Ʋrɔm 12:18 - A SƐB-SÕW

¹⁸ Alɛ na na tʋ̃ɔ́ a, nɩ a lɛ a na yi a nyɩ zie mɩ̀ a, nyɩ ɩ ƴã-ɓaarʋ be nyɩɩm nɩ a nɩsaalbɛ za cara pʋɔ.

Ʋrɔm 12:18 ပူးပေါင်းရင်းမြစ်များ

Yele-za-pɛr-tib 21:24

A Abraham tɩ yel'a: «Ɩ̃ pɔ n a lɛ.»

2 Samɩɛl 20:19

A Ɩsɩrayɛl tẽw nɩbɛ za pʋɔ a, tɩ pʋɔ nɩ a ƴã-ɓaarʋ nɩbɛ nɩ a nɩ-mɩn pʋɔ. Ɛcɛ fʋ̃ʋ bɔbr kɛ́ fʋ ŋmɛr a tẽw ŋa na pʋɔ a Ɩsɩrayɛl tẽ-bɛrɛ pʋɔ a bɛr! Bʋ̃ʋ n'ʋ so fʋ bɔbr kɛ́ fʋ sãw a zie a Sore na so a bɛr?»

Sɛb-sõw yielu 34:14

Ʋ gùre ʋ tʋɔra a ƴɛ̀r-faar ƴãw, nɩ a ziri ƴãw.

Zʋkpaɩ 12:20

Ziri n'a mɩ́ paalɩ a bɛlɩ dem na tɩ́ɛrɛ a faa maalʋ a socie, ɛcɛ nʋ̃ɔ̀ n'a mɩ́ paalɩ a bɛlɩ dem na wule a vla maalʋ a.

Zʋkpaɩ 3:30

Ta zɛbr'ɩ nɩr zawlalɛ ʋlɛ bɛ wa ɩ bom a ɩ.

Matie 5:24

bɛr a fʋ bàwr-maal-bom a bàwr-maal-kuur niŋé, ɛ́ cen fʋ̃ʋ nɩ a fʋ yɛb lɛb tɩ kpɛ taa baarɩ, al pùorí, lɛb wa wa de a fʋ bàwr-maal-bom kʋ̀ a Naaŋmɩn.

Matie 5:5

Zu-nʋ̃ɔ̀ dem'ɩ a soci-baalʋ dem, bɛ na páw nɩ a tẽw a Naaŋmɩn na yel k'ʋʋ na tɩr a a.

Matie 5:9

Zu-nʋ̃ɔ̀ dem'ɩ a bɛlɩ dem na tone ƴã-ɓaarʋ tome a, bɛ na bʋɔlɛ bɛ nɩ Naaŋmɩn bibiir.

Markɩ 9:50

A nyaarʋ ɩ n bʋ̃-nʋ̃ɔ̀, ɛcɛ a nyaarʋ nʋ̃ɔ̀ wa yi a, bʋ̃ʋ n'a nyɩ na ƴãw a lɛb nʋmɛ? Nyɩ tɛr nyaarʋ a nyɩ pʋ̃ɔmɩ, ɛ́ ɩrɛ ƴã-ɓaarʋ ɩb kʋ̀rɛ taa.»

Ʋrɔm 1:15

Lɛ so tɩɛrʋ ŋa na be a ɩ̃ zie, k'ɩ̃ɩ hieri a Yel-nʋ̃ɔ̀ kʋ̀ a nyɩɩm mɩ̀ na kpɩɛr a Ʋrɔm a.

Ʋrɔm 14:17

Bʋ̃ʋ n'ʋ vɛ̃, a Naaŋmɩn Naalʋ bɛ ɩ dɩb nɩ nyub yele ɩ, ʋ ɩ n mɩnʋ, ƴã-ɓaarʋ nɩ nʋ̃ɔ̀ a Vʋʋrʋ Sõw na tɩrɛ a.

Ʋrɔm 14:19

A na ɩ à ŋá a, nyɩ ɩ tɩ bɔbr a yele al na waar'ɩ a ƴã-ɓaarʋ a, nɩ a al na mɩ́ ɩ tɩ lãw kɛrɛ a sàw-deb pʋɔ a.

1 Korɛ̃tɩ 7:15

A ʋl na bɛ sàw de a Kɩrɩta a wa bɔbr k'ʋʋ yi a, ʋ yi. A sɩr bɩɩ a pɔw na ɩ a kɩrɩta-nɩr a, so nɩ ʋ tʋɔra a ka. Ƴã-ɓaarʋ pʋɔ n'a Naaŋmɩn bʋɔlɩ nyɩ kɛ́ nyɩ wa vʋʋrɛ.

2 Korɛ̃tɩ 13:11

Ƴɛrɛŋa a, yɛbr i, nyɩ cɩlɛ, nyɩ ƴãw fãw ɩrɛ kɛ́ nyɩ vɩɛl tɩ tɔ, nyɩ kpaalɛ taa, nyɩ lãw taa tɩɛrʋ, nyɩ tɛr a ƴã-ɓaarʋ, ɛ́ a nɔ̃wfʋ nɩ a ƴã-ɓaarʋ Naaŋmɩn na be n a nyɩ zie.

Galasi 5:22

Ɛcɛ a Vʋʋrʋ Sõw bom'ɩ: nɔ̃wfʋ, nʋ̃ɔ̀, ƴã-ɓaarʋ, su-nyɔwra, vɩɛlʋ, nɩ-vla-ɩb, naaŋmɩn-sàw-deb,

Efɛɛzɩ 4:3

A lãw-taa a Vʋʋrʋ Sõw na tɩrɛ a, nyɩ ƴãw fãw tɛr ʋ vla, a ƴã-ɓaarʋ na lãw nyɩ taa a zũú.

1 Tesalonikɩ 5:13

Nyɩ de a bɛ yele vla, ɛ́ nɔnɛ bɛ a bɛ tõ-nʋɔr zũú. Nyɩ tɛr ƴã-ɓaarʋ a nyɩ cara pʋɔ.

2 Timote 2:22

Dɛrɛ a fʋ pɔ̀lʋ daar bʋ̃-nɔnɩ, ɛ́ lãw nɩ a bɛlɩ dem na bʋɔlɛ a Sore nɩ soci-pla parpar a tu a mɩnʋ, a naaŋmɩn-sàw-deb, a nɔ̃wfʋ nɩ a ƴã-ɓaarʋ pùor.

Ebre 12:14

Nyɩ ƴãw fãw a ƴã-ɓaarʋ be nyɩmɛ nɩ a nɩbɛ za cara pʋɔ, ɛ́ nyɩ bɔbr a sonu, bʋ̃ʋ n'ʋ vɛ̃, ʋlɛ bɛ wa ka be a, nɩr za kʋ̃ tʋ̃ɔ́ nyɛ̃ a Sore ɩ.

1 Pɩɛr 3:11

k'ʋʋ gùr pùor cɔw a yel-faa ɛ́ ɩrɛ a vla, k'ʋʋ mɩ́ bɔbr a ƴã-ɓaarʋ ɛ́ tuur a ʋ pùor.»

Ƴɛ̀r-dɩrbɛ 11:14

A Zɛfɩte tɩ lɛb'a tõ nɩbɛ a Amɔ̃ tẽw dem nãà zie