Ʋrɔm 12:8 - A SƐB-SÕW

⁸ Sob nɛ na páw maalʋ a taabɛ kpaalʋ ƴãw a, ʋ kpaalɛ bɛ. Sob nɛ na pone a ʋ bʋ̃-tɛrɩ a, ʋ ta tɩrɛ zʋmnɛ nɩ ɛ. Sob nɛ na tɛr a niw-diere tome a, ʋ ƴãw fãw tone. Sob nɛ na sõwne a bãbàalbɛ a, ʋ sõwne bɛ nɩ pʋ-pɩɛlʋ.

Ʋrɔm 12:8 ပူးပေါင်းရင်းမြစ်များ

Yele-za-pɛr-tib 18:19

Ɩ̃ kaa na ír ʋ k'ʋʋ yel a ʋ bidɛbr nɩ a ʋ yir dem a ʋ pùorí, kɛ́ bɛ sàwr a ɩ̃ nɛ-ƴãwnɩ, tuur a mɩnʋ nɩ a yel-na-tu-sɔr-a. Lɛ n'a ɩ̃ na kʋ̀ ʋ a ʋlɩ bom nɛ ɩ̃ na yel k'ɩ̃ɩ na kʋ̀ ʋ na a.»

Sɛb-sõw yielu 112:9

Ʋ bɛ tɩrɛ zʋmnɛ nɩ ɛ, ʋ kʋ̀ n a nan dem, a ʋ mɩnʋ be n be kʋralɛ. A ʋ fãw kɛrɛ na lãwnɩ a ʋ yúor.

Sɛb-sõw yielu 37:21

A nɩ-faa mɩ́ pɛ̃w na ɛ́ bɛ lɛb tɩr ɛ, ɛcɛ a nɩ-mɩŋa ʋl zɔrɛ nɩ nɩbaalʋ mɩ́ tɩr.

Zʋkpaɩ 22:9

Nɩr na tɛr nɩsaalʋ a na nyɛ̃ nɩ maalʋ, bʋ̃ʋ n'ʋ vɛ̃, ʋ mɩ́ ɩ n a ʋ bʋ̃-dɩrɩ kʋ̀ a nã́w sob.

Ekilezɩasɩ 11:6

Alɛ n'a so, a biɓaara a, bʋ̀r a bʋ̃-bʋrɩ ɛ́ ta bɛr a tome tɩ ta a zaanʋɔra a ɩ. Bʋ̃ʋ n'ʋ vɛ̃, tõ-buor'ʋ na maalɩ, ŋa n'ʋ bɩɩ ŋa n'ʋ? Fʋ bɛ bãw ɛ. Kapaw a za ayi vɩɛl'a.

Ekilezɩasɩ 9:10

Alɩ bome nɛ za fʋ na na tʋ̃ɔ́ ɩ n a fʋ yõ fãw a, ɩ a. Bʋ̃ʋ n'ʋ vɛ̃, a kpɩmɛ tẽw fʋ na na cen a, nɩr kʋ̃ tʋ̃ɔ́ ɩ bom za ɩ, nɩr kʋ̃ tʋ̃ɔ́ tɩɛrɩ ɛ, bãwfʋ nɩ yã-bãwfʋ bɛ ka be ɩ.

Ɩzayi 32:5

Bɛ kʋ̃ lɛb bʋɔlɩ a gẽgemi sob kɛ́ nɩ-yúor ɛ, nɩ a nɩ-bɛ-tɛr-bir kɛ́ nɩ-sɩza ɩ.

Ɩzayi 32:8

Ɛcɛ a nɩ-yúor a, tɩɛrʋ na tori a tɛwr'a ʋ mɩ́ tɛr, ɩ-ɩrɩ na vɩɛl a tɛwr'a ʋ mɩ́ ɩrɛ.

Ɩzayi 64:5

Tɩ za, tɩ ɩ na mɛ̃ nɩbɛ na tɛr dɛwr a, ɛ́ a tɩ ɩ-vɩɛlɩ za gele pʋɔ mɛ̃ pɛn na mar pɔw-sɩɛ zɩ̃ɩ a. Tɩ za, a tɩ ɩ-faar ɓáw tɩ na cere nɩ mɛ̃ va-ŋmamɛ sɛsɛb na wob cen nɩ a.

Matie 25:40

A nãà na sɔw bɛ na: “Yel-mɩŋa sɩza, ɩ̃ yere na kʋ̀rɛ nyɩ, sãw nɛ za nyɩ na ɩ à à ŋá a pʋrmɛ bɛ ŋa kãw zie na ɩ a ɩ̃ yɛbr a, mãa zie n'a nyɩ ɩ a lɛ.”

