Ʋrɔm 10:12 - A SƐB-SÕW

¹² A na ɩ à ŋá a, owru bɛ ka a Naaŋmɩn zie a Zifʋ mɩnɛ nɩ a bɛl na bɛ ɩ Zifʋ mɩnɛ a ƴãw ɛ: bɛ za lãw nɩ a Sore been, na mɩ́ kʋ̀ a ʋ na-bome a bɛlɩ dem za na bʋɔlɛ ʋ a.

Ʋrɔm 10:12 ပူးပေါင်းရင်းမြစ်များ

Sɛb-sõw yielu 145:18

A Sore pɩɛl'ɩ a bɛlɩ dem za na bʋɔlɛ ʋ a, a bɛlɩ dem za na bʋɔlɛ ʋ yel-mɩŋa za a.

Sɛb-sõw yielu 86:5

Fʋ̃ʋ a, Sore e, fʋ ɩ n nɩ-vla, ɛ́ dɩrɛ suur, a fʋ nɔ̃wfʋ bɛ dɩ vuo a bɛlɩ dem na bʋɔlɛ fʋ a ƴãw ɛ.

Ɩzayi 55:6

Nyɩ bɔbr a Sore a ƴɛrɛŋa ʋ na mɩ́ bɛr bɛ nyɛ̃ ʋ a. Nyɩ bʋɔlɛ ʋ a ƴɛrɛŋa ʋ na pɩɛlɩ nyɩ a.

Nɩ-toni 7:59

Bɛ na tɩ lɔbr'ɩ ʋ a kʋsɛbɛ a, a Ɩtɩɛn tɩ puore nɩ à ŋá: «Sore Yeezu u, de a ɩ̃ vʋʋrʋ!»

Nɩ-toni 9:14

A bàwr-maal-nɩ-bɛrɛ kʋ̀ ʋ nɩ sɔ́r ʋ wa a ka, k'ʋʋ wa nyɔw a bɛlɩ dem za na bʋɔlɛ a fʋ yúor a ƴãw bamɛ.»

Ʋrɔm 14:9

Bʋ̃ʋ n'ʋ vɛ̃, a Kɩrɩta kpi na ɛ́ lɛb vʋʋrɛ, k'ʋʋ ɩ a nɩ-kũuni nɩ a nɩ-vʋʋrɩ za Sore.

Ʋrɔm 15:12

Ɩzayi mɩ̀ cãà na yere: «A Zese bʋʋrɛ nɩr na wa na, ʋ na ìr'a dɩrɛ naalʋ a nɩ-bʋʋr-yoru zu, ɛ́ bɛ na ƴãw nɩ a bɛ tɩɛrʋ a ʋ ƴãw.»

Ʋrɔm 2:4

Bɩɩ fʋ bɛ ŋmɛlɛ kaar a Naaŋmɩn ɩ-vɩɛlɩ na bɛ dɩ vuo a, nɩ a ʋ su-bɛ-pawra nɩ a ʋ su-nyɔwra ʋ na tɛr a fʋ zie a ɩ? Fʋ bɛ bãwnɩ a k'aa Naaŋmɩn ɩ-vɩɛlɩ á ŋá fɛrɛ fʋ na kɛ́ fʋ lɩɛbɩ a fʋ ɩb ɛ?

Ʋrɔm 3:22

Naaŋmɩn mɩ́ ɩ na a nɩsaalbɛ ɩ nɩ-mɩn a ʋ niŋé, a Yeezu Kɩrɩta bɛ na mɩ́ sàw de a zũú. A bɛlɩ dem za na sàw de a Kɩrɩta a ƴãw n'a ʋ mɩ́ ɩ a lɛ, bʋ̃ʋ n'ʋ vɛ̃, ʋ bɛ owre ɩ:

1 Korɛ̃tɩ 1:2

Nyɩɩm na ɩ a Naaŋmɩn Lãw-yir be a Korɛ̃tɩ a, nyɩɩm na páw a sonu lãwnɩ a Kɩrɩta Yeezu a, nyɩɩm bɛ na bʋɔlɛ nɩ-son lãwnɩ a bɛlɩ dem za na bʋɔlɛ a tɩ Sore Yeezu Kɩrɩta yúor zie nɛ za bɛ na be a, ʋl na ɩ a tɩɩm nɩ a bɛl za Sore a, nyɩ za nɛbɛ ɩ̃ sɛbr.

1 Korɛ̃tɩ 15:47

A Nɩsaal-dãw-niwn sob bɛ na maal'ɩ tẽsɔw tanɛ a, ɩ n tẽsɔw bom. A nɩsaal ayi sob ʋl yi n salom zu.

2 Korɛ̃tɩ 8:9

Nyɩ bãw nɩ a lɛ a tɩ Sore Yeezu Kɩrɩta na maalɩ tɩ a, ʋl na tɩ kpɛ bom za naalʋ a, ʋ lɩɛb'ɩ nã́w sob a nyɩɩm ƴãw, k'ʋʋ ɩ nyɩ kpɛ naalʋ nɩ a ʋ nã́w.

Galasi 3:28

Nyɩ za lãw nɩ nɩ a Kɩrɩta ɩ nɩ-been. A na ɩ lɛ a, Zifʋ nɩ nɩ-bʋʋr-yoru yele bɛ cãà be ɩ, gbãgbaa nɩ nɩr na so ʋ tʋɔra a yele bɛ cãà be ɩ, dɛb nɩ pɔw yele bɛ cãà be ɩ.

