Ʋrɔm 12:3 - A SƐB-SÕW

³ A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.

Ʋrɔm 12:3 ပူးပေါင်းရင်းမြစ်များ

Zʋkpaɩ 25:27

A sɩwr dɩ zuo bɛ vɩɛl ɛ, a yo-bɔ zuo mɩ̀ bɛ vɩɛl ɛ.

Zʋkpaɩ 26:12

Fʋ̃ʋ wa nyɛ̃ nɩr ʋ yel k'ʋʋ ɩ n yã-bãwnɛ a, fʋ̃ʋ bãwnɩ a: fʋ na gùre bom dãbol sob zie a sa fʋ na na gùre bom a nɩr ŋa tɔ zie a.

Ekilezɩasɩ 7:16

Ta wul kɛ́ fʋ ɩ n nɩ-mɩŋa zuo ɩ, ta wul kɛ́ fʋ ɩ n yã-bãwnɛ zuo ɩ. Bʋ̃ʋ n'ʋ so fʋ bɔbr kɛ́ fʋ sãw a fʋ tʋɔra bɛr?

Mise 6:8

Nɩsaal i, a Sore ɩ na fʋ bãw a ʋlɩ bom nɛ na vɩɛl a, nɩ a ʋlɩ bom nɛ ʋ na bɔbr a fʋ zie a: bom za bɛ n'ʋ, a bɛ ɩ kɛ́ fʋ tuur a yel-mɩnʋ, kɛ́ fʋ tɛr nɔ̃wfʋ ɩ-ɩrɩ, ɛ́ tɛr fʋ tʋɔra-siwru a fʋ Naaŋmɩn zie ɩ.

Luka 18:11

A Faarizɩ̃ɛ tɩ àr'ɩ saaƴẽwn, ɛ́ puore à ŋá a ʋ socir pʋɔ: “Naaŋmɩn i, ɩ̃ puore fʋ nɩ yãanɩ, ɩ̃ na bɛ ŋmɛ̃ mɛ̃ a nɩbɛ za a ƴãw, na ɩ nyãnyuwr, yel-fa-maalbɛ, nɩ pɩ̃ɔ-yel-bier-maalbɛ a. Ɩ̃ mɩ̀ cãà na puore fʋ yãanɩ, ɩ̃ na bɛ ŋmɛ̃ mɛ̃ a zuru-yar-diere ŋa a.

Zã 3:34

Bʋ̃ʋ n'ʋ vɛ̃, sob nɛ a Naaŋmɩn na tõ a yere nɩ a Naaŋmɩn ƴɛ̀r-bie, a Naaŋmɩn kʋ̀rɛ ʋ nɩ a ʋ Vʋʋrʋ bɛ tɛr manʋ ɛ.

Ʋrɔm 1:5

A ʋl ƴãw n'a ɩ̃ páw a maalʋ lɩɛbɩ nɩ-tona, k'ɩ̃ɩ tɛr a nɩ-bʋʋr-yoru nɩbɛ za wa n bɛ wa sàw de ʋ, ɛ́ sàwr a ʋ nʋɔr, a ʋ yúor zɛwfʋ ƴãw.

Ʋrɔm 11:20

Sɩza n'a, bɛ cɛ a na ŋma bɛr, a na bɛ sàw de a ƴãw, ɛ́ fʋ̃ʋ a, a fʋ sàw-deb zũú n'a fʋ lɩɛr'a. Ɛcɛ taa wa ɩrɛ pɔ̀l-ɩb ɛ, nɩ̃ɛ vɛ̃ kɛ́ zɔrɛ a Naaŋmɩn.

Ʋrɔm 11:25

Yɛbr i, ɩ̃ bɔbr'a k'ɩ̃ɩ ɩ nyɩ bãw a Naaŋmɩn yel-sɔwla ŋa, kɛ̀ nyɩ taa wa de nyɩ tʋɔra bʋɔlɛ yã-bãwnbɛ ɩ: a Ɩsɩrayɛl nɩbɛ ŋmãa na kpawl'a, ɛ́ gù a nɩ-bʋʋr-yoru za tɩ nyɛ̃ a faafʋ.

Ʋrɔm 12:16

Nyɩ ƴãw fãw wone taa vla. Nyɩ ta bɔbr a yúor ɛ, ɛcɛ nyɩ tuur a yele al na waar'ɩ tʋɔra-siwru a pùor. Nyɩ ta mɩ́ de nyɩ tʋɔra bʋɔlɛ yã-bãwnbɛ ɩ.

