Ʋrɔm 11:25 - A SƐB-SÕW

²⁵ Yɛbr i, ɩ̃ bɔbr'a k'ɩ̃ɩ ɩ nyɩ bãw a Naaŋmɩn yel-sɔwla ŋa, kɛ̀ nyɩ taa wa de nyɩ tʋɔra bʋɔlɛ yã-bãwnbɛ ɩ: a Ɩsɩrayɛl nɩbɛ ŋmãa na kpawl'a, ɛ́ gù a nɩ-bʋʋr-yoru za tɩ nyɛ̃ a faafʋ.

Ʋrɔm 11:25 ပူးပေါင်းရင်းမြစ်များ

Sɛb-sõw yielu 107:43

Nɩr wa ɩ yã-bãwnɛ a, ʋ cɛlɛ a yele á ŋá zie vla, ʋʋ na nyɛ̃ na bãw a Sore nɔ̃wfʋ!

Sɛb-sõw yielu 127:1

Zerizalɛm dob daar yielu. Salomɔ̃ só ʋ. A Sore bɛ wa n'ʋ mɩɛr a yir a, zawlalɛ n'a a yir-mɩɛrbɛ bàlɛ bɛ tʋɔra. A Sore bɛ wa n'ʋ gùre a tẽw a, zawlalɛ n'a a zi-gùrbɛ bɛr gʋ̃ɔ ɛ́ gùre.

Sɛb-sõw yielu 22:27

A bãbàalbɛ na dɩ na tɩw. Bɛlɩ dem na bɔbr a Sore a, bɛ danɛ ʋ ɛ́ tɛr nyɔ-vʋʋr-wogo!

Sɛb-sõw yielu 72:17

A nãà yúor, ʋ be be kʋralɛ, bɛ pore a ʋ yúor lɛn daar za a mʋ̃tɔ̃w na na pure a. A nɩsaalbɛ, bɛ mɩ́ por a ʋ yúor ƴɛ̀r'ɩ a nɔ-vla kʋ̀ taa, ɛ́ a nɩ-bʋʋrɛ za yere k'aa nãà ɩ n zu-nʋ̃ɔ̀ sob.

Zʋkpaɩ 26:12

Fʋ̃ʋ wa nyɛ̃ nɩr ʋ yel k'ʋʋ ɩ n yã-bãwnɛ a, fʋ̃ʋ bãwnɩ a: fʋ na gùre bom dãbol sob zie a sa fʋ na na gùre bom a nɩr ŋa tɔ zie a.

Zʋkpaɩ 26:16

A ƴã-tuo sob mɩ́ tɩɛr'a k'ʋʋ tɛr'ɩ yã-bãwfʋ zuo nɩbɛ ayopõi na sɔw sɔwfʋ nɩ yã a.

Ɩzayi 5:21

Baw-bio páw nɩ a bɛlɩ dem na mɩ́ de bɛ tʋɔra bʋɔlɛ yã-bãwnbɛ, ɛ́ tɩ́ɛrɛ kɛ́ bɛ tɛr'ɩ yã a!

A naaŋmɩn-ƴèr-manɛ Oze sɛbɛ 14:9

Efarayim i, bʋ̃ʋ n'ʋ mãa nɩ a tɩbɛ lãw? Mãa n'ʋ mɩ́ sɔw a fʋ puoru, ɛ́ kaarɛ a fʋ zie. A mãa a, ɩ̃ ɩ na mɛ̃ sɩpɩrɛ tɩɛ a váar na bɛ suore a. Mãa zie n'a a fʋ kukur bome yire.»

Matie 13:11

Ʋ tɩ sɔw bɛ na: «A nyɩɩm a, bɛ ɩ na nyɩ bãw a tẽ-vla Naalʋ yel-sɔwlɩ, ɛcɛ a bɛ ɩ a lɛ a bɛl zie ɩ.

