Ʋrɔm 1:21 - A SƐB-SÕW

²¹ Bʋ̃ʋ n'ʋ vɛ̃, bɛ bãw nɩ a Naaŋmɩn ɛ́ bɛ zɛw a ʋ yúor-vɩɛlʋ-danʋ ɛ, bɛ puor'ʋ yãanɩ na sɛw taa nɩ ʋ a ɩ. A bɛ tɩɛrʋ nɩ̃ɛ na lɩɛbɩ tɩɛr-zawlɛ, ɛ́ a bɛ gẽgẽ-yã be lige pʋɔ ʋ za.

Ʋrɔm 1:21 ပူးပေါင်းရင်းမြစ်များ

Yele-za-pɛr-tib 6:5

A Sore tɩ nyɛ̃ na k'aa nɩsaalbɛ faalʋ bɛrmɛ nɩ a tẽw zu, kɛ́ bibir za a, tɩɛr-faar tɛwr tɩɛrʋ n'a mɩ́ be a bɛ socie pʋɔ.

Yele-za-pɛr-tib 8:21

A Sore tɩ wõ n a nyũu na nyu vla a, ɛ́ tɩɛr ʋ pʋɔ: «Ɩ̃ bɛ be za na lɛb ŋmɛ ƴãw a tẽsɔw a nɩsaal ƴãw ɛ. Sɩza n'a, a nɩsaal pɔ̀lʋ daarɩ́ za n'a a ʋ socir mɩ́ tu a faa pùor, ɛcɛ ɩ̃ bɛ be za na lɛb dɔwrɩ bʋ̃-vʋʋra za mɛ̃ à à ŋá ɩ̃ na ɩ a ɩ.

1 Na-mɩnɛ 20:23

A Siiri tẽw nãà tõ-tõ-bi-bɛrɛ tɩ yel ʋ na: «A Ɩsɩrayɛl Naaŋmɩn ɩ n tan pʋɔ Naaŋmɩn: alɛ n'a so a Ɩsɩrayɛl nɩbɛ tʋ̃ɔ́ tɩ. Ɛcɛ tɩ zɛb'ɩ bɛ zi-tɩ̃tal pʋɔ: a bɛ tɛr à ŋá ɩ, tɩ na tʋ̃ɔ́ bɛ na.

2 Na-mɩnɛ 17:15

Bɛ tɩ zawr'ɩ a Naaŋmɩn nɛ́ɛ bɛr, nɩ a wõ-taa ʋ na tɩ maal'ɩ a bɛ sãàkʋm-kore a, nɩ a kpaalʋ ʋ na tɩ kpaalɩ bɛ a. Bɛ tɩ tu n ŋmɩmɛ na bɛ ɩ bom za a, mɩ̀ lɩɛbɩ nɩbɛ na bɛ ɩ bom za a. Bɛ tɩ cɔwr'ɩ a nɩ-bʋʋr-yoru na viiri koli bɛ a ɩ-ɩrɩ, a Sore na saa tɩ yel bɛ, kɛ́ bɛ taa ɩrɛ mɛ̃ a bɛl a.

Sɛb-sõw yielu 50:23

Sob nɛ barka puoru na ɩ bàwr ʋ maalɛ kʋ̀rɛ mɛ̃ a, ʋlɛ n'ʋ ƴãwnɛ mɛ̃. Sob nɛ ɩb na vɩɛl a, ɩ̃ na ɩ na k'ʋ nyɛ̃ mãa na n'ɩ a Faarɛ a.

Sɛb-sõw yielu 81:12

Ɛcɛ a ɩ̃ nɩbɛ bɛ bɛr wõ a ɩ̃ ƴɛ̀rʋ ɛ, a Ɩsɩrayɛl bɛ bɔbr mɛ̃ ɩ.

Sɛb-sõw yielu 86:9

A nɩ-bʋʋrɛ za fʋ na ír a na wa na wa gbĩ dume a fʋ niŋé, Sore e, bɛ na íre nɩ a fʋ yúor.

Ekilezɩasɩ 7:29

Nyɛ̃ a yel-been ʋl pɛr ɩ̃ na wa bãw a: a Naaŋmɩn maal'ɩ a nɩsaal ʋ tori, ɛcɛ a nɩsaal'ʋ bɔ fɛrʋ ƴãw a ʋ mɩŋa.

Ɩzayi 60:2

Jɩ́r nyɛ̃: lige pàw nɩ a tẽw, ulu pili na pàw a nɩ-bʋʋrɛ. Ɛcɛ fʋ̃ʋ a, a Sore pure nɩ a fʋ zu mɛ̃ mʋ̃tɔ̃w a, ɛ́ a ʋ yúor-vɩɛlʋ-danʋ nyɩwrɛ a fʋ zu.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zeremi 17:9

Bom bɛ be be bɛ̀lɛ zuo a nɩsaal socir ɛ. Nɩr kʋ̃ tʋ̃ɔ́ ʋ sanɩ ɛ, nɩr kʋ̃ tʋ̃ɔ́ ʋ bãw ɛ.

Zeremi 2:5

À ŋá n'a a Sore yere: Bʋ̃ʋ n'ʋ a nyɩ sãàkʋm-kore nyɛ̃ a ɩ̃ zie a bɛ sɛw, bɛ pɩl? Bɛ zɔ na tu bʋ̃-zawlɛ pùor mɩ̀ lɩɛbɩ bʋ̃-zawlɛ.