Nɩ-toni 11:23

A Banabasɩ na tɩ ta a Ãtɩɔsɩ nyɛ̃ a lɛ a Naaŋmɩn na maalɩ a nɩbɛ bɛ ŋa a, nʋ̃ɔ̀ kpɛ ʋ na. Lɛ n'a ʋ tɩ kpaalɛ bɛ, kɛ́ bɛ za ƴãw fãw tu a Sore pùor nɩ a bɛ pʋɔ za.

Nɩ-toni 13:12

A na-kpɛ̃ɛ-lɩɛrɛ na tɩ nyɛ̃ à à ŋá a, ʋ sàw na de a Yeezu Kɩrɩta, bʋ̃ʋ n'ʋ vɛ̃, a kanʋ na tɩ càarɩ a Sore a, tɩ tɔ ʋ na bɛ dɩ vuo ɩ.

Nɩ-toni 13:15

A kanʋ na wa kanɩ a Naaŋmɩn wulu nɩ a naaŋmɩn-ƴɛ̀r-manbɛ sɛbr pʋɔ baar'a, a puoru-dĩo nɩ-bɛrɛ tɩ ƴãw na bɛ yel bɛ: «Yɛbr i, nyɩmɛ wa tɛr sõwfʋ ƴɛ̀r-bie na tʋ̃ɔ́ ƴɛ̀r sõw a nɩbɛ a, nyɩ de a ƴɛ̀rʋ.»

Nɩ-toni 15:32

A Zuda nɩ a Sɩlasɩ mɩ̀ na tɩ ɩ naaŋmɩn-ƴɛ̀r-manbɛ a, bɛ tɩ ƴɛ̀r'ɩ yaga a bɛ zie, kɛ́ bɛ tʋ̃ɔ́ sõw bɛ ɛ́ tɩɛ bɛ a naaŋmɩn-sàw-deb pʋɔ.

Nɩ-toni 20:2

Ʋ tɩ tu na tɔl a tẽw vuo ʋl pʋɔ, kpaalɩ a po-tuurbɛ gb'aa yaga za kɛ́ bɛ ƴãw fãw a naaŋmɩn-sàw-deb ƴãw. Al pùorí, ʋ tɩ cen nɩ Gɩrɛsɩ

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

Nɩ-toni 4:36

À ŋá n'a Zuzɛb, a nɩ-toni na kpɔwrɛ bʋɔlɛ Banabasɩ, a pɛr lɛ kɛ́ Mɔwl-mɔwlɛ a, tɩ tɛr púo. Ʋ tɩ ɩ n Levitɩ ɛ́ yi Sɩɩpʋr.

Ʋrɔm 12:13

Nyɩ sõwne a nyɩ yɛbr a na fɛrɛ a, ɛ́ páwr a sãanʋ deb ƴãw.

Ʋrɔm 13:6

Alɛ cãà n'a so nyɩ yarɛ a zuru-yar, bʋ̃ʋ n'ʋ vɛ̃, a bɛlɩ dem na dier a a, Naaŋmɩn n'ʋ kʋ̀ bɛ a tõ-nʋɔr ŋa kɛ́ bɛ tone vla.

1 Korɛ̃tɩ 12:28

A bɛlɩ dem na be a Lãw-yir pʋɔ a, à ŋá n'a a Naaŋmɩn cɔbrɩ bɛ ƴãw: a de niwn sob a, a nɩ-toni nɛbɛ, a ayi sob a, a naaŋmɩn-ƴɛ̀r-manbɛ, ɛ́ a ata sob ɩ a wul-wulbɛ, al pùorí, a bɛlɩ dem na tɛr a nɔ-ɓãa-yele maalʋ fãw a, al pùorí a bɛl na tɛr a bàalbɛ sanʋ maalʋ a, a nɩbɛ sõwfʋ nɩ a nɩbɛ kaafʋ maalʋ a, nɩ a bɛl na tɛr a ƴɛ̀rʋ nɩr na bɛ wone a fãw a.

