Ʋrɔm 1:13 - A SƐB-SÕW

¹³ Yɛbr i, ɩ̃ bɔbr'a kɛ́ nyɩ bãwnɩ a, kʋralɛ n'a ɩ̃ tɩɛrɛ a nyɩ zie waa, k'ɩ̃ɩ wa páw a ɩ̃ tome tɔnɛ a nyɩ zie, mɛ̃ a lɛ ɩ̃ na páw a a nɩ-bʋʋr-yoru bɛ mɩnɛ zie a. Ɛcɛ ɩ̃ cãà bɛ nyɛ̃ vuo wa tɔ dɩ̃a ɩ.

Ʋrɔm 1:13 ပူးပေါင်းရင်းမြစ်များ

Ɩzayi 27:6

A nɩdaar na waar a, a Zakɔb bʋʋrɛ na tɛ n nyɩgɛ, a Ɩsɩrayɛl bʋʋrɛ na tɛ n pɩrmɛ ɛ́ pu, bɛ na paal'ɩ a tẽ-daa nɩ a bɛ wɔmɛ.

Zã 12:24

Yel-mɩŋa sɩza sɩza n'a ɩ̃ yere kʋ̀rɛ nyɩ: a ka-bir wa lo a tẽw bɛ wɛ a, ʋ mɩ́ gã nɩ ʋ yõ. Ɛcɛ ʋlɛ wa wɛ a, ʋ mɩ́ wɔ̃ n wɔmɛ yaga.

Zã 15:16

Nyɩmɛ bɛ nɛbɛ kaa ír mɛ̃ ɩ, mãa n'ʋ kaa ír nyɩ, ɛ́ ƴãw kɛ́ nyɩ cen tɩ wɔ̃ wɔmɛ, ɛ́ a nyɩ wɔmɛ be kʋralɛ. Lɛ n'a a ɩ̃ Sãà na kʋ̀ nyɩ bom nɛ za nyɩ nãá zɛlɛ a ʋ zie a ɩ̃ yúor ƴãw a.

Zã 4:36

A bʋ̃-diere tĩ na páwr a ʋ sã-ya, ʋ dier'ɩ a ʋ bome ɓanɛ taa a nyɔ-vʋʋrʋ na be kʋralɛ a ƴãw. Lɛ so, a bʋ̀r-bʋ̀rɛ nɩ a bʋ̃-diere lãw na cɩlɛ.

Nɩ-toni 1:15

A alɩ bibie nɛ pʋɔ, a Pɩɛr tɩ ìr'a àr a yɛbr na tɩ ɓã taa ta nɩbɛ lɩz'a ayʋɔb (120) a sɔgɔ, ɛ́ yel:

Nɩ-toni 14:27

Bɛ na tɩ ta a daadaalɛ a, bɛ bʋɔl'ɩ a Lãw-yir dem ɓã taa, ɛ́ manɩ a yele al za a Naaŋmɩn na tɩ lãw nɩ bɛ maalɩ a, nɩ a lɛ ʋ na yuo a ʋ sàw-deb dɩ̃dɔr kʋ̀ a nɩ-bʋʋr-yoru a.

Nɩ-toni 15:12

Lɛ n'a a kpaa-ta-kpɛ̃ɛ dem za tɩ ŋmãa vʋʋrʋ, ɛ́ bɛ bɛr wõ a Pol nɩ a Banabasɩ manɩ a nɔ-ɓãa-yele nɩ a yel-bãw-guuri al za a Naaŋmɩn na tɩ ƴãw bɛ maalɩ a nɩ-bʋʋr-yoru zie a.

Nɩ-toni 19:21

A yele á ŋá pùorí, Vʋʋrʋ Sõw tɩ caal'ɩ a Pol ʋ yel k'ʋʋ na tu na yi Masedʋan nɩ Akayi ten pʋɔ cen Zerizalɛm. Ʋ tɩ yere na: «Mãa wa ta a be a, a mɩ̀ na fɛr'a k'ɩ̃ ta a Ʋrɔm.»

Nɩ-toni 21:19

A Pol na wa puori bɛ baar'a, ʋ manɩ na owri a yele al za a Naaŋmɩn na tɩ tu a ʋ tome pùor maalɩ a nɩ-bʋʋr-yoru zie a.

