Ʋrɔm 12:7 - A SƐB-SÕW

⁷ Ƴen sob wa páw maalʋ a tome ƴãw a, ʋ tone. Sob nɛ na páw maalʋ a wulu ƴãw a, ʋ wule.

Ʋrɔm 12:7 ပူးပေါင်းရင်းမြစ်များ

Sɛb-sõw yielu 34:11

A nũ-kpɛn dem bãw nɩ a nã́w nɩ a kɔ̃, ɛcɛ bom za tuo bɛ kpɩɛr a bɛlɩ dem na bɔbr a Sore a ɩ.

Sɛb-sõw yielu 51:13

Ta diw mɛ̃ bɛr a fʋ niŋé ɩ, ta lɛb de a fʋ Vʋʋrʋ Sõw a ɩ̃ zie ɩ.

Ekilezɩasɩ 12:9

A ʋlɩ bom nɛ na lɛb dɔwlɩ a Kohelɛtɩ yã-bãwfʋ zu a n'ɩ k'ʋʋ lɛb'a zanɩ nɩ a nɩbɛ a bãwfʋ. Ʋ bɔ n zʋkpaɩ yaga pɛr bãw, jieli a, ɛ́ ɩ a tu taa vla vla.

Ɩzayi 21:8

A zi-piwre cɩɩr'a: «Zu-sob i, ɩ̃ àr'ɩ a zie piwru zie a bibi-ɓil za, ɩ̃ àr'ɩ a ɩ̃ zie gub zie a tɩ̃ɩsɔw za.

Matie 28:19

A na ɩ lɛ a, nyɩ cen tɩ ɩ a nɩ-bʋʋrɛ za bɛ lɩɛbɩ a ɩ̃ po-tuurbɛ, nyɩ kʋ̀rɛ bɛ a suob a Sãà nɩ a Bie nɩ a Vʋʋrʋ Sõw yúor ƴãw,

Zã 3:2

Ʋ tɩ wa n tɩ̃ɩsɔw kãw wa páw a Yeezu yel ʋ: «Wul-wul-kara a, tɩ bãw na kɛ́ fʋ ɩ n wul-wule na yi Naaŋmɩn zie wa a. Alɛ bɛ ɩ lɛ, nɩsaalɛ za kʋ̃ tʋ̃ɔ́ maalɩ a yele-na-ɩ-bãwfʋ-sãá fʋ na maalɛ, Naaŋmɩn bɛ wa be a ʋ sob zie a ɩ.»

Nɩ-toni 13:1

A Ãtɩɔsɩ Lãw-yir pʋɔ, naaŋmɩn-ƴɛ̀r-manbɛ nɩ kã-kanbɛ tɩ be n be: Banabasɩ nɩ Sɩmɩ̃ɔ bɛ na kpɔwrɛ bʋɔlɛ Nɩ-sɛbla a, Lisiisɩ na yi Sɩɩrɛn a, nɩ Manayɛn na ɩ a Galile tẽw nàle Erɔdɩ bibi-daarɩ tu-ta-tɔ a, pãa de nɩ Sol.

Nɩ-toni 20:20

Bom nɛ za a na sɛw kɛ́ nyɩ bãw a, ɩ̃ bɛ sɔwl'ʋ a nyɩ zie ɩ. Ɩ̃ nɩ̃ɛ na kanɩ nɩ nyɩ, ɩ̃ wul nyɩ nɩ a nɩbɛ pʋɔ bɩɩ a nyɩ tɛwr zie.

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

Nɩ-toni 6:1

A alɩ bibie nɛ pʋɔ, a po-tuurbɛ nʋɔr na tɩ kɛrɛ dɔwlɛ a, a bɛl na wone a Gɩrɛkɩ mɩnɛ ƴɛ̀rʋ a, tɩ zɛbr'ɩ nɩ a bɛl na wone a Ebre mɩnɛ ƴɛ̀rʋ a. Bɛ tɩ yel'a k'aa bibi-vɩɛrɩ za sõwfʋ pob pʋɔ a, bɛ bɛ kaarɛ a bɛ pɔw-kɔbɛ zie vla ɩ.

1 Korɛ̃tɩ 12:28

A bɛlɩ dem na be a Lãw-yir pʋɔ a, à ŋá n'a a Naaŋmɩn cɔbrɩ bɛ ƴãw: a de niwn sob a, a nɩ-toni nɛbɛ, a ayi sob a, a naaŋmɩn-ƴɛ̀r-manbɛ, ɛ́ a ata sob ɩ a wul-wulbɛ, al pùorí, a bɛlɩ dem na tɛr a nɔ-ɓãa-yele maalʋ fãw a, al pùorí a bɛl na tɛr a bàalbɛ sanʋ maalʋ a, a nɩbɛ sõwfʋ nɩ a nɩbɛ kaafʋ maalʋ a, nɩ a bɛl na tɛr a ƴɛ̀rʋ nɩr na bɛ wone a fãw a.

1 Korɛ̃tɩ 12:5

A tõ-nɛ́ɛ ɩ n tɛɛtɛɛ, ɛcɛ a Sore been n'ʋ bɛ tone.

