbr'ɩ a bãwfʋ a.