Ʋrɔm 15:14 - A SƐB-SÕW

¹⁴ Ɩ̃ yɛbr i, ɩ̃ mɩŋa za bãwnɩ a na nyɩ na tɛr tɩɛr-vɩɛlɩ yaga ɛ́ bãw bom za vla, na tʋ̃ɔ́ wule nɩ taa yã a.

Ʋrɔm 15:14 ပူးပေါင်းရင်းမြစ်များ

1 Korɛ̃tɩ 1:5

Bʋ̃ʋ n'ʋ vɛ̃, nyɩ na lãw nɩ ʋ a n'a nyɩ kpɛ naalʋ bʋʋrɛ za, a ƴɛ̀rʋ bãwfʋ naalʋ nɩ a yele bãwfʋ naalʋ.

1 Korɛ̃tɩ 12:8

A kãw a, ƴɛ̀rʋ na tu yã-bãwfʋ a n'ʋ a Vʋʋrʋ Sõw kʋ̀ ʋ, ɛ́ a kãw ƴɛ̀rʋ tu zanʋ ʋ na zanɩ bãw a, ɛ́ a cãà yi a Vʋʋrʋ Sõw been nɛ zie.

1 Korɛ̃tɩ 13:2

Mãa saa páw a naaŋmɩn-ƴɛ̀r-manɛ maalʋ, bãw a Naaŋmɩn yel-sɔwlɩ za, ɛ́ mɩ́ zànɩ bom za bãw a, mãa saa tɛr a naaŋmɩn-sàw-deb ʋ za, a ʋl na na tʋ̃ɔ́ ɓáw a tan tɩ bin zi-yoru a, mãa bɛ wa tɛr a nɔ̃wfʋ a, ɩ̃ bɛ ɩ bom za ɩ.

1 Korɛ̃tɩ 8:1

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a, «tɩ za tɛr'ɩ a yele bãwfʋ», mɛ̃ a lɛ nyɩ na mɩ́ yel a. Ɛcɛ a yele bãwfʋ mɩ́ ɩ n a nɩsaal zɛwr ʋ tʋɔra, ɛ́ nɔ̃wfʋ mɩ́ ɩ a Lãw-yir ʋ kɛrɛ dɔwlɛ.

1 Korɛ̃tɩ 8:10

Bʋ̃ʋ n'ʋ vɛ̃, nɩr wa nyɛ̃ a fʋ̃ʋ na bãw a, fʋ zɩ̃ a tɩbɛ yir pʋɔ dɩrɛ a, mɛ̃ ʋ taa mɩ̀ na bɔbr a tɩbɛ bàwr-nɛnɛ 'wɔbrʋ, ʋl a tɩɛrʋ na bɛ kpɛmɛ a?

1 Korɛ̃tɩ 8:7

Ɛcɛ nɩbɛ za bɛ nɛbɛ tɛr a yele bãwfʋ ŋa ɩ. Bɛ mɩnɛ na mili nɩ a tɩbɛ a, 'wɔbr'ɩ a tɩbɛ bàwr-nɛnɛ mɛ̃ a tɩbɛ sɩrɩ so a a. A bɛ tɩɛrʋ bɛ kpɛmɛ ɩ, lɛ so bɛ mɩ́ nyɛ̃ a nɛn ŋa wa n dɛwr a bɛ zie.

2 Korɛ̃tɩ 8:7

Ɛ́ bom za na ʋr a nyɩ zie a: a naaŋmɩn-sàw-deb, a ƴɛ̀rʋ bãwfʋ, a yele bãwfʋ, yele ƴãw nyɩ na tʋlɛ bɛ tɛr bɛ́rʋ, lãwnɩ a nɔ̃wfʋ tɩ na wul nyɩ a, à á ŋá za na ʋr a nyɩ zie a, nyɩ mɩ̀ sàw tɩr yaga za a yel ŋa ƴãw.

Efɛɛzɩ 5:9

Ɛ́ a cãà wɔmɛ dɩ na kɛ́ vɩɛlʋ, mɩnʋ, nɩ yel-mɩŋa.

Filib 1:11

A yel-mɩnʋ yel-vɩɛlɩ a Yeezu Kɩrɩta na maalɩ a nyɩ zie a na ɩ na nyɩ kpɛ naalʋ, a Naaŋmɩn yúor zɛwfʋ nɩ a ʋ danʋ ƴãw.