1 Korɛ̃tɩ 15:10

Naaŋmɩn maalʋ n'a so ɩ̃ ŋmɛ̃ à à ŋá ɩ̃ na ŋmɛ̃ a, ɛ́ a ʋ maalʋ a ɩ̃ zie bɛ ɩ zawla ɩ. Ɩ̃ nɩ̃ɛ na tõ zuo bɛ za: mãa bɛ n'ʋ ɛ, a Naaŋmɩn maalʋ na be a ɩ̃ zie a n'ʋ.

1 Korɛ̃tɩ 3:10

Mɛ̃ a lɛ a Naaŋmɩn na kʋ̀ m a maalʋ a, ɩ̃ sʋ̃ɔ́ nɩ a yir pɛr mɛ̃ nɩr na sɩrɩ bãw a yir ŋmãafʋ yele a, ɛ́ nɩ-yũo mɩɛr dɔwlɛ. Ɛcɛ ŋa za, ʋ mɩ́ gù vla a lɛ ʋ na mɩɛr a.

1 Korɛ̃tɩ 7:17

A yel ŋa ƴãw bɛ wa n'a a, ŋa za, ʋ mɩ́ vʋʋrɛ tu n a lɛ a Sore na kʋ̀ ʋ a, nɩ a lɛ ʋ na tɩ ŋmɛ̃ a lɛn daar a Naaŋmɩn na bʋɔl'ʋ a. À ŋá n'a ɩ̃ wule a Lãw-yie za pʋɔ kɛ́ bɛ tuur.

2 Korɛ̃tɩ 10:13

Tɩɩm a, tɩ kʋ̃ pɔrɛ tɩ col'ɩ ɛ. Tɩ na mɩ́ pɔ na tɩ ta n a be a Naaŋmɩn na ƴãw a tɩ tome zie tɩ tɩɛ a, ʋ na sàw tɩ wa ta a nyɩ zie a ƴãw.

2 Korɛ̃tɩ 12:13

Bʋ̃ʋ n'ʋ a Lãw-yie al na cɛ a tɛr zuo nyɩ? Alɛ bɛ ɩ ɩ̃ na bɛ ƴãw nyɩ hanɩ a ɩ̃ ƴãw a? Nyɩ dɩ suur kʋ̀ m a yel ŋa na bɛ tu sɔ́r a ƴãw.

2 Korɛ̃tɩ 12:7

Ɛ́ a yele á ŋá bɛ na wul mɛ̃ ɩ̃ nyɛ̃ a, a na tɩ ɩ nɔ-ɓãa-yele a zũú n'a bɛ ƴãw 'wɔbrʋ kãw a ɩ̃ ƴã-ganɩ́: Sɩtaana malkɩ bɛ na ƴãw k'ʋʋ ŋmɩɛr mɛ̃ k'ɩ̃ɩ taa wa nanɩ zɛwr ɩ̃ tʋɔra a.

Galasi 6:3

Bʋ̃ʋ n'ʋ vɛ̃, nɩr na tɩɛr k'ʋʋ ɩ n nɩr, ɛ́ nɩ̃ɛ bɛ ɩ nɩr a, ʋ bɛlɛ nɩ ʋ tʋɔra.

Efɛɛzɩ 3:2

Nyɩ bãw nɩ a maalʋ a Naaŋmɩn na kʋ̀ m a nyɩ ƴãw a ʋ pʋ-tɩɛrʋ maalʋ ƴãw a,

Efɛɛzɩ 3:4

Nyɩmɛ wa kanɛ a ɩ̃ sɛbɛ a, nyɩ na nyɛ̃ nɩ a lɛ ɩ̃ na bãw a yel-sɔwla na càarɩ a Kɩrɩta sɛw a.

Efɛɛzɩ 4:16

A ʋl zũú n'a a ƴã-gan ɓã taa ɩ been ɛ́ kpɛmɛ, a kɔbɛ tuor-taa ziir na ɩ a ziir za nyɔw taa vla vla a ƴãw. A na ɩ à ŋá a, a ƴã-gã-ɓɛrmɛ za wa tone vla a, a nɩr ƴã-gan za mɩ́ bɩrɛ na ɛ́ tarɛ a nɔ̃wfʋ zũú.

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

Kɔlɔsɩ 1:29

À á ŋá ƴãw n'a ɩ̃ tone ɛ́ mʋɔr nɩ a fãw ɩ̃ na páw a Yeezu Kɩrɩta zie, ɛ́ a fãw ŋa tone a ɩ̃ pʋɔ kpɛ̃w kpɛ̃w za a.

Kɔlɔsɩ 2:13

Ɛ́ a nyɩɩm na tɩ dãw ɩ kũuni a nyɩ yel-bebe zũú nɩ bɛ na bɛ tɩ ŋma a nyɩ yɛɛ a zũú, a Naaŋmɩn kʋ̀ nyɩ nɩ nyɔ-vʋʋrʋ lãwnɩ a Kɩrɩta: ʋ dɩ n a tɩ yel-bebe za suur kʋ̀ tɩ.