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Zã 10:16

Ɩ̃ cãà na tɛr píir a mɩnɛ na bɛ ɩ a zaw ŋa píir a, a fɛr'a k'ɩ̃ɩ mɩ̀ cɩ̃ɩnɛ a. A na bɛrɛ na wone a ɩ̃ ƴɛ̀rʋ, lɛ n'a zaw been yõ nɩ pi-cɩ̃ɩn-been yõ na be be.»

Ʋrɔm 1:13

Yɛbr i, ɩ̃ bɔbr'a kɛ́ nyɩ bãwnɩ a, kʋralɛ n'a ɩ̃ tɩɛrɛ a nyɩ zie waa, k'ɩ̃ɩ wa páw a ɩ̃ tome tɔnɛ a nyɩ zie, mɛ̃ a lɛ ɩ̃ na páw a a nɩ-bʋʋr-yoru bɛ mɩnɛ zie a. Ɛcɛ ɩ̃ cãà bɛ nyɛ̃ vuo wa tɔ dɩ̃a ɩ.

Ʋrɔm 11:12

A bɛ sãwna wa ƴãw a tẽ-daa naalʋ a, a bɛ nʋɔr na siwri a wa ƴãw a nɩ-bʋʋr-yoru naalʋ a, ŋmɩŋmɩn n'a a pãa nãà ŋmɛ̃ a lɛn daar bɛ za nãà wa nyɛ̃ a faafʋ a!

Ʋrɔm 11:24

Fʋ̃ʋ a, fʋ ɩ n mʋ̃ɔ pʋɔ olivʋ tɩɛ wule tɔr za, a Naaŋmɩn na ŋmãa wa ɓɛrɩ nɩ olivʋ tɩ-kʋ́ɔra a, ɛcɛ à ŋá bɛ n'a a ɩrɛ ɩ. A Zifʋ mɩnɛ bɛl a, bɛ ɩ n a olivʋ tɩ-kʋ́ɔra ŋa wuli tɛɛ za: a na ɩ à ŋá a, Naaŋmɩn na pãa nɩ̃ɛ na tʋ̃ɔ́ ɩ a lɛb ɓɛrɩ a al mɩŋa tɩɛ ƴãw mɔlɛ lɛ.

Ʋrɔm 12:16

Nyɩ ƴãw fãw wone taa vla. Nyɩ ta bɔbr a yúor ɛ, ɛcɛ nyɩ tuur a yele al na waar'ɩ tʋɔra-siwru a pùor. Nyɩ ta mɩ́ de nyɩ tʋɔra bʋɔlɛ yã-bãwnbɛ ɩ.

Ʋrɔm 16:25

Naaŋmɩn so danʋ! Ʋ tɛr'ɩ fãw na ɩ tɩ kpɛmɛ a sàw-deb pʋɔ tu n a Yel-nʋ̃ɔ̀ ɩ̃ na hiere manɛ nɩ a Yeezu Kɩrɩta yele a, ɛ́ mɩ̀ tu n a Naaŋmɩn pʋ-tɩɛr-sɔwla ʋ na ɩ tɩ bãw a. A pʋ-tɩɛrʋ ŋa tɩ sɔwl'ɩ a dɩta-pɛ-yome za,

Ʋrɔm 9:18

À ŋá n'a a Naaŋmɩn mɩ́ zɔ sob nɛ ʋ na bɔbr a nɩbaalʋ, ɛ́ ɩ zu-kpɛnʋ tɛr sob nɛ ʋ na bɔbr a.

1 Korɛ̃tɩ 10:1

Yɛbr i, a yele na ta a tɩ sãàkʋm-kore a Moyiir daar a, ɩ̃ bɛ bɔbr kɛ́ nyɩ ɩ zɔn a ƴãw ɛ. Bɛ za nɛbɛ a zũzuwr tɩ piw tɛr, bɛ za nɛbɛ tɩ kpɛ gãw a Kʋ̃ɔ-kpɛ̃ɛ-zɩɛ.

1 Korɛ̃tɩ 12:1

Yɛbr i, ɩ̃ bɛ bɔbr kɛ́ nyɩ ɩ zɔn a maalʋ a Vʋʋrʋ Sõw na tɩrɛ a ƴãw ɛ.

1 Korɛ̃tɩ 2:7

Ɛcɛ a yã-bãwfʋ ʋl tɩɩm na yere a, ʋ ɩ n Naaŋmɩn yã-bãwfʋ tɩ na kʋ̃ tʋ̃ɔ́ bãw tɔ, ʋʋ sɔwlɩ gã a. A yã-bãwfʋ ʋl a Naaŋmɩn na tɩ dãw bãwnɩ tɩ cɔbrɩ a tɩ yúor-vɩɛlʋ-danʋ ƴãw, ɛ́ a dɩta-pɛ-yome za bɛ be sɛr a.

1 Korɛ̃tɩ 4:1

A na ɩ lɛ a, a nɩbɛ, bɛ jɩ́rɛ tɩ mɛ̃ a Kɩrɩta tõ-tõ-biir na kaarɛ a Naaŋmɩn yel-sɔwlɩ zie a.

Efɛɛzɩ 1:9

ʋ ɩ na tɩ bãw a ʋ yel-sɔwla za ʋ na tɩ dãw nɔnɛ cɔbrɩ, k'aa Kɩrɩta wa tu

Efɛɛzɩ 3:9

ɛ́ ɩ a ɩ cãà a nɩsaalbɛ za zie, a lɛ a Naaŋmɩn na mɩ́ ɩ a ʋ yel-sɔwla tu a ʋ tub a. Ʋl na ɩ bome za Íre a, ʋ ɩ n a ʋ yel-sɔwla ŋa gã koro za a ʋl mɩŋa pʋɔ.

Efɛɛzɩ 4:18

Lige liw na pàw a bɛ yã. Bɛ bɛ pʋɔ a nyɔ-vʋʋrʋ a Naaŋmɩn na tɩrɛ a pʋɔ ɩ, bʋ̃ʋ n'ʋ vɛ̃, a bɛ zɔnʋ kpawl'ɩ a bɛ socie.

2 Pɩɛr 3:8

Ɩ̃ bá mɩnɛ ɛ, bʋ̃-been ŋa n'ʋ a fɛr kɛ́ nyɩ taa yiire ɩ: a Sore zie a, bibi-been yõ mɩ́ ɩ na mɛ̃ yome túr (1 000) a, ɛ́ yome túr (1 000) ɩ mɛ̃ bibi-been a.

Yel-wula 1:20

A ŋmar-bie ayopõi fʋ na nyɛ̃ a ɩ̃ dʋrʋ nũú a, nɩ a salm-zɩɛ fɩ̃tɩlɩ ayopõi pɛr na sɔwlɩ a n'ɩ ŋa: a ŋmar-bie ayopõi ɩ n a Lãw-yie ayopõi malkɩ mɩnɛ, ɛ́ a fɩ̃tɩlɩ ayopõi ɩ a Lãw-yie ayopõi.»

Yel-wula 10:7

A ʋlɩ bibir a malkɩ ayopõi sob nãà wa pɛblɛ a ʋ wɩ́ɛ a, lɛn daar a a Naaŋmɩn yel-sɔwla ʋ na tɩɛrɩ bin a na maalɩ mɛ̃ a lɛ ʋ na tɩ dãw yel kʋ̀ a ʋ tõ-tõ-biir na ɩ a ʋ ƴɛ̀r-manbɛ a.»

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

Yel-wula 7:9

À á ŋá pùorí, ɩ̃ tɩ jɩ́r'a nyɛ̃ zu-sɛbla nɩr na kʋ̃ tʋ̃ɔ́ sɔ́r bãw bɛ nʋɔr a. Ten za, dɔwlʋ za, nɩ-bʋʋrɛ za nɩ ƴɛ̀r-pɛ-bʋʋrɛ za nɩbɛ tɩ nɛbɛ. Bɛ tɩ àr'ɩ a naalʋ-dà-kɔw nɩ a Pele niŋé, su kpar-wowr pɛlɛ ɛ́ tɛr kpãkparmɛ wuli a nuru pʋɔ.