Ʋrɔm 11:28 - A SƐB-SÕW

²⁸ A bɛ Yel-nʋ̃ɔ̀ bɛ-sàw-deb ƴãw wa n'a a, bɛ ɩ n Naaŋmɩn dɔ̃ dem a nyɩɩm vla ƴãw, ɛcɛ alɛ wa ɩ a kaa-íru a Naaŋmɩn na kaa ír bɛ a ƴãw n'a a, ʋ cãà na nɔnɛ bɛ, a bɛ sãàkʋm-kore zũú.

Ʋrɔm 11:28 ပူးပေါင်းရင်းမြစ်များ

Yele-za-pɛr-tib 26:4

Ɩ̃ na ɩ n a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie a, ɩ̃ɩ na kʋ̀ bɛ nɩ a ziir á ŋá za. Ɩ̃ na maal'ɩ a nɩ-bʋʋrɛ za a bɛ zũú.

Yele-za-pɛr-tib 28:14

A fʋ bʋʋrɛ na yãwmɛ na mɛ̃ a tẽsɔw tanɛ a. A nyɩ tẽsɔw na yɛ̀lɩ na cen a mʋ̃tɔ̃w-kpɛb-lowr nɩ a saa-pɛrɩ́, a saa-pɛrɩ́-gʋba-lowr nɩ a saa-pɛrɩ́-dʋrʋ-lowr. Fʋ̃ʋ nɩ a fʋ bʋʋrɛ ƴãw n'a ɩ̃ na maalɩ a tẽw zu nɩ-bʋʋrɛ za.

Zeremi 31:3

Ʋ tɩ yere na: “A Sore wul mɛ̃ nɩ ʋ tʋɔra zi-zãána.” Ɩ̃ɩ tɩ sɔw ʋ na: “Ɩ̃ nɔnɛ fʋ na nɩ nɔ̃wfʋ na be kʋralɛ a. Alɛ n'a so ɩ̃ cãà tu b yaga za.

Mise 7:20

Fʋ na wul'ɩ a fʋ nɔ̃wfʋ na bɛ lɛbr pùor a, a Abraham nɩ a Zakɔb bʋʋrɛ, mɛ̃ a lɛ fʋ na tɩ pɔ a koro za a tɩ sãàkʋm-kore zie a.

Matie 21:43

Alɛ so ɩ̃ yere kʋ̀rɛ nyɩ: bɛ na de nɩ a Naaŋmɩn Naalʋ a nyɩ zie, kʋ̀ nɩ-bʋʋr-yoru na na ɩrɛ ʋ wɔnɛ wɔmɛ a. [

Luka 1:54

Ʋ sõw nɩ a Ɩsɩrayɛl bʋʋrɛ, a ʋ tõ-tõ-biir: ʋ na lɛb bãwnɩ a ʋ nɔ̃wfʋ ɩb a,

Nɩ-toni 14:2

Ɛcɛ a bɛlɩ Zifʋ nɛ na bɛ tɩ sàw de a Yeezu a, tɩ ɩ na a nɩ-bʋʋr-yoru tɩɛrʋ bɛ vɩɛl a yɛbr ƴãw ɛ.

Nɩ-toni 18:6

Ɛcɛ bɛ na tɩ zawrɩ a sàw-deb ɛ́ tʋʋr a Pol a, ʋ tɩ pĩ n a ʋ bʋ̃-suuri uuru ƴãw bɛ ɛ́ yel: «Nyɩmɛ wa bɔr a, a bɛ yi mãa zie ɩ! Ɩ̃ zaa n'ɩ ŋa! Dɩ̃a na ta a, a nɩ-bʋʋr-yoru zie n'a ɩ̃ na cen.»

Ʋrɔm 11:11

A na ɩ à ŋá a, sowru n'a ɩ̃ sowre: lo ɛ́ ta lɛb ìr ƴãw n'a a Zifʋ mɩnɛ ŋmɛ a gbɛ́r bɩɩ? Lɛ bɛ n'a towtow ɛ! Ɛcɛ a bɛ sãwna ɩ na a nɩ-bʋʋr-yoru nyɛ̃ a faafʋ, kɛ́ nyuur tʋ̃ɔ́ ɩrɛ a Zifʋ mɩnɛ.

