Ʋrɔm 15:12 - A SƐB-SÕW

¹² Ɩzayi mɩ̀ cãà na yere: «A Zese bʋʋrɛ nɩr na wa na, ʋ na ìr'a dɩrɛ naalʋ a nɩ-bʋʋr-yoru zu, ɛ́ bɛ na ƴãw nɩ a bɛ tɩɛrʋ a ʋ ƴãw.»

Ʋrɔm 15:12 ပူးပေါင်းရင်းမြစ်များ

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

1 Bibie za yel-manɩ 2:12

Bowaazʋ dɔw Ovɛdɩ, Ovɛdɩ dɔw Zese.

Sɛb-sõw yielu 72:17

A nãà yúor, ʋ be be kʋralɛ, bɛ pore a ʋ yúor lɛn daar za a mʋ̃tɔ̃w na na pure a. A nɩsaalbɛ, bɛ mɩ́ por a ʋ yúor ƴɛ̀r'ɩ a nɔ-vla kʋ̀ taa, ɛ́ a nɩ-bʋʋrɛ za yere k'aa nãà ɩ n zu-nʋ̃ɔ̀ sob.

Ɩzayi 11:1

Bidɛb na yi n a Zese yir pʋɔ, mɛ̃ wuli-pɔl na yi tɩ-kʋra pɛr ƴãw a. Wuli-paala na tɛ n a ʋ nyɩgɛ ƴãw yi.

Ɩzayi 11:10

A ʋlɩ bibir nɛ a, a Zese bidɛb na ɩ na mɛ̃ bãwfʋ bɛ na zɛw a tẽ-daa nɩ-bʋʋrɛ ƴãw a. A nɩ-bʋʋr-yoru na waar'a wa bɔbr yã a ʋ zie, ɛ́ a Naaŋmɩn yúor-vɩɛlʋ-danʋ na nyɩwrɛ nɩ a be ʋ na kpɩɛr a.

Ɩzayi 49:6

Ʋ yel mɛ̃ na: «Fʋ na ɩ a ɩ̃ tõ-tõ-bie kɛ́ fʋ ɩ a Zakɔb dɔwlʋ a lɛb ìr a, kɛ́ fʋ tɛr a Ɩsɩrayɛl nɩbɛ bɛl na cãà vʋʋrɛ a lɛb wa n a, a ɩ n pʋrɩ. Ɩ̃ ɩ na fʋ ɩ a nɩ-bʋʋr-yoru cãà, k'aa ɩ̃ faafʋ cen tɩ tɔ a tẽw baarʋ zie».

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Mise 5:4

Ʋlɛ n'ʋ na wa n a ƴã-ɓaarʋ. A Asiiri tẽw dem wa kpɛ paalɩ a tɩ tẽw ɛ́ kpɩɛr a tɩ yir-vɩɛlɩ vɩɛlɩ pʋɔ a, tɩ na ƴãw na na-mɩnɛ yaga yaga yi a bɛ ƴãw.

Matie 12:21

Nɩ-bʋʋr-yoru za na ƴãw nɩ a bɛ tɩɛrʋ a ʋ ƴãw.»

1 Korɛ̃tɩ 15:19

Tɩmɛ wa ƴãw a tɩ tɩɛrʋ a Kɩrɩta ƴãw tẽw zu ka nyɔ-vʋʋrʋ ŋa tɛwr ƴãw a, tɩ yúor'ɩ we a nɩsaalbɛ za pʋɔ!

2 Timote 1:12

Alɛ n'a so ɩ̃ wone a tuo á ŋá. Ɛcɛ vĩ bɛ ɩrɛ mɛ̃ ɩ, ɩ̃ bãw nɩ sob nɛ ƴãw ɩ̃ na ƴãw a ɩ̃ tɩɛrʋ a, ɩ̃ɩ bɛ bʋ̀nɛ ɩ, ɩ̃ bãwnɩ a na k'ʋʋ tɛr'ɩ fãw na tɛr a bom ʋ na kʋ̀ m k'ɩ̃ɩ tɛlɛ a, tɩ ta n a ƴɛ̀rʋ-maalʋ bibir.

1 Pɩɛr 1:21

A ʋl ƴãw n'a nyɩ sàw de a Naaŋmɩn na ɩ k'ʋ lɛb yi a kũuni pʋɔ ɛ́ kʋ̀ ʋ a yúor-vɩɛlʋ-danʋ a. À ŋá n'a nyɩ sàw de a Naaŋmɩn ɛ́ ƴãw a nyɩ tɩɛrʋ za a ʋ ƴãw.

1 Zã 3:3

Ɛ́ nɩsaal za na ƴãw a tɩɛrʋ ŋa tɔ a ʋ ƴãw a, mɩ́ ƴãw nɩ fãw vɩɛl mɛ̃ a Kɩrɩta na vɩɛl a.

Yel-wula 22:16

«A mãa Yeezu, ɩ̃ tõ n a ɩ̃ malkɩ k'ʋʋ wa dɩ a yele á ŋá dãsɩɛ a nyɩ zie a Lãw-yie ƴãw. Mãa n'ɩ a Daviir bie nɩ a ʋ bʋʋrɛ, a zi-vɩɛ-ŋmara na nyɩwrɛ a.»

Yel-wula 5:5

Lɛ n'a a nɩ-kore ƴen sob tɩ yel mɛ̃: «Ta kone ɩ. Nyɛ̃, a Zuda dɔwlʋ gbẽw, a nãà Daviir bie zɛb'a tʋ̃ɔ́, ʋ na 'lawr'ɩ a sɩ-suur ayopõi ɛ́ yuo a sɛbɛ.»