Ʋrɔm 1:25 - A SƐB-SÕW

²⁵ Bɛ de nɩ a yel-mɩŋa na càarɩ a Naaŋmɩn a, tɛw nɩ a ziri. Bɛ ƴãw na ɛ́ maalɩ a bʋ̃-íra, ɛ́ bɛr a Íre, ʋl na sɛwnɩ puoru yome yome za a! Amɛn.

Ʋrɔm 1:25 ပူးပေါင်းရင်းမြစ်များ

Sɛb-sõw yielu 72:19

A ʋ yúor-vɩɛlʋ-danʋ, ʋ paalɩ a tẽw za! Amɛn! Lɛb maal Amɛn!

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Zeremi 13:25

A Sore yere na: Zerizalɛm i, nyɛ̃ a bom nɛ na gùre fʋ a, a bom ɩ̃ na gùre nɩ fʋ a. Bʋ̃ʋ n'ʋ vɛ̃, fʋ yiiri mɛ̃ na bɛr ɛ́ ƴãw a fʋ tɩɛrʋ ŋmɩn-bɛlɛbɛlɛ ƴãw.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Amɔsɩ 2:4

À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

Habakukɩ 2:18

A tɩbɛ yel-ɩra n'ɩ bo a tɩɩb-maalɛ na mɩ́ maal'a bin a? Kure bʋ̃-maalɩ na mɩ́ ŋmarɛ ziri bɛ mɩ́ sàw de a tɛwr'a. Bʋ̃ʋ ƴãw n'a a nɩsaalɛ na mɩ́ ƴãw a ʋ tɩɛrʋ, a tɩbɛ á ŋá ƴãw na bɛ tɛr nʋɔr ƴɛ̀rɛ, ɛ́ ɩ ʋl mɩŋa n'ʋ maal'a a?

Matie 10:37

Nɩr na nɔnɛ a ʋ sãà bɩɩ a ʋ mã zuo mɛ̃ a bɛ sɛwnɩ mɛ̃ ɩ. Nɩr na nɔnɛ a ʋ bidɛb bɩɩ a ʋ pɔwyaa zuo mɛ̃ a bɛ sɛwnɩ mɛ̃ ɩ.

Matie 6:24

«Nɩr za kʋ̃ tʋ̃ɔ́ ɩ na-mɩnɛ ayi tõ-tõ-bie ɩ: ʋ na hɩ̃ɛn nɩ a dãw-niwn sob, ɛ́ nɔnɛ a ayi sob, bɩɩ ʋ na tu n a kãw pùor, ɛ́ bɛr a kãw. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

Zã 2:8

A Yeezu lɛb yel bɛ: «Nyɩ pãa 'wɔ̃w a tɩ kʋ̀ a sãan-kaarɛ.» Ɛ̀ bɛ ɩ tɩ kʋ̀ ʋ.

Ʋrɔm 1:18

A Naaŋmɩn suur sɩrɩ na ìre a salom zu sãá, a nɩsaalbɛ naaŋmɩn-bɛ-ƴãwfʋ ɩb za ƴãw, nɩ a bɛ ɩb za na bɛ tu sɔ́r a ƴãw, bɛl na mɩ́ piwr a yel-mɩŋa tɛrɛ nɩ ɩ-ɩrɩ na bɛ tu yel-mɩŋa a.

Ʋrɔm 1:23

Bɛ de nɩ a Naaŋmɩn na bɛ tɛr kũu daar a yúor-vɩɛlʋ-danʋ tɛw nɩ nɩsaal na ɩ bʋ̃-kpiira a dasule, tɛw nɩ bʋ̃-pɩgɛ nɩ dʋ̃-gbɛ́ɛ-anaɩ nɩ bʋ̃-vuri dasuli.

Ʋrɔm 9:5

Bɛ ɩ n a sãàkʋm-kore bʋʋrɛ, ɛ́ a bɛ bʋʋrɛ pʋɔ n'a a Kɩrɩta yi ɩ nɩsaal, ʋl na zuo bom za, ɩ Naaŋmɩn na tɛr danʋ kʋralɛ a. Amɛn.

2 Korɛ̃tɩ 11:31

A Naaŋmɩn tɩ Sore Yeezu Sãà, na tɛr ƴãwfʋ yome yome za a, bãwnɩ a na k'ɩ̃ɩ bɛ ŋmarɛ ziri ɛ.

Efɛɛzɩ 3:21

ʋlɛ so yúor-vɩɛlʋ-danʋ a Lãw-yir pʋɔ a Yeezu Kɩrɩta yúor ƴãw, kʋralɛ nɩ yome yome za. Amɛn.

1 Tesalonikɩ 1:9

A nɩbɛ za na ƴɛ̀rɛ a tɩ ƴɛ̀rʋ a mɩ́ manɛ nɩ a lɛ nyɩ na de tɩ a sãanʋ, a lɛn daar tɩ na tɩ wa a nyɩ zie a, nɩ a lɛ nyɩ na tɩ zawrɩ a tɩbɛ bɛr ɛ́ tu a Naaŋmɩn kɛ́ nyɩ tone ʋ, ʋl na ɩ Naaŋmɩn-vʋʋra nɩ Naaŋmɩn-sɩza a.

1 Timote 1:11

A wulu ŋa be n a Yel-nʋ̃ɔ̀ bɛ na kʋ̀ m a pʋɔ. A Yel-nʋ̃ɔ̀ ŋa yi n a yúor-vɩɛlʋ-danʋ Naaŋmɩn zie, ʋl na ɩ a nʋ̃ɔ̀ yib zie a.

1 Timote 1:17

A yome za Nãà, a Naaŋmɩn-been yõ tẽtẽ na bɛ tɛr kũu daar, ɛ́ nɩr kʋ̃ tʋ̃ɔ́ nyɛ̃ nɩ mimir a, ʋlɛ so ƴãwfʋ nɩ yúor-vɩɛlʋ-danʋ, a yome yome za. Amɛn.

2 Timote 3:4

Bɛ na mɩlɛ nɩ taa, ɛ́ ɩ suur tɛwr, pɔ̀lʋ tɛwr nɩbɛ, ɛ́ nɔnɛ a ƴã-gan nʋ̃ɔ̀ ɛ́ nɩ̃ɛ bɛr a Naaŋmɩn.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.