Ʋrɔm 11:30

A koro za a, nyɩ tɩ zawr'ɩ a Naaŋmɩn nʋɔr, ɛcɛ ƴɛrɛŋa a, ʋ zɔ n a nyɩ nɩbaalʋ, a Ɩsɩrayɛl nɩbɛ na zawrɩ a nʋɔr a ƴãw.

Ʋrɔm 11:7

Ŋmɩŋmɩn za n'a? A Ɩsɩrayɛl nɩbɛ bɛ páw a ʋlɩ bom nɛ bɛ na tɩ bɔbr a ɩ. Ɛcɛ a bɛlɩ dem a Naaŋmɩn na kaa ír a, bɛl páw ʋ na. A ŋmaarɛ bɛl a, bɛ kpawl'ɩ bɛ za,

Ʋrɔm 5:10

Tɩ tɩ ɩ n a Naaŋmɩn dɔ̃ dem, ʋʋ ɩ tɩɩm nɩ ʋl lɛb kpɛ taa a ʋ Bie kũu zũú. Ƴɛrɛŋa tɩɩm nɩ ʋl na lɛb kpɛ taa baarɩ a, bʋnʋ bɛ ka be ɩ, ʋ na faa tɩ nɩ zaalɛ a ʋ Bie nyɔ-vʋʋrʋ ƴãw.

Ʋrɔm 9:5

Bɛ ɩ n a sãàkʋm-kore bʋʋrɛ, ɛ́ a bɛ bʋʋrɛ pʋɔ n'a a Kɩrɩta yi ɩ nɩsaal, ʋl na zuo bom za, ɩ Naaŋmɩn na tɛr danʋ kʋralɛ a. Amɛn.

Wulu-ayi-sob 10:15

Ɛcɛ a koro koro a, a nyɩ sãàkʋm-kore pùor'a a Sore tɩ tu k'ʋʋ nɔnɛ bɛ, ɛ́ ƴɛrɛŋa a, a nyɩɩm na ɩ a bɛ bʋʋrɛ a, nyɩmɛ nɛbɛ ʋ kaa ír a nɩ-bʋʋrɛ za pʋɔ, mɛ̃ nyɩ na nyɛ̃ a dɩ̃a a.

Wulu-ayi-sob 4:31

Bʋ̃ʋ n'ʋ vɛ̃, a Sore nyɩ Naaŋmɩn ɩ n Naaŋmɩn na ɩ nɔ̃wfʋ tɛwr a. Ʋ bɛ zawrɛ nyɩ bɛrɛ ɩ, bɛ kʋrɛ nyɩ pàwr pɛr ɛ. Ʋ bɛ be za na yiiri a wõ-taa ʋ na maal'ɩ a nyɩ sãàkʋm-kore a bɛr ɛ.

Wulu-ayi-sob 8:18

Nyɩ cãà bãwnɩ a Sore nyɩ Naaŋmɩn na n'ʋ kʋ̀rɛ nyɩ a fãw nyɩ tʋ̃ɔ́ mɩ́ tɛr a a. À ŋá n'a ʋ mɩ́ cãà ɩ tɛr a wõ-taa ʋ na maal'ɩ a nyɩ sãàkʋm-kore, mɛ̃ à ŋá ʋ na ɩrɛ a dɩ̃a a.

Wulu-ayi-sob 9:5

ɛ́ nyɩ tʋ̃ɔ́ de a bɛ tẽw. Nyɩ na ɩ nɩ-mɩn a bɛ n'a ɩ, bɩɩ a nyɩ tɩɛrʋ na vɩɛl a ƴãw bɛ n'a ɩ. A Sore na diw nɩ a nɩ-bʋʋrɛ bɛ ŋa, a bɛ ɩb na bɛ vɩɛl a ƴãw, nɩ a lɛ ʋ na pɔ yel kʋ̀ a nyɩ sãàkʋm-kore Abraham, Ɩzaakɩ nɩ Zakɔb a, tub ƴãw.