Ʋrɔm 1:8 - A SƐB-SÕW

⁸ A Yeezu Kɩrɩta ƴãw n'a ɩ̃ de niwn puore a ɩ̃ Naaŋmɩn yãanɩ a nyɩ za ƴãw, bɛ na ƴɛ̀rɛ a nyɩ sàw-deb ƴɛ̀rʋ a tẽ-daa za zu a ƴãw.

Ʋrɔm 1:8 ပူးပေါင်းရင်းမြစ်များ

Matie 24:14

A Naaŋmɩn Naalʋ Yel-nʋ̃ɔ̀ ŋa na hier'a tɔ a tẽ-daa za, k'aa ʋ dãsɩɛ tʋ̃ɔ́ dɩ a nɩ-bʋʋr-yoru za zie. Lɛn daar'a a baarʋ daar pãa na ta.»

Luka 2:1

A lɛn daar, a Sezaar Ogusi tɩ ƴãw nɩ nʋɔr kɛ́ bɛ sɔ́r a tẽ-daa zu-sɛbla za bãw bɛ nʋɔr.

Nɩ-toni 11:28

Vʋʋrʋ Sõw tɩ caal'ɩ a bɛ ƴen sob, na dɩ kɛ́ Agabisɩ a, ʋ yel kɛ́ kɔ̃-kpɛ̃ɛ kʋ̃ yaa kɛ́ lo a tẽ-daa za zu ɛ. A kɔ̃ ʋl wa sɩrɩ na lo a Ʋrɔm tẽw na-kpɛ̃ɛ Kuloor daar.

Nɩ-toni 28:22

Ɛcɛ tɩ bɔbr'a kɛ́ fʋ̃ʋ tɔr za manɩ a fʋ tɩɛrʋ tɩ wõ. Bʋ̃ʋ n'ʋ vɛ̃, tɩ bãwnɩ a na a nɩbɛ na bɛ dier a fʋ puoru sɔ́r ŋa a ziir za a.»

Ʋrɔm 10:18

Lɛ n'a ɩ̃ pãa sowre: a Zifʋ mɩnɛ taa ɩrɛ bɛ wa wõ a yel ŋa ʋ? Bʋnʋ ɩ, bɛ wõ ʋ na! À ŋá n'a a Sɛb-sõw yere: «A bɛ kɔkɔr yi na làarɩ a tẽw za, ɛ́ a bɛ ƴɛ̀rʋ tɔ a tẽw baarʋ ziir za.»

Ʋrɔm 16:19

A Sore nʋɔr nyɩ na sàwr a, a nɩbɛ za wõ n a yele. Lɛ so nʋ̃ɔ̀ ɩrɛ mɛ̃ a nyɩ ƴãw, ɛcɛ ɩ̃ bɔbr'a kɛ́ nyɩ ɩ yã-bãwnbɛ ɩrɛ a vla, ɛ́ vɩɛl dɛrɛ a faa.

Ʋrɔm 6:17

Ɛcɛ Naaŋmɩn so puoru: nyɩ tɩ dãw na ɩ a yel-bier gbãgbaar, ƴɛrɛŋa a, a wulu bɛ na wul nyɩ a sɛw kɛ́ nɩbɛ za tuur a, nyɩ sàw na de ʋ nɩ nyɩ pʋɔ za.

1 Korɛ̃tɩ 1:4

Ɩ̃ puore nɩ a ɩ̃ Naaŋmɩn yãanɩ kʋralɛ a nyɩ ƴãw, a maalʋ ʋ na kʋ̀ nyɩ a Kɩrɩta Yeezu pʋɔ a ƴãw.

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

Efɛɛzɩ 1:15

Alɛ n'a so, a mãa mɩ̀ na wõ kɛ́ nyɩ sàw na de a Sore Yeezu ɛ́ nɔnɛ a kɩrɩta-biir za a,

Efɛɛzɩ 1:16

ɩ̃ puore a Naaŋmɩn yãanɩ kʋralɛ, ɩ̃ na mɩ́ wa tɛr a nyɩ tɩɛrʋ a ɩ̃ puoru pʋɔ a.

