Ʋrɔm 11:22 - A SƐB-SÕW

²² A na ɩ à ŋá a, jɩ́r nyɛ̃ a lɛ a Naaŋmɩn vɩɛlʋ na ɩ a, nɩ a Naaŋmɩn na bɛ tɛr dɩ̃ɛnʋ a: ʋ bɛ tɛr dɩ̃ɛnʋ a bɛlɩ dem na lo a zie ɩ, ɛ́ tɛr a ʋ vɩɛlʋ ɩb a fʋ zie. Ɛcɛ a fɛr'a fʋ cãà ɩrɛ ƴãwn a vɩɛlʋ ŋa ƴãw, alɛ bɛ ɩ lɛ, bɛ mɩ́ na cɛ b'a ŋmãa bɛr mɛ̃ wule a.

Ʋrɔm 11:22 ပူးပေါင်းရင်းမြစ်များ

Sɛb-sõw yielu 31:19

A zir-ŋmarbɛ bɛ ŋa, na mɩ́ ƴɛ̀rɛ nyɔka-ƴɛ̀rʋ nɩ pɔ̀l-ƴɛ̀rʋ a, na mɩ́ ɩrɛ a nɩ-mɩŋa laar a, pàw bɛ a nɛ́ɛ.

Ɩzayi 66:14

Nyɩ na nyɛ̃ na, a nyɩ socir na cɩlɛ na, a nyɩ kɔbɛ na lɛb'a kpɛmɛ mɛ̃ mʋ̃ɔ saa na wa ƴãw a.» A Sore na ɩ n a ʋ tõ-tõ-biir bãw a ʋ kpɛnʋ, ɛcɛ ʋ na wul'ɩ a ʋ suur a ʋ dɔ̃ dem.

Ezekɩɛl 18:24

Ɛcɛ a nɩ-mɩŋa wa bɛr a ʋ mɩnʋ, ɛ́ maalɛ a faar al za na bɛ maal'ɩ wob, a nɩ-faa na maalɛ a, ʋ na vʋʋrɛ na bɩɩ? Bɛ kʋ̃ cãà bãwnɩ a mɩnʋ al za ʋ na tɩ tu a ɩ. Ɛcɛ a pùor ʋ na lɛb a, nɩ a yel-bier ʋ na maalɩ a zũú, ʋ na kpi na.

Ezekɩɛl 3:20

Nɩ-mɩŋa wa bɛr a ʋ mɩnʋ ɛ́ maalɛ faa a, ɩ̃ na ɩ na ʋ lo: ʋʋ na kpi na —fʋ na bɛ yel kʋ̀ ʋ a n'a so ʋ na kpi a ʋ yel-bier ƴãw—. Bɛ kʋ̃ cãà tɛr a mɩnʋ pùor ʋ na tɩ tu a tɩɛrʋ ɛ. Ɛcɛ fʋ̃ʋ n'ʋ ɩ na sowri bom a ʋ kũu ƴãw.

Luka 8:15

A bʋ̃-bie al na lo a tẽsɔw-vla pʋɔ a n'ɩ a bɛlɩ dem na bɛrɛ wone a Naaŋmɩn ƴɛ̀rʋ, ɛ́ mɩ́ sàw de nɩ bɛ pʋɔ za a. Bɛ bɛ lɛbr pùor ɛ, alɛ so bɛ mɩ́ wɔ̃ wɔmɛ.»

Zã 15:2

Wule za, na be a ɩ̃ ƴãw, ɛ́ bɛ wɔnɛ a, ʋ mɩ́ cɛ ʋ na bɛr, ɛ́ wule za na wɔnɛ a, ʋ mɩ́ ɓɛlɓɛl'ɩ a wuli-ɓɛrmɛ bɛr k'ʋʋ tʋ̃ɔ́ wɔ̃ dɔwlɩ.

Zã 8:31

A lɛ n'a a Yeezu tɩ yel a Zifʋ mɩnɛ bɛl na sàw de ʋ a: «Nyɩmɛ wa de a ɩ̃ ƴɛ̀rʋ bɛ lɛbr pùor a, nyɩ sɩrɩ na ɩ a ɩ̃ po-tuurbɛ,

Nɩ-toni 11:23

A Banabasɩ na tɩ ta a Ãtɩɔsɩ nyɛ̃ a lɛ a Naaŋmɩn na maalɩ a nɩbɛ bɛ ŋa a, nʋ̃ɔ̀ kpɛ ʋ na. Lɛ n'a ʋ tɩ kpaalɛ bɛ, kɛ́ bɛ za ƴãw fãw tu a Sore pùor nɩ a bɛ pʋɔ za.

