Ʋrɔm 10:3 - A SƐB-SÕW

³ Bʋ̃ʋ n'ʋ vɛ̃, bɛ bɛ tɩ bãw a lɛ a Naaŋmɩn na mɩ́ ɩ a nɩsaalbɛ bɛ lɩɛbɩ nɩ-mɩn a ʋ niŋé a ɩ, ɛ́ tɩ bɔbr kɛ́ bɛ tɛr bɛ tʋɔra tub a al ƴãw. À ŋá n'a bɛ bɛ tɩ sàw de a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a ɩ.

Ʋrɔm 10:3 ပူးပေါင်းရင်းမြစ်များ

Neemi 9:33

Fʋ tu n mɩnʋ nɩ yel-mɩŋa, a yele za na ta tɩ a pʋɔ, ɛ́ tɩɩm maalɩ faa.

A Zɔb sɛbɛ 33:27

Ʋ mɩ́ yiele nɩ a nɩbɛ niŋé yere nɩ: «Ɩ̃ tɩ maal'ɩ yel-bier, a ɩ̃ ɩb bɛ tɩ tu sɔ́r ɛ, ɛcɛ a Naaŋmɩn bɛ dɔwrɩ mɛ̃ mɛ̃ a lɛ a na tɩ sɛw taa nɩ a ɩ.

Sɛb-sõw yielu 71:19

Naaŋmɩn i, a fʋ mɩnʋ do n saa, ɛ́ fʋ maalɩ yel-bɛrɛ bɛrɛ! Naaŋmɩn i, ãa n'ʋ ŋmɛ̃ mɛ̃ a fʋ̃ʋ a?

Ɩzayi 51:1

A Sore yere na: «Nyɩ bɛrɛ wone a ɩ̃ ƴɛ̀rʋ, nyɩɩm na bɔbr a faafʋ a, nyɩɩm na bɔbr kɛ́ nyɩ bãw mɛ̃ a. Nyɩ bɛl nyɛ̃ a pìir ʋl pʋɔ bɛ na cɩ̀ nyɩ ír a, a kʋsɛ-bɔw ʋl pʋɔ bɛ na tuw nyɩ ír a.

Ɩzayi 51:6

Nyɩ úori a salom nyɛlɛ, al pùorí nyɩ jɩ́r a tẽw a pile ka: a salom na bɔr a mɛ̃ zʋ̀ʋ́r a, a tẽw na zaw na mɛ̃ kparʋ a, ɛ́ a ʋ nɩbɛ kpiir mɛ̃ nazʋʋr a. Ɛcɛ a ɩ̃ faafʋ na be n be kʋralɛ, ɛ́ a mɩnʋ ɩ̃ na waar'ɩ a kʋ̃ tɛr baarʋ daar ɛ.

Ɩzayi 51:8

Bʋ̃ʋ n'ʋ vɛ̃, a zãzule na dɩ bɛ na mɛ̃ mɔwr na mɔw kparʋ a, ɛ́ a gùme dɩ bɛ mɛ̃ píir kɔblʋ pɛn a. Ɛcɛ a mɩnʋ ɩ̃ na waar'ɩ a kʋ̃ tɛr baarʋ ɛ, ɛ́ a ɩ̃ faafʋ be be yome yome za.»

Ɩzayi 56:1

À ŋá n'a a Sore yere: «Nyɩ ɩrɛ a lɛ-na-tu-sɔr-a, nyɩ tuur a mɩnʋ pùor. Bʋ̃ʋ n'ʋ vɛ̃, a faafʋ ɩ̃ na waar'ɩ a kʋ̃ yaa kɛ́ ta ɩ, ɛ́ nyɩ na nyɛ̃ na k'ɩ̃ɩ bɔbr'ɩ a nyɩ faafʋ.

Ɩzayi 57:12

Ɩ̃ na yel'ɩ cãamɩ́ lɛ a lɛ fʋ na ŋmɛ̃ a, nɩ a fʋ ɩ-ɩrɩ. Fʋ bɛ nyɛrɛ tɔnɛ kãw za a pʋɔ ɛ.

Ɩzayi 64:6

Nɩr bɛ cãà bʋɔlɛ a fʋ yúor ɛ, nɩr bɛ cãà ganɛ ìre sowre a fʋ yele ɩ. Bʋ̃ʋ n'ʋ vɛ̃, fʋ bɛ cãà bɔbr a tɩ nyɛ́b ɛ, ɛ́ bɛr tɩ kʋ̀ a tɩ ɩ-faar a so tɩ.

A Lãw-mʋɔlɛ 3:22

A Sore vɩɛlʋ-ɩb bɛ baar ɛ, ʋ bɛ wul a ʋ nɔ̃wfʋ baarɩ ɛ.

Levitɩ mɩnɛ 26:41

Bɛ na bãwnɩ a pɛr, ɩ̃ na zawrɩ na tu bɛ, ɛ́ tɛr bɛ a bɛ tẽw yi cen nɩ a bɛ dɔ̃ dem tẽw pʋɔ a. Bɛ na siwr'ɩ bɛ tʋɔra, bɛ na bɛ tu a ɩ̃ pùor a ƴãw, ɛ́ bɛ na sàw nɩ a bɛ sãwna dɔwrʋ.

Luka 10:29

Ɛcɛ a Naaŋmɩn wulu bãw-bãw-kara nɛ na tɩ bɔbr k'ʋʋ wul a ʋ yel-mɩŋa a, ʋ tɩ lɛb'a sowri a Yeezu: «Ãa n'ɩ a ɩ̃ tɔ sob?»

Luka 16:15

A Yeezu tɩ yel bɛ na: «A nyɩɩm a, nyɩ mɩ́ ɩrɛ nɩ a nɩsaalbɛ niŋé mɛ̃ nɩ-mɩn n'ɩ nyɩ a, ɛcɛ Naaŋmɩn bãw nɩ a nyɩ pʋɔ ŋmɛ̃a: bʋ̃ʋ n'ʋ vɛ̃, Naaŋmɩn bɛ nɔnɛ a ʋlɩ bom nɛ a nɩsaal na mɩ́ nyɛ̃ ʋ ɩ kpɛ̃ɛ a ɩ.»

Ʋrɔm 1:17

A Yel-nʋ̃ɔ̀ mɩ́ sɩrɩ na wule a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a: a sàw-deb yõ zũú n'a, a tib daar tɩ ta n a baarʋ daar, mɛ̃ a lɛ a Sɛb-sõw na yel a: «Sob nɛ na ɩ nɩ-mɩŋa a sàw-deb zũú a na vʋʋrɛ na.»

Ʋrɔm 10:2

Sɩza n'a, ɩ̃ na tʋ̃ɔ́ na dɩ a bɛ dãsɩɛ bɛ na tʋlɛ a Naaŋmɩn yele pùor-tub ƴãw a, ɛcɛ a tʋlʋ ŋa bɛ na tʋlɛ a bɛ tu Naaŋmɩn bãwfʋ sɩza ɩ.

Ʋrɔm 10:20

Ɩzayi ʋl sʋ̃ɔm'a sàw yel: «A Naaŋmɩn yere na: A bɛlɩ dem na bɛ tɩ bɔbr mɛ̃ a, bɛ nyɛ̃ m'a, a bɛlɩ dem na bɛ tɩ sowre mɛ̃ a, ɩ̃ ɩ na bɛ nyɛ̃ m.»

Ʋrɔm 11:7

Ŋmɩŋmɩn za n'a? A Ɩsɩrayɛl nɩbɛ bɛ páw a ʋlɩ bom nɛ bɛ na tɩ bɔbr a ɩ. Ɛcɛ a bɛlɩ dem a Naaŋmɩn na kaa ír a, bɛl páw ʋ na. A ŋmaarɛ bɛl a, bɛ kpawl'ɩ bɛ za,

Ʋrɔm 3:22

Naaŋmɩn mɩ́ ɩ na a nɩsaalbɛ ɩ nɩ-mɩn a ʋ niŋé, a Yeezu Kɩrɩta bɛ na mɩ́ sàw de a zũú. A bɛlɩ dem za na sàw de a Kɩrɩta a ƴãw n'a ʋ mɩ́ ɩ a lɛ, bʋ̃ʋ n'ʋ vɛ̃, ʋ bɛ owre ɩ:

Ʋrɔm 5:19

Mɛ̃ a lɛ nɩ-yaga yaga na lɩɛbɩ yel-bebe dem nɩ-been yõ na zawrɩ a nʋɔr a ƴãw a, lɛ mɩ̀ n'a nɩ-yaga yaga na lɩɛbɩ nɩ-mɩn nɩ-been yõ na sàw a nʋɔr a ƴãw.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Wulu-ayi-sob 6:25

Tɩmɛ wa maal tɛr ɛ́ tuur a nɛ-ƴãwnɩ á ŋá za a Sore niŋé mɛ̃ a lɛ ʋ na yel kʋ̀ tɩ a, tɩ na ɩ n nɩ-mɩn.»

Filib 3:9

A ʋl ɩ̃ na lãw nɩ a ƴãw n'a a Naaŋmɩn na nyɛ̃ m ɩ̃ ɩ nɩ-mɩŋa. A mɩnʋ ŋa bɛ yi mãa zie ɩ, ʋ bɛ yi Naaŋmɩn wulu sàwfʋ pʋɔ ɩ, ʋ yi n a Kɩrɩta ɩ̃ na sàw de a zie. Mɩnʋ na yi Naaŋmɩn zie a n'ʋ, ɛ́ a ʋ pɛr sʋ̃ɔ́ a naaŋmɩn-sàwfʋ pʋɔ.

2 Pɩɛr 1:1

A mãa Sɩmʋ̃ Pɩɛr na ɩ a Yeezu Kɩrɩta tõ-tone nɩ a ʋ nɩ-tona a, mãa n'ʋ sɛbr a bɛlɩ dem na páw a naaŋmɩn-sàwfʋ ʋ vɩɛl man a tɩ dem a. A tɩ Naaŋmɩn nɩ a tɩ Faarɛ Yeezu Kɩrɩta mɩnʋ zũú n'a bɛ páw a naaŋmɩn-sàwfʋ ŋa.