1 Korɛ̃tɩ 14:26

Yɛbr i, a na ɩ à ŋá a, ɩ̃ ɩ ŋmɩn? Nyɩ na mɩ́ wa ɓã taa a, a nyɩ kãw na mɩ́ tʋ̃ɔ́ na yiele yielu, kãw tɩrɛ wulu bɩɩ yel-sɔwla kãw, kãw ƴɛ̀rɛ ƴɛ̀rʋ nɩr na bɛ wone a ɛ́ íre a pɛ́ɛ. Ɛcɛ à á ŋá za a, a ɩrɛ a lãw ʋ kɛrɛ.

Galasi 6:6

A sob nɛ bɛ na zanɛ nɩ a Naaŋmɩn ƴɛ̀rʋ a, a fɛr'a k'ʋʋ mɩ́ ɩ a ʋ bʋ̃-tɛrɩ kʋ̀ a sob nɛ na zanɛ nɩ ʋ a.

Efɛɛzɩ 4:11

Ɛ́ a bʋ̃-kʋ̀rɩ ʋ na tɩr a n'ɩ a nɩ-toni nɩ a naaŋmɩn-ƴɛ̀r-manbɛ, a Yel-nʋ̃ɔ̀ hierbɛ nɩ a nɩbɛ kaarbɛ nɩ a wul-wulbɛ,

Wulu-ayi-sob 33:10

Bɛlɛ nɛbɛ wule a Zakɔb bʋʋrɛ a tub fʋ na ƴãw a, nɩ a fʋ wulu a Ɩsɩrayɛl nɩbɛ. A tɩ-suur-zɔ̃-na-nyùur-vla-vla-a de-kʋ̀b nɩ a nyɩw-a-za-bagɛ a, bɛlɛ nɛbɛ dier a kʋ̀rɛ fʋ a fʋ bàwr-maal-kuur zu.

Kɔlɔsɩ 4:17

Nyɩ yel à ŋá kʋ̀ a Arsɩpʋ: «Kaarɛ a Sore ton fʋ na páw a zie vla, ɛ́ ƴãw fãw tone ʋ vla.»

1 Timote 2:7

bɛ na ír mɛ̃ k'ɩ̃ɩ hiere yere, ɛ́ ɩ a nɩ-tona, ɛ́ ɩ a nɩ-bʋʋr-yoru wul-wule, kɛ́ bɛ tʋ̃ɔ́ sàw de a Naaŋmɩn ɛ́ bãw a yel-mɩŋa a. Yel-mɩŋa n'a ɩ̃ yere, ziri bɛ n'a ɩ.

1 Timote 3:2

A lɛ ƴãw a, a fɛr'a kɛ́ a Lãw-yir-kaarɛ ta tɛr sãwna bɛ yere ɩ, ʋ kul pɔw been yõ, ɛ́ mɩ́ nyɔw ʋ tʋɔra a dɩb nɩ a nyub ƴãw, ʋ bãw yã, ɛ́ bãw ʋ tʋɔra maal-tɛrʋ, ʋ nɔnɛ a sãanbɛ tɛrʋ, ɛ́ ɩ nɩr na na tʋ̃ɔ́ wule a nɩbɛ a,

1 Timote 4:16

Gù fʋ tʋɔra vla ɛ́ mɩ̀ gù a fʋ wulu vla. Su zu a al ƴãw. Fʋ̃ʋ wa sɩrɩ ɩrɛ à à ŋá a, fʋ na faa nɩ fʋ mɩŋa lãwnɩ a bɛlɩ dem na bɛrɛ wone a fʋ wulu a.

1 Timote 5:17

A nɩ-kore na tone a nɩ-kpɛ̃ɛnʋ tome vla a sɛwnɩ nɩ ƴãwfʋ gb'a ayi, baa zuo a za a bɛl na hanɛ a Naaŋmɩn ƴɛ̀rʋ ƴãw nɩ a wulu ƴãw a.

2 Timote 2:2

A bom nɛ fʋ na wõ a ɩ̃ zie, dãsɩɛ dem yaga niŋé a, man ʋ kʋ̀ nɩbɛ bɛl ƴãw fʋ na bɛr tɩɛrʋ, ɛ́ bɛ mɩ̀ na tʋ̃ɔ́ wul ʋ nɩ-yoru a.

2 Timote 2:24

Ɛcɛ Sore tõ-tõ-bie bɛ sɛw kɛ́ ʋlɛ nɩ nɩr zɛbr taa ɩ. A sɛw na k'ʋʋ tɛr nɔ̃wfʋ a nɩbɛ za ƴãw, k'ʋʋ tʋ̃ɔ́ wule a nɩbɛ, ɛ́ sàwr dier a nɩbɛ po-to-yele.

2 Timote 4:2

hiere yere a Naaŋmɩn ƴɛ̀rʋ, alɛ saa ŋmɛ̃ ŋmɩŋmɩn a, manɛ ʋ, mɩ́ man ʋ wul a bɛlɩ dem na yel kɛ́ ziri n'a a, ƴãwnɛ bɛ dɛ̃bɩ̃ɛ, mɩ́ nyɔw fʋ tʋɔra kpaalɛ bɛ tɛr'ɩ a wulu tɩɛrʋ kʋralɛ.

1 Samɩɛl 12:23

Alɛ wa cɛ mãa a, ɩ̃ kʋ̃ sàw sãw a Sore, bɛr a nyɩ puor-kʋ̀b ɛ. Ɩ̃ na cãà na wule nyɩ a sɔr-vla nɩ a sɔr-dẽdẽ.