1 Timote 1:14

Sɩza, a tɩ Sore maalʋ siw nɩ a ɩ̃ zu yaga za, lãwnɩ a naaŋmɩn-sàw-deb nɩ a nɔ̃wfʋ na be a Kɩrɩta Yeezu pʋɔ a.

1 Timote 2:15

Ɛcɛ ʋlɛ wa dɔw bibiir a, ʋ na nyɛ̃ nɩ faafʋ, ʋlɛ wa sɩrɩ sàw be a naaŋmɩn-sàw-deb pʋɔ, a nɔ̃wfʋ nɩ a sonu pʋɔ nɩ tʋɔra-siwru a.

1 Timote 2:9

Ɩ̃ mɩ̀ bɔbr'a k'aa pɔwbɛ mɩ́ su suuru na sɛw taa nɩ a, ɛ́ ƴãw a pɩ̃ɛmɛ a man: ta 'lẽ zu tɩ ƴãw bʋ̃-ƴãwnɩ ɛ, ta ƴãw salm-zɩɛ tokpamɛ bɩɩ lɛw-vɩɛlɩ ɛ, ta su dɛpaal-kpar-vɩɛlɩ vɩɛlɩ ɛ.

Títɩ̀ 2:12

Ʋ wule tɩ na kɛ́ tɩ zawrɩ a ɩ-faar nɩ a tẽw ŋa zu yel-bɔbrɩ bɛr, tʋ̃ɔ́ bãw yã, ɛ́ ɩ nɩ-mɩn na tɛr Naaŋmɩn ƴãwfʋ a, vʋʋrɛ nɩ a dɩ̃a zie ŋa pʋɔ,

Títɩ̀ 2:2

Yel a dɛb-nyamɛ kɛ́ bɛ mɩ́ nyɔw bɛ tʋɔra a dɩb nɩ a nyub pʋɔ, kɛ́ bɛ ƴãwnɛ bɛ tʋɔra, kɛ́ bɛ bãw yã, ɛ́ tɛr naaŋmɩn-sàw-deb na vɩɛl a, nɩ nɔ̃wfʋ nɩ kanyir.

Títɩ̀ 2:4

lɛ n'a bɛ na wul a pɔw-pɔ́lɛ́ bɛ nɔnɛ a bɛ sɩrbɛ nɩ a bɛ bibiir,

Títɩ̀ 2:6

Mɩ̀ kpaalɛ a pɔ́lɛ́ kɛ́ bɛ bãw yã

Zakɩ 4:6

Ɛcɛ a maalʋ a Naaŋmɩn na kʋ̀ tɩ a ɩ n kpɛ̃ɛ zuo lɛ. Bʋ̃ʋ n'ʋ vɛ̃, bɛ mɩ̀ cãà na lɛb yel: «A Naaŋmɩn mɩ́ ba n gbɛ́r a pɔ̀lʋ dem niŋé, ɛ́ maalɩ a su-siwri dem.»

1 Pɩɛr 1:13

Lɛ so, nyɩ cɔbrɩ gù a tome, nyɩ mɩ́ nyɔw nyɩ tʋɔra a dɩb nɩ a nyub ƴãw, ɛ́ de a nyɩ tɩɛrʋ za ƴãw a maalʋ ʋl ƴãw bɛ na na kʋ̀ nyɩ, a lɛn daar a Yeezu Kɩrɩta nãà wa lɛb wul ʋ tʋɔra a.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.

1 Pɩɛr 4:7

A yele za baarʋ pɩɛl'a, lɛ so nyɩ mɩ́ nyɔw nyɩ tʋɔra a dɩb nɩ a nyub ƴãw, mɩ́ tʋ̃ɔ́ puori.

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»

1 Pɩɛr 5:8

Nyɩ mɩ́ nyɔw nyɩ tʋɔra a dɩb nɩ a nyub ƴãw, nyɩ bɛr gʋ̃ɔ! A nyɩ dɔ̃ sob, a Gɛgɛra, lanɛ na viire mɛ̃ gbẽw na ùore bɔbr'ɩ nɩr k'ʋʋ vɔl a.

3 Zã 1:9

Ɩ̃ sɛb'ɩ sɛble kʋ̀ a nyɩ Lãw-yir, ɛcɛ a Diotɩrɛfʋ na nɔnɛ a bɛ niwn deb a yele za pʋɔ a, ʋ bɛ dier a tɩ ƴɛ̀rʋ ɛ.