Zeremi 9:14

A na ɩ à ŋá a, à ŋá n'a a mãa, a Sore, a kpɛnʋ-za-sob, a Ɩsɩrayɛl Naaŋmɩn, yere: Ɩ̃ na ɩ na a nɩbɛ bɛ ŋa 'wɔb tɩ-va-tuo, ɛ́ nyũ kʋ̃ɔ na tɛr lɔw a.

Ezekɩɛl 14:5

A ɩ̃ sɔwfʋ na dam'ɩ a Ɩsɩrayɛl nɩbɛ yaga, bɛl na jɛ m bɛr a bɛ ŋmɩn-bɛlɛbɛlɛ nɔ̃wfʋ zũú a.

Ezekɩɛl 20:25

Ɩ̃ mɔ̃ mɩ̀ tɩ kʋ̀ bɛ nɩ wulu na bɛ vɩɛl a, nɩ wulu na bɛ tɩrɛ nyɔ-vʋʋrʋ a.

A naaŋmɩn-ƴèr-manɛ Oze sɛbɛ 2:8

Lɛ so, a mãa Sore, ɩ̃ na fur'ɩ a ʋ sɔ́r nɩ gʋʋr, ɩ̃ na de nɩ bom gàr pàw nɩ ʋ, ɛ́ ʋ kʋ̃ lɛb nyɛ̃ a ʋ sɛ́ɛ ɩ.

Zã 3:19

A ƴɛ̀rʋ bɛ na na maalɩ a n'ɩ ŋa: a cãà wa n a tẽ-daa zu, ɛ́ a nɩsaalbɛ wa nɔ̃w a lige gãw a cãà, a bɛ ɩ-ɩrɩ na bɛ vɩɛl a zũú.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Ʋrɔm 1:19

A Naaŋmɩn bɛ na na tʋ̃ɔ́ bãw a, a sãá nɩ a bɛ zie: a Naaŋmɩn mɩŋa wul bɛ na a sãá.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Ʋrɔm 11:10

A bɛ mimie, a zɔ̃wnɛ ta tɩ cãà nyɛrɛ ɩ, ɩ bɛ tuo tuor kʋralɛ gʋr'ɩ zɩgɛ.»

Ʋrɔm 15:9

A bɛl na bɛ ɩ Zifʋ mɩnɛ a, a Naaŋmɩn nɩ-bàal-zɔba zũú n'a bɛ danɛ ʋ, a tu mɛ̃ a lɛ a Sɛb-sõw na yel a: «Alɛ n'a so ɩ̃ na danɛ fʋ nɩ-bʋʋr-yoru sɔgɔ, ɩ̃ na yiele na ƴãwnɛ nɩ a fʋ yúor.»

Wulu-ayi-sob 28:29

Mʋ̃tɔ̃w-gbawl, nyɩ na bɔblɛ na mɛ̃ zɔn na bɔblɛ lige pʋɔ a. Bom za kʋ̃ tuur nyɩ ɛ, a nɩbɛ na nɛbr nyɩ nɩ kʋralɛ, ɛ́ zure nyɩ, ɛ́ nɩr za kʋ̃ wa faa nyɩ ɛ.

2 Timote 3:2

Bʋ̃ʋ n'ʋ vɛ̃, a nɩbɛ na tɩɛrɛ nɩ bɛl tɛwr yele, ɛ́ ɩ libi-nɔ̃wnbɛ. Bɛ na pɔrɛ nɩ zaalɛ ɛ́ ɩrɛ pɔ̀lʋ. Bɛ na tʋʋr'ɩ Naaŋmɩn zʋmɛ, ɛ́ bɛ sàwr a bɛ dɔwrbɛ nʋɔr ɛ. Fʋ na mɩ́ maalɩ bɛ na, ɛ́ bɛ bɛ ŋmɛlɩ kaa fʋ ɛ. Bɛ na sãwnɛ nɩ a bʋ̃-son bɛrɛ.

1 Pɩɛr 1:18

Nyɩ bãwnɩ a vla, bom na ɩ bʋ̃-wɛra mɛ̃ a salm-pla nɩ a salm-zɩɛ a, alɛ bɛ n'a bɛ ya ír'ɩ nyɩ bɛr a ɩ-ɩrɩ na bɛ tɛr tɔnɛ a pʋɔ a nyɩ sãàkʋm-kore mɩnɛ na lʋɔrɩ kʋ̀ nyɩ a ɩ.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

Yel-wula 14:7

Ʋ tɩ yere na nɩ kɔkɔ-kpɛ̃w: «Nyɩ zɔrɛ a Naaŋmɩn ɛ́ íre a ʋ yúor, bʋ̃ʋ n'ʋ vɛ̃, a ʋ ƴɛ̀rʋ-maalʋ daar ta na. Nyɩ lore gbine dume puore a salom nɩ a tẽw Íre, a kʋ̃ɔ-kpɛ̃ɛ nɩ a kʋl-bɔwrɩ Íre.»

Yel-wula 15:4

Ãa n'ʋ kʋ̃ zɔrɛ fʋ, Sore e, ãa n'ʋ kʋ̃ zɛwr a fʋ yúor? Bʋ̃ʋ n'ʋ vɛ̃, fʋ̃ʋ yõ n'ʋ ɩ sõw, a ten za nɩbɛ na wa na wa lo gbĩ dume a fʋ niŋé, a fʋ ɩ-ɩrɩ na tu yel-mɩŋa sãá a ƴãw.»