Efɛɛzɩ 1:7

A Kɩrɩta zɩ̃ɩ n'a cir yaarɩ faa tɩ, ɛ̀ tɩ páw a tɩ sãwna suur. À ŋá n'a a Naaŋmɩn wul k'aa ʋ maalʋ bɛ tɛr manʋ ɛ.

Efɛɛzɩ 2:4

Ɛcɛ a Naaŋmɩn na dɩrɛ su-ɓaarʋ naalʋ, ɛ́ nɔ̃w tɩ nɩ nɔ̃wfʋ na bɛ dɩ vuo a,

Efɛɛzɩ 2:7

A Naaŋmɩn vɩɛlʋ ɩb ʋ na ɩ a tɩ ƴãw a sãá a Yeezu Kɩrɩta zie a zũú n'a ʋ tɩ bɔbr k'aa yome na tuur taa a pʋɔ, ʋ wul a ʋ maalʋ na bɛrmɛ bɛ tɛr vuo a.

Efɛɛzɩ 3:16

Ʋl na kpɛ yúor-vɩɛlʋ-danʋ naalʋ a, ɩ̃ zɛlɛ na k'ʋʋ ɩ a Vʋʋrʋ kʋ̀ nyɩ a fãw, k'aa nyɩ pʋ̃ɔmɩ nɩr tɛr fãw.

Efɛɛzɩ 3:6

A Naaŋmɩn yel-sɔwla ʋl n'ɩ ŋa: a Yel-nʋ̃ɔ̀ zũú, a Yeezu Kɩrɩta pʋɔ, ʋ ɩ na a nɩ-bʋʋr-yoru mɩ̀ pʋɔ a gbã-dɩ-bʋ̃-been nɛ pʋɔ, bɛ pʋɔ a ƴã-gã-been nɛ pʋɔ, nɩ a nɔ-been nɛ ʋ na ƴãw a pʋɔ.

Efɛɛzɩ 3:8

A mãa na ɩ a pʋrɩ woro a kɩrɩta-nɩbɛ za pʋɔ a, mãa n'ʋ a Naaŋmɩn kʋ̀ a maalʋ ŋa, k'ɩ̃ɩ hieri yel a Kɩrɩta Naalʋ na bɛ vʋʋr a Yel-nʋ̃ɔ̀ kʋ̀ a nɩ-bʋʋr-yoru,

Filib 2:11

ɛ́ bɛ za sàw yere kɛ́ a Yeezu Kɩrɩta n'ɩ a Sore, a Naaŋmɩn sãà yúor-vɩɛlʋ-danʋ ƴãw.

Filib 4:19

A ɩ̃ Naaŋmɩn na sõw nyɩ nɩ vla za nɩ a ʋ maalʋ na yi a Yeezu Kɩrɩta zie a, nyɩ páw a nyɩ bʋ̃-bɔbrɩ za kpɛ̃lɛ̃kpɛ̃lɛ̃.

Kɔlɔsɩ 1:27

Naaŋmɩn sàw na ɩ bɛ bãw a tɩbɛ dem sɔgɔ a naalʋ nɩ a yúor-vɩɛlʋ-danʋ na bɛ tɛr tɔ a yel ŋa na waar'ɩ a: a Kɩrɩta be n a nyɩ sɔgɔ, ʋl na só nyɩ tɩɛrɛ a yúor-vɩɛlʋ-danʋ a.

Kɔlɔsɩ 3:11

A lɛ pʋɔ a, Zifʋ nɩ nɩr na bɛ ɩ Zifʋ a bɛ cãà be ɩ, nɩr na ŋmãa yʋ̀ɔr nɩ nɩr na bɛ ŋmãa a bɛ cãà be ɩ, nʋʋra nɩ nasa-zɔ̃w daar nɩr bɛ ka be ɩ, gbãgbaa nɩ nɩr na so ʋ tʋɔra a bɛ cãà be ɩ. Kɩrɩta yõ n'ʋ be be ɩ bom za a bɛ za pʋɔ.

1 Timote 2:5

Bʋ̃ʋ n'ʋ vɛ̃, Naaŋmɩn-been yõ n'ʋ be, lɔ̃lʋɔrɛ been yõ n'ʋ mɩ̀ be a Naaŋmɩn nɩ a nɩsaalbɛ cará: ʋlɛ n'ɩ a Kɩrɩta Yeezu na ɩ nɩsaal a,

Yel-wula 17:14

Bɛ na zɛb'ɩ nɩ a Pele, ɛcɛ a Pele na zɛb'a tʋ̃ɔ́ bɛ, ʋ na ɩ a sorbɛ za Sore nɩ a na-mɩnɛ za Nãà a ƴãw. Ʋ na zɛb'a tʋ̃ɔ́ bɛ, ʋlɛ nɩ a bɛlɩ dem bɛ na bʋɔlɩ a, a bɛlɩ dem bɛ na kaa ír a, nɩ a bɛlɩ dem na bɛ lɛb pùor a.»

Yel-wula 19:16

Yúor ŋa n'ʋ tɩ sɛb a ʋ kpar-kpɛ̃ɛ zu nɩ a ʋ gbɛkpɛ̃ɛ zu: «Na-mɩnɛ za Nãà nɩ sorbɛ za Sore.»