Ʋrɔm 10:10 - A SƐB-SÕW

¹⁰ A sàw de nɩ a pʋɔ za, alɛ n'a waar'ɩ a mɩnʋ, ɛ́ a nʋɔr na háa yel a pʋɔ n'a a faafʋ yire.

Ʋrɔm 10:10 ပူးပေါင်းရင်းမြစ်များ

Markɩ 9:23

A Yeezu lɛb yel ʋ: «Fʋ̃ʋ na na tʋ̃ɔ́ a yaa? Sob nɛ na tɛr naaŋmɩn-sàw-deb a, bom za mɩ́ tʋ̃ɔ́ nɩ a ʋ zie.»

Luka 8:15

A bʋ̃-bie al na lo a tẽsɔw-vla pʋɔ a n'ɩ a bɛlɩ dem na bɛrɛ wone a Naaŋmɩn ƴɛ̀rʋ, ɛ́ mɩ́ sàw de nɩ bɛ pʋɔ za a. Bɛ bɛ lɛbr pùor ɛ, alɛ so bɛ mɩ́ wɔ̃ wɔmɛ.»

Nɩ-toni 8:37

A Filib tɩ yel ʋ na: «Fʋ̃ʋ wa sàw de nɩ a fʋ pʋɔ za a, fʋ na tʋ̃ɔ́ na de a suob.» A dɛ-vár yel ʋ: «Ɩ̃ sàw na de k'aa Yeezu Kɩrɩta ɩ n a Naaŋmɩn Bie.»]

Ʋrɔm 10:11

Bʋ̃ʋ n'ʋ vɛ̃, a Sɛb-sõw yere nɩ à ŋá: «Sob nɛ za na sàw de ʋ a, ʋ kʋ̃ nyɛ̃ vĩ ɛ.»

Ʋrɔm 10:9

A fʋ nʋɔr wa háa yel k'aa Yeezu n'ɩ a Sore a, ɛ́ fʋ̃ʋ wa sàw de nɩ fʋ pʋɔ za k'aa Naaŋmɩn ɩ na k'ʋ lɛb yi a kũuni pʋɔ a, fʋ na nyɛ̃ nɩ a faafʋ.

Galasi 2:16

Ɛcɛ, tɩ bãwnɩ a na a nɩsaal na bɛ mɩ́ ɩ nɩ-mɩŋa a Naaŋmɩn niŋé a Moyiir wulu sàwfʋ ɩ-ɩrɩ zũú a, a Yeezu Kɩrɩta sàw-deb tɛwr zũú mɩ́ n'a. A tɩɩm a, tɩ sàw na de a Yeezu Kɩrɩta kɛ́ tɩ tʋ̃ɔ́ páw a mɩnʋ a Kɩrɩta sàw-deb zũú, ɛ́ a ta ɩ Wulu sàwfʋ ɩ-ɩrɩ ƴãw n'a ɩ. Bʋ̃ʋ n'ʋ vɛ̃, nɩr za bɛ be na ɩ nɩ-mɩŋa a Wulu sàwfʋ ɩ-ɩrɩ zũú ɛ.

Filib 3:9

A ʋl ɩ̃ na lãw nɩ a ƴãw n'a a Naaŋmɩn na nyɛ̃ m ɩ̃ ɩ nɩ-mɩŋa. A mɩnʋ ŋa bɛ yi mãa zie ɩ, ʋ bɛ yi Naaŋmɩn wulu sàwfʋ pʋɔ ɩ, ʋ yi n a Kɩrɩta ɩ̃ na sàw de a zie. Mɩnʋ na yi Naaŋmɩn zie a n'ʋ, ɛ́ a ʋ pɛr sʋ̃ɔ́ a naaŋmɩn-sàwfʋ pʋɔ.

Ebre 10:22

A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Ebre 3:12

Yɛbr i, nyɩ gù vla k'aa nyɩ kãw za taa wa tɛr soci-faa na bɛ sàw de a, ʋ wa bʋ́r ʋlɛ nɩ a Naaŋmɩn na vʋʋrɛ a ɩ.

1 Zã 4:15

Nɩr wa yel k'aa Yeezu ɩ n a Naaŋmɩn Bie a, Naaŋmɩn mɩ́ lãw nɩ nɩ a ʋ sob, ɛ́ a sob mɩ̀ lãw nɩ a Naaŋmɩn.

Yel-wula 2:13

ɩ̃ bãw nɩ a be fʋ na kpɩɛr a: a be a Sɩtaana naalʋ-dà-kɔw na be a n'a. Ɛcɛ, fʋ ƴãw nɩ fãw tu a ɩ̃ pùor. A bibie al pʋɔ bɛ mɩ̀ na saa tɩ kʋ a ɩ̃ dãsɩ-dɩrɛ Ãtɩpasɩ na bɛ lɛbr pùor a nyɩ zie be a, a be a Sɩtaana na kpɩɛr a, fʋ bɛ sàw de m ɛ́ lɛb wa zawrɩ bɛr ɛ.