Ʋrɔm 11:2 - A SƐB-SÕW

² Naaŋmɩn bɛ jɛ a ʋ nɩbɛ ʋ na tɩ dãw kaa ír a bɛr ɛ. Mɛ̃ nyɩ taa bãw a lɛ a Sɛb-sõw na yel a ʋ zie kãw, a lɛ a naaŋmɩn-ƴɛ̀r-manɛ Eli na tɩ manɛ a Ɩsɩrayɛl nɩbɛ sãwna a Naaŋmɩn zie a?

Ʋrɔm 11:2 ပူးပေါင်းရင်းမြစ်များ

Yele-za-pɛr-tib 44:15

A Zuzɛb tɩ yel bɛ na: «Bʋ̃ʋ n'ʋ nyɩ ɩ à à ŋá? Nyɩ bɛ bãw k'aa mãa ŋa tɔ mɩ́ tʋ̃ɔ́ na bãw bom za ɩ?»

Neemi 9:30

Fʋ nyɔw nɩ fʋ tʋɔra a bɛ ƴãw, yome yaga ƴãw. A fʋ ƴɛ̀r-manbɛ na tɩ tɛr a fʋ vʋʋrʋ a, tɩ zɛlɛ bɛ nɩ a fʋ yúor ƴãw, ɛcɛ bɛ bɛ bɛr wõ ɩ. Lɛ n'a fʋ tɩ bɛr bɛ kʋ̀ nɩ-bʋʋr-yoru bɛ so bɛ.

Sɛb-sõw yielu 94:14

Bʋ̃ʋ n'ʋ vɛ̃, a Sore bɛ bɛrɛ a ʋ nɩ-bʋʋrɛ ɩ, ʋ bɛ zawrɛ a nɩbɛ ʋ na so a bɛrɛ ɩ.

Eziptɩ tẽw yib 32:1

A nɩbɛ na tɩ nyɛ̃ a Moyiir ʋ cɛlɛ a tãw lɛb-siwfʋ a, bɛ ɓã n taa a Aarɔ̃ zie yel ʋ: «Ìr! Maalɩ ŋmɩn na na de tɩ niwn a kʋ̀ tɩ. Bʋ̃ʋ n'ʋ vɛ̃, tɩ bɛ bãw ʋlɩ bom nɛ na ɩ a Moyiir a ɩ, a nɩr ŋa na ɩ tɩ yi a Eziptɩ tẽw a.»

Zeremi 31:37

À ŋá n'a a Sore yere: «Nɩr wa tʋ̃ɔ́ manɩ a salom kɛrʋ, ʋlɛ wa tʋ̃ɔ́ manɩ a tẽsɔw zulu a, a lɛ pʋɔ a, ɩ̃ na zawr'ɩ a Ɩsɩrayɛl bʋʋrɛ bɛr, a faa bɛ na maalɩ a zũú!» À à ŋá n'a a Sore yel.

Sɔr-nɛ́ɛ 16:15

A Moyiir tɩ nyɛ̃ nɩ suur mab, ɛ́ yel a Sore à ŋá: «Taa ŋmɛlɛ kaar a bɛ de-kʋ̀b bom ɛ! Ɩ̃ bɛ dãw de bɛ bom ɛ, bõw mɩ̀ saa n'ʋ a. Ɩ̃ bɛ dãw sãw a bɛ kãw za ɩ.»

Markɩ 12:26

Ɛ́ a kũuni na lɛb yire a ƴãw a, nyɩ bɛ dãw kanɩ a Moyiir sɛbɛ pʋɔ a tuw na nyɔw vũu dɩrɛ a yele ɩ? Bɛ sɛb'ɩ a be kɛ́ a Naaŋmɩn yel'ɩ a Moyiir: “Ɩ̃ ɩ n a Abraham Naaŋmɩn, a Ɩzaakɩ Naaŋmɩn nɩ a Zakɔb Naaŋmɩn.”

Luka 4:1

A Yeezu tɩ yi n a Zurdɛ̃ manɩ́ lɛb wa, ɛ́ a Vʋʋrʋ Sõw tɩ paalɩ ʋ. A Vʋʋrʋ sõw tɩ tɛr ʋ na kpɛ n a wɛja-kpalɛ pʋɔ,

Zã 4:11

A pɔw lɛb yel a Yeezu: «Sore e, fʋ bɛ tɛr bʋ̃-'wɔ̃wna ɩ, ɛ́ a bule zulme, nyɩnɛ n'a fʋ na páw a kʋ̃ɔ na bùle yire a?

Nɩ-toni 13:48

A nɩ-bʋʋr-yoru nɩbɛ na tɩ wõ a ƴɛ̀r-bie á ŋá a, nʋ̃ɔ̀ tɩ ɩrɛ bɛ na, bɛ danɛ a Sore ƴɛ̀rʋ. Ɛ́ a bɛlɩ dem za, a Naaŋmɩn na tɩ bãwnɩ a nyɔ-vʋʋrʋ na be kʋralɛ a, tɩ sàw na de a Naaŋmɩn.

Nɩ-toni 15:18

ʋl na ɩ bɛ bãw a ʋ pʋ-tɩɛrʋ yele a koro za a.”

Nɩ-toni 3:17

«Ɛcɛ, ɩ̃ bãwnɩ a na, yɛbr i, zɔnʋ n'a nyɩɩm nɩ a nyɩ nɩ-bɛrɛ tõ.

Nɩ-toni 7:40

Lɛ n'a bɛ tɩ yel a Aarɔ̃: “Maalɩ ŋmɩmɛ kʋ̀ tɩ, a de tɩ niwn. A Moyiir ŋa na tɛr tɩ yi n a Eziptɩ a, tɩ bɛ bãw ʋlɩ bom nɛ na ɩ ʋ a ɩ.”

Ʋrɔm 6:16

Nyɩ bɛ bãwnɩ a kɛ́ nyɩmɛ wa de nyɩ tʋɔra kʋ̀ nɩr, kɛ́ nyɩ ɩ gbãgbaar sàwr a ʋ nʋɔr a, nyɩ lɩɛb'ɩ a sob nɛ nʋɔr nyɩ na sàwr a gbãgbaar ɛ? A yel-bier wa n'ʋ a, nyɩ bɛ bãwnɩ a k'ʋʋ wɩɛr'ɩ nyɩ nɩ kũu pʋɔ ɩ? A nʋɔr-sàwfʋ wa n'ʋ a, k'ʋʋ wɩɛr'ɩ nyɩ nɩ a mɩnʋ pʋɔ ɩ?

Ʋrɔm 9:23

Ʋʋ mɩ̀ tɩ bɔbr'a wul a lɛ a ʋ yúor-vɩɛlʋ-danʋ na ɩ kpɛ̃ɛ sɛw a bɛl na cɛ a zie a, a bɛl a na tɩ sɛw k'ʋʋ zɔ bɛ nɩbaalʋ a, a bɛl ʋ na dãw de niwn cɔbrɩ kɛ́ bɛ wa pʋɔ a ʋ yúor-vɩɛlʋ-danʋ pʋɔ a.

Ʋrɔm 9:6

Ɛcɛ, a bɛ wul k'aa lɛ a Naaŋmɩn na yel a bɛ cãà pʋɔ ɩ. Bʋ̃ʋ n'ʋ vɛ̃, a Ɩsɩrayɛl bʋʋrɛ za bɛ nɛbɛ ɩ a Ɩsɩrayɛl nɩbɛ yel-mɩŋa ɩ.

1 Korɛ̃tɩ 6:2

Nyɩ nɔ̃w bɛ bãw k'aa lãw nɩbɛ nɛbɛ na maal'ɩ a tẽ-daa a ƴɛ̀rʋ bɩɩ? Ɛ́ nyɩmɛ wa nɛbɛ na maal'ɩ a tẽ-daa a ƴɛ̀rʋ a, nyɩ ɩ n ŋmɩn bɛ sɛw taa nɩ na maalɩ a ƴɛ̀rʋ a yel-pʋrmɛ á ŋá ƴãw?

1 Korɛ̃tɩ 8:3

Ɛcɛ nɩr wa nɔnɛ Naaŋmɩn a, a Naaŋmɩn mɩ́ bãw ʋ na.

Filib 1:22

Ɛcɛ, mãa na na cãà tɛr yel-ɩra kãw a ɩ̃ cãafʋ pʋɔ a, a ka n'a ɩ̃ pãa bɛ bãw bʋ̃ʋ n'ʋ ɩ̃ na kaa ír ɛ.

Ebre 1:1

A dãwdãw a, Naaŋmɩn tɩ ƴãw na a ʋ ƴɛ̀r-manbɛ ƴɛ̀r ƴɛ̀r-pɛ-bʋʋrɛ za, gb'aa ŋmɩn za a tɩ sãàkʋm-kore zie.

1 Pɩɛr 1:2

A Naaŋmɩn Sãà n'ʋ kaa ír nyɩ a tu a lɛ ʋ na tɩ dãw tɩɛrɩ a yele bin a koro za a. Ʋlɛ n'ʋ ƴãw a Vʋʋrʋ Sõw maalɩ nyɩ nyɩ ɩ son kɛ́ nyɩ wa sàwr a Yeezu Kɩrɩta nʋɔr ɛ́ páw a vɩɛlʋ a ʋ zɩ̃ɩ ƴãw. A Naaŋmɩn, ʋ kʋ̀ nyɩ a maalʋ nɩ a ƴã-ɓaarʋ yaga za.