Efɛɛzɩ 3:21

ʋlɛ so yúor-vɩɛlʋ-danʋ a Lãw-yir pʋɔ a Yeezu Kɩrɩta yúor ƴãw, kʋralɛ nɩ yome yome za. Amɛn.

Efɛɛzɩ 5:20

Nyɩ puore a Naaŋmɩn Sãà yãanɩ kʋralɛ bom za ƴãw, a tɩ Sore Yeezu Kɩrɩta yúor ƴãw.

Filib 1:11

A yel-mɩnʋ yel-vɩɛlɩ a Yeezu Kɩrɩta na maalɩ a nyɩ zie a na ɩ na nyɩ kpɛ naalʋ, a Naaŋmɩn yúor zɛwfʋ nɩ a ʋ danʋ ƴãw.

Filib 1:3

Mãa mɩ́ wa lɛb tɩɛrɛ a nyɩ yele a, ɩ̃ mɩ́ puore nɩ a ɩ̃ Naaŋmɩn yãanɩ.

Kɔlɔsɩ 1:3

A puoru tɩ na mɩ́ puore kʋ̀rɛ nyɩ a kʋralɛ a, tɩ mɩ́ puor'ɩ a Naaŋmɩn, a tɩ Sore Yeezu Kɩrɩta Sãà, yãanɩ.

1 Tesalonikɩ 1:2

Tɩ mɩ́ puore nɩ Naaŋmɩn yãanɩ kʋralɛ a nyɩ za ƴãw, ɛ́ tɩɛrɛ a nyɩ yele kʋralɛ a tɩ puoru pʋɔ.

1 Tesalonikɩ 2:13

Lɛ so tɩ mɩ́ puore a Naaŋmɩn yãanɩ kʋralɛ. Nyɩ na tɩ wõ a Naaŋmɩn ƴɛ̀rʋ a tɩ nʋɔrɩ́ ɛ́ sàw de a, nyɩ bɛ sàw de ʋ mɛ̃ nɩsaalbɛ ƴɛ̀rʋ a ɩ, nyɩ sàw na de ʋ mɛ̃ a lɛ tɔr za ʋ na ɩ a, Naaŋmɩn ƴɛ̀rʋ na tone a nyɩɩm na sàw de a zie a.

2 Tesalonikɩ 1:3

Yɛbr i, a fɛr'a kɛ́ tɩ mɩ́ puore a Naaŋmɩn yãanɩ kʋralɛ a nyɩ ƴãw. Ɛ́ a mɩ̀ sɛw na kɛ́ tɩ ɩrɛ a lɛ, bʋ̃ʋ n'ʋ vɛ̃, a nyɩ naaŋmɩn-sàw-deb kɛrɛ na dɔwlɛ bɛ dɩ vuo ɩ, ɛ́ a nɔ̃wfʋ nyɩ na nɔnɛ taa a kɛrɛ dɔwlɛ a nyɩ za been been zie.

2 Timote 1:3

Ɩ̃ na mɩ́ wa pore a fʋ yúor a ɩ̃ puoru pʋɔ, mʋ̃tɔ̃w nɩ tɩ̃ɩsɔw za a, ɩ̃ mɩ́ puore nɩ a Naaŋmɩn barka yaga za, a Naaŋmɩn ɩ̃ na tone nɩ tɩɛr-vla mɛ̃ a ɩ̃ sãàkʋm-kore a.

Filemɔ̃ 1:4

Kʋralɛ mãa wa puore a, ɩ̃ mɩ́ tɩɛrɛ nɩ a fʋ yele, ɛ́ puore a ɩ̃ Naaŋmɩn yãanɩ.

Ebre 13:15

Tɩ tu a Yeezu maalɛ danʋ bàwr kʋralɛ kʋ̀rɛ a Naaŋmɩn, a pɛr lɛ kɛ́ danʋ na yire nɛ́ɛ na íre a ʋ yúor a pʋɔ.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.