1 Korɛ̃tɩ 14:3

Ɛcɛ sob nɛ na ƴɛ̀rɛ naaŋmɩn-ƴɛ̀r-manɛ ƴɛ̀rʋ a, ʋ ƴɛ̀rɛ nɩ a nɩsaalbɛ zie, k'ʋʋ ɩ a bɛ naaŋmɩn-sàw-deb kɛrɛ dɔwlɛ, k'ʋʋ kpaalɩ bɛ, k'ʋʋ mɔwlɩ bɛ.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

2 Korɛ̃tɩ 11:3

Ɛcɛ, mɛ̃ a lɛ a waab na tɩ bɛlɩ a Awa a, dɛ̃bɩ̃ɛ ɩrɛ mɛ̃ na, a nyɩ tɩɛrʋ nãà wa lɩɛbɛ tɩɛr-faar ɛ́ tawr nyɩ zãánɛ nɩ a Kɩrɩta pùor-tub, ʋl na bɛ bãw a mɩnɛ kãw a.

2 Korɛ̃tɩ 8:12

Bʋ̃ʋ n'ʋ vɛ̃, a fʋ tɩɛrʋ wa sɩrɩ vɩɛl a, Naaŋmɩn mɩ́ sàw na de a bʋ̃-kʋ̀ra ɛ́ bɛ sowre bom fʋ na bɛ tɛr a ɩ, a lɛ fʋ na tɛr a n'a ʋ mɩ́ jɩ́rɛ.

2 Korɛ̃tɩ 9:11

Ʋ na ɩ na nyɩ kpɛ naalʋ a man kʋralɛ, kɛ̀ nyɩ tʋ̃ɔ́ tɩrɛ taa bɛrɛ ɩ, lɛ n'a nɩ-yaga na puore a Naaŋmɩn yãanɩ a bome tɩ na tɩr kʋ̀ bɛ a nyɩ yúor ƴãw a.

2 Korɛ̃tɩ 9:13

Nɩ-yaga na na nyɛ̃ a nyɩ ton ŋa vɩɛl sɛw à ŋá a, bɛ na íre nɩ a Naaŋmɩn yúor-vɩɛlʋ-danʋ, nyɩ na sàw a nʋɔr a ƴãw. A nyɩ nʋɔr-sàwfʋ ŋa wul'a kɛ́ nyɩ de nɩ a Kɩrɩta Yel-nʋ̃ɔ̀. Bɛ mɩ̀ na íre nɩ a Naaŋmɩn yúor-vɩɛlʋ-danʋ, nyɩ na sàw de a nyɩ bʋ̃-tɛrɩ tɩr bɛ põ kʋ̀ bɛ, lãwnɩ a ŋmaarɛ bɛl za na cɛ a.

2 Korɛ̃tɩ 9:7

A na ɩ à ŋá a, ŋa za mɩ́ tɩr mɛ̃ a lɛ ʋ na tɩɛr k'ʋʋ na tɩr a a, ʋ ta tɩrɛ nɩ pʋ-sãwna ɩ, ɛ́ a mɩ̀ ta ɩ fɛrʋ ɛ, bʋ̃ʋ n'ʋ vɛ̃, Naaŋmɩn nɔnɛ nɩ a sob nɛ na mɩ́ tɩr a bom nɩ pʋ-pla a.

Efɛɛzɩ 6:5

Gbãgbaar i, nyɩ sàwr a nyɩ tẽw zu ka nɩbɛ na so nyɩ a nʋɔr, nɩ ƴãwfʋ nɩ zɔba, nɩ nyɩ pʋɔ za mɛ̃ a Kɩrɩta nʋɔr'ʋ nyɩ sàwr a.

Wulu-ayi-sob 15:14

A maalʋ a Sore nyɩ Naaŋmɩn na kʋ̀ nyɩ a, a al pʋɔ n'a nyɩ na ír bome kʋ̀ ʋ: píir nɩ bʋʋr, ble nɩ divɛ̃.

Wulu-ayi-sob 16:11

Nyɩ na mɩ́ cen nɩ a zie ʋl a Sore na na kaa ír, k'ʋʋ mɩ́ wul k'aa be n'a ʋ be a. A be a, nʋ̃ɔ̀ na mɩ́ ɩrɛ nyɩ na, lãwnɩ a nyɩ bidɛbr nɩ a nyɩ pɔwyaar, a nyɩ tõ-tõ-bi-dɛbr nɩ a nyɩ tõ-tõ-bi-pɔwbɛ, lãwnɩ a levitɩ mɩnɛ na be a nyɩ tẽ-bɛrɛ pʋɔ a, nɩ a nʋʋrɩ na kpɩɛr a nyɩ zie a, a bi-kpebe nɩ a pɔw-kɔbɛ na kpɩɛr a nyɩ sɔgɔ a.

