Ʋrɔm 10:1 - A SƐB-SÕW

¹ Yɛbr i, a ʋlɩ bom nɛ ɩ̃ na bɔbr'ɩ ɩ̃ pʋɔ za, ɛ́ zɛlɛ a Naaŋmɩn zie a Zifʋ mɩnɛ ƴãw a, ʋlɛ n'ɩ kɛ́ bɛ nyɛ̃ a faafʋ.

Ʋrɔm 10:1 ပူးပေါင်းရင်းမြစ်များ

Eziptɩ tẽw yib 32:10

Ƴɛrɛŋa a, bɛr mɛ̃! A ɩ̃ suur na ìr'ɩ a bɛ ƴãw, ɩ̃ kʋ bɛ pàw pɛr. Al pùorí, ɩ̃ na ɩ na fʋ yɛ̀r ɩ nɩ-bʋʋr-yaga.»

Eziptɩ tẽw yib 32:13

Lɛb tɩɛrɩ a fʋ tõ-tõ-biir Abraham, Ɩzaakɩ nɩ Zakɔb yele, a bɛl zie fʋ na pɔ n a fʋ̃ʋ mɩŋa yel: “Ɩ̃ na ɩ n a nyɩ bʋʋrɛ bɛ yãwmɛ sɛw a ŋmar-bie. Ɩ̃ na kʋ̀ bɛ nɩ a tẽw ɩ̃ na yel a, ɛ́ bɛ na so ʋ nɩ kʋralɛ”.»

Zeremi 17:16

Ɩ̃ bɛ fɛr fʋ kɛ́ fʋ ɩ a kpɩɛrʋ wa ɩ, Sore e. Ɩ̃ bɛ tɩ bɔbr k'aa bibi-faa ŋa ta ɩ, fʋ bãwnɩ a na. A ʋlɩ bom nɛ ɩ̃ na yel a, a fʋ niŋé na ɩ̃ yel.

Zeremi 18:20

Bɛ mɩ́ maal'ɩ faa yáa nɩ vla a? Bɛl a, bɛ tuw nɩ bɔw kɛ́ bɛ ɩ ɩ̃ lo. Ɛcɛ, lɛb tɩɛrɩ ɩ̃ na tɩ àr a fʋ niŋé k'ɩ̃ɩ ƴɛ̀r a bɛ vla ƴãw, ɩ a fʋ suur ʋ zãá nɩ bɛ a.

Luka 13:34

Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr'ɩ kʋsɛbɛ kʋrɛ a bɛlɩ dem a Naaŋmɩn na tone a fʋ zie a! Gb'aa a ŋmɩn za n'a ɩ̃ tɩ bɔbr k'ɩ̃ɩ ɓã a fʋ biir taa, mɛ̃ nɔ-mã na mɩ́ kʋɔlɩ a ʋ lili-pɩɩlɛ ɓã taa a ʋ bɩgɛ pile a, ɛ́ nyɩ bɛ sàw!

Zã 5:34

Mãa a, ɩ̃ bɛ tɛr nɩsaal dãsɩɛ yel-ɩra ɩ, ɛcɛ ɩ̃ ƴɛ̀rɛ nɩ à à ŋá kɛ́ nyɩ tʋ̃ɔ́ nyɛ̃ a faafʋ.

Ʋrɔm 10:2

Sɩza n'a, ɩ̃ na tʋ̃ɔ́ na dɩ a bɛ dãsɩɛ bɛ na tʋlɛ a Naaŋmɩn yele pùor-tub ƴãw a, ɛcɛ a tʋlʋ ŋa bɛ na tʋlɛ a bɛ tu Naaŋmɩn bãwfʋ sɩza ɩ.

Ʋrɔm 9:33

a kʋsɩɛr ʋl a Sɛb-sõw na yere à ŋá a: «Mãa n'ɩ ŋan ƴãwnɛ gbɛ-ŋmɛ-kʋsɩɛr a Sɩyɔ̃ tẽw pʋɔ, pìir kʋsɩɛr na ɩrɛ bɛ lore a. Ɛcɛ sob nɛ na sàw de ʋ a, ʋ kʋ̃ nyɛ̃ vĩ ɛ.»

1 Samɩɛl 12:23

Alɛ wa cɛ mãa a, ɩ̃ kʋ̃ sàw sãw a Sore, bɛr a nyɩ puor-kʋ̀b ɛ. Ɩ̃ na cãà na wule nyɩ a sɔr-vla nɩ a sɔr-dẽdẽ.

1 Samɩɛl 15:11

«Mãa tɩ bãw kɛ́ lɛ a, ɩ̃ kʋ̃ʋ tɩ ɩ a Sawul ʋ ɩ a nãà ɩ, bʋ̃ʋ n'ʋ vɛ̃, ʋ zawrɩ mɛ̃ na bɛr, ɛ́ bɛ tu a lɛ ɩ̃ na yel a ɩ.» A tɩ dam'ɩ a Samɩɛl, ɛ́ a tɩ̃ɩsɔw ɓil za ʋ zɛlɩ a Sore.

1 Samɩɛl 15:35

A Samɩɛl bɛ lɛb tɩ nyɛ̃ a Sawul ɛ, ɛ́ tɩ ta a ʋ kũu daar. A Samɩɛl tɩ kone nɩ a Sawul ƴãw, bʋ̃ʋ n'ʋ vɛ̃, a Sore tɩ yere na kɛ́ ʋlɛ tɩ bãw kɛ́ lɛ a, ʋʋ kʋ̃ʋ tɩ ɩ a Sawul ɩ a Ɩsɩrayɛl nãà ɩ.