Nɩ-toni 28:14

Tɩ tɩ nyɛ̃ nɩ yɛbr a be, bɛ bʋɔlɩ tɩ kɛ́ tɩ wa kpɛ a bɛ zie tɩ ta kɔsɩɛra. À à ŋá n'a tɩ cen a Ʋrɔm.

Ʋrɔm 1:12

nyɩnɛ n'a mɔ̃, k'ɩ̃ɩ wa tʋ̃ɔ́ nyɛ̃ mɔwlʋ lãwnɩ nyɩ a nyɩ zie be, a naaŋmɩn-sàw-deb tɩ na lãw a zũú, mãa nɩ a nyɩɩm za a.

Ʋrɔm 11:25

Yɛbr i, ɩ̃ bɔbr'a k'ɩ̃ɩ ɩ nyɩ bãw a Naaŋmɩn yel-sɔwla ŋa, kɛ̀ nyɩ taa wa de nyɩ tʋɔra bʋɔlɛ yã-bãwnbɛ ɩ: a Ɩsɩrayɛl nɩbɛ ŋmãa na kpawl'a, ɛ́ gù a nɩ-bʋʋr-yoru za tɩ nyɛ̃ a faafʋ.

Ʋrɔm 7:1

Nyɩ bɛ bãwnɩ a ʋ, yɛbr i? Nɩbɛ na bãw a Naaŋmɩn wulu a zie n'a ɩ̃ ƴɛ̀rɛ: a nɩsaal cãafʋ daar yõ n'a a Naaŋmɩn wulu fɛrʋ be a ʋ zu.

1 Korɛ̃tɩ 1:10

Yɛbr i, ɩ̃ zɛlɛ nyɩ nɩ yãayãa a tɩ Sore Yeezu Kɩrɩta yúor ƴãw, nyɩ za nyɩ lãw nʋɔr, nyɩ ta ɩ bʋ́r-taa be a nyɩ cara pʋɔ ɩ. Nyɩ lãw yã ɛ́ tɛr tɩɛr-been.

1 Korɛ̃tɩ 10:1

Yɛbr i, a yele na ta a tɩ sãàkʋm-kore a Moyiir daar a, ɩ̃ bɛ bɔbr kɛ́ nyɩ ɩ zɔn a ƴãw ɛ. Bɛ za nɛbɛ a zũzuwr tɩ piw tɛr, bɛ za nɛbɛ tɩ kpɛ gãw a Kʋ̃ɔ-kpɛ̃ɛ-zɩɛ.

1 Korɛ̃tɩ 12:1

Yɛbr i, ɩ̃ bɛ bɔbr kɛ́ nyɩ ɩ zɔn a maalʋ a Vʋʋrʋ Sõw na tɩrɛ a ƴãw ɛ.

1 Korɛ̃tɩ 14:20

Yɛbr i, nyɩ ta tɛr bibi-yã a yele bãwfʋ ƴãw ɛ. Nyɩ ɩ bibiir a yel-faa maalʋ ƴãw, ɛcɛ a yele bãwfʋ ƴãw a, nyɩ ɩ nɩ-bɛrɛ.

1 Korɛ̃tɩ 14:26

Yɛbr i, a na ɩ à ŋá a, ɩ̃ ɩ ŋmɩn? Nyɩ na mɩ́ wa ɓã taa a, a nyɩ kãw na mɩ́ tʋ̃ɔ́ na yiele yielu, kãw tɩrɛ wulu bɩɩ yel-sɔwla kãw, kãw ƴɛ̀rɛ ƴɛ̀rʋ nɩr na bɛ wone a ɛ́ íre a pɛ́ɛ. Ɛcɛ à á ŋá za a, a ɩrɛ a lãw ʋ kɛrɛ.

1 Korɛ̃tɩ 9:2

Bɛ mɩnɛ zie mãa bɛ wa ɩ nɩ-tona a, a nyɩɩm zie ʋl a, ɩ̃ ɩ ʋ na. Bʋ̃ʋ n'ʋ vɛ̃, nyɩ na lãw nɩ a Sore a, nyɩmɛ nɛbɛ ɩ a ɩ̃ nɩ-tona tome bãwfʋ.

