Ʋrɔm 11:14 - A SƐB-SÕW

¹⁴ tɩɛrɛ nɩ k'ɩ̃ɩ ɩ a ɩ̃ bʋʋrɛ nyuur ìr, ɩ̃ tʋ̃ɔ́ faa bɛ mɩnɛ.

Ʋrɔm 11:14 ပူးပေါင်းရင်းမြစ်များ

Yele-za-pɛr-tib 29:14

A Labã tɩ yel ʋ na: «Ɩ̃ yir nɩr sɩrɩ nɛ b, zɩ̃ɩ-been n'ɩ tɩ.» A Zakɔb tɩ kpɛ n cuw-ɓil a Labã zie.

2 Samɩɛl 19:12

A Daviir mɩ̀ tɩ tõ n nɩbɛ bɛ tɩ yel a bàwr-maalbɛ Sadɔkɩ nɩ Abɩataar: «Nyɩ ƴɛ̀r a Zuda nɩ-kore zie sowri bɛ à ŋá: “A nãà bãw nɩ a lɛ a Ɩsɩrayɛl nɩbɛ na tɩɛrɛ a, bʋ̃ʋ n'ʋ so nyɩ na be a pùor a nãà lɛb-tɛr-waa ƴãw a ʋ yir?

Ʋrɔm 10:19

Lɛ n'a ɩ̃ pãa sowre a: a Ɩsɩrayɛl nɩbɛ bɛ bãw a pɛr bɩɩ? Bʋnʋ ɩ, Moyiir de nɩ niwn yel à ŋá: «A Naaŋmɩn yere na: Ɩ̃ na ɩ na nyɩ nyuur'ɩ nɩbɛ na bɛ ɩ nɩ-bʋʋrɛ mɩ̀ a, ɩ̃ na ɩ na a nyɩ suur ír nɩ-bʋʋrɛ na bɛ tɛr yã a ƴãw.»

Ʋrɔm 11:11

A na ɩ à ŋá a, sowru n'a ɩ̃ sowre: lo ɛ́ ta lɛb ìr ƴãw n'a a Zifʋ mɩnɛ ŋmɛ a gbɛ́r bɩɩ? Lɛ bɛ n'a towtow ɛ! Ɛcɛ a bɛ sãwna ɩ na a nɩ-bʋʋr-yoru nyɛ̃ a faafʋ, kɛ́ nyuur tʋ̃ɔ́ ɩrɛ a Zifʋ mɩnɛ.

Ʋrɔm 9:3

Yel-mɩŋa, a ɩ na mɛ̃ ɩ̃ nãá ɩ nɩr bɛ na ŋmɛ ƴãw a, ɛ́ mãa nɩ a Kɩrɩta bʋ́r taa ɩ̃ lɩɛrɩ a ɩ̃ yɛbr a, a bɛl na ɩ a ɩ̃ bʋʋrɛ a.

1 Korɛ̃tɩ 1:21

Bʋ̃ʋ n'ʋ vɛ̃, a tẽ-daa nɩbɛ nɩ a bɛ yã-bãwfʋ za na faa bɛ tʋ̃ɔ́ bãw a Naaŋmɩn a ʋ yã-bãwfʋ ɩb pʋɔ a, alɛ so a Naaŋmɩn yel k'ʋʋ na faa nɩ a bɛlɩ dem na sàw de ʋ a, nɩ a da-gara zu kũu hieru na sãá mɛ̃ gẽgẽ-ɩb a a.

1 Korɛ̃tɩ 10:33

Mɛ̃ a lɛ a mãa tɔr za na ƴãw fãw ɩrɛ a yele za pʋɔ kɛ́ a nʋmɛ a nɩbɛ za zie, mãa na bɛ bɔbr ɩ̃ tɔnɛ, ɛ́ bɔbr a nɩbɛ yaga zie tɔnɛ, kɛ́ bɛ tʋ̃ɔ́ nyɛ̃ a faafʋ a.

1 Korɛ̃tɩ 7:16

Yel-mɩŋa n'a, ŋmɩŋmɩn za n'a a fʋ̃ʋ pɔw na bãw kɛ́ fʋ na faa nɩ a fʋ sɩr? Bɩɩ a fʋ̃ʋ sɩr kɛ́ fʋ na faa nɩ a fʋ pɔw?

1 Timote 1:15

A ƴɛ̀rʋ na bɛ tɛr bʋnʋ towtow, ɛ́ sɛw kɛ́ nɩbɛ za sàw de daadaa a n'ɩ ŋa: a Kɩrɩta Yeezu wa n a tẽ-daa zu k'ʋʋ wa faa a yel-bebe dem, ɛ́ mãa n'ʋ kpɛ faa zuo bɛ za.

1 Timote 2:4

ʋl na bɔbr kɛ́ a nɩsaalbɛ za tʋ̃ɔ́ nyɛ̃ a faafʋ, ɛ́ páw a yel-mɩŋa bãw a.

1 Timote 4:16

Gù fʋ tʋɔra vla ɛ́ mɩ̀ gù a fʋ wulu vla. Su zu a al ƴãw. Fʋ̃ʋ wa sɩrɩ ɩrɛ à à ŋá a, fʋ na faa nɩ fʋ mɩŋa lãwnɩ a bɛlɩ dem na bɛrɛ wone a fʋ wulu a.

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

2 Timote 2:10

Alɛ n'a so ɩ̃ sàw de a tuo za, a bɛlɩ dem a Naaŋmɩn na kaa ír a ƴãw, kɛ́ a bɛl mɩ̀, bɛ tʋ̃ɔ́ páw a faafʋ a Kɩrɩta Yeezu ƴãw, lãwnɩ a yúor-vɩɛlʋ-danʋ na be kʋralɛ a.

Títɩ̀ 3:5

ʋ faa tɩ na, ɛ́ a bɛ ɩ yel-mɩŋa tɩ na tɛr a tɩ ɩ-ɩrɩ pʋɔ a n'a so ɩ, a ʋ su-ɓaarʋ zũú n'a ʋ so tɩ a suob kʋ̃ɔ tɩ lɛb dɔw, ʋʋ kʋ̀ tɩ a Vʋʋrʋ Sõw tɩ lɩɛbɩ nɩ-paalɛ.

Filemɔ̃ 1:12

Ɩ̃ bɛrɛ ʋ na ʋʋ lɛb wa a fʋ zie, ʋl na ɩ mɛ̃ a mãa mɩŋa a.

Ebre 1:14

A malkɩ mɩnɛ za bɛ ɩ bʋ̃-vʋbɛ na tɛr tõ-nɛ́ɛ, Naaŋmɩn mɩ́ tõ kɛ́ bɛ tɩ sõw a bɛlɩ dem na na nyɛ̃ a faafʋ a ɩ?

Ebre 2:3

Ɛ́ ŋmɩŋmɩn n'a a tɩɩm na ɩ cɩ̃ɛ, tɩmɛ bɛ wa cɛlɛ a faafʋ kpɛ̃ɛ ŋa tɔ zie a? A Sore mɩŋa n'ʋ de niwn ƴɛ̀r a faafʋ ŋa ƴɛ̀rʋ. Al pùorí, a bɛlɩ dem na wõ a Sore ƴɛ̀rʋ a mɩ̀ yel kʋ̀ tɩ kɛ́ sɩza n'a.

Zakɩ 5:20

nyɩ bãwnɩ a, nɩr na tɛr yel-bier-maalɛ a ʋ bɔrʋ sɔ́r zu lɛb wa n a na faa ʋ nɩ a kũu pʋɔ ɛ́ páw yel-bebe yaga suur-dɩ-kʋ̀b.