Filib 1:7

A sɛw na k'ɩ̃ɩ tɛr a tɩɛrʋ á ŋá taabɛ a nyɩ za ƴãw. Ɩ̃ tɛr'ɩ a nyɩ za tɩɛrʋ a ɩ̃ socir pʋɔ, bʋ̃ʋ n'ʋ vɛ̃, nyɩ za pʋɔ nɩ a maalʋ a Naaŋmɩn na kʋ̀ m a pʋɔ, a ƴɛrɛŋa ɩ̃ na be a gaso pʋɔ a, nɩ a lɛn daar ɩ̃ na mɩ́ zɛbr a Yel-nʋ̃ɔ̀ yel-mɩŋa zɛbr a.

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

1 Tesalonikɩ 5:11

Lɛ so, nyɩ mɔwlɛ taa a sàw-deb pʋɔ, mɛ̃ a lɛ nyɩ na ɩrɛ baar'a.

1 Tesalonikɩ 5:14

Yɛbr i, tɩ kpaalɛ nyɩ na: nyɩ kpãanɛ a ƴã-to-dem, nyɩ mɩ́ yel a bɛlɩ dem na zɔrɛ dɛ̃bɩ̃ɛ a, kɛ́ bɛ ƴãw fãw bɛr a dɛ̃bɩ̃ɛ, nyɩ sõwne a bãbàalbɛ, nyɩ tɛr su-nyɔwra a nɩbɛ za zie.

2 Tesalonikɩ 1:11

Alɛ so tɩ puore kʋ̀rɛ nyɩ kʋralɛ, k'aa tɩ Naaŋmɩn ɩ nyɩ sɛw taa nɩ a nyɔ-vʋʋrʋ ʋl ƴãw ʋ na bʋɔlɩ nyɩ a, k'ʋʋ sõwne nyɩ nɩ a ʋ fãw, nyɩ mɩ́ maalɩ a vla za nyɩ na bɔbr a, ʋʋ ɩ a nyɩ sàw-deb tone vla vla za.

2 Timote 1:5

Ɩ̃ lɛb'a bãwnɩ a naaŋmɩn-sàw-deb mɩŋa fʋ na tɛr a. A fʋ mãkʋm Loyisɩ nɩ a fʋ mã Enisɩ nɛbɛ de niwn tɛr a naaŋmɩn-sàw-deb ŋa ɩ̃ na bãwnɩ fʋ mɩ̀ tɛr a.

Filemɔ̃ 1:21

Ɩ̃ na bãwnɩ a fʋ nʋɔr-sàwfʋ a n'a ɩ̃ sɛbr fʋ, ɩ̃ɩ mɩ̀ bãwnɩ a na fʋ na na maalɩ zuo a lɛ ɩ̃ na yere a.

Ebre 5:12

A lɛn daar za wa tɔ ka a, a tɩ sɛw na kɛ́ nyɩ ɩ wul-wulbɛ, ɛcɛ nyɩ cãà na bɔbr kɛ́ nɩr wule nyɩ a Naaŋmɩn ƴɛ̀rʋ yele al bɛ na mɩ́ zànɩ a pɛr-tib daar a. Nyɩ ɩ n lɛɛɛ wa tɩ cãà bɔbr bʋ̀rʋ, ɛ́ bɛ bɔbr saab ɛ.

Ebre 6:9

Nyɩɩm ƴãw a, ɩ̃ bá mɩnɛ ɛ, tɩ na saa ƴɛ̀rɛ à à ŋá a, tɩ bãwnɩ a n'a nyɩ na lo a sɔr-vla a, a faafʋ sɔ́r.

2 Pɩɛr 1:12

Alɛ n'a so ɩ̃ bɔbr k'ɩ̃ɩ lɛb sɩ̃wnɛ a nyɩ tɩɛrʋ a yele á ŋá ƴãw kʋralɛ, nyɩ na saa bãw a ɛ́ tɛr a yel-mɩŋa bɛ na yel kʋ̀ nyɩ a kpɛ̃w za a.

1 Zã 2:21

Ɩ̃ bɛ sɛb nyɩ kɛ́ nyɩ bɛ bãw a yel-mɩŋa ɩ, ɩ̃ sɛb nyɩ na kɛ́ nyɩ bãw ʋ na, nɩ kɛ́ bom za na ɩ ziri a, bɛ yire yel-mɩŋa pʋɔ ɩ.