2 Korɛ̃tɩ 1:8

Bʋ̃ʋ n'ʋ vɛ̃, yɛbr i, tɩ bɛ bɔbr kɛ́ nyɩ ɩ zɔn a kpɩɛrʋ na ta tɩ a Azi a ƴãw ɛ: a kpɛ tɩ na tɩ gãw a tɩ fãw, ɛ̀ tɩ bɛ tɩ tɩɛrɛ kɛ́ tɩ na cãà na vʋʋrɛ ɩ.

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

Galasi 3:15

Yɛbr i, ɩ̃ na de nɩ manʋ a nɩsaalbɛ ɩ-ɩrɩ pʋɔ: nɩr na maalɩ a ʋ kũu daar pʋ-tɩɛrʋ sɛbɛ mɛ̃ a lɛ a na tu sɔ́r a, nɩr kʋ̃ tʋ̃ɔ́ sãw a sɛbɛ ŋa bɛr bɩɩ ƴãw bom dɔwlɩ ɛ.

Galasi 6:18

Yɛbr i, a tɩ Sore Yeezu Kɩrɩta maalʋ, ʋ be a nyɩ za zie. Amɛn.

Filib 1:22

Ɛcɛ, mãa na na cãà tɛr yel-ɩra kãw a ɩ̃ cãafʋ pʋɔ a, a ka n'a ɩ̃ pãa bɛ bãw bʋ̃ʋ n'ʋ ɩ̃ na kaa ír ɛ.

Filib 4:17

A bɛ kaar mɛ̃ ɩ̃ bɔbr'a kɛ́ nyɩ kʋ̀rɛ mɛ̃ bome ɩ. Bom nɛ ɩ̃ na bɔbr'a n'ɩ kɛ́ bɛ sɔ́r a ɩ-vɩɛlɩ wɔmɛ á ŋá ƴãw a nyɩ tɛra pʋɔ.

Kɔlɔsɩ 1:10

À ŋá n'a nyɩ na maalɛ a Naaŋmɩn yã-nɔn za, ɛ́ vʋʋrɛ nyɔ-vʋʋrʋ na sɛw taa nɩ ʋ a. Nyɩ na maalɛ nɩ ɩ-vɩɛlɩ bʋʋrɛ bʋʋrɛ za, ɛ́ lɛb bãwnɛ a Naaŋmɩn dɔwlɛ.

Kɔlɔsɩ 1:6

A Yel-nʋ̃ɔ̀ manɛ na yaarɛ ɛ́ wɔnɛ wɔmɛ a tẽ-daa za zu, mɛ̃ a lɛ ʋ na tɩ ɩ a nyɩ sɔgɔ a ʋlɩ bibir nɛ za nyɩ na wõ bɛ ƴɛ̀r a Naaŋmɩn maalʋ ƴɛ̀rʋ, ɛ́ nyɩ nyɛ̃ lɛ ʋ na sɩrɩ ŋmɛ̃ a.

1 Tesalonikɩ 2:18

Al ƴãw n'a tɩ tɩ bɔbr kɛ́ tɩ wa a nyɩ zie, ɛ́ a mãa Pol a, ɩ̃ ɩ na kaa gb'aa ŋmɩn za, ɛcɛ a Sɩtaana tɩ piw tɩ nɩ a sɔ́r.

1 Tesalonikɩ 4:13

Yɛbr i, tɩ bɔbr'a kɛ́ nyɩ bãw a yel-mɩŋa na càarɩ a bɛlɩ dem na mɩ́ kpi a, kɛ̀ nyɩ ta tɛr pʋ-sãwna mɛ̃ a bɛlɩ dem na bɛ ƴãw a bɛ tɩɛrʋ a Naaŋmɩn ƴãw a ɩ.

2 Tesalonikɩ 2:7

Bʋ̃ʋ n'ʋ vɛ̃, a faalʋ kpɛnʋ na sɔwlɩ a tĩ na tone baarɩ, ɛcɛ a sob nɛ na nyɔw ʋ tɛr a wa bɛr ʋ vuo a, ʋ na yi n cãàmɩ́ ʋ za.

2 Timote 4:17

A Sore ʋl sõw mɛ̃ na. Ʋ kʋ̀ m'ɩ fãw yaga k'ɩ̃ɩ tʋ̃ɔ́ hieri yel a Yel-nʋ̃ɔ̀, ɛ́ ɩ a nɩ-bʋʋr-yoru za wõ ʋ. Ʋ faa mɛ̃ nɩ a gbẽw nʋɔrɩ́.