Kɔlɔsɩ 3:22

Gbãgbaar i, nyɩ sàwr a nyɩ tẽw zu ka nɩ-bɛrɛ nʋɔr a yele za pʋɔ. Nyɩ ta tone bɛ bɛ na piwre nyɩ a ƴãw, a ɩ mɛ̃ nyɩ bɔbr'a kɛ́ nyɩ ɩrɛ a pɛlɩ nɩsaalbɛ pʋɔ a ɩ. Nyɩ tone nɩ a nyɩ pʋɔ za, mɛ̃ a lɛ a bɛlɩ dem na zɔrɛ a Sore a na mɩ́ ɩrɛ a.

1 Tesalonikɩ 2:3

A kpaalʋ tɩ na kpaalɛ a nɩbɛ za a, a bɛ ɩ ziri ɛ, bɛ yi tɩɛr-faar pʋɔ ɩ, ɛ́ tɩ mɩ̀ bɛ bɛ̀lɛ nɩr za ɩ.

1 Tesalonikɩ 2:8

Tɩ na tɩ nɔnɛ nyɩ yaga za a n'a so, tɩ bɛ tɩ bɔbr kɛ́ tɩ manɩ a Naaŋmɩn Yel-nʋ̃ɔ̀ tɛwr kʋ̀ nyɩ ɛ, tɩ mɩ̀ tɩ bɔbr'a kɛ́ tɩ nãá lãw de nɩ tɩ tʋɔra za kʋ̀ nyɩ, nyɩ na lɩɛbɩ tɩ nɩ-nɔnɩ za a ƴãw.

1 Timote 4:13

Tori niwn kanɛ a Sɛb-sõw kʋ̀rɛ a nɩbɛ, kpaalɛ bɛ, wule bɛ gùre nɩ a ɩ̃ waa daar.

1 Timote 5:17

A nɩ-kore na tone a nɩ-kpɛ̃ɛnʋ tome vla a sɛwnɩ nɩ ƴãwfʋ gb'a ayi, baa zuo a za a bɛl na hanɛ a Naaŋmɩn ƴɛ̀rʋ ƴãw nɩ a wulu ƴãw a.

1 Timote 6:18

Yel kʋ̀ bɛ kɛ́ bɛ maalɛ a vla, ɛ́ kpɛ ɩ-vɩɛlɩ naalʋ, kɛ́ bɛ sàw tɩrɛ yaga ɛ́ pone a bɛ bome kʋ̀rɛ a bɛ taabɛ.

Ebre 10:25

Tɩ ta mɩ́ zawrɩ a tɩ lãw ziir cenu mɛ̃ a lɛ bɛ mɩnɛ na ɩ mili a ɩ. Nyɩ nɩ̃ɛ ɩ tɩ kpaalɛ taa, nyɩ na baa nyɛ̃ a Sore bibir ʋ pɩɛlɛ a.

Ebre 13:17

Nyɩ sàwr a nyɩ niw-dierbɛ nʋɔr ɛ́ siwre nyɩ tʋɔra a bɛ zie. Bʋ̃ʋ n'ʋ vɛ̃, bɛ kaarɛ nɩ a nyɩ zie kʋralɛ, mɛ̃ Naaŋmɩn nãà wa sowri bɛ na a. Nyɩ ɩrɛ bɛ tʋ̃ɔ́ tone a bɛ tome nɩ nʋ̃ɔ̀, ɛ́ ta tone zɛbr'ɩ ɛ, a kʋ̃ wa n tɔnɛ za a nyɩ zie ɩ.

Ebre 13:22

Yɛbr i, ɩ̃ zɛlɛ nyɩ na kɛ́ nyɩ dɩ kanyir bɛr wõ a kpaalʋ ƴɛ̀r-bie á ŋá. Ŋmãa ŋmãalɛ n'a ɩ̃ sɛb nyɩ.

Ebre 13:24

Nyɩ puori a nyɩ niw-dierbɛ za nɩ a kɩrɩta-nɩbɛ za. A bɛl na yi a Ɩtali tẽw a puore nyɩ na.

Ebre 13:7

Nyɩ lɛb tɩɛrɩ a nyɩ niw-dierbɛ yele, bɛl na tɩ manɩ a Naaŋmɩn ƴɛ̀rʋ kʋ̀ nyɩ a. Nyɩ nyɛ̃ a lɛ bɛ na vʋʋrɩ tɩ kpi n a, nyɩ cɔwrɛ a bɛ naaŋmɩn-sàw-deb.