Ʋrɔm 11:4 - A SƐB-SÕW

⁴ Ɛcɛ bʋ̃ʋ n'ʋ a Naaŋmɩn sɔw ʋ? «Ɩ̃ cãà na bɛr nɩbɛ túr-ayopõi (7 000) a ɩ̃ ƴãw, a bɛl na bɛ gbĩ dume a tɩɩb na dɩ kɛ́ Báàl a niŋé a.»

Ʋrɔm 11:4 ပူးပေါင်းရင်းမြစ်များ

1 Na-mɩnɛ 16:31

Ʋ cɔwr'ɩ a Nevatɩ bidɛb Zerobowam yel-bebe, a bɛ saal'ʋ ɛ, ʋ kul Zezabɛl, Sɩdɔ̃ tẽw dem nãà, Ɛtɩbaal, pɔwyaa, ɛ́ puori a ŋmɩn Báàl, gbĩ dume a ʋ niŋé.

1 Na-mɩnɛ 19:10

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»

1 Na-mɩnɛ 19:18

Ɛcɛ ɩ̃ na bɛr'ɩ Ɩsɩrayɛl nɩbɛ túr ayopõi (7 000) bɛ cãà vʋʋrɛ, a bɛl za nãà bɛ wa gbĩ dume a ŋmɩn Báàl niŋé a, ɛ́ bɛ nyɔw a ʋ dasuli weri a.»

Ɩzayi 4:3

Lɛ n'a a bɛlɩ dem na na cãà be a Zerizalɛm a, a bɛl na na cãà vʋʋrɛ a Sɩyɔ̃ a, bɛ na bʋɔlɛ bɛ “Sore nɩ-sori”. A bɛlɩ dem za, a Zerizalɛm, a Sore na sɛb ƴãw a ʋ sɛbɛ pʋɔ kɛ́ bɛ vʋʋrɛ a nɛbɛ.

Zeremi 19:5

Bɛ cɔbr'ɩ zi-tuo a ŋmɩn Báàl ƴãw, kɛ́ bɛ mɩ́ nyɩw a bɛ bidɛbr maal'ɩ bàwr kʋ̀ ʋ. Ɛcɛ, ɩ̃ bɛ tɩ ƴãw nʋɔr à á ŋá ƴãw ɛ, ɩ̃ bɛ dãw ƴɛ̀r a ƴɛ̀rʋ ɛ, ɩ̃ bɛ dãw tɛr a tɩɛrʋ ɛ.»

A naaŋmɩn-ƴèr-manɛ Oze sɛbɛ 13:1

A Efarayim na mɩ́ tɩ ƴɛ̀rɛ a, dɛ̃bɩ̃ɛ mɩ́ tɩ nyɔw nɩ a nɩbɛ za. A Ɩsɩrayɛl tẽw pʋɔ a, a ʋ yúor tɩ yi na. Ɛcɛ a Bàál ʋ na wa puore a, ʋ sãw na, ɛ́ a ʋ sãwna ŋa kʋ ʋ na.

A naaŋmɩn-ƴèr-manɛ Oze sɛbɛ 2:8

Lɛ so, a mãa Sore, ɩ̃ na fur'ɩ a ʋ sɔ́r nɩ gʋʋr, ɩ̃ na de nɩ bom gàr pàw nɩ ʋ, ɛ́ ʋ kʋ̃ lɛb nyɛ̃ a ʋ sɛ́ɛ ɩ.

Sofoni 1:4

«Ɩ̃ na ìr'ɩ a Zerizalɛm nɩbɛ ƴãw, nɩ a Zuda nɩbɛ za ƴãw. Ɩ̃ na ɩ na a Báàl puoru ɩ-ɩrɩ al na cãà be a, a bɔr a ka, tɩ lãw nɩ a ŋmɩn ŋa bàwr-maalbɛ yúor.

Sɔr-nɛ́ɛ 25:3

Baa zuo a za, bɛ tɩ tu n a Pewɔɔr ŋmɩn Báàl pùor, ƴãw a Sore suur ìr a bɛ ƴãw.

Wulu-ayi-sob 4:3

Nyɩ nyɛ̃ nɩ nɩ mimir a lɛ a Sore nyɩ Naaŋmɩn na ɩ a Pewɔɔr Báàl yele pʋɔ a: ʋ kʋ n a bɛlɩ dem za, a nyɩ nɩbɛ pʋɔ, na tɩ tu a ŋmɩn ŋa pùor a.

Ƴɛ̀r-dɩrbɛ 2:13

Bɛ tɩ zawr'ɩ a Sore bɛr, ɛ́ puore a Báàl mɩnɛ nɩ a Asɩtarte mɩnɛ.