Nɩ-toni 14:22

Bɛ tɩ ɩ na a po-tuurbɛ kpɛ socie ɛ́ bɛr dɛ̃bɩ̃ɛ. Bɛ tɩ kanɛ nɩ bɛ na yere kɛ́ bɛ ƴãw fãw tɛr a naaŋmɩn-sàwfʋ kʋralɛ, bɛ mɩ̀ tɩ yere nɩ à ŋá kʋ̀rɛ bɛ: «A fɛr'a kɛ́ tɩ nyɛ̃ dɔwrʋ yaga a Naaŋmɩn Naalʋ pʋɔ kpɛb ƴãw.»

Ʋrɔm 11:21

Bʋ̃ʋ n'ʋ vɛ̃, a Naaŋmɩn bɛ wa jɩɩrɩ a tɩɛ wuli tɛɛ za bɛr a, a pɛr lɛ k'aa Zifʋ mɩnɛ a, ʋ mɩ̀ kʋ̃ jɩɩrɩ fʋ bɛr ɛ.

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

1 Korɛ̃tɩ 15:2

Ʋlɛ n'ʋ na faa nyɩ, nyɩmɛ wa tɛr ʋ vla mɛ̃ a lɛ ɩ̃ na wa wa man ʋ kʋ̀ nyɩ a. Alɛ bɛ wa ɩ lɛ a, nyɩ nãà wa sàw na de zawla.

Galasi 6:9

Nyɩ ɩ tɩ taa bàlɛ a vla maalʋ ƴãw ɛ, bʋ̃ʋ n'ʋ vɛ̃, tɩmɛ bɛ wa bàl tɩɛ bɛr a, ɛ́ a daar wa ta a, tɩ na cɛ na.

1 Tesalonikɩ 3:5

Al ƴãw n'a ɩ̃ tɩ vʋʋrɩ gu ɛ́ tõ kɛ́ bɛ wa nyɛ̃ a lɛ a nyɩ naaŋmɩn-sàw-deb na ɩ a, k'aa Bɛlbɛlɛ taa wa mab bɛlɩ nyɔw nyɩ, ɛ́ tɩ hanɩ zawlalɛ ɩ.

1 Tesalonikɩ 3:8

Ɛ́ ƴɛrɛŋa a, tɩ lɛb'a vʋʋrɛ, nyɩ na ƴãw fãw lãw nɩ a Sore a ƴãw.

Ebre 10:23

Tɩ na yere kɛ́ tɩ ƴãw nɩ a tɩ tɩɛrʋ a Naaŋmɩn ƴãw a, tɩ tɛr ʋ kpɛ̃w za, bʋ̃ʋ n'ʋ vɛ̃, a Naaŋmɩn na ƴãw a nʋɔr a ŋmɛ̃ n ʋ ŋmɛ̃a.

Ebre 3:14

Bʋ̃ʋ n'ʋ vɛ̃, tɩ lɩɛb'ɩ a Kɩrɩta taabɛ, tɩmɛ wa tɛr a tɩ tɩɛrʋ kpɛ̃w za tɩ ta n a baarʋ daar a.

Ebre 3:6

Ɛcɛ a Kɩrɩta ʋl a, Naaŋmɩn de nɩ a ʋ yele mɛ̃ Bie na ɩ a Naaŋmɩn yir sob a. Ɛ́ tɩmɛ n'ɩ a yir dem, tɩmɛ wa ɓãá ƴãw bɛr tɩɛrʋ, ɛ́ a tɩ nyʋ̀ʋ́r ɩ a tɩɛrʋ tɩ na ƴãw a Naaŋmɩn ƴãw a.

1 Zã 2:19

A nɩbɛ bɛ ŋa yi n a tɩ zie, ɛcɛ bɛ bɛ tɩ ɩ a tɩ nɩbɛ ɩ. Bɛlɛ tɩ sɩrɩ ɩ a tɩ nɩbɛ a, bɛ nãá tɩ cãà na be a tɩ zie. Ɛcɛ bɛ yi na zaa a tɩ pʋɔ, k'aa ɩ cãà kɛ́ bɛ been kãw za bɛ tɩ ɩ a tɩ nɩr ɛ.

Yel-wula 2:5

A na ɩ lɛ a, lɛb tɩɛrɩ a be za fʋ na yi kɛ́ wa lo a! Lɩɛbɩ a fʋ ɩb ɛ́ lɛb de a fʋ dãwdãw ɩ-ɩrɩ. Fʋ̃ʋ bɛ wa lɩɛbɩ a fʋ ɩb a, ɩ̃ waar'ɩ a fʋ zie, ɩ̃ɩ na wa ír'ɩ a fʋ fɩ̃tɩlɛ a ʋ beba zie bɛr.