Ʋrɔm 14:19 - A SƐB-SÕW

¹⁹ A na ɩ à ŋá a, nyɩ ɩ tɩ bɔbr a yele al na waar'ɩ a ƴã-ɓaarʋ a, nɩ a al na mɩ́ ɩ tɩ lãw kɛrɛ a sàw-deb pʋɔ a.

Ʋrɔm 14:19 ပူးပေါင်းရင်းမြစ်များ

Sɛb-sõw yielu 133:1

Zerizalɛm dob daar yielu. Daviir so ʋ. Nyɛ̃ a yɛbr lãw-kpɛb na vɩɛl ɛ́ nʋmɛ a!

Sɛb-sõw yielu 34:14

Ʋ gùre ʋ tʋɔra a ƴɛ̀r-faar ƴãw, nɩ a ziri ƴãw.

Matie 5:9

Zu-nʋ̃ɔ̀ dem'ɩ a bɛlɩ dem na tone ƴã-ɓaarʋ tome a, bɛ na bʋɔlɛ bɛ nɩ Naaŋmɩn bibiir.

Markɩ 9:50

A nyaarʋ ɩ n bʋ̃-nʋ̃ɔ̀, ɛcɛ a nyaarʋ nʋ̃ɔ̀ wa yi a, bʋ̃ʋ n'a nyɩ na ƴãw a lɛb nʋmɛ? Nyɩ tɛr nyaarʋ a nyɩ pʋ̃ɔmɩ, ɛ́ ɩrɛ ƴã-ɓaarʋ ɩb kʋ̀rɛ taa.»

Ʋrɔm 12:18

Alɛ na na tʋ̃ɔ́ a, nɩ a lɛ a na yi a nyɩ zie mɩ̀ a, nyɩ ɩ ƴã-ɓaarʋ be nyɩɩm nɩ a nɩsaalbɛ za cara pʋɔ.

Ʋrɔm 15:2

Ŋa za a tɩ pʋɔ, ʋ mɩ́ bɔbr k'ʋʋ ɩrɛ nʋ̃ɔ̀ kpɩɛr a ʋ tɔ sob a ʋ vla ƴãw, k'ʋʋ tʋ̃ɔ́ sõwne ʋ ʋ kɛrɛ a ʋ sàw-deb pʋɔ.

1 Korɛ̃tɩ 10:23

Nyɩ mɩ́ yel'a: «Sɔ́r be n be bom za ƴãw». Sɩza n'a, ɛcɛ bom za bɛ sɛw taa nɩ ɛ! «Sɔ́r be n be bom za ƴãw», ɛcɛ a za bɛ maalɛ a lãw ɛ.

1 Korɛ̃tɩ 10:33

Mɛ̃ a lɛ a mãa tɔr za na ƴãw fãw ɩrɛ a yele za pʋɔ kɛ́ a nʋmɛ a nɩbɛ za zie, mãa na bɛ bɔbr ɩ̃ tɔnɛ, ɛ́ bɔbr a nɩbɛ yaga zie tɔnɛ, kɛ́ bɛ tʋ̃ɔ́ nyɛ̃ a faafʋ a.

1 Korɛ̃tɩ 14:26

Yɛbr i, a na ɩ à ŋá a, ɩ̃ ɩ ŋmɩn? Nyɩ na mɩ́ wa ɓã taa a, a nyɩ kãw na mɩ́ tʋ̃ɔ́ na yiele yielu, kãw tɩrɛ wulu bɩɩ yel-sɔwla kãw, kãw ƴɛ̀rɛ ƴɛ̀rʋ nɩr na bɛ wone a ɛ́ íre a pɛ́ɛ. Ɛcɛ à á ŋá za a, a ɩrɛ a lãw ʋ kɛrɛ.

1 Korɛ̃tɩ 14:3

Ɛcɛ sob nɛ na ƴɛ̀rɛ naaŋmɩn-ƴɛ̀r-manɛ ƴɛ̀rʋ a, ʋ ƴɛ̀rɛ nɩ a nɩsaalbɛ zie, k'ʋʋ ɩ a bɛ naaŋmɩn-sàw-deb kɛrɛ dɔwlɛ, k'ʋʋ kpaalɩ bɛ, k'ʋʋ mɔwlɩ bɛ.

1 Korɛ̃tɩ 14:4

Ʋlɩ sob na ƴɛ̀rɛ ƴɛ̀rʋ nɩr na bɛ wone a, ʋ yõ n'ʋ nyɛrɛ a tɔnɛ, ɛcɛ sob nɛ na ƴɛ̀rɛ a naaŋmɩn-ƴɛ̀r-manɛ ƴɛ̀rʋ a, a lãw nɩbɛ za nɛbɛ nyɛrɛ a tɔnɛ.

1 Korɛ̃tɩ 14:5

Mãa zie a, ɩ̃ tɩ bɔbr'a kɛ́ nyɩ za nãá ƴɛ̀rɛ ƴɛ̀rʋ nɩr na bɛ wone a, ɛcɛ nyɩ ƴɛ̀rɛ naaŋmɩn-ƴɛ̀r-manɛ ƴɛ̀rʋ, alɛ n'a ɩ̃ nɔnɛ zuo. A sob nɛ na ƴɛ̀rɛ ƴɛ̀rʋ nɩr na bɛ wone a, ʋlɛ bɛ mɩ́ wa ír a pɛr a lãw nɩbɛ tʋ̃ɔ́ nyɛ̃ tɔnɛ a, a sob nɛ na ƴɛ̀rɛ a naaŋmɩn-ƴɛ̀r-manɛ ƴɛ̀rʋ a zuo ʋ na.

1 Korɛ̃tɩ 7:15

A ʋl na bɛ sàw de a Kɩrɩta a wa bɔbr k'ʋʋ yi a, ʋ yi. A sɩr bɩɩ a pɔw na ɩ a kɩrɩta-nɩr a, so nɩ ʋ tʋɔra a ka. Ƴã-ɓaarʋ pʋɔ n'a Naaŋmɩn bʋɔlɩ nyɩ kɛ́ nyɩ wa vʋʋrɛ.

1 Korɛ̃tɩ 8:1

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a, «tɩ za tɛr'ɩ a yele bãwfʋ», mɛ̃ a lɛ nyɩ na mɩ́ yel a. Ɛcɛ a yele bãwfʋ mɩ́ ɩ n a nɩsaal zɛwr ʋ tʋɔra, ɛ́ nɔ̃wfʋ mɩ́ ɩ a Lãw-yir ʋ kɛrɛ dɔwlɛ.

2 Korɛ̃tɩ 12:19

A mɩnɛ kãw, nyɩ tɩɛrɛ nɩ koro za, kɛ́ tɩ bɔbr'a kɛ́ tɩ manɩ a tɩ yel-mɩŋa a nyɩ niŋé. Lɛ bɛ n'a ɩ, Naaŋmɩn niŋé n'a tɩ lãw nɩ a Kɩrɩta ƴɛ̀rɛ. Ɛ́ à á ŋá za a, ɩ̃ nɩ-nɔnɩ i, a nyɩ maalʋ ƴãw n'a.

2 Korɛ̃tɩ 13:11

Ƴɛrɛŋa a, yɛbr i, nyɩ cɩlɛ, nyɩ ƴãw fãw ɩrɛ kɛ́ nyɩ vɩɛl tɩ tɔ, nyɩ kpaalɛ taa, nyɩ lãw taa tɩɛrʋ, nyɩ tɛr a ƴã-ɓaarʋ, ɛ́ a nɔ̃wfʋ nɩ a ƴã-ɓaarʋ Naaŋmɩn na be n a nyɩ zie.

Efɛɛzɩ 4:12

k'ʋʋ tʋ̃ɔ́ cɔbrɩ a kɩrɩta-biir vla a bɛ tome ƴãw: a Kɩrɩta ƴã-gan mɛb ƴãw,

Efɛɛzɩ 4:29

Ƴɛ̀r-faa za bɛ sɛw k'ʋʋ yi a nyɩ nʋɔrɩ́ ɛ, ɛcɛ nyɩ ƴɛ̀rɛ ƴɛ̀r-bie na tɛr yel-ɩra na na tʋ̃ɔ́ sõw ɛ́ wa n maalʋ a bɛlɩ dem na bɛrɛ wone nyɩ a zie a.

1 Timote 1:4

kɛ́ bɛ bɛr a suolu á ŋá nɩ a sãàkʋm-kore dɔw-tu-taa na bɛ tɛr tɛwfʋ zie a manʋ. A waar'ɩ nɩ nɔkpɛn tɛwr, ɛ́ bɛ sõwne a Naaŋmɩn pʋ-tɩɛrʋ bãwfʋ na mɩ́ tu a ʋ tub a sàw-deb pʋɔ a ɩ.

2 Timote 2:22

Dɛrɛ a fʋ pɔ̀lʋ daar bʋ̃-nɔnɩ, ɛ́ lãw nɩ a bɛlɩ dem na bʋɔlɛ a Sore nɩ soci-pla parpar a tu a mɩnʋ, a naaŋmɩn-sàw-deb, a nɔ̃wfʋ nɩ a ƴã-ɓaarʋ pùor.

Ebre 12:14

Nyɩ ƴãw fãw a ƴã-ɓaarʋ be nyɩmɛ nɩ a nɩbɛ za cara pʋɔ, ɛ́ nyɩ bɔbr a sonu, bʋ̃ʋ n'ʋ vɛ̃, ʋlɛ bɛ wa ka be a, nɩr za kʋ̃ tʋ̃ɔ́ nyɛ̃ a Sore ɩ.

1 Pɩɛr 3:11

k'ʋʋ gùr pùor cɔw a yel-faa ɛ́ ɩrɛ a vla, k'ʋʋ mɩ́ bɔbr a ƴã-ɓaarʋ ɛ́ tuur a ʋ pùor.»