Ʋrɔm 10:17 - A SƐB-SÕW

¹⁷ A na ɩ à ŋá a, a sàw-deb mɩ́ yi n a yel fʋ na wõ a zie, ɛ́ a yel fʋ na wõ a ɩ a Kɩrɩta ƴɛ̀rʋ.

Ʋrɔm 10:17 ပူးပေါင်းရင်းမြစ်များ

A Zɔb sɛbɛ 42:5

A fʋ ƴɛ̀rʋ bɛ na tɩ ƴɛ̀r ɩ̃ wõ a, al tɛwr ƴãw n'a ɩ̃ tɩ bãw fʋ, ƴɛrɛŋa a, ɩ̃ nyɛ̃ fʋ na nɩ mimir.

Markɩ 4:24

Ʋ tɩ cãà na yere kʋ̀rɛ bɛ: «Nyɩ maal ɩrɛ a yele nyɩ na mɩ́ wone a ƴãw: a bʋ̃-mána ʋl nyɩ na tɛr manɛ nɩ a, ʋlɛ n'ʋ bɛ mɩ́ na manɩ nɩ kʋ̀ nyɩ, ɛ́ cãà kʋ̀ nyɩ dɔwlɩ.

Luka 11:28

Ɛcɛ a Yeezu ʋl tɩ sɔw ʋ na: «Zu-nʋ̃ɔ̀ dem nɩ̃ɛ n'ɩ a bɛlɩ dem na mɩ́ wõ a Naaŋmɩn ƴɛ̀rʋ, ɛ́ de tɛr a!»

Luka 8:11

«Nyɩ nyɛ̃ a zʋkpar ŋa pɛr: a Naaŋmɩn ƴɛ̀rʋ n'ɩ a bʋ̃-bʋʋrɛ.

Luka 8:21

Ʋ tɩ sɔw na yel bɛ: «A bɛlɩ dem na bɛrɛ wone ɛ́ tuur a Naaŋmɩn ƴɛ̀rʋ a, bɛlɛ nɛbɛ ɩ a ɩ̃ mã nɩ a ɩ̃ yɛbr.»

Zã 1:37

A ʋ po-tuurbɛ ayi bɛl na tɩ wõ a lɛ ʋ na yel a, bɛ tu n a Yeezu.

Ʋrɔm 1:16

Ɩ̃ bɛ zɔrɛ vĩ a Yel-nʋ̃ɔ̀ hieru ƴãw ɛ: bʋ̃ʋ n'ʋ vɛ̃, ʋ ɩ n Naaŋmɩn kpɛnʋ na faarɛ nɩr za na sàw de a, a Zifʋ mɩnɛ n'ɩ a dãw-niwn dem, al pùorí a bɛl na bɛ ɩ Zifʋ mɩnɛ a.

Ʋrɔm 10:14

Ɛcɛ ŋmɩŋmɩn n'a bɛ na bʋɔlɩ ʋ, ɛ́ bɛ sàw de ʋ? Ɛ́ ŋmɩŋmɩn n'a bɛ na sàw de ʋ, ɛ́ bɛ wõ a ʋ yele? Ɛ́ ŋmɩŋmɩn n'a bɛ na ɩ wõ a ʋ yele, nɩr bɛ wa be be hiere a ʋ yele a?

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

Galasi 3:2

Nyɩ caalɩ mɛ̃ niwn a yel ŋa tɛwr ƴãw: a Naaŋmɩn wulu sàwfʋ zũú n'a nyɩ páw a Vʋʋrʋ Sõw bɩɩ nyɩ na bɛr wõ ɛ́ sàw de a Yel-nʋ̃ɔ̀ a ƴãw n'a?

Galasi 3:5

A Naaŋmɩn na kʋ̀rɛ nyɩ a ʋ Vʋʋrʋ ɛ́ maalɛ a nɔ-ɓãa-yele a nyɩ sɔgɔ a, a Wulu sàwfʋ zũú n'a bɩɩ nyɩ na bɛr wõ ɛ́ sàw de a Yel-nʋ̃ɔ̀ a n'a so?

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

1 Tesalonikɩ 2:13

Lɛ so tɩ mɩ́ puore a Naaŋmɩn yãanɩ kʋralɛ. Nyɩ na tɩ wõ a Naaŋmɩn ƴɛ̀rʋ a tɩ nʋɔrɩ́ ɛ́ sàw de a, nyɩ bɛ sàw de ʋ mɛ̃ nɩsaalbɛ ƴɛ̀rʋ a ɩ, nyɩ sàw na de ʋ mɛ̃ a lɛ tɔr za ʋ na ɩ a, Naaŋmɩn ƴɛ̀rʋ na tone a nyɩɩm na sàw de a zie a.

Ebre 4:2

Bʋ̃ʋ n'ʋ vɛ̃, a Yel-nʋ̃ɔ̀ ƴɛ̀rʋ ta tɩ na, mɛ̃ a lɛn tɔr za ʋ na tɩ ta a nɩbɛ bɛl na tɩ be a wɛja-kpalɛ pʋɔ a. Ɛcɛ a ƴɛ̀rʋ bɛ na tɩ wõ a bɛ tɩ maalɩ bɛ towtow za ɩ, bɛ na tɩ wõ ɛ́ bɛ sàw de a ƴãw.

1 Pɩɛr 1:23

Nɩsaal na na wɛ a, ʋlɛ bɛ n'ʋ ɩ nyɩ lɛb dɔw ɛ, a Naaŋmɩn ƴɛ̀rʋ na vʋʋrɛ ɛ́ be kʋralɛ a, ʋlɛ n'ʋ ɩ nyɩ lɛb dɔw.

Yel-wula 1:9

Mãa n'ɩ a nyɩ yɛb Zã. Ɩ̃ na lãw nɩ a Yeezu mɛ̃ a nyɩɩm a, ɩ̃ ɩ n a nyɩ tɔ sob a kpɩɛrʋ pʋɔ, a naalʋ-dɩb pʋɔ nɩ a kanyir dɩb pʋɔ. Bɛ diw mɛ̃ na ɩ̃ tɩ be a kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ Patɩmɔsɩ a, a Naaŋmɩn ƴɛ̀rʋ ɩ̃ na tɩ hieri a ƴãw, nɩ a yel-mɩŋa a Yeezu na wul ɩ̃